10/02/2001, 11:05 PM
|
| زعيــم متألــق | | تاريخ التسجيل: 28/08/2000 المكان: هلالي وأعشق سامي
مشاركات: 1,169
| |
| بصراحة اليوم بعد نهاية الشوط الأول من مباراة المنتخب السعودي ومنتخب بنجلاديش قلت ياولد ليه ماتشوف قناة صالح كامل وش يقولون ...!!
خاصة أنهم بعد المباراة اللي طافت بعد الشوط الأول اللي أنتهى 4 / 0 ما أعجبهم الوضع ..!! أجل وش بيقولون هالحين ...!! ياويل اللاعبين ( طبعاً هالكلام في تفكيري فقط ) ...
المهم وبدأ المذيع اللي وجه تقول 10 في 9 ...!!! أعوذ بالله وجهه كله جبهه ...!! وش يقول ... والله المنتخب السعودي قدم عطاء ممتاز وأداء رائع كل شيء تمام وكل اللاعبين تمام ( ما تخسي يالنذل هالحين صاروا تمام علشان عمك واللي رافع ضغطك ما هو معهم ...!! ) ... ودي أعرف كيف كان عبيد تمام وهو يضيع الكورة السهلة وحدة ورى الثانية ...!!
وإلا ماطر كل كورة مقطوعة وأناني بشكل غريب ( مع العلم أني أحب ماطر والله ) لكن ليه مايقولون هالكلام إلا على لاعب واحد دائماً ( حسبي الله عليهم ) ...
المهم أنتقل الكلام من أبو جبهه للأخ المصري عفواً السعودي أمين دابو ...!!! وش قال ... النهردة المستوى ممتاز وكل لاعب قائم بدورة كما يقب ( يعني يجب ) ولكن المنتخب البنقلاديشي مأفل ( يعني مقفل ) والمهاقمين ( يعني المهاجمين ) مايقدروش يوصلوا للمرمى بسهولