الله يصلح قليبك بس

هذا ويلي اذا ضيع بلنتي خلالالالالالاص طلع اي كلام .... عجيب والله

إقتباس الرسالة الأصلية كتبت بواسطة teva4ever العيب في الجهاز الفني يعني ولي من جاء للهلال ضيع ثلاث ضربات جزاء وهذي الرابعه اخليه بالله يشوت ؟ ياجماعه تعليمات قبل المباراه اي بلنتي ياسر يشوت ... ماقدر .. فلان ... ماقدر .. فلان هذا في مجريات المباراه اما اذا كان وقت اضاافي خلوا ويلي يشوت اول واحد لانه شايت شايت ثانيا : لو ضيعها يمدينا نعوض .. البدايه ولاالنهايه عموما قدر الله وماشاء فعل والحمدلله الذي لايحمد على مكروه سواه تعرفون اي قول علينا في الاياب ... نطلع !! معليش ... مع الحارس الايراني القوي جدا والدفاع الشبه صلب ... نقدر نسجل فيهم 3 ؟؟ يعني هدفين ممكن بالراحه بس لو جابوا قول وقفلوا مالنا بعد الله الا رجل رادوي والا نيفيز لانهم بيقفلون الله يستر بس فمان الله

العيب في الجهاز الفني فعلا

اول شي بسم الله الرحمن الرحيم

انا ابغى اعرف يعني علشان اللاعب ضيع بلنتي و كان مو في يومه خلاص تقول لاعب سيء

وبعدين انت تقول انه يختفي في المباريات الكبيرة والقوية

طيب لاتنسى مباراة الاتحاد 5_0 ويلي كان مسجل هدفين وصنع هدف لنيفيز

ومباراة النصر في كأس ولي العهد الموسم مين سجل الهدف الثاني وأهل الهلال للنهائي؟؟ أليس هو ويلي

وفي نفس البطولة في النهائي امام الاهلي ويلهامسون سجل هدف؟؟

وفي اسيا الموسم الحالي مباراة بونيودكور مين سجل الهدف الثاني ؟؟ اليس هو ويلى الي ماخذ اكبر من حجمو زي ما تقول

كل هذا وتقول ما يظهر في المباريات الكبيرة

اتمنى انك ما تقسى عليه ولا تنسى انه مر بظروف عائلية صعبة جدا

و بالاخير

الف شكر ليك يــــــــــا أبو بندر

ماشاء الله في المبآريات الكبيره بالىسيويه يغيب .. وبونيودكور اعتقد بنظرك غآيب ..

والغرآفة الإياب بتقول الشوط الاول هذا تكتيك جيريتس مخليه مهآجم ثاني .. وفي الشوط الثاني والاشوآط الإضافية ماقصر

واليوم شابين عليه عشآن بلنتي


يعني لآعب مو بيومه وش تبيه يسوي والله ماوفقه يسجل واصلا مو مكتوب لنآ الفوز بتعترض ,,

ويلي ماهو بيومة يعني خلاص لنومة لاتنسى وش سوى مع الزعيم وإن شاء الله اللأعبين بيعوضونها في الإياب دعواتكم للزعيم

اقول اقسم بالله اللي يقول ويلي يفداه البلنتي انه ما يفقه شي في الكورة
يخسي يفداه البلنتي انا جايبه بـ 52 مليون
وآخرتها يتصدى للبلنتي ويهدره بكل سهولة بالاضافة للمستوى المتدني والسيء جداً اللي ظهر فيه
من اول الموسم وويلي من سيء الى اسوأ اتمنى عدم مشاركته في مباراة الاياب

الحمدلله على كل حال ونشاءالله نعوضها

انا ماني معاك في كلامك على ولي ولي ماتدري وش الي حاصله انا اشوف ان ولي ماقصر من جاءللهلال جابلنا بطولات ولاعب غي طبيعي وصدقني في المبارة القادمه راح تغير رايك في المبارة القادمه

آجل.... ولـــي. مآ يطلع فل مبآريآت الــقويه.. في اسيآء { من صنع الهدف الثآني لـ يآسر فـ الدوحه مبآره السد من سجل لك
هدف ثآني في مباره فريق الاوزبكي من سجل لك في مباره الااهلي الامارتي من سجل لك في مباره مس كرمان الاايراني
الله وكبـــر يا دنيآ الحين ولـــي آخذ آكبر. من حجمه ياخوي بلنتي.. ضآع و رآح بسلامته ولـــي لاعب كبيـــر و يمر بظروف مثل
اي لاعب يتعرض لا هبوط بل مستوى.. و { عزوز } فآدم بقوه انشاءالله ولي لاعب كبيــــر ورجاء عدم اجحآف حق لاعب

مارادونا وبيليه اضاعوا ضربات جزاء

ويلي صحيح ماكان اليوم في المستوى

لكن انا واثق انه راح يعوض في الاياب

مستوى حلو بس يفتقر للتركيز
وان شاء الله نعوض في الاياب
افضل لاعب ابو عتب
حسن

لاتقسسسسسسسسون على ويلي . . . !!

صراحه عبدالعزيز والشلهوب دخلوو وحركو النص
اما وليهامسون اكبر دليل فزنا على الغرافه بالرياض من دونه وبغينا نخسر وخسرنا بوجوده

إقتباس الرسالة الأصلية كتبت بواسطة abo-bandar-15 اللهم لك الحمد حتى ترضى ولك الحمد اذا رضيت ولك الحمد بعد الرضى الامل بالله مازال موجود والفرصه باقي في ايدينا فوز 2 - صفر تنقلنا للنهائي باذن الله لكن الي فاقع مرارتي لاعبنا الي كل ماجا مشجع قال ولي شايلكم والله انه ماخذ اكبر من حجمه ودائما مايختفي في المباريات القويه وخصوصا الاسيويه العام الماضي وهذا العام والله ان نهايه كورته سيئه ولاتناسب مجهوده وركضه زد عليه خوفه من بعض اللاعبين مثل برناوي وزيد المولد اليوم كان غائب ورغم غيابه الا انه تسبب في الهدف بفتح الحيطه واضاع ركله جزاء عزوز عند نزوله عمل مالم يعمله ولي طوال المباراه الله يوفقنا في المباراه القادمه ونحقق البطوله

شف أخوي . أنت والله الوحيد في هالمنتدى بأكمله الذي يفهم كرة قدم ..............
ولي منذ أصابته من حديد الاتحاد وهو منتهي تماما

يعيش في خوف ورعب ويحنو للسلامة ولا همه لا هلال ولا زعيم ..........

الفريق شايله . هذه الجملة يعرفها من لعب كرة قدم !!

ولي يحتاج لتسريح في فترة لأنتقال الشتوية !!

وعبدالعزيز الدوسري أفضل منه بمراحل !!
شكرا لك لأنني وجدت من يفهم كرة قدم حقيقية !