على قولت عادل إمام : ( كان يووم ... كــاان يوووووووووم ) - نادي الهلال السعودي - شبكة الزعيم

ابو طـــــلال · #1 23/09/2010, 03:52 PM

الحمد الله .. الحمد الله .. الحمدالله

ياهي مباراة .. وأحداث .. الله يتوب علي بس على كثر مالعنت .. وسبيت .. ولطمت .. >> متأثر بقنوات هذاك وذاك

وش فيهم خامدين عساهم اللى منيب قايل ..؟؟

حرقوا أعصابنا .. أشوف فيكم يوم يالاعبي الهلال بس بعد البطولة الآسيويه

بس تراها خيره .. تدرون ليه :

أول شي لأنه التأهل بهالشكل كان له طعم لذيذ وحلو لنا وعلقم ومر على أعداءنا

الشي الثاني أنه اللى صار درس مااتوقع بينسونه لاعبي الهلال لمدة ثلاث سنوات .. وتبي تصير هالمباراة وأحداثها في كل مباراة قادمة أمامهم بكل تفاصيلها .. وحتى بتكون درس للإدارة

الشي الثالث مثل ماقال المبدع فيصل أبو إثنين .. اللى صار مع الغرافة هو لقاح الفوز ببطولة آسياء بإذن الله

الشي الرابع الجمهور الرائع والحاضر للمباراة في ملعب أظهر رقي وفن التشجيع والحماس والزحف خلف فريقة والصبر حتى والغرافة متقدم بالأربعة .. وحتى هدف ياسر القحطاني في اللحظات الأخيرة من عمر المباراة وهم يهتفون ويشجعون .. هذا الجمهور اعطى إنطباع لجميع القطريين والخليج عن الجماهيريه الاكبر في المملكة

الشي الخامس .. الإعتقاد بأن النوايا الهلاليه حسنة تأكدت في مباراة الغرافه .. يكتب الله سبحانة أنه مايحكم إلا ذلك الحكم الذي كان سبب في خروج منتخبنا بعد مباراتنا مع كوريا وطرد الهزازي .. وطبعاً نفسيات اللاعبين صعبه ويتذكرون الحكم ومواقفه .. وسبحان الله ( يرقعونا أربعه أهداف ) ويجي الحكم شد عظلي ويطس .. ويدخل الأردني

ونجيب الأول ونلحقه بالثاني من قدم المحياني ( فديت قليبه )

وفيها إتضح حقد بعض الجماهير اللتي إدّعت وقوفها مع الهلال .. وبعد الهدف الثالث بدأت الشماته ... لكن من يظحك أخيراً يظحك كثيراً

لذلك أنا فاطس ظحك من امس للحين .. والشامتين مغلقه جوالاتهم

=====

بعد هالمباراة لايمكن محيها من عقول جمهور الزعيم إلا بطولة آسياء ..

هي المشكله من أي واحد إسمه حسن وإلا صدفه خلت أي واحد إسمه حسن أعرفه ( نكبه )

حسن العتيبي .. وحسن خيرات .. وحسن المفرج >> يبي يتبلى عليه

صحيح بغت تروح البطولة .. وإنرقعنا أربعه مربعة ... واللاعبين فضحونا لولا لطف الله سبحانه وتوفيقه ثم حركات المحياني بيض الله وجه إلا إنني مستحيل أكره الهلال .. ورغم ذلك أقول ماقال أصيل أبو بكر سالم :

بس احبك هذا حظي اللى إننكتب .... دربي اللى أمشيه وأدري به تعب

على فكره .. وطن كويس

>> بمناسبة اليوم الوطني >> جديدة علينا

أخوكم الصغير ابو طلال

ابو طـــــلال · #2 23/09/2010, 03:57 PM

ماودكم أرفع الموضوع مثلاً ؟ هع

ابو طـــــلال · #3 23/09/2010, 04:06 PM

قهر أكتب موضوع واول ماأظغط إضافة ألقاه بالصفحة الثانيه خخخخ

^^^

الكلام اللى فوق رفع مبطن

هلمجرا · #4 23/09/2010, 04:09 PM

نتمناه بالفعل ان يكون كذلك ( لقاح البطولة )
ولكني لم اعد اثق بأي ضمانات
امامنا دور الاربعة اصعب واكثر سخونة
يجب ان يكون اللاعبين على مستوى المسؤولية

العطـــــاوي · #5 23/09/2010, 04:12 PM

ابو طلال تحياتي وسلامي واشواقي الحراه والبارده لك

انا من المتابعين لقلمك الرائع

ونقاطك الي ذكرتها اوافقك الرأي فيها

وقلتها لاخوي امس بعد المباراه

قلت له هذي المباراه هي الي راح تجيب لنا كأس اسيا

بأذن الله

تقبل مروري

اخوك الاصغر منك << على وزن اخوكم الصغير ابو طلال

سلطان العطاوي

ابو طـــــلال · #6 23/09/2010, 04:20 PM

إقتباس

الرسالة الأصلية كتبت بواسطة هلمجرا


	نتمناه بالفعل ان يكون كذلك ( لقاح البطولة ) ولكني لم اعد اثق بأي ضمانات امامنا دور الاربعة اصعب واكثر سخونة يجب ان يكون اللاعبين على مستوى المسؤولية

