السلام عليكم لاهنتوا يااخوان مساعده

للي بيروح قطر بالسيارة من الرياض او الدمام او الاحساء

ياشباب الباصات فل كلها وانا مرتب دوامي ومستاذن وتعبت عشان هاليوم

والقروب الي معي كنسلوا عشان الباصات فل وقلت انا رتبت اموري وبشوف احد يحرك واحرك معاه

والمشكلة سيارتي ماهي باسمي

مدري شباب احد يقدر يتحملني واروح معاهـ
انا بالاحساء

سوا من اهل الرياض و الدمام>لازوم يمرون ع الاحساء
او اهل الاحساء انا لحالي لو تكفي السيارة وترضون بشخص او شخصين مافي مشكلة

اهم شي انا ^_^

وربي تو رجعت من الخطاط وكلمته قلت كنسل الشغل لين ارد لك خبر

ياشباب الي بيساعدني الله يجزيه خير ويرد علي هنا او بالخاص ونرتب

انتوا رايحين رايحين الطريق واحد وتساعدوني وربي وكله طريق واحد

ان شاء الله الشباب يساعدوك
بالتوفيق

إن شاء الله يساعدونكـ وتلاقي حل

ولا ماهو لازم الجماهير تكفي وتوفي

ان شاء الله تكون هناك باصات اضافية للجمهور الهلالي وان شاء الله الجماهير الهلاليه كلها في قطر وراح تلقى من يساعدك

أن شآء الله يسآعدونك و تحضر المبآرآة ولآ تخآف جمهور الزعيم مآيقصر

و أن شآء الله تلقى الي يوديك يـ الغآلي

بـ التوفيق لـ زعيم آسيآ

والله يالزعيم مايمدي ارجع من الدووحه ولا التعب علي السياره

وان شاء الله تحصل احد الزعماء وياخذك علي دربه او شف موضوع الباصات الي خصصها الحكير

بتحصل فيها مقاعد ميه بالميه وموجود رقم جوال اتصل منت خسران شي

وبالتوفيق للهلال

آلـلـه ، يـسـهـل ، عـلـيـك ،


بإذن الله ، آلجمآهير المغآدرهـ لـ آلدوحه ، لن تقـصـر ،


بـ التوٍٍفيق ، لـ كـم ،

الله يعينكم ويبيض وجيهكم يارب
وتشرفونا ويشرفنا ويشرفكم الهلال

مهو معقول مافيه ولا زعيم طالع في سيارته حتى ياخذك معه افاا والله


ياليت ظروفي مهي ضدي ولا كان انسق معك

انشاء الله يسعدونك الشباب
صج انك نذل(^_^) انت وواحد تقول بتروح اهم شي انا

تقبل مروري

يعطيكم العافية على رفع المعنويات

ياخوي لانذل ولا شي

ابلش بخلق الله انا

يكفي اني ببلش غير فيني هههههه

اخوي sasss

وين رقمهم حق الحكير او رابط موضوعهم ؟؟

انا جاهز اخذك معي بامشي الفجر من الرياض راسلني الخاص

إقتباس الرسالة الأصلية كتبت بواسطة مشاعر محطمه السلام عليكم لاهنتوا يااخوان مساعده للي بيروح قطر بالسيارة من الرياض او الدمام او الاحساء ياشباب الباصات فل كلها وانا مرتب دوامي ومستاذن وتعبت عشان هاليوم والقروب الي معي كنسلوا عشان الباصات فل وقلت انا رتبت اموري وبشوف احد يحرك واحرك معاه والمشكلة سيارتي ماهي باسمي مدري شباب احد يقدر يتحملني واروح معاهـ انا بالاحساء سوا من اهل الرياض و الدمام>لازوم يمرون ع الاحساء او اهل الاحساء انا لحالي لو تكفي السيارة وترضون بشخص او شخصين مافي مشكلة اهم شي انا ^_^ وربي تو رجعت من الخطاط وكلمته قلت كنسل الشغل لين ارد لك خبر ياشباب الي بيساعدني الله يجزيه خير ويرد علي هنا او بالخاص ونرتب انتوا رايحين رايحين الطريق واحد وتساعدوني وربي وكله طريق واحد

راسلني على الخاص ان اشاء الله تروح معي انا في انتظارك

إقتباس الرسالة الأصلية كتبت بواسطة جديد الهلال انا جاهز اخذك معي بامشي الفجر من الرياض راسلني الخاص

ماتجي للرياض بعد تآخذني

هيك زعمـآء ولا بلآش

والله يستر عليكم يآرب تروحون وترجعون بالسلامه

وبالتوفيق للزعيم يآرب