26/09/2010, 05:04 AM
|
 | عضو سابق في اللجنه الإعلامية | | تاريخ التسجيل: 13/08/2005 المكان: الرياض
مشاركات: 7,427
| |
| السلام عليكم ورحمة الله وبركاته
ألف مبروك التأهل أخوي السلطاني
لكن أخوي حبيت اعلق على نقطة وحده الي صراحة استغرب شخص مثلك يكتب عنها
الي هي حسن استقبال الامن القطري لنا جمهور الهلال مدري يمكن انت حاضر مباراة ثانيه
أو انت جاي مع الجمهور الهلال ومسهلين لكم الموضوع لكن حنا يا جمهور الهلال قسم بالله تعرضنا لانواع المضايقات
واتحدى اي شخص ينكر هالكلام وانا مثبت هالكلام بالفديو انا جيت الساعه 3ونص وجلسنا ننتظر بالشارع الين ما فتحوا البوابات الخارجيه
بعدها دخلنا للملعب وللاسف الامن منعنا ندخل الملعب بحجة ما معكم تذاكر والي يقهر زود ان مافيه احد يبيع تذاكر
بعد ماسالنا وتبهذلنا قالوا لنا فيه ناس يوزعون تذاكر رحت لواحد يوزع تذاكر وتقول كنه شاريها من فلوسه وللاسف انه كان
من مجلس جمهور الهلال وطلع في برنامج فض فض وكان يمن بالتذاكر ويركض والجمهور يطارده تقول يوزع فلوس من مخباه
ولما شفت الموضوع كذا قلت طز فيها تذاكر والله ما هين نفسي عشان مباراة وهو كان يهاوش ويقولهم صفوا دور ياخي وزع وخلاص وش الي صفوا دور وهم الاف وانت شفت بعينك عدد الجمهور
وبعدها رجعت ادور اخوياي وفجأة واحد من اخوياي جاب 6 تذاكر ومن التعب والله ما قلت له كيف جبتها بس ان شاءالله انها مهوب من هذا ومتاكد انها مهوب منه لانه الظاهر ما وزع تذاكر مغير يراكض
بعدها رجعنا للبوابة وقلنا معنا تذاكر قالوا الاتحاد الاسيوي مانع دخول الجماهير وبغينا نموت من الزحمه وقسم بالله ان ركبتي للحين تعورني ويدي بغت تنكسر من التزاحم والتدافع
وبعدها جانا الفرج قالوا الاتحاد الاسيوي سمح بفتح البوابات تدري وش العذر الي طلعوا لنا فيه مفاتيح الباب ضايعه !!
وقعدنا يمكن ساعه ننتظر مفاتيح الباب وقبل المباراة بـ 10 دقايق فتحوا البوابة تدري كيف كسروا القفل كسر
قلتها لكذا عسكري وبقولها الحين سود الله وجيه منظمين المباراة كلهم واقصد من الطرفين وعز الله انها اخر مباراة احضرها بـ قطر
اجل مباراة كامله ما يبيعون مويه !! واتحداك تثبت غير الكلام الي قلته ليه ننافق ليه ما نقول الحقيقه
اذا هم مو قادرين ينضمون مباراة بدور الثمانيه بين فريقين كيف بينضمون بطولة كاس العالم !! والله اني جاي لـ قطر وكل دعم لـ ملفهم والحين والله اني ما تمنى ان قطر تستضيف كاس العالم
ولا تقول هالكلام اني حاقد او شي الكل هنا بالمنتدى واخص المجلس العام يدري اني احب قطر ولـ درجة ان الاقامة حاطها قطر لكن بعد الي صار ما قول الا سود الله وجيهم
والحين بغير الاقامة
ياليت ما تزعل من كلامي لكن هذا شي صار ليه انافق واقول انهم ما قصروا معنا !!.. |
البريطاني كان يمديه يشتري الطقم من أي محل ، الظاهر انه كان مستعجل ويبي اقرب فنيله للهلال ومالقى الا خويك 
الوضع العادي
