26/09/2010, 11:46 AM
|
| زعيــم جديــد | | تاريخ التسجيل: 09/05/2010
مشاركات: 42
| |
|
ماذا حصل بمباراة الغرافه ... بالتفاصيل
في بداية الموضوع اهنيكم بالتاهل لدور الاربعه وان شاء الله بعد درس الغرافه اتوقع وبنسبه كبيره الهلال طرف بالنهائي ...
موضوعي يا جماهير الزعيم ... اتمنى منكم نسيان مباراة الغرافه بحلوها ومرها ... جميع الانديه في العالم تتعرض لنكسات ولاخفاقات وكذلك المدربين ... جميعهم بشر ويخطئون ... الحمد لله الخطأ اللي صار تعدل وتاهلنا وهذا هو المهم المباراة انتهت .. كان فيها اخطاء وكثيره بعد ... انا معاكم ... لكن يجب ان ننسى هالموضوع شوي ونفكر في القادم من المباريات ... تتذكرون نادي الاتحاد العام الماضي بعد خسارته النهائي ... يخسر امام الاتفاق وكانت اول مباراة يفوز فيها الاتفاق في الدوري ... ويخسر من الهلال بالخماسية الشهيره ... يا جماعة الخير لازم تدعمون نفسيات اللاعبين .. انتوا شفتوا حتى ابوعبدالله يبكي بعد المباراة من الضغط النفسي الرهيب اللي يعانون منه ... فما بالكم باللاعبين !!!
ياليت يا شباب لو نركز مواضعينا على النقد الهادف والدعم وتشجيع اللاعبين بدلا من ان نطالب بنهاء عقد لاعب او بيع عقد لاعب اخر ...
اللاعبين اللي بيوم المباراة راح يلعبون المباريات القادمه ... ما راح يتغير شي خلال اسبوعين مستحيل ... لازم ندعمهم ولازم نشد من ازرهم .. بدلا من تحطيم اللاعب ... تشوف في اللاعب الفلاني مشكله .. انقده بشكل صحيح بدون تجريح او تقليل من مهارته او انتمائه او او ...
انا راح اضرب مثال بحسن العتيبي ... اكيد الكل شايف مدى التجريح والتقليل من امكانياته في كثير من المواضيع وانه هو السبب الاول في الخساره ... حسن العتيبي هو الحارس الاساسي وهو من سيلعب المباراة القادمه ... التجريح والتحطيم لن يفيد اللاعب ولا الهلال بشيء .. سوف تهتز ثقه اللاعب بنفسه ولا سمح الله راح تتسبب في كثير من الامور اللي ما اتمناه ولا يتمناها اي واحد فيكم
اتمنى من المشرفين تاجيل اي موضوع يطرح ينقاش سبب الخساره مع الغرافه او نقد اللاعبين الذي يصل الى حدود التجريح ... ولنجعل الايام القادمه لدعم اللاعبين والمدرب وان شاء الله البطوله هلاليه
تمنياتي للزعيم بالتوفيق ولكم بالخير والمسرات |
الوضع العادي