مافيه شي مضمون .. الموقف بأقدام اللاعبين وفكر المدرب وعقلية الإدارة .. كل هذه الأشياء مجتمعه

وعلى اللاعبين التركيز اكثر والبعد عن الغرور والثقة الزايده

ابو طـــــلال · #7 23/09/2010, 05:13 PM

إقتباس

الرسالة الأصلية كتبت بواسطة العطـــــاوي


	ابو طلال تحياتي وسلامي واشواقي الحراه والبارده لك انا من المتابعين لقلمك الرائع ونقاطك الي ذكرتها اوافقك الرأي فيها وقلتها لاخوي امس بعد المباراه قلت له هذي المباراه هي الي راح تجيب لنا كأس اسيا بأذن الله تقبل مروري اخوك الاصغر منك << على وزن اخوكم الصغير ابو طلال سلطان العطاوي

ياحبيل سلامك .. سخانة مهيب سلامات

بإذن الله تكون هالمباراة هي الإنطلاقة نحو البطولة والوصول إلى بطولة اندية العالم

لاتحرمني حضورك يالغالي ومشكور ماقصرت

The Senator · #8 23/09/2010, 05:18 PM

اييه مباراة راح تحفر في الذاكرة
بس انا اقول ننسى المباراة فنياً ونتذكرها تاريخيا

ابو طـــــلال · #9 23/09/2010, 05:31 PM

إقتباس

الرسالة الأصلية كتبت بواسطة The Senator


	اييه مباراة راح تحفر في الذاكرة بس انا اقول ننسى المباراة فنياً ونتذكرها تاريخيا

الحياة دروس وعبر .. وهالمباراة من الدروس والعبر اللى مستحيل ماتمر على الهلال مرور الكرام

الكنكورد انا · #10 23/09/2010, 05:31 PM

يعطيك العافيه ابو طلال بس شكلك نسيت حسن نامي

ابو طـــــلال · #11 23/09/2010, 05:39 PM

إقتباس

الرسالة الأصلية كتبت بواسطة الكنكورد انا


	يعطيك العافيه ابو طلال بس شكلك نسيت حسن نامي

مانسيت نامي بس مهوب إسمه حسن .. إسمه مصطفى نامي

حياك ياكابتن

حمد الاحبابي · #12 23/09/2010, 05:54 PM

والله مدري وش اقول

كنت طالع مع الاهل((غصب والله))
وجاني اتصال من واحد يكره الهلال ومدري وش سالفة
ابو الشباب يقول ((الحق شخطوكم بــ 3 ))
مع شويت بهرات
والله اني راجع للبيت ماني بمصدق ولا مكذب الرجل
وعلى طول الجزيرة الرياضية ويدخل الهدف الـــ 4
والله بس تذكرت الامير عبدالرحمن وقالت والله حسافة تعبة راح خسارة
غيرت القناة على سيدة القنوات مع فارس عوض لني بصراحة مول ما احب على سعيد الكعبي يعلق على مباريات الهلال ((نحس مير مع الاتحاد بــ 5 صدفة))
وكم دقيقة وانا مجنون لكن ربكم كريم
جاء الاول والثاني وكان بجي الثالث

المهم

الدرس قوي وفي عالم المجنونة محد ضامن
والخوف من الحكم مالها داعي
والاستهتار بــ الغرافة مالها مطار

إقتباس


	على فكره .. وطن كويس >> بمناسبة اليوم الوطني >> جديدة علينا

دومي سارعي وعلى المحبة

إقتباس


	إلا إنني مستحيل أكره الهلال

كنت رابط عشق الهلال بــ سامي الجابر
لكن سامي معاد فارق الهلال ويارب طول العمر
وعلى قولة مهندس الكلمة

ياحبي المر العذب

شكرا الشيبة

ابو طـــــلال · #13 23/09/2010, 07:23 PM

إقتباس

الرسالة الأصلية كتبت بواسطة حمد الاحبابي


	والله مدري وش اقول كنت طالع مع الاهل((غصب والله)) وجاني اتصال من واحد يكره الهلال ومدري وش سالفة ابو الشباب يقول ((الحق شخطوكم بــ 3 )) مع شويت بهرات والله اني راجع للبيت ماني بمصدق ولا مكذب الرجل وعلى طول الجزيرة الرياضية ويدخل الهدف الـــ 4 والله بس تذكرت الامير عبدالرحمن وقالت والله حسافة تعبة راح خسارة غيرت القناة على سيدة القنوات مع فارس عوض لني بصراحة مول ما احب على سعيد الكعبي يعلق على مباريات الهلال ((نحس مير مع الاتحاد بــ 5 صدفة)) وكم دقيقة وانا مجنون لكن ربكم كريم جاء الاول والثاني وكان بجي الثالث المهم الدرس قوي وفي عالم المجنونة محد ضامن والخوف من الحكم مالها داعي والاستهتار بــ الغرافة مالها مطار دومي سارعي وعلى المحبة كنت رابط عشق الهلال بــ سامي الجابر لكن سامي معاد فارق الهلال ويارب طول العمر وعلى قولة مهندس الكلمة ياحبي المر العذب شكرا الشيبة

هلا بطير شلوى ..

