على مين تلعبها ,,, على ميئيئين يا ولد دوغلاس <~~ صديقي النصآآآب ,,, بالمستندات والصور ^_^ - نادي الهلال السعودي - شبكة الزعيم

BEST_01 · #1 14/10/2010, 03:24 PM

..........................................&*& مدخـــــل &*&

قبل لا ابدا في موضوعي هذا ,,, حبيت اعتذر منكم جميعا لقلة ردودي على مواضيعكم الجميلة الاسابيع اللي راحت كلها
وللامانة كنت امر عليها مرور الكرام وتمنيت لو الوقت يسعفني وارد عليها ,,, لكن الظروف ما سمحت لي وقتها

برايفت لسعود >> الظروف طبعا زيك عارف هي نفسها ظروفي العائلية بعد الملكة والاشغال اللي تجي معها
وازيدك من الشعر بيت ,,, الشبكة كانت قبل اسبوعين ,,, يعني الاعذار الجديدة بتزود شوي ,,, وانت خصيم نفسك <<

كان يا مــــــــــــــكان ,,, في قـدييييييم الزمـان

سالف العصر والاوان ,,, وتقريبا قبـل رمضان

وبينما كنت اتسردح واتمردح في شقتي طبعا

,,, لاني ما احب اطلع في هالديرة وقت الصيفية ,,,
انوااااااااااع الزحمات

اول مرة اشوف اشارة السيارات واقفة على 3 كيلو منها من قوة الزحمة

<<< كنه بدا يمارس هواياته ويشطح برا الموضوع

وكان ضميري يؤنبني وقتها ,,, لاني سحبت على صيد الانترنت ولا نزلت فيه مواضيع من زمان

هذا غير الركود اللي شفته فيه وحمسني ادور موضوع انزله ,, ننشط الصيد شوي

<<< وش عنده ماجد مقبل

و غير طبعا السبب الاساسي ان بعض الناس خلص الفيسات علينا وما خلانا نقدر ننزل مواضيع براحتنا

المهم قلت هذا وقته الايميل الانتحاري

<<< ايميل حاطه للقروبات والشغلات هاذي ,,,, يعني عشطرطعش رسالة جديدة احصلها فيه

فطبعا هو كان لاحقة الجفاء مني ولا فتحته من زمان ,,, فرحت افتحه واتمقل الرسايل اللي فيه واقرا مواضيعها بس ,,,

ما فيني من يقرا كل شي ,,, الف رسالة ,, الحق ايش ولا ايش ؟؟؟

وكان الايميل هذا غريب شوي !!!!!!!!!!!!!

لاني كل يوم احصل فيه النصابين حقين الاموال متسلطين عليه بالرسايل

,,,,

<<< الحمد لله بدا يخش بالموضوع

اللي يقول عندنا لك فلوس ضايعة

,,, واللي يقول مليت من فلوسي وقلبي انفتح لك وودي اعطيك اياها

واللي يقول انا ورثت ملايين وودي استثمر عندكم ووثقت فيك وابيك تستلمها وتستثمرها عندكم

وكانوا كلهم يعني يحطون مبالغ معقولة ,,, يمدي الواحد يشوفهم ويقول لاقيني انت ويمشي

يعني 800 الف 900 الف وان خربوها مليون ونص ,,, وان طقتهم الحمى مليونين ومعها كسور لزوم النصبة

عشان يقول ارسل لي كم الف دولار اخلص بها إجراءات ارسال الفلوس لك ,,,, وبعدها يسحب عليك

الا واحد حسيت انه مخربها بقوؤوووؤوووؤووؤة ,,, حاط 10 ملايين ونص دولار !!!!!!!!!!!!!!!!!!!!!

انا دريت انه ثور قاعد

,,, وتوه طايح في النصب وما عرف يجيبها صح ,,

قلت بسسسسسسسسسسسسسسسس

,,,, هذا لعبتي

اللي بقطع به وقت هالايام

واسوي نفسي مصدقة عشان يعيش الجو هو بعد ويوسع صدري

,,, كانت هاذي اول رسالة ارسلها لي ,,,

وهي اللي جنت عليه وخلتني اتمسك فيه واخليه صديقي اللي ما مثلُه

--------------------------------------------------------------------------------------------------------------------------------------------------------------------

بصراحة كلف على عمره ,, ما خلا شي ما قاله ,,,

من اولها بادي باكشن واني راح انصدم من الرسالة <<< أي والله بانصدم من كذبك اللي فيها

