23/09/2010, 01:04 PM
|
| زعيــم متواصــل | | تاريخ التسجيل: 01/12/2006 المكان: الخبر
مشاركات: 65
| |
|
][ لماذا يا هــلال ][
بسم الله الرحمن الرحيم
الحمد لله حمداً كثيرا كما ينبغي لجلال وجهه وعظيم سلطانه
بدون مقدمات وديباجات لاني ما أعرفلها
أولاً:- أبارك لمملكتنا الحبيبة قيادة وحكومة وشعباً باليوم الوطني وأقول كل عام وانتي الحب يا بلادي وان شاء الله من ازدهار إلى ازدهار أكثر.
ثانيا: أبارك لكل الجماهير الهلالية في كل بقاع العالم التأهل إلى دور الأربعة رغم أني كهلالي ما تمنيت نتأهل بهذي الطريقة.
راح يقول الناس ياخي وش عليك انت أهم شي تأهلت وخلاص غصب عن اللي يرضى واللي ما يرضى
برد عليه واقول له صح كلامك لكن هل كان هلالنا هو نفسه اللي تعودنا عليه؟؟ هل كان هلالنا هو نفسه اللي ضربت مشوار من الشرقية إلى الرياض روحه ورده عشانه؟؟؟ هل كان هلالنا هو نفسه أبو الخمسات في الدوري المحلي وابو الثلاثات في الخارج؟؟؟ هل كان وهل كان وهل كان ؟؟؟
أسألة كثيرة ما لقيت لها جواب ولا لقيت لها تفسير للمستوى السيئ جدا جدا جدا جدا جدا جدا جدا جدا جدا جدا جدا جدا .
أبي أحد يقول لي ليش بعد كل اللي نسويه لهم من تشجيع ودعم ومؤازرة وضرب مشواير ونشوف بالطريق حوادث الله لا يوريكم ويستغلونا أصحاب الشقق والفنادق ويرفعون علينا الأسعار يفكرونا سواح وبالأخير نشوف هالمستوى اللي حتى فريق حواري ما يلعبه.
وش ذنبي اترك زوجتي وأهلي ودوامي واروح للرياض عشان الهلال واصيح واتنرفز بسبب لاعبين هواة يضيعون فرص ما تتضيع وبالأخير اشوفهم بنفس مستوى مباراة الاياب ؟
وش ذنب أخوي الصغير اللي عمره ما تجاوز 9 سنوات دموعه تنزل مثل السيل عشان فريقه المحبوب بينهزم وكمان بيطلع من المولد بلا حمص؟؟
وش ذنب وش ذنب وش ذنب ناس كثيرين مثلي وأخس واحسن مني يغمى عليهم او يبكون او يصير لهم مكروه لا قدر الله بسبب هاللاعبين؟؟
جيريتس اذا انت مشتاق للمغرب فروح الله لا يسهل لك درب ولا يوفقك. لكن لا تروح على قولة الشعب وانت رايح كثر الفضايح لاتروح وانت مسوي فينا اللي سويته البارحة.
ياسر .... الفريدي.... نيفيز ...... ويلي ودي اعرف بس انتم بأي روح تلعبون ؟؟؟
العابد ... تكفى واللي يرحم أهلك فلسفة كثيرة قدام المرمى ما نبي لا تسوي فيها فنان مو عشانك جبت هدف من نص الملعب خلاص صرت توب
حسن العتيبي ... متى بتتعلم تتدخل بالعرضيات مثل ما تتدخل في الانفرادات وتجيب فينا العيد احيانا؟؟؟
ويلي .... انت لاعب راقي ومن طراز عالي المستوى ليه التصرف الطفولي منك هذا ؟؟؟
الشلهوب الناس تكبر ويهبط مستواها لكن انت رائع بمعناها وبأكبر منها
المحياني حقك مهظوم وحرام وربي تقعد في الاحتياط لانه مكان ناس غيرك تحب الفلسفة.
أخواني واخواتي والله ما كتبت هالكلام من فراغ قسم بالله كتبته وانا فيني قهر وضيم ما يعلم فيها الا رب العالمين من اللي صار البارحة في الملعب وشفته بالتفلزيون وناس كثير شافوه.
ودي اعرف بس لماذا يا هلال اللي صار البارحة؟؟ تكفون يالربع جاوبوني؟؟
واعذروني على الاطالة..... |
![][ لماذا يا هــلال ][](iconimages/t933132_rtl.gif)
الوضع العادي
