بسم الله الرحمن الرحيم..
السلام عليكم والرحمة..
كل عام وانتو والزعيم بالف خير بعد الزحمة
مشكلة تواجهني كل مرة اكتب فيها موضوع وخاصة موضوع يخص زعيم اسيا..
كيف ابتدي الموضوع..
بس هالمرة يمكن ابرز شي اهو..
((عبدالله بن مساعد والرئاسة))..
مبروك لك يا اميرنا ((الهلالي)) واركز على هالكلمة مبروك عليك الرئاسة واتمنى ان ترجع الهلال مثل ماكان واحسن وهذا اللي كلنا متوقعينة اذا ماكنا متاكدين منة..
صحيح ان كرسي الرئاسة ظل مدة طويلة فارغ((كالعادة طبعا)) بعد مايستقيل رئيس تصير لنا هالدوشة حفظناها لكذا اتمنى من الرئيس الحالي ((مع اني ما اتمناها وبدري عليها كثير)) قبل لا يستقيل يعين رئيس جديد هو من وجهة نظرة راح يكون الافضل للهلال بعد الرحيل على الاقل راح نوفر تعب وعناء وشد اعصاب وخسارة نقاط من مبارة مع الشعلة والطائي ((مع احترامي الشديد لناديين))..
ولكن ما اعتقد ان مبارة دوري عادية مع فرق اقل منك مستوى والتاريخ والكل يشهد تستاهل ان تهتز شباك عملاق اسيا وتصوم اقدام زعماء اسيا عن التهديف..
اتمنى ان كل رئيس لتكلمة جميلة ان يعيد رئيس من بعده..
((سامي الجابر))..
اااااااااه يا ابوعبدالله ايش اللي اقولة وايش اللي ما اقولة..
*اتكلم عن الصحافة ((الهدامة)) اللي تجمل كلماتها بقناع يسمونة النقد البناء واهو للاسف اداه للهدم لا اكثر ولا اقل..ماراح اتكلم عنهم لاني وحدة من الملايين اللي تحب ونعرف سامي حق المعرفة وانة اعلى وارفع من كلامات قالوها اهم بناء على رغبة خسية داخل قلوبهم لاعتلاء القمة على اكتاف المبدعين امثالك يا سامي..
*ولا اتكلم عن الناس اللي يعرفونك ويعرفون قد شنو اهما محتاجين لك ومع ذلك ما انصفوك..
واكبر دليل توقيع العقد والمستحقات المالية المتاخرة والمتاخرة جدا..
*ولا الهجوووووم الناري من بعض محبي الهلال هداهم الله ..
اللي يقول..
منهو سامي عشان يطلب مليونين ريال سعودي..ما ادري اهما نسوا ولا تناسوا ان سامي اهو من افضل 32 لاعب بالعالم..نسوا ان سامي اللي قدم حبهم على حب الكل نسوا ان سامي اهو المبدع والهداف وصانع اللعب بالمنتخب والهلال صعب اني احصر ابداعات سامي الكروية..وربي صعب بس اقولها كلمة(( سامي كبير)) ..
((العشق الابدي بين اصابة الرباط الصليبي واالاعب الهلالي))..
اصابة الرباط الصليبي من اقوى واصعب الاصابات في عالم كرة القدم وهذا شي مفروغ منه..اما الشي اللي محيرني اهو لية بالذات الهلاليين اهما اللي ينصبون بهالكثرة ثلاث لاعبين فرد مرة..
قوووووووية ..وياليت لاعبين مو مهمين الا لاعبين لهم ثقلهم ..
هل اهو عيب في ارضية الملاعب السعودية هل اهو عدم لياقة بدينة او جهل بالاوضاع الصحيحة في اللعب والتسديد..او مرض وراثي موجود في الفصيلة الزرقاء؟؟!! الله ورسولة اعلم..
اتمنى ان هالنقطة تندرس من قبل الجهات المختصة ومفروض مثل ماشكلت لجنة للخصخصة واللي راح تطبق بعد ماينقرض شي اسمة كورة..
يسوون لجنة متخصصة للاصابات .. دام الدعوة مجرد اسم ولا انا غلطانة؟؟!!
((المدرب الراحل والمدرب القدام))..
قبل مايرحل ماتورنا كاااااان معظمنا حنا يالهلاليين ضدة ((هذا اللي شفتة بالمنتدى))..
اما لما رحل الكل صوت مع تكريمه اهو مع مساعدينة
غريب امركم يالهلاليين يعني الواحد لما يكون معكم ماتبونة ولما يرحل يعوركم قلبكم عليه..
انا صراحة عندي راي بالنسبة للمدرب ماتورنا..
اهو مدرب جيد ولة سمعتة بس لا تنسون الاوضاع اللي كانت محيطة بة والمسؤلية اللي حملها المتحاملين على الهلال بعد كاس العالم واللي صار فية من مسؤلية ارجاع مابقي من امجاد الكرة السعودية ولما خسرنا البطولة قامت الدنيا ولا قعدت واللي يقول كاننا اول ناس نخسر او تضيع بطولة عندنا..
والشي الثاني الوقت اللي اجى فية كان صعب من جد صعب..
رئيس جالس يجمع بقايا رئاستة اللي ندد بها اللي ينحسبون علينا اعضاء شرف واللي مانشوفهم بالسنة الا مرة واللي كل الاعضاء((اعضاء المنتدى)) وهذا اللي استغربت منة يقولون انه اهو السبب في اتمام معاملات رئاسة الامير عبدالله بن مساعد..
واهو اللي وجودة دعم كبير للهلال
يمكن انتو على صح دام المعني بالكلام كرم قلعة الغربية وترك الزعيم بلا تكريم..
ولسة تقولون لي انه كذا وكذا وكذا..
المهم نرجع لمحور حديثنا
اللي اهو ماتورنا والاضواع اللي احاطت فية صراحة الكل يعرف الاوضاع ومايحتاج اعيدها ولكني حبيت اطرق لغاية في نفسي والحمدلله انقضت هالغاية..
ماتورنا في راي الشخصي والذي يحتمل كالعادة الصواب او الخطاء..
كان في بالة ان يعيد تاسيس الهلال كان حاط في باله ان الهلال سقط من قمة المجد لكذا كان متصور ان الرجوع للمستوى او للقمة بخطوة خطوة..ما ادري هل هو تجاهل لامجاد الهلال وهذا اللي ما اظنة او عدم دراية او سوء تقدير..
اللي صار للهلال انة ماقدر يحافظ على مكانتة بالقمة وتراجع للخلف بضع خطوات لا اكثر ولا اقل..
فكان من المفروض على ماتورنا انة يفهم هالنقطة زين بس للاسف باين الرجال مافهمها..
وهذا طبعا كله من وجة نظري..
بلاتشي والجمعان والجابر ثلاثة خايفة من تواجدهم مع بعض..
بلاتشي راجع وفية في داخلة غاية يبي يسويها...
وياخوفي تكون غير الظاهر..
محد نسى ايش صار في قطر ولا حاجة لي في التقليب باوراق الماضي اللي مفروض ناخذ منة الدروس فقط وننساه ..
بس اذا تبون الجد الخوف مو من سامي سامي قال بعد مارجعنا انة مابينة وبين بلاتشي اي شي بالعكس واللي اكد هالكلام جواب المدرب لما سالوه الصحفيين عن نوع العلاقة مابين الكابتن والمدرب..
بس اللي مخوفني جد اهو الجمعان..
برضوا ما اعتقد انكم نسيتوا اللي صار بسوريا..
سامي عاقل ولكن الجمعان؟؟!!
انا لا انفي صفة العقل عن عبدالله لا بالعكس اكبر دليل انة عاقل انة ماراح للاتحاد بعد كل اللي صار ..
ولكن عبدالله صار يخوووووف من جد يخوف يعني صرت اخاف انة يلعب ويسوي شي..
واللي مخوفني اكثر تباطئ الرئاسة الهلالية والمسؤلين الهلاليين عن فرض عقاب صارم يردع عبدالله انا ما اقول هالكلام حقد علية او كرة او اي شي من هالقبيل بالعكس عبدالله حبيبنا كلنا وياما فرحنا بصواريخ منة..اذا خميس اللي اهو خميس لما راح للاتحاد ماحقدت عليه شلون بحقد على عبدالله اللي لي الحين مابقلبة الا الهلال..انا ما ادري ايش اللي بقلبة ولكن اللي باين لي انة هلالي..
اتمنى ان الهواجس اللي براسي ماتكون صحيحة عن بلاتشي واللي احتفظ فيها لنفسي عشان لا تهوجسون معي تالي نصير هواجيس مو مشجعين
وبصراحة بلاتشي مكسب كبير للهلالين وانشاء الله تكون رجعتة فيها الخير..
((الهلال الفريق الشبابي))..
الحمدلله ان قدمنا مستوى ربما متدني في البطولة السابقة اللي تحت 23 سنة اذا ماكنت غلطانة..
ولكنا قطفنا ثمار صبرنا لاعبين ولا اروع لولا الاصابات والتغيب ولا مسؤلية صراحة من البعض..
فاتمنى ياشباب ان ماساة العتيبي ماتنعاد..
يعني بشووووووويش على االاعبين الشباب تراهم بشر يغلطون يوم يومين ثلاثة يخطي بالاخير راح يتعلم..وتحية كبيرة صراحة الى النجم الواعد((بدر الخراشي ))..