وجلس يعرف باسمه وانه حق المدفوعات الفدرالية في نيجريا

<<< ويبيني اصدقه بعد وهو هناك !!!
وان لي مبلغ متعثر هناك عندهم قيمته 10 ملايين ونص دولار ,,, وان فيه ناس صار لهم مثلي وردوا لهم حقوقهم

وجلس يصرف لي اساميهم هذا السيد دونالد كيث وهاذي السيدة كامي تورنر <<< وانا عرفتك اصلا يوم تقول لي هالاسماء

وسبحان الله سبحان الله هو كان مرسل واحد في الخليج يجمع المبلغ حقي هذا ,,, صدفة طبعا

ولازم اراسله عشان يبدا في اجراءات التحويل

قلت ما طلبت شي ,,,
وارسلت له مشكور وما قصرت ومقدر لك هالتعاون منك

<<< الخ من الترييش عشان يعيش الجو صح

بس وش مطلوب مني الحين عشان ننهي اجراءات التحويل ؟؟؟؟؟

,,, الا ويرسل الرسالة الثانية ,,,

و ما صدق خبر انه حصل واحد خفيف مثلي كذا

----------------------------------------------------------------------------------

--------------------------------------------------------------------------------------------------------------------------------------------------------------------

شوفوا وش حليله خايف علي

,,, يقول اجل نبي نمسك الفلوس حقتك يوم انك ما تدري عنها

وانت بس ارسل لنا معلوماتك وازهلها ,,, مالك الا الفلوس تجيك اليييييين حسابك

وانا اكمل اعطيه جوه ,,,

رقعت له اسم وعطيته رقم جوال عندي بدون اسم لاني كنت ادري انه راح يدق علي

... الخ من الترقيع اللي طلبه

وتراه دق علي ,,, بس وقتها كنت مشغول مع اهلي اليومين اللي كان يدق علي فيهم

,,, واشوا ارسل الرسالة الثالثة ,,,

وتطمنت انه ما جا في خاطره ولا شي

--------------------------------------------------------------------------------------------------------------------------------------------------------------------

بس كان يعاتبني ليه ما رديت عليه طال عمره

,,,

بس انا جبت له تصريفة حلوة ,, كنت ابي اكمل معه ماله داعي يخرب المقلب كذا

قلت له انه ما كان يطلع لي رقم عشان كذا ما قدرت اكمل المكالمة معك او اكلمك مرة ثانية

<<< كان يجيني رقم خاص

,,, بعدها عاد ارسل الرسالة الرابعة ,,,

--------------------------------------------------------------------------------------------------------------------------------------------------------------------

تعذر فيها وقال ان المشكلة من عندهم بالشبكة ذاك اليوم

<< والله من جده ذا شايفني خفيف

بس يبيني الحين اراسله عشان يعلمني باقي الاجراءات اللي لازم اسويها

وانا بعد قلت وش ورانا عطه جوه ,,,

وسالته وش المطلوب طيب !!!!!

,,, وارسل لي الرسالة الخامسة ,,,

اللي بيبدا فيها الاكشن اللي كنت انتظره من زمان

--------------------------------------------------------------------------------------------------------------------------------------------------------------------

يقول لي انهم بس يبون 2000 دولار عشان شراء شهادة للمستفيد

,,
ويبي لي بس 24 ساعة وهم مرسلينها لي في حسابي ,,, وبعد عشان يرسلون لي معلومات الحساب اللي ارسل له
لازم اعلمهم اني موافق ولا لا

,,, <<< كنه يقول راجع نفسك ,, ما توقع للحين اني ماشي معه سهالات كذا

بس قلت يا ولد خلني اقرصه ,,, وفي نفس الوقت كنت ابي انهي المقلب ,,,
لان رمضان دخل وماني فاضي له

قلت كيف تبي مني 2000 دولار وانت عندك لي فوق 10 ملايين ؟؟؟

,,, حلالي ومسامحكم تاخذون منها الـ 2000 حقتكم

واصلا اول مرة اسمع بـ شهادة المستفيد

,,, انا ابي مستندات تثبت صحة كلامك لاني اشك انها وحدة من الحيل لسرقة الاموال !!!!

