الأخ كايدهم ;)

إقتباس أحس ان هالــموسم بـيكون بإذن الله غير طبـيعي للهلال و لسـامي ..

بإذن الله , الموسم هذا بيكون موسم خير و مطر و بطولات
و مثل ما قلت سامي ((ناويهم)) ;)

الأخ albattar :
اذا كان كذا , ترا فيه ((راعي البنشر)) حق حارتنا يسمونه ابو عبدالله و كان يلبس فنيله رقم تسعه تحت الثوب

خلق و فرق و انا اخوك ;)

الأخ شاعر@الزعيم :
اجل اكيد انت وجه السعد ;)

الأخ كليب وائل :
حياك عزيزي , و كل عام و انت بخير

إقتباس بس نسيت اقول لك ان كل الجرايد الهلالية و الغير هلالية كاتبين في تحليل المباراة ان سامي هو نجم المباراة ما عدا جريدة الرياض اللي ما كتبت الا ان سامي اخذ كرت اصفر وراح يتوقف

الله يهديك يابو وائل
الحين كلام الرياض هل بيكون اكبر و اثقل و اشين من الكلام الي انكتب على سامي في السنوات السابقه و بالتحديد منذ عام 1410
يا رجال وسع صدرك , ابو عبدالله معطيهم (الخامس) و هذا الي قاطع قلوبهم .
عمومآ جريدة الرياض الظاهر انهم ما استفادوا من الي جا زملائهم جريدة الجزيره يعني لازم نقلب الموجه عليهم ;)

الأخ الفيصل الهلالي :
الله يسلمك من كل شر
و الأظهره مقدور عليهم اذا تواجد لاعبي وسط مميزين , و هم موجودين , نواف و الشلهوب و الغامدي و عزيز , يكفون و يوفون

للردود بقيه ,,,,,,

هلا بأهل كندا كلهم ( فانكوفر ) تحديداً ...

موضوع رائع ... وبإذن الله الهلال قادم ... لكن أعتقد أن هناك تفاؤل مبالغ فيه بسبب هذا الثلاث نقاط .. وكأن الهلال حقق المركز الأول !

لا زال الوقت مبكراً لبداية الأفراح .

هلالي من السويدي مؤقتاً ....

هلالي من كندا مع وقف التنفيذ ...

كل عام وأنت بألف خير يا ( وجه الخير ) ....

يا ويلك ياللي خصمك لابس أزرق رقمه تسعة اول حرف من اسمه سامي بن عبدالله الجابر ...
خاصةً إذا كان في الفورمة ...

اخوي هلالي فرووووم كندا والا الرياااض اللي تبي

وانا اقوول وش الطاري ورى الهلال لعب زين في مباراة الاتفاق اثريك انت اللي حاضر

دام الدعوه كذا ورى ما تستعجل وتخلص علينا وتحضر مباريات الهلال على حساب ابو لما<<----(حطها بابو لما )

إقتباس لم تكن مجرد مباراة عابره و ثلاث نقاط تضاف الى خزينة الزعيم في مسيرته نحو البطوله و الكأس , و انما هي اكبر من ذلك بكثير ..... فيها إثبات بأن الهلال في ايد امينه , و انه مازال قادر على المنافسه و المقارعه رغم ما اصابه من عقبات و صعاب كانت كفيله بأن تنهي اي فريق غير الزعيم

صدقت فلقاء الاتفاق لم يكن لقاءاً عابراً فهو رد سريع على كل من شكك في قدرة الهلال على المنافسه.

إقتباس احد الأخوه الأفاضل اخذ ( يتميلح) و لقبني بوجه السعد

ايه وجه السعد ونص والا مهووب عاجبك؟ <<------وش عنده ينفخ

إقتباس @@ عوى الذيب يا ساري @@

الله يعين البعض على هالعووووووده القويه لذئبنا.

إقتباس و ياويلك من كان خصيمك ذيب ازرق , لابس رقم تسعه , و اول حرف من اسمه ابو عبدالله

صدقت والله

تحياتي

هلا وغلا بوجه السعد

إقتباس يعني تصفيق على طول الموسم و الي ما يشتري يتفرج

وهذه عادات أبو عبدالله ..
بعد كل ( خنبقة ) تخرج من أفواه المعتوهين تأتي ( صفقة ) بل ( صفقات ) من هذا الأسطورة تخرسهم وتقطع ألسنتهم لكي لا ( يخنبقوا ) مرة أخرى

تحياتي وتقديري لك يا غالي

الأخ Raed :
حيا الله صاحب التغطيه المميزه ;)
طيب وش رايك اعطيك صورتي و تاخذها معك للملعب , يمكن تنفع
الرسول الكريم قال تفائلوا بالخير تجدوه , و نهانا عن التَطَيُر .....
الف شكر لك يا (((أخ))) ;)

الأخ صــدى الزعيــــم :
مشكور و يعطيك العافيه

الأخ MAX MAN :
الله يسلمك و يطول عمرك
بس ما قلت لي غداء و الا عشاء

الأخ ابوتركي الهلالي :
صح لسانك اخوي هذا الي ناقصنا فقط هو دعم الجمهور و الباقي على الله ;)

الأخ هلالي الرياض :
شاكر و مقدر كلماتك اللطيفه و اتمنى ان اكون عند حسن الظن دائمآ
و بالنسبه لك الله يوصلك بالسلامه انشاءالله , و الملعب يحتريك على احر من الجمر
بس لا تخلينا يوم 29 - 10 - 1423 بس مدري هو غداء و الاعشاء

الأخ محمد ابولما بيكاسو المنتدى :

إقتباس وما أوجعك رأسك .. وما حسيت بحموضة .. ؟؟؟

لا و ازيدك من الشعر بيت
بديت احس ان تسبدي تنقز مر
لكن الشكوى على الله

إقتباس اللهم آمين يغرقهم كل أبوهم .. وبالذات الثلاثة اللي في بالي .. اللي بنلعب معهم وراء بعض

يا واد يا عنيف

إقتباس ونبيه يستمر الى نهاية آخر مباراة هالموسم ... وأن شاء الله بعزيمة الشباب والقدير بلاتشي بتحلى أكثر وأكثر

بأذن الله بيستمر , بدعم الجماهير و وقفتهم مع الفريق كل شئ بيحلى انشاء الله ;)

إقتباس والله يا خوي تستاهل ..

