في البداية الحمد على السلامه وبنفس الوقت مبروك ولو انه ما كنا نتمنى نتاهل للدور النصف النهائي بالطريقه هذي لكن يمكن تكون المباراه هذي هي ((( مهر البطولة ان شالله ))) وتذكروا كلامي ...
النقاط اللي ابطرحها اتمنى تؤخذ بعين الاعتبار من الجماهير الهلالية لانها هي المعنية بهذا الخصوص ::
-- اليوم الفريق ماكان بالمستوى اللي كان عليه بمباراة الذهاب في الرياض لاسباب احنا كجماهير نجهلها لاننا ما حنا قريبين من الاعبين ولا نعرف ليش ظهروا بالمستوى هذا وين الروح وين القتالية وين العزيمة وين الاصرار علامة استفهام كبيرة بحق نادي الهلال وكيانه وتاريخه وجماهيرة لكن اللي احنا نقدر نقوله من اللي شاهدناه في المباراة ان الجهاز الفني والاداري قال للاعبين العبوا باارتياح اكبر والاعبين دخل الى نفوسهم انهم ضامنين النتيجة وان المباراة تحصيل حاصل هذا اللي نقدر نقوله ولا نحن راضين عن المستوى هذا ولا يمكن ان نقبل اي اعتذار من الاعبين الا بحالة واحدة (( البطولة الاسيوية )) بأذن الله بأذن الله .
-- والله ان نحزن يوم ندخل الى المنتدى ونشاهد سب الاعبين(( وشيلوا الاعب هذا شيلوا خيرات شيلوا العتيبي شيلوا الفريدي ياخي بارد نيفيز اعارة ياسر حطوه بالدكة ليه المجاملة )) ماعليش كلوا واحد معه حق وهذي وجهة نظرة ونحترمها بس ماهو بالشكل هذا قبل اسبوع كنا نصفق لهم دور الستة عشر سوينا معلقات لهم وتصاميم وتواقيع وانهم افضل اللاعبين قلنا عن حسن انه شاطر ونسينا الدعيع وش اللي تغير الحين تاكدوا هذي وجهة نظركم ولا الومكم بس نتمنى نكون هاديئن في طرحنا عقلانين في آرانا هذولا نجوم نحبهم ياما افرحونا صحيح ننتقدهم ولا فيه احد فوق النقد حتى الادارة ...
-- المطلوب منا كجماهير اننا نحفز الاعبين وقبل التحفيز نعاتبهم على هالمستوى الهزيل اللي قدموه والله ما شفت الهلال بهالشكل خلونا نكون حضاريين كما يطلق علينا كجماهير الزعيم ...
-- اتمنى من الاعضاء والله ما أقول هالشي من المحبه اللي بيننا واللي حنا محسودين عليها لاننا على قلب واحد ما عندنا اي اتجاهات مع العضو الشرف هذا او ذلك مثل الاندية الاخرى ،، اللي بقوله هنا اني اشوف بعض الاعضاء يتكلمون واغلب مشاركاتهم على انتقاد جماهير الفرق الاخرى وش قالوا وش اللي سووه ،، احنا جمهور الهلال ما نتبع لا احد و لا اي كائن كان يحاولوا انه يستفزنا او يتكلم او يشكك فينا وفي محبتنا ..
اللي بقوله هنا (( هم فقدوا المنافسة معنا داخل الملعب وانهم منافسين لنا خلاص انتهى الشي هذا من زمان فهم يحاولون انهم يؤهمون الناس انهم منافسين لنا وهذا انتهى من زمان ))

-- سامي انت اكبر من مدير فريق انت الاب الروحي للهلال ..

اتمنى من المشرفين الأعزاء الرفع وشكرآ لكم

إن شاء الله يرجع الهلال لمستواه


عالعموم الله يعطيك العاافية

كلام جميل ورائع ومنطقي وفي وقته الله يعطيك الف عافيه

الله يعطيك العاافيه ..

صدق ساامي قلب الهلال ..

الف شكر لكم جميعا على المرور اسعدتني ردودكم العطره شكرآ