مصادرة حقوقي وحقوق شبكة الزعيم وللأسف من ....؟ بسم الله الرحمن الرحيم قبل فترة من الزمن كتبت موضعا وكان عن لقب نادي القرن . كتبته حصريا لصالح شبكة الزعيم . فلم البث إلا خمس دقائق حتى تمت سرقته لصالح منتدى آخر وبشكل مؤلم . لم اكترث لذلك كثيرا . على اعتبار أنه مسروق لصالح منتدى وهذا أمر مضطرد ومتواتر في عالم الشنكبوتية . ولكن أن يتم السطو على مقالك من كاتب تابع لصحيفة عملاقة أكن لها كل التقدير فهذا مالا يرضاه عاقل . وهذا للأسف حدث عندما كتبت موضوعا حصريا لصالح شبكة الزعيم وتفاجأت بأن أحدالكتاب الذي احترمه كأسم وككاتب إلا أنه جرح مشاعري بمصادرة افكاري دون الإشارة لي أو لشبكة الزعيم فازعجني ذلك . أحبتي اترك الحكم لكم هذا هو موضوعي الحصري لشبكة الزعماء : http://vb.alhilal.com/t934424.html احذف السطرين الأولين ثم اقرأ هذا الموضوع وسامح الله الكاتب مع طلبي أن يتقدم باعتذار رسمي لي ولشبكة الزعيم . http://www.al-jazirah.com/20100930/sp21d.htm |
الكاتب صالح العريض ... انا من اشد المعجبين بالكاتب لا تعليق |
( ) ( الله يعطيك العافيه ومسوووي ذكي ومغير بعض الكلام ,., مع انه باين الشبه الكبير بين المقالين والله يا زعيم بقوولك شي شبكتنا وكتابنا ,., هو مصدر ( للآطفال ) الاعلام ,., كم كاتب في شبكتنا تفووق قدراته الكثير من المهايطيه اللي مو بس بالجرايد ,., الا بالقنوات الفضائيه بعد كبير يا زعيم ,., كبير يا ( الفهد الطيب ) والكبير الله سبحانه تحياتي |
عووووووووووافي يالغالي الكبير ما يسرق الا مـن الكبير وعلشان نثبت للكل يوجد بالمنتدى اناس يتفقون على كثير مـن الكتاب وعلشان نثبت للكل ان الجميع يدخل هذه الشبكة الشامخة وللاسـف تتم سراقات كثيرة وهذه ان دل فهو يدل على تميز هذه الشبكة يعني رايــت احد يسرق شي غير مميز او شي منتهي الصلاحية عوووووووافي يالغالي الله يقويك وان شاء الله بكرة نشوف مقالاتك بكل الصحـف والمنتديات بسبب تميزك مشكوووووووووور" حبل الكذب صغير |
والله شي يقهر الله يعينك |
كبير يا زعيم ,., كبير يا ( الفهد الطيب ) |
اكبير يا فهد ما عليك منه ربك يشوف |
بصراحة أمر غريب ليست مجرد افكار منقولة بل نقل حرفي ؟؟؟؟؟؟؟؟؟؟ |
شيء قــهــر صــراحــهــ الله يــكـونـ فـي عـونـكـ |
عش رجب ترى عجب قسم بالله شي يقهر بس مانقول الا الله لايوفقه اذ نسب الكلام لنفسه |
صراحه سراق عيني عينك؟!!! يحق تطالب بحقك لو منك اروح للجريده المنافسه لجريدة هالكاتب واوريهم وبيكون هذا خبر لئطه يمسكونه على جريدة الجزيره لاتسكت عن حقك وخل صوتك مسموع |
هذا واحد تم كشفه ولو نبحث في الصحف ممكن نلقي نص مايكتب في الصحف من شبكه الزعيم إقتباس:
|