واقولة الحمدلله على سلامتك وماتشوف شر..
((البلااااااعيم اللي ماتتسكر))..
والله عنوان حلو..
حيرة مثل هالحيرة اللي وضعنا فيها الجار النصراوي انا صراحة ماشفت..
اجل يوم ان الهلال اناخذ منة 8 لاعبين قالوا هذا فية مجاملة للهلال على حساب الاندية الاخرى وظلم للوجوه الشابة..هاذي الكذبة اللي انكشفت ايام البطولة اللي تحت 23 سنة..
جلسوا يدورون لهم لاعبين من تحت الارض والدليل ان القبوول كان عشوائي بطريقة غريبة جدا..
وكل ماخسروا قالوا هذولي شباب انا مالي شغل بيخسرون يفوزون هذا شي راجع لهم المهم انهم مايمثلون الوطن وهذا صرت اعتقد انة قريب من المستحيل والواقع اكبر دليل..
المهم والشي الثاني يوم اناخذ لاعبين من الهلال وهذا اللي موتني ضحكككككككككك..:p :p :p :p :p
اخذ لاعبين ماياثر على مستوى الهلال بالدوري..
يقولون شر البلية مايضحك
وعلى طاري النصر ترى رمزهم لي الحين يتكلم في الفضائيات عن ظلم ابو زندة على الاتحاد واللي قتهرني ان الهلاليين يقولون ان الهلال ما استحق البطولة ليش ان الاتحاد انظلم ما اقول الا راجعوا المبارة وراح تعرفون من الظالم ومن المظلوم..
النصر لو يخسر من الهلال 1-0 ويكون الهدف من خارج منطقة الجزاء يعني لافية لا تسلل ولاشي وبعيد كل البعد عن الشبهات راح يطلعون ويقولن الحكم ظلمنا لكن خسارة 4-2 من الاتحاد عادي وجدا عادي..بس انا من جد استغربت ان النصر ساكت عن هالخسارة مو العادة..بس الظاهر البلوي داهن السير;)
((الاتحاد وراي خاص))..
صراحة الاتحاد من اكبر الاندية ويكفي انة العميد ما اختف مع اتحادي في هالنقطة لكنة هالعميد ما اجى من فراغ اجى من سرقة لاعبين الاندية ومايحتاج اتكلم ولكن حبيت ابين وجهة نظري..
همسات في اذن..
((نواف التمياط))..
مبرووووووووك الف مبروك عقد القران وعقبال اشوف بندر واخوانة
وترجع بالسلامة وحشتنا وحتى الملاعب وحشتها طلتك..
((يوسف الثنيان))..
دعاء من القلب الى رب العالمين ان يشفي امك ويرجعها سالمة لكم انشاء الله..
فرحتي كبيرة اليوم لما سمعت انك راح تلعب من جد وحشتنا واهم شي انك راح تغني لنا دويتوا ولا اروح مع الذيب..وهمسة خاصة جدا جدا..
بلاش تعتزل خليها لوقت ثاني..نكون فيه شبعنا من فنك وهذا المستحيل بعينة..
((محمد الدعيع))..
انشاء الله وباذن الله راح تعيد لنا ايام الـ95..
الله معاك..
((محمد الشلهوب))..
انت كلمة مبدع قليل عليك..
الله يحفظك لنا ويحفظك من الاصابات ودوم انشاء الله على هالمستوى الرائع..
((احمد الدوخي))..
وحشتـــــــــــــــــــــــــــــــــــــــــــني موت يالغالي..
متى ترجع..
(( تركي الصويلح& فيصل الصالح& بدر الخراشي))..
الحمدلله على سلامتك وترجعون قريب باذن الله..
(( فهد المصيبيح & منصور الأحمد))..
عودة موفقة انشاء الله..
((سامي الجابر))..
اتمى انك تعود مثل قبل واحسن وتمتعنا بفنك ولعبك ولايهمك العذال..وبلاش الصيام عن الاهداف.. ;)
وهمسة خاصة جداااااااااااا..
متى راح تكحل عيني بشوفة عبدالله الذيب الصغير..
((المسؤلين والقائمين على المنتخب))..
ابعاد عمودين من اعمدة المنتخب ضربة قوية للمنتخب..
اتمنى انكم ماتندموا عليها..وايش الفايدة اذا خليتوا بالمنتخب دماء جديدة وهالدماء فاسدة..
((اعضاء شبكة الزعيم))..
اثبتوا لي وبجدارة انكم اخوان يصعب التخلي عنكم..
اتمنى اني ماثقلت عليكم وبالتوفيق للزعيم اللية وهالله هالله بالردود والنقد السنع..
تحياتي لكم..
اختكم..
redheart
بعد توقف اصوات الخطر..هل نرى في السماء قمر؟؟!! 
الوضع العادي
