فضفضة مشجع +هاردلك للنصراويين + فرحة ويلي الهستيرية - نادي الهلال السعودي - شبكة الزعيم

الزمن الذهبي · #1 23/09/2010, 05:57 AM

يالله حيهم يالله حيهم والف مبروك التأهل الي ماله طعم

ويا سرع الايام
لما سويت تسجيل الدخول لقيت اخر زيارة لي لشبكة الزعيم كانت في شهر 8 سنة 2008 يعني قبل اكثر من سنتين

خلوني اعطيكم السالفه من البداية

امس قررت اني اتوجه الى قطر مع حافلات الجمهور الهلالي المتجه من المنطقه الشرقية الى الدوحه وظبطت اموري واخذت اجازه من العمل ( ما عندنا يوم وطني )

وكل شيء كان تمام

ومن شين حظي المقرود راحت علي نومه وفاتتني الحافلات ورجعت مكسور الخاطر
لكن... كان فيني حماس غير طبيعي وانتظر المباراة ودي اشوفها على التلفزيون وودي امتع نفسي بمتابعة نجوم الزعيم

وبدأت المباراه ولما جا هدف الغرافة الأول في اول الدقايق بقيت من العشر ثمان

وراح 90% من الحماس الي فيه
وانقلب الشعور الى خوف من تكرار سيناريوهات سابقة عشنا فيها نفس الوضع

صبرت وقلت ان شاء الله تعدي

وشوي جا الهدف الثاني

انا بصراحه والله ما قدرت اتحمل قمت طفيت التلفزيون وقلت خلني اروح اصلي العشاء ابرك لي واذا رجعت ان شاء الله يكون الوضع قد تغير
وفي الصلاة كلها دعوات قلبية صادقه بالتوفيق للهلال

خلصت الصلاة ورجعت البيت وقلت اشغل التلفزيون ولا ما اشغله
قلت خلني اشغله واشوف النتيجه بس

لقيتها صارت ثلاثه

انا لما شفت النتيجه بردت عظامي وحسيت ان جسمي ماهو قادر يشيلني وطفيت التلفزيون مره ثانية وقلت الزم ما علي صحتي
وجلست اتابع مسرحية مدرسة المشاغبين وتركت المباراة

وبعد حوالي ساعة قلت خلني اشوف الوضع
فتحت التلفزيون لقيت الدقيقه 115 الشوط الاضافي الثاني والنتيجة 4 صفر للغرافه !!!

الصدمة كانت قوية جداً وطعم الخروج المر والمذل بهذه الطريقة كان مسيطر على تفكيري

قمت طفيت التلفزيون مره ثانية لأني فقدت الأمل
وقلت مالي الا اجلس اندب حظي الى ان تنتهي المباراة واتحسر على المستوى الي ظهر فيه الفريق
وقلت ما فيه أمل اننا نتأهل الا بمعجزه

النتيجه 4 صفر وما بقى الا خمس دقايق
قلت ياولد مالنا الا الدعاء عسى الله يجيب الفرج من عنده
ولما شقت الوضع الي انا فيه تخيلت حال عبدالرحمن بن مساعد بعد التعب الي تعبه والفلوس الي صرفها كلها من اجل الاسيوية ويشوف تعبه يضيع بهذي الطريقة

فتركت الهلال وجلست ادعي الله ان الله ما يخيب رجاه أوعلى الأقل انه يقدر يتحمل الصدمه
وعرفت ان المباراة انتهت بس والله ما قدرت اشغل التلفزيون

ونمت من الغبنة
وصحيت زي المقروص
قلت افتح النت ولا افتح التلفزيون

قلت خلني افتح النت

وفتحة شبكة الزعيم وقريت اشياء إجابية نوعاً ما
اول موضوع كان تصريح سامي بعد المباراة

والي بعده كان صور من حالات الاغماء ( الله يشفيهم)
والي بعده كان مباراة الغرافه اهداف ،لقاءات ، تصاريح

فكرت بسرعه
قلت لو ان الهلال ما تأهل وضاع حلم الاسيوية اكيد ان الشبكة بتنهار
او على الأقل ما بيحطون اهداف مباراة انرقعنا فيها اربعة صفر !

فتحت الموضوع بتردد وايديني تتنافض واقر الا مكتوب الغرافة 4 الهلال 2

وما تشوف الا انواع الصياح والفرحه وسجدة لله شكر على هذي النتيجه الي ماكنت تخطر على البال

اللهم لك الحمد حتى ترضى ولك الحمد اذا رضيت ولك الحمد بعد الرضا ولك الحمد على كل حال

********************

دخلت على بعض المنتديات النصراوية ولقيت انهم بدو الاحتفالات مبكرين

على بالهم الزعيم طلع

بس مشرفينهم تداركو الموضوع بعد ما انقلبت النتيجة وحذفو اغلب المواضيع الي كانت بمباركتهم بزعم انهم ما يتفشلوووون

