.مواقف الرجال في ايام العسل





وحده تقول في يوم من الايام حبيت افاجئ زوجي واسوي له مفجاءه


شريت الاضاءه الي ترشينها على جدران الغرفه كلها وتعطي جو خيال هذى بتصوري ما دريت انه بينقلب علي


الموهم تقول انتظرت زوجي لين ينام وبعد مده بسيطه نام لانه كان جاي تعبان حيل


مسكت الانوار وكسرتها ووزعتها على كل جدران الغرفه كلها ومن فوق بعد


صارت الغرفه كنها فضاء..و رحت تكشخت وصرت انا دي عليه بصوت رومنسي وهادي


ابيه يصحى بدى يفتح عينه شوي شوي وانا مبسوطه وشاقه الخشه بعد من الوناسه


وفجاءه الرجال نقز من السرير ويصرخ استغفر الله استغفر الله وانا مدري وش السالفه


الموهم وصل عند باب الغرفه وسجد وانا متنحه مادري وش السالفه رحت له وقلت له فلان


وش فيك قال القيامه القيامه...


طلع الرجال صحته الحرمه وشاف الفضاء على باله انا جدران بيته طاحت والنجوم والكواكب بدت تطيح عليه خش جو ههههههه


قالت له انا حبيت اسوي لك مفاجاه قال بلا مفاجات بلا خربيط
صارت رده فعله قويه وزعل علي ساعات بسيطه


وما قدر ينام الا والنور يشتغل الله لايعيدها من فكره لا قدرت انام عشان النور
ولا فيه سهره بعد هههههههه


بس من جد مو قف كل ما ذكرته قلت له القيامه هاه ههههههههه

طيب شوفوا الموقف هذا وحده تقول


تقول توني جايه من عزيمه وهلكانه ادور الفراش حطيت راسي على المخده ونمت
وزوجي كان جالس على النت عندي المهم
تقول مادري شا يفه حلم مادري كابوس بس والله ما ذكره
ماذكر الاشئ واحد قمت من النوم وصرخت صرخه مفجوعه واقول النااااااااااااااااا اار
واطمر من على السرير بطلع من الغرفه وزوجي كان جالس يوم شافني صرخت
قام طمر هو بعد ويركض معي ونتحاشر انا وياه عند الباب لان بابي مايفتح كله
وانا اصرخ بطلع وهو يقولي وخري بطلع
منحاش معي ههههههههه
المهم يوم طلعنا وقفنا عند الباب وقالي هيه وش فيك
قلت هاه مدري ودخلت وحطيت راسي وكملت نومي
وهو انسدت نفسه من النت ونام
هههههههههه.

والا هذي تقووول كنت انا عروس


زوجي من النوع اللي يقدر طبخ البيت..ومن اول ما اخذني وهو يقول انا ديني ودين الواحد اللي يجي يتفلسف علي


.. المهم بديت اتفنن عنده طبعاً بالطبخ مو من خبره بس الله يعز كتب الطبخ


فمرة كنت ابغى اسوي صدور دجاج مقلية فقلتله الله يخليك حبيبي(كنت رومانسيه مره) ابغى من السوبرماركت


بقسماط .... فسكت شوي!!!!!!!!!! وسكت.......؟؟؟ طول سكوته


فقلت له ... وش فيك عمري ساكت قال وش تبغين .. قلت بقسماط


قالي شوفي انا قلتلك من اولها ترى انا ما احب الفلسفة الزايدة .. ماله داعي تقولي بق سماط قولي ابغى سماط كبير


وخلصنا هههههههههه هو فاهم انها فلسفة واني قصدي بالبق يعني كبير


فأنا وقتها صراحة مت من الضحك وانا اضحك هو يطالع واضحك وابغى اقوله انك فاهم غلط مني قادره


زعل وطلع ......هههههههههههههه ه ههههههه بس الى الأن وانا اقوله


هاه سماط كبير هاه

هذا موقف طاااازج واحد راح للشوفة وبعد ما راحت البنت قال لابوها خلاص اصلي صلاة الإستسقاء وارد لكم

والا هذي تقول رايحه مستوصف مع زوجي فيني زكام واحتقان بحلقي ودكتور الانف والاذن والحنجره اسمه محمد اباظه ويوم وقفنا عند ال استقبال قالوا مين تبغون اي دكتور قال زوجي نبغى الدكتور رشدي اباظه وتعرفون رشدي اباظه اسم ممثل مصري قديم وتعالوا امسكوني والله بغيت اموت من الضحك وزوجي مصر ان اسمه رشدي اباظه وابغى اقوله تراك غلطان والله ماقدرت من الضحك وانا فيني مشكله اذا حاولت اكتم الضحكه تزيد المهم ضحك اللي في الاستقبال وقاله قصدك الدكتور محمد اباظه
النكته الثانيه يوم علمت اخواته عن الموقف الا تقولي اخته الكبيره انها غلطت نفس الغلط