انا كل شوي أشوف المباراة بقناة .. اقول يمكن هالمعلق ( نحس ) بس ولو شفت الأهداف بكل القنوات الناقله .. بس سبحان الله .. كانوا عيالي طالعين .. وعلى دخلتهم للبيت ويجي الهدف الأول .. حتى ماسلمت على عيالي طايرتن عيونهم من شكلي ؟!! وشوي وإلا الهدف الثاني .. ويقلب وجهي من عابس إلى بشوش .. الظحكه شاقتن وجهي .. يوم خلصت صحيت وسللموا علي وقلت والله ياوجهكم خير علي .. تستاهلون أغديكم بكرا برا ..

وانا وقتها مستعد أغديهم وأعشيهم بالمطاعم لمده شهر من كثر فرحتي ..

بس الغرافه بطل .. والله بطل

حيالله الذيب

ولك وحشه

تركي السلماني · #14 23/09/2010, 07:24 PM

ههههههههههههههههههههههههه
ههههههههههههههههههههههههههه
>>>> ماسكه ضحك من أمس

ياهلا و الله يابو طلال !

أقول ماودكــ تقلب اسمك لحسن

!

حتى الطبل اللي بــ باب الحارة ( ابو بشير ) اسمه حسن

>> تفكير سامج !

عاد تبي الصدز يابو طلال و الله أن التأهل كذا له طعم يآآآآلطيف

و أن شااء الله تعالى يكون درس لكل من سولت له نفسه يثق بواحد اسمه حسن !

عاد تصدق أن حتى هالكوري اللي وش حليله و اللي لو تقول له آآف .. طاح من الفشيلة أمس قام يهاوووش

تصدق كام عندي واحد اسمه عيسى فيوم سجل عيسى المحياني لفيته كــف يحبه قلبك

قسم بالله بغى يروووح غلطة !

الله يعطيك الف عافية على هيك موضوع
بس احمد ربك ان موضوعك بالثانية و صلت
الرابعة من شوي و مالقيت موضوعي السامج !

دمت شامــخـــاً ياوطني و كذلك الحزم

ابو طـــــلال · #15 23/09/2010, 07:39 PM

إقتباس

الرسالة الأصلية كتبت بواسطة تركي السلماني


	ههههههههههههههههههههههههه ههههههههههههههههههههههههههه >>>> ماسكه ضحك من أمس ياهلا و الله يابو طلال ! أقول ماودكــ تقلب اسمك لحسن ! حتى الطبل اللي بــ باب الحارة ( ابو بشير ) اسمه حسن >> تفكير سامج ! عاد تبي الصدز يابو طلال و الله أن التأهل كذا له طعم يآآآآلطيف و أن شااء الله تعالى يكون درس لكل من سولت له نفسه يثق بواحد اسمه حسن ! عاد تصدق أن حتى هالكوري اللي وش حليله و اللي لو تقول له آآف .. طاح من الفشيلة أمس قام يهاوووش تصدق كام عندي واحد اسمه عيسى فيوم سجل عيسى المحياني لفيته كــف يحبه قلبك قسم بالله بغى يروووح غلطة ! الله يعطيك الف عافية على هيك موضوع بس احمد ربك ان موضوعك بالثانية و صلت الرابعة من شوي و مالقيت موضوعي السامج ! دمت شامــخـــاً ياوطني و كذلك الحزم

الموضوع هالوقت تنزله كنك حاط حصات بطاحونة إسمنت تدورها ماتلقاها ..

ولايمديك تخليه للصفحة الثانيه لأنه إذا راح للثالثه مايمديك تلحق عليه ..

انا ودي بردود الأعضاء هالوقت حتى لو يسبون ماعندي مشكله ... على الأقل يرفعونه

وعلى طاري حسن .. لاتنسى حسن نصرالله هع هع

بس يكرم والله حسن العتيبي وخيرات عن هالمخيس .. >> متأثر بقوه مع قنوات صفاء ووصال ..

هالتأهل له طعم غير طبيعي ... وأشوى غن التغيرزه جت هالوقت وتاهلنا والحمدالله .. مانبي هبال بالدور الأربعه

تحياتي لك اخوي تركي .. وترى عادي ترد لو فيه شي من ردي مااعجبك >> فرصه ترفع موضوعي