<<< وش رايكم فيني وانا مسوي رسمي و افهم في هالامور

,,, بس تراني باقي خفيف في عينه

,,,’,,,’ ,,,’,,,’ ,,,’,,,’ ,,,’,,,’ يـ تـ بـ ـع ,,,’,,,’ ,,,’,,,’ ,,,’,,,’ ,,,’,,,’

BEST_01 · #2 14/10/2010, 03:24 PM

,,,’,,,’ ,,,’,,,’ ,,,’,,,’ ,,,’,,,’ تـ ـا بـ ـع ,,,’,,,’ ,,,’,,,’ ,,,’,,,’ ,,,’,,,’

,,, الا ابو الشباب يرسل السادسة ,,,

اللي خلتني اتمصـــــــــــــــع من الضحك

--------------------------------------------------------------------------------------------------------------------------------------------------------------------

قال ان المستندات عندهم من زمان ,,, بس البلا فيني ما كنت ارد عليهم

وامسك هاذي المستندات

,,, ارسلتها مع الرسالة عشان ما تقول ان حنا نصابين ومدري ايش

<<< كسرت خاطري يا عمري

وبعد معها صورة بطاقتي وصورة جوازي عشان تتطمن

<<< غلطة عمره ارسلها لي

ويلا عاد تراك مصختها

<<< فل امها وصار ينفخ علي

ارسل لنا انك موافق عشان نرسل لك رقم الحساب اللي ترسل عليه

انتوا ما تدرون وش هالمستندات والصور اللي ارسلها لي

,,, البزر ما يصدقها

بااااااااااااااااااين انها معدلة بالكمبيوتر

,,, هاذي صورة المستند اللي ارسله لي ,,,

--------------------------------------------------------------------------------------------------------------------------------------------------------------------

باين انها صورة عنده وجالس يكتب فيها على كيفه

,,, بس نشبت له على شي باااااااااايخ

قلت له ليه ما فيه تاريخ تحت التوقيع بنفس القلم في نفس الختم !! ,,, وهو شي ضروري لمثل هالمعاملات

وكيف تحفظون لي مبلغ وانتوا ما كنت تعرفون اسمي اصلا !!!!!!!!!!!

واني راح اكلم السفارة النيجرية عشان تكون نقطة الاتصال بينا

,,, بس ان هذا راح ياخذ وقت لاني بعيد عنها الحين

<<< ومن هناك كنت ابي الطعه ,,, كنت ابي ارجع اكمل المقلب بعد العيد اذا فضيت له

,,, وهاذي صورة بطاقته ,, و صورة جوازه ,,,,

--------------------------------------------------------------------------------------------------------------------------------------------------------------------

بالله ما يشبه مايك تايسون وهو توه طالع من الجولة الاخيرة

,, يعني قد كفخ وتكفخ

صورة واحد مطلوب امنيا ,, وجهه مفقع مع كل جهه من المشاكل

,,,, ومكشر تقول طالع لعزاء

انا اتوقع هاذي صورته وهو بالسجن

,,, بس عدلها فوتوشوب وحط له جاكيت وكرفته

وقال ايش ؟؟؟ معينته الحكومة مسؤول عن الاموال المتعثرة !!!!!!!!!!!!!!!!!!!!!!!

اللي قاهرني انه ما دام انك نصاب نصاب

,,, ياخي كملها ورح قوقل وازرف لك صورة واحد من هالرسميين حقين البنوك صدق

اللي كل واحد جالس في مكتب طول بعرض والابتسامة شاقة نص وجهه

,,, وحطها بدل صورتك

,,, المهم ارسل رسالته السابعة ,,,

اللي قلت شكله بيهون فيها و يستحي على وجهه و يحس اني داري

--------------------------------------------------------------------------------------------------------------------------------------------------------------------

بس الثور ثوووور لو قصوا قرونه

قال حنا كنا حافظينها لك من دون اسم وهاذي طريقتتنا لحفظ الاموال للي مثلك في دولتنا

وقال ان التاريخ اللي كنت اساله عنه ما كانوا حاطينه لانهم ارسلوها قبل ما اخلص معلوماتي اللي يحتاجونها

وما يحتاج تروح للسفارة ,,, لانها بتطول على قولتك وحنا مستعجلين وما راح ننتظر لين تروح للسفارة

ومسوي ينصحني طال عمره ,,, يقول لا تفتح عيون الناس عليك ,, تراه مبلغ كبير

عاد انا كنت صراحة حبيب معه ,,, ابي انهي المقلب باحترام

يعني انه ما اتفقنا على المعلومات اللي يقولي عنها وكذا

بس يوم شفته يسوي كذا قلت اوريك ,,,,

قلت خلاص تراني ارسلت واحد للسفارة

وراح يرد علي قريب هالاسبوع

بس كيف تقول مو لازم يدري عنها احد ؟؟؟

... اصلا البنوك أي مبلغ كبير لازم يحققون فيه يالثور

<<< لا الصدق قلت له يا صديقي

,,, وارسل لي رسالته الثامنة ,,,,

وكانه حاس انها بتقفل في وجهه بعد ما تعب كل الايام اللي راحت

--------------------------------------------------------------------------------------------------------------------------------------------------------------------

قال يوم اقول لك لا تفتح عيون الناس عليك اقصد ما ابيهم يهتمون بك اكثر من اللزوم

<<< يا روح امك مسوي شايل همي

ويوم انك بترسل واحد يروح السفارة ,,, تراهم ما يدرون عن الاموال هاذي

<<< احسه يقول في نفسه وش يبي ذا البثر بيعقدها كذا

لذلك انصحك ترسل لي الـ 2000 دولار اللي قلت لك عنهم ,,, ومالك الا الملايين تغص في حسابك في 24 ساعة

ويوم شفته كذا

ارسلت له ترا خويي رد علي وقال ان السفارة تقول ا فيه كذا حيل مثل هاذي

,, لذلك لازم انتبه

وان التاريخ الي قلت لك عنه في المستند قالوا لي انه شي ضروري

<<< عن قولت السفارة تعزز له

لذلك ارسل لي المستند بالتاريخ عشان نكون صافي يا لبن

,,, وبالله استعجل قبل 24 ساعة

<<< احسسه اني مهتم ,,, عطه جوووووه

ويا ليتني ما قلت استعجل

,,, لانه جلس يزعجني بالرسايل وانا مو فاضي له

بس في وحده من الرسايل ارسل المستند بالتاريخ الي نشبت له عليه

وقال ,,, لا تزعل ولا تتعب شعورك ولا تاخذ على خاطرك مني ,,

امسك هذا المستند بعد ما سجلنا التاريخ ,,,,

بالله شوفوا كيف مسجل التاريخ ؟؟؟؟؟؟؟؟؟؟؟؟

--------------------------------------------------------------------------------------------------------------------------------------------------------------------

من جده ذا لاقيني خفيف لذي الدرجة ,,,,

حتى ما كلف على عمره وسواه فوتو شوب

,,, مسوية بالرسام هو ووجهه

,,, وعاد اخر رسالة ,,,

ارسلها لي وحسيت فيها انه بدا يطفش

--------------------------------------------------------------------------------------------------------------------------------------------------------------------

قال ياخوي كيف تقول استعجل علينا و في النهاية تسحب

<<< وانا قايل لك صدقني

بس تراها فرصة ما تتعوض ,,, ارسل لنا الـ 2000 دولار وراح نرسل لك ملايينك

ويالله عاد رد علينا بسرعة

<<< طيب لا تنفخ انت ووجهك

عاد انا شفته طولها وبدا يستبثر ويزعجني برسايله

,,,

قلت خن اخش في عينه واغسله هالثور عشان ما يتعودها ويزعجنا

,,, وارسل له هالرسالة ,,,,

اللي بعدها ما عاد شفته ابد ,,, احس جاته جلطة بعد ما كانت الالفين دولار قاب قوسين منه

--------------------------------------------------------------------------------------------------------------------------------------------------------------------

وارسل له هالضحكة اللي طول بعرض عشان احطمه من البداية

<<< شغل نفسية

وقلت يعني انت ووجهك ظنتك بتمشيها علي انت ومستنداتك الغبية يالثور ؟؟

,, ولا اصلا بصدقها !!!

اقول ترا دولتنا معلمتنا عن هالحيل من زماااااااااااااااااااااان ,, وعن النصابين اللي

مثلك بعد

انا ترا كنت بس ابي اقطع وقت يوم كنت فاضي والحين انا مشغول ولاني فاضي لك

,,, لذلك ضف وجهك

انا ابي انهي هالمقلب الحين

,,,, واكيد انا الفائز فيه طبعا

خيرها بغيرها

,,, مع اني ما ظنيت يا الثورانك بتتوفق ابد

وقلت له بنفس اسلوبه اللي يكتبه في نهاية كل رسالة يرسلها لي

>> اكد لي انك استلمت الرسالة بسرعة

عشان احررررررررررررررررق دمه صدق

وتوتــة توتـــة ,,, خلصــت الحتوتــة

<<< والله من اللون اللي حاطه بعد

&*& مخــــــرج &*&.................................

ادري طولت عليكم

,, بس شسوي خذاني الشوق للمواضيع وتحمست حبتين زيادة

قلت مالي دآآآآآاعي

,,, مطـــول عنهم واجيب موضوع كلــمتين ســـريع ســـريع !!!

,,, ما تجي ابد <<< تمشي !!!.

..........................
حتى انا يوم جيت اراجع الموضوع

فيه اغلاط شي

.. ......
شفته طويل ضعفت نفسي وهونت

,,, ما فيه احد يدقق ان شاء الله

<<< آآآآآآآآآآآآي

وتبون الصدق الصدق ,,,,,,,

..................................
كنت مناوب

,,, ومسكت معي واخترت هالموضوع بما اني فـــاضي و ما عندي شي

<<< يلوموني في المتزوج اذا سوا فيها صريح.

............................

وسدحت هالموضوع لكم ,,, عل وعسى انه يشفع لي غيبتي الطويلة عن المنتدى

=====================================
اتمنى الموضوع اعجبكم
ومنتظر تحلونه بردودكم ,, مثل ما شرفتوه بطلتكم

اخــوكم
فــــ@ـــد

دمي ازرق واحب الابيض · #3 14/10/2010, 03:27 PM

برب.......................

اعدل ولااكتب رد جديد ؟
رد جديد ولااعدل؟

بكتب رد جديد عشان تززيد مشاركاتي

بس ادا جيت تقتبس المشاركات اعتبرني الاول عشان احس اني راد رادين لهم قيمه في الموضوع

برب

@@almoreb@@ · #4 14/10/2010, 05:47 PM

لي عوده بإذن الله بعد اختبار الانسجه

ادعيلي يا فهد عشان أنجح وارد عليك

بااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا اك

ياخي وقسم كل مره اشوف الموضوع واضحك
هههههههههههههههههههههههههههههههه

ياخي احس انك سحبته سحبه الييييييييييييييييييييمة وقسم بالله

بس ودي اعرف كيف صار وجهه بعد اخر رساله لك

اذا ما صار شيخ زاهد او امام مسجد عابد لك مني 10 مليون دولار ونص

عشان كذا اسأله وبعدها ارسل لي 2000 دولار عشان ارسلهم لك<< كأنه حس بنفس احساس النيجيري بانك زلابه وحيضحك عليك

ههههههههههههههههههههههههههههههه

ياخي والله لو طولت معاه شوي كان احسن بس تري عطني ايميله وان شاء الله وقت الاجازة انقنق عليه

<< لانك خابر اجازاتي كيف

بس خايف اصدقه واحوله 2000 دولار

المهم خليني اذاكر علم الانسجه حقتي وادعيلي امااانه لان البروفيسور الالماني رااااااااسه انشف من راس النيجيري حقك ذا

وقسم بالله لو يبي ال2000 دولا راح احولها ليه

ياخي ما ودي اطلع

<< لا يا شيخ

تدري انو لك وحشه ياابن اللذينا وخلاص بعد ما صرت خاطب ما صرنا نشوفك

ياخي انت لو اعرست وش حتسوي بس

انا عارف اننا ما حنلاقيك غير بالسنه مره وتجينا وتقول انو في واحد نصب عليك

بس تدري اول مره ادري انو لغتك الانجليزية فله كذا واحسن مني

ياخي وربي ما ودي اطلع هههههههههههه

المهم الحييييييييين << اخلص

ترى احلى مافي الموضوع عنوانه وضحكني كثير قال دوغلاس قال

ياخي خلاص بأطلع ونشوفك ع العرس ان شاء الله << يلمح على هرجة المسن

صح صح لا تنسى الدعوه زي ما قلت لك وهذا عنوان بريدي الألماني وترى كلها كم ريال يعني وحعطيك اياها وقت العرس

Köthener str.30 zim 70-30-05-19
10963 Berlin

<<< وقسم لو ما اشوف الدعوه في الصندوق ما راح احضر

يلا خلاص نشوفك على خير لاني بجد حسيت نفسي بثر زي سعود

و صع1 زي ياسر

<< يارب يجي عشان ما تكون غيبه

سي يو حبيبي

HILALYA ]~ · #5 14/10/2010, 06:32 PM

.