الله يسلمك و يخليك اخوي ابو لما
تحس ان الموضوع صار رسمي

إقتباس وهذا اللي مخليهم ( مافي مخ ) وأنواع المسامير اللي تفكفكت من ركبهم الله .. يقولون هذا الاتفاق اجل لا جانا وش بيسوي ؟؟

عشان سامي يشرب حليب و ينام بدري و لا يتتن و يسمع كلام المدير .... صار كذا ;)

تحياتي لك بالألوان

للردود بقيه ,,,,,,,,,

هيه هيه هيه لا تلزق في رائد وتقول له أخ بين 3 أقواس !
يعني عشانه راح للخرج يغطي المباراة صرت تتمصلح معه ؟!
صح إن رائد من جنبها ولا هب فاهمها بس انا كافشك ...
العضو العزيز رائد انتبه له تراه بيتمصلح معك !

الأخ فاهم جدا :

إقتباس وجه السعد وفال الخير الغالي

<---- واحد متشقق

إقتباس هلالي من الرياض

الله يسمع منك , بس شكل الدعوه مطوله

إقتباس اقول شكلنا بنحط قطه على كذا ونشتريلك تذاكر مباريات الهلال كلها هالموسم

و الله انت خليتني اغير خطتي الخمسينيه
ترا انا افضل الكرسي الي واجهته شرقيه غربيه عشان اذا هبت شمال يمديني اتلطم
بس العرض شامل الفصفص و الشاهي و الا وشلون

إقتباس بس البلشة بتصفيات العين وبطولة الخليج في قطر يبيلنا ولد نعمة يتكفل بك ..على الأقل تذكرة الطيارة .. والا تدري عندي مازدا 83 تنفع

يا رجال وسع صدرك
انا موافق حتى لو تحطوني مع العفش
اما مسألة مازدا 83 خذوا ابو ريمان بدالي

الأخ smsm9 :
حياك الله اخوي , و يعطيك العافيه

الأخ ابو محمد الهلالي :

إقتباس ياهلا وغلا .. هلالي فروم السويدي

وشو حشيشه

إقتباس اولا الحمد لله على السلامة .. وبعدين انا اقول ملعب الملز منور بزياده ليش

الله يسلمك من كل شر
و بعدين الملعب منور عشان فيه كشافات ;)

إقتباس لاتغلط يااخي

طيب لا تدف ياخي

إقتباس الله لايخلينا منه ولا يخلينا من مواضيعك

و لا يحرمنا من ردودك ;)

الأخ ابو يعقوب وبس :
صادق و انا اخوك
و ليس الهلاليين من يقيم الأفراح لمجرد الفوز بمباراة عاديه
لكن القصد هو الفرح بعودة الروح و تحسن المستوى و اقتراب الزعيم من مستواه المعروف ;)

الأخ abu_riman :
هلا بك يالحبيب
و لا تقول وجه الخير لأنه يذكرني بمنتخب الخير

الأخ منادي :

إقتباس وانا اقوول وش الطاري ورى الهلال لعب زين في مباراة الاتفاق اثريك انت اللي حاضر

ياخوي لو يدري عني عبدالرحمن بن سعود
كان صرف لي راتب و شغلني عندهم , ارخص من حقين نيجيريا و جزر الواق واق

إقتباس دام الدعوه كذا ورى ما تستعجل وتخلص علينا وتحضر مباريات الهلال على حساب ابو لما

ابو لما و الله ما يقصر
بس انا خايف لو شرا لي تذاكر و لا رحت وش بيصير
طاخ طيخ طووووف <----- صوت خشتي وهي لازقه بعمود الخيمه

إقتباس ايه وجه السعد ونص والا مهووب عاجبك؟

تصدق بديت اشك انك انت ابو لمـــــــــــــــــــــا

الأخ افتخر اني هلالي :

إقتباس لكي لا ( يخنبقوا)

عاجبتني (يخنبقوا) فيها سجع موسيقي ;)

الأخ abu_riman يا كثرك :
صراحه ما الوم مشرفين المنتديات فيك
يا حبك للبربسه
اقول ابو ريمان وش اخبار الكنبــــــــــــــــــــــــل
يا حبني لك ;)


تحيــــــــــــــــــاتي ,,,,,,

إقتباس إقتباس من مشاركة Hilali From Canada انا موافق حتى لو تحطوني مع العفش اما مسألة مازدا 83 خذوا ابو ريمان بدالي الأخ abu_riman يا كثرك : صراحه ما الوم مشرفين المنتديات فيك يا حبك للبربسه اقول ابو ريمان وش اخبار الكنبــــــــــــــــــــــــل يا حبني لك ;) تحيــــــــــــــــــاتي ,,,,,,

ههههههههههههههههه ................. لا تعليق ؟!؟!؟!؟!؟!؟!
أخوي الغالي والغالي جداً جداً جداً ................ ابو ريمان
أولا ...... هد اعصابك
ثانيا ...... شكلك انت الي تتلزق اول مرة يصير واحد من الي تعرفهم مشهور ;) خلك طبيعي وانا اخوك ;)

نحياتي لك