اللهم لا شماته

حالتنا اليوم احنا والنصراويين كانت واحده كلنا انغبنا

لكن حنا انغبنى بشكل جزئي الى نهاية المباراة وهم غبنتهم ابتدت بنهاية المباراة وان شاء الله تكون على طووووول

*****************************

وانا اطلع على صور المباراة شدتني صورة الفرحه الكبيره الي ظهرت على اللاعب السويدي وليهامسون وياحبي للاعب الأجنبي لما يكون مخلص ويفرح من قلبه

اسف على الاطاله لكن.. (ساكن وحداني وما لقيت من افضفض له قلت مالي غيركم)

az00z- · #2 23/09/2010, 06:29 AM

يالبى ولي هامسووون كاااااااان مرررررررررررره سعيييييييييييييييد

abooody.n · #3 23/09/2010, 06:30 AM

اللهم لك الحمد حتي ترضى
ولك الحمد اذا رضيت
ولك الحمد بعد الرضا

dr-msa · #4 23/09/2010, 06:48 AM

الله يرجــــــــــــك ,,

والله العظيم نفس السيناريو ,, بس كنت أفتح التي في كل 10 دقائق و أقفل مباشرة ...

مبروك يالغالي ,,,

هلالي ( ون ) · #5 23/09/2010, 06:53 AM

اترك الهيت اللي بالمنتدى

هناك نصراويين شجعونا بالملعب (يجب ان ننظر الي الشي الايجابي )

الحمد لله على الفوز

الهلالي ابو جود · #6 23/09/2010, 06:58 AM

من طول الغيبات جاب الغنايم

والف مبروك فوز الزعيم وعقبال الاسيوية

بس انتبه مره ثانيه دامك تشجع الهلال لا تيئس لاخر رمق خل عندك ثقة في فريقك

هلالية العشق · #7 23/09/2010, 07:02 AM

فرحه ويلي خلتني ابكي بصراحه احب هذا الاعب بس مادري وش صار له اليوم

سنآيدي · #8 23/09/2010, 07:04 AM

هههههههههههههههههههههههههههههه

آجل فآتـك نـص عمـرك

تخيل آنك مشغل التلفزيون على هدف الهلال الاول كان عشت فرحة هستيرية

آنا من زود الفرحـة صـرت مثل الخـروف آطـق رآسـي بآلجدآر هههههههه

وآحلى شي كنا تآكين عند واحد من الشبـآب في خيمة وكان عددنـا تقريبآ 12 واحد

كلهم هلاليين وواحد بـس نصررآوي والنصـرآوي مسسكين طول المباراة يضحك ومبسوط

الى آن جاء هدف الهلال كل العيآل طبو فوق النصرآوي وجلدوة جلـد هههههههههههه

وعلى قولتك غبنتهم بدت مع النهاية هههههههه

حبيبي نواف · #9 23/09/2010, 07:04 AM

ياعمرررررررررررررررررررررررررررررررري

أبونسيم الهلالي · #10 23/09/2010, 07:11 AM

| |

يعـطييكَـم العـآفـية ومـآقصرتَووآ

.
.
وبـآلتوفيق لـ الزعيم

حربي والهلال حبي · #11 23/09/2010, 07:16 AM

اللهم لك الحمد حتي ترضى
ولك الحمد اذا رضيت
ولك الحمد بعد الرضا

حسن8 · #12 23/09/2010, 07:18 AM

ششكرآ

..

*

*

*

وعلى دروب البطولآت نلتقي ..

قريني الهلال · #13 23/09/2010, 07:21 AM

الحمد لله على كل حااااااااجه

كــــنق سدير · #14 23/09/2010, 07:21 AM

والف مبروك فوز الزعيم وعقبال الاسيوية

كريزي · #15 23/09/2010, 07:22 AM

انا والله استغربت من قيرتس انه يلعب بمحور واحد ويترك الهجوم راس حربه واحد قسم بالله ممممخ محجررر قيرتس انشالله ماتعوده واذا تبي ، الفكه ، اطلع من حياتنا ياخي ، اول مره اشوف مباراة خارج ارضك ومباراة الذهاب متقدم 3 اهداف ، تلعب بمحور واحد ، طيب مادمك خربته نزل المحياني وياسر ، مخلي ياسر لحاله ، والله العضيم ، مدررب مبتدي مايسوي الي تسوي ياقيرتس

وانا والله ساحب ع الدووام سيفوووون ، لعيون الزززعيم ، والله ماتوقت كذا المستوا ، بس الحمد الله الي انتهت على كذا

، المهم الحمد الله ، الي فزنا ، والله اني مافكر ، الا بنوو فقرر والاتشاد ، وخاصه ان المعنوياة تبي تنززل لو خسرنا لاكن الحمد الله ، الي انتهت المبارات كذا ،،

هههههههههههه ،، الا على طاري النوم ، انت ماتلاحض انك نمت وراحة عليك الرحله ورجعة نمت ، وقبل نهاية المباارات رجعت ونمت ،،،، انت اضاهر خاذي الاجازه علشان تشبع نوووم

ويالبا قلبك ياطلق المحيا ،