ههههههه رحمته بقوه ض1 , حسيتك فاضي مرره ذذذ ..
واااوتش طوويل مره , بس اول مره اقرا موضوع طويل ولا انط سطور ض1 ..
كذا احسه كويس شوي < طسي بس ذذذذ ..

ام متعب التميمي · #6 14/10/2010, 06:56 PM

^
^
تماما عكسي

السراحه مررررررررررررره طويل

جلست اشوف صوره دوغلاس
وقريت المدخل والخرج

ع العموم موفق وشخبار الملكه

تحياتي

تركي السلماني · #7 14/10/2010, 10:22 PM

هههههههه بجد حسيتك صلاح الغيدان و قاعد تقدم برنامج 99 !

شكلك فاضي بقوة ههههههه

بس و الله أنك ذيب و رسالتك الأخيرة عجبتني حيييييل

بس الموضوع بكله بكون و هالفيس بكوم >>>>>

بارك الله فيك يالغالي

بنوتة**هادية^_^ · #8 14/10/2010, 10:43 PM

هههههههههههههههههههههههههههههههه

قسما بالله لعبت فيه صح..

حلو الشعور انك تكون شرير

وهو زي الغبي ..

بس التاريخ ياشيخ اقنعني بقووووه

.. توتوتو كيييف مرررره واضح <<انه غبي

بس بصراحه الرد كان رهيييييب

اما

إقتباس


	I want to cut my free time with you and now I am getting busy, so I want to end this game and certainly I am the winner

O.M.G

I think that he want to kill you After this message
!!!!

IF

he is still alive.

لأن بجد قويييييييييييييه ..

بصراحه شبهته بهذا

<<<<

ويوزرك Best 1 اسم على مسمى

يعطيك العافيه بلاعدد >>

سامي الجابر 999 · #9 14/10/2010, 10:51 PM

تينا نصدقك بعد انت خخخخخخ

قلي من وين لاطش الموضوع ؟؟؟

لانه بالرسالة الاخيرة اللي المفروض انه تكون انت االلي مرسلها our state و معناتها

ولايتنا و حنا ما عندنا ولايات خخخ

عموما موضوع كويس بس اللي قهرني انك قلت انها تجربة شخصيية

9متيمة الزعيم9 · #10 14/10/2010, 11:41 PM

هههههههههههههه والله زين سويت فيه

بس ماشاء الله متفرغ له مررررة

اهم شي قهرته عساه يتربى النصاب

بس ودي اشوف وجهه بعد اخر رساله ارسلتها له

يمممممه يفجع خلقه استغفر الله بس

ما ادري حسيت الموضوع يوسع الصدر انبسطت اقوى شي

مشكور فــــــ@ـــــد

يلوموني ياهلال فيك · #11 15/10/2010, 01:02 AM

ههههههههههههههههه
تصدق اول مره اقراء موضوع طويل كاامل مرتين
بصراحه عرفت تلعب عليه صح ماشاء الله
اهم شي رفعت ضغطه بعد الرساله الاخيره

عادل بن ساعد · #12 15/10/2010, 01:10 AM

هلا فهد

..
حيآك ربي .. وينك الله يهديك ؟؟

سررت يوم رأيت يوزركم .. الله و الغيبة ..عمومآ رجعه جميلة لنآ و للمجلس بأقسآمه

.. بالنسبة لحركة هؤلآء الأشخآص .. فهي بجآحة و سفآهة منهم ..
تزعجني مثل هالرسائل في بريدي .. و تعبت من كثر مآ أمسحهآ .. بس الصرآحه .. عذبته الله يهديك هالنيجيري .. حلآل فيهم و الله

..
لا تقطعنآ يآ الغآلي .. و الله يوفقك .. طبت بود .. و دمت على أتم حال ..
عادل

زعيــ الطايف ـــم · #13 15/10/2010, 03:16 AM

فهد موضوعك طويل بالحيل لكن قريته شدني

والله وانا اخوك هذي الرسايل تجينا دايم

لكن بحكم ان ثقافتي عربيه والانجليزي صفر

امسحها على طول

لكن تتوقع ان في اغبياء يرسلون الفلوس ل هالنصابين

تقديري لكـ