الغالي الطيب للأسف هناك الكثير من تلك النوعية التي تمنح مساحة لا تستحقها لتجد نفسها في مأزق .. وليس لها سوى السطو .. مع التذاكي بتغيير مفردة أو حتى سطر إن أسعفها الحظ والغريب أنها تدرك أن ماتفعله سوف ينكشف عاجلا أم آجلا ولكنها السذاجة ولا شئ سواها أخي الكريم هون عليك ويكفي أن ما كتبت أجبر من لا قدرة له أن يرضخ لشهد قلمك .. وتذكر أن هناك أحبة لك لهف جزء كبير مما خطت اقلامهم .. صحفا ومواقع ..!! المهم أن تكون لك رسالة ودع ما ينغصك فهو عثرة لا تستحق أن تمنحها جزء من وقتك ..!! الظاهرة |
قل حسبي الله ونعم الوكيل الله يعينك بصراحه شي مخجل عندنا بالمنتدى اقلام يشهد لها الكل باحترافيتها لكن يروح هالتعب لناس ما تقدر ولا عندها ذمه ولا ضمير شي يقهر وما الومك اخوي والله قهر |
كلماتكم ايها الزعماء مصدر الهام . وهي اوسمة عز ونياشين فخر حق لمثلي ان يزهو بها . واما الأخ الكاتب فسامحه الله وما ابي منه إلا اعتذار أو اشارة لي ولشبكة الزعيم .التي لا أكتب إلا حصريا لها .... |
إقتباس:
أخي الظاهرة اشكر لك تواصلك وصدقني ثم صدقني أني غير مكترث لذات القضية فهو دليل تميز لي شخصيا لكن مايؤرقني حال الأمانة الصحفية عندما يتم تغييبها ب ادنى مسئولية . أنا ارثي لحال هذا الكاتب فما كان ينقصه هو الإشارة ولو من طرف خفي لمصدر العبارات ولن ينقصه ذلك شيئا أبدا اشكرك مرة اخرى |
والله ماأحترم نوعية الكتاااااااااااااب هذي وشلووووووون يسمونكـ كااااااااااتب ونت حراااااااااامي كلمااااااااااات اخوي فهد لاتسكت عن حقكــ |
هالاشكال يافهد ماتشرفنا ولا تشرف الصحافة الهلالية ومعليك منهم واصل على هذا الاسلوب الراقي |
لا تسكت والقهر انه احد اهم الكتاب الهلاليين شي يقهر والله ., انت تتعب وبالاخير يجي الاخ وياخذه قدام العالم وبدون اي اشارة إلى اي مصدر والله الي استحوا ماتو |
ابو عبدالله هذا دليل على تميزكـ وطرحك الرآئع والصرآحة انا من المعجبين بطرحك في روم الزعيم ونتمنى لك التوفيق |
اكرر شكري وتقديري ومودتي للجميع شكرا من الأعماق |
أجتمع فيه هذا الكاتب أمرين السرقة والاستغفال واقصد استغفال القارى والله اتها مصيبه ومهزلة لكم الله ياكتاب النت |
تم الرد عليه وماعليك وانا اخوك باذن الله راح يرجع لك حقك لاتخاف مادام جمهور الزعيم معك .. شآكر لك .. وبالتوفيق للزعيم .. |
الغريب إنه من صالح العريض لكن الله يعوضك خير ياما انسرقنـا ومانشوف أي حفظ للحقوق من قبل الشبكة مايحتاج يافهد قلمك رائع لذلك الكل يحاول السرقة شكرا لك ولا يهمونك |
شوف ياطويل العمر قدم خطاب الى خالد المالكي رئيس تحرير الجزيرة او قدم الى محمد العبدي مسئول حق الرياضة في الجزيرة ... تخبرهم بما حدث وهذي في القانون تعتبر سطو على حقوق ولها غرامة مالي وتعويض لمن تعرضت كتابته للسطو والسرقة.. قدم خطاب وصعّد الموضوع لانه كاتب نحسبه كبير وصار صغير؟ حاول توصل الامر وتصعده في كل المنتديات وياليت يتثبت الموضوع.. ولازم تعويض لك لانك تضررت ويكون ردع له ولامثالة الكتاتيب المرتزقة |
هلا بك اخوي بصراحه اندهشت تماماً..نقل حرفي..وليس سرقة افكار..؟ الله يعين والجزيره ليس لها ذنب..المشكله من الكاتب نفسه اللي سمح لنفسه بنقل مجهود غيره.. |
أخي الكريم الفهد الطيب من المؤسف أن حدث هذا .. وسواء جريدة الجزيرة العملاقة .. أو منتديات الزعيم العملاقة .. فهما عينان في رأس واحد ولك أخي الكريم الاتصال مني برئيس تحرير الصحيفة الأستاذ خالد المالك والأستاذ محمد العبدي الآن واشرح لهم الأمر أما الأخ المحرض هنا فمن يحرض ضد الجزيرة فهو يحرض ضد الزعيم ........... حسبنا الله ونعم الوكيل . |
يابن الحلال هذا دليل ضعفهم وقلة مقدرتهم على مكانهم ومنصبهم . وياخذون ويسلبون الشي لانفسهم !! لكن يكفي فضيحته هنا باغلىآ شبكة ويعطيك العافية . |
شـيء مـؤسـف , . . . . |
والله قويه ولآزم يكون فيه تدخل ومن حقك تطآلبه بالآعتذآر .. |
هههههه والله امر غرريب بصصراحة ’’ اذا صصار ما لقى شيء يكتبه لا يسسرق , يقولهم اني ما عندي ششيء اليوم وخلاص ههههههههههه |
للاسف ؟؟؟ ناس ماتستحي ومغسول وجها بمرق ؟؟ لو انا منك ارسلت ايميل للجريده مع رابط موضوعك عشان مدير التحرير يمنع نشر مقالات حراميه |
ع ـــيــنــي عـــييـــنـــك مــشــررفـــيــن بــلــيييييييييييييــز تـــثــبـــيـــت بـــلـــيييييـــــز صراحه أنا من اشد المعجبين لهذا الكااتب لا تعليييييق طاااح من عيني صرااحه |
يعطيك العاااااااااااااااااااااااااااااااااااااااااااااااااااافيه |
تصدق ناقلة بالنص وبالحرف ..يعني واضح ..!! الله يعيـن وانـا اخوك ..وإن دل فإنه يدل على تميزك..كل التوفيق اخوي الغالي |
لاحول ولا قوه الا بالله والله عيني عينك هذي انا اسميها قلت ادب وتحصلهم بالجريده يمدحون المقال وهو متشقق الي مثل الكاتب ذا تحصله ساطي علي مقالات كثيره اخوي فهد من ابسط حقوقك تقدم شكوي رسميه ويعتذر غصبن عنه اعتذار رسمي وانت معروف بالمنتدي وطرحك مميز واتمني لك التوفيق يارب |
الكتاب كثر وهل من يكتب في الجزيرة مرسل من جبال طويق صغير يتعلم من كبير لاعيب فيها |
يعطيك العافيهَ .. الله يحاسبه على كل حرف وكلمه وجمله وفكره منقوله |
كبير يا زعيم ,., كبير يا ( الفهد الطيب ) |
والله شي يقهر الله يعينك |
أنا لو مكانك افرح صراحة >>> لهدرجة انا مهم وكتاباتي حلوة وتنتشر في الجرايد ويقرونها كل الناس ,,, اهم شئ فكرتك وصلت بالمجان ....... افرح لأن هالأمر يدل على تميزك ,,, الكثير يكتب ولكن من يتميز وينشر في الصحف ؟؟؟ القليل . ثم انت جس النبض عندهم اول شئ انت اتصل بالجريدة وكلمهم بالموضوع ,,,, إذا شفت تجاوب اعتذار صريح من الجريدة والكاتب وطيبة منهم ....... افرح وسامحهم واقبل اعتذارهم أما إذا شفت منهم غلاظة في القول والإنكار ,,, فانصحك انك تصعد المسألة في الجرايد المنافسة وتقدر بعد تشتكي عليه وتطالب بتعويضات ولا تنسى انك تخبرنا وش صار معك >>> قل قوبلت بالإيجاب أو الرفض علشان نعرف مية الجريدة |
حسبي الله ونعم الوكيل كيف تنسب موضوع شخص لك الله يعينك أخووووي وش نسوي أخوي لو باليد حيله كان ساعدناك |
مشكوررر اخوي فهد على المقال الرائع واستمر على هذا الطريق وانا دلت هذة الفعاله دلت على انك كاتب كبير :wub: :wub: :wub: |
مشكوووووووووووووووووووووور |
قهرررررررررررررررررر انت تتعب وغيرك يلطش |
الله يعطيك العافية يالغالي السرقات كثيرة وخاصة بالشبكة العنكبوتية تصدق كل مواضيعي اللي كتبتها هنا موجودة في مواقع آخرى انت ابحث بالقوقل وتلقى موضوعك بس بالأخير يحذف اسمك ويسجل اسم الحرامي هههههههههههههههههههههههههههههههه ههههههههههههههههههههههههههههههههههههه |
بصراحة أمر غريب ليست مجرد افكار منقولة بل نقل حرفي |
أخي الكريم .. حتى و ان لم يعترف بحقك و حتى و ان لم يصدقك البعض ليكن ذلك دافعا ً كبيرا ً فما حدث يدل على انك تمتلك قلما ً رائعا ً .... تحياتي |
ابي ايميل جريدة الجزيرة او ارجو ان يتم الإتصال بمحرري الصفحات الرياضية ممن يعرفهم فالجزيرة غالية علينا ولانريد ان نشمت بها احدا فقبل اي خطوة اود ان انظر ماهو ردهم |
شيء يقــهــر الوآحد الصــراحــهــ .. تتعب وتكتب وآخر شب يجي وآحد زي هذا ويآخذه والله حرآآم ..! الله يــكـونـ فـي عـونـكـ |
اشكركم جميعا لتواجدكم ومشاركتكم وقد راسلت الجريدة وسأنتظر كيف يكون ردهم وتجاوبهم وبعدها لكل حادث حديث مع أني اتوقع ان ينصفوني |
مايهزك ريح ياولد العم والشي هذا لا اتوقع يصير الا عندنا ...... للأسف |
يا أخ فهد السلام عليكم أتصلت على مسئول في الجريدة ، فاكد لي حتى لا نظلم أحد أن صالح العريض هذا ليس صالح العريض الكاتب وليس هو الذي كان في الكراتيه وإنما هذا قارئ لا يعرفونه ، ويوم الخميس والجمعة ينشرون لقارئ أو قارئين لتوضح الحقيقة وأرجو أن تعتبر الموضوع منتهي هذا واحد يبي يشتهر على حسابك .. وخذها مني الجريدة ليس لا ذنب وإنما ذنب هذا الذذي سرق المقال نسأل الله أن يهدينا واياه فلا يجوز ما فعل وسيتحمل وزر ذلك !! |
ههههههههههههههه ،، والله قلة حيا .. |
إقتباس:
ثانيا الجريدة ليش ماتطلب من الاشخاص اللي عندهم مقالات يرسلون صورهم ورقم الجوال عشان اذا صارت نفس الحاله يطلعون صورته ويتشرشح قدام الناس وكذا اتحدى احد يتجرأ ويسرق تعب الاعظاء . |
عينه قويه الله يجزاه خير الله يعينكـ |
اطالب شبكة الزعيم ان تساهم في حفظ حقوقي وحقوق الشبكة فقد تم سرقة حرفية وليست فقط افكار |
هذا دليل طرح المتميز لاحولا ولاقوة الابالله اعانك الله اخي ابا عبدالله وإن شاء الله تاخذ حقك عاجلاً غير آجل |
كبيرأخوي والله يعوضك خير الله يعين كتابناالكبارمن حراميةالمقالات تقبل مروري |
اكرر شكري وتقديري لوقفة الزعماء معي وشكرا |
الوقت المعتمد في المنتدى بتوقيت جرينتش +3.
الوقت الان » 08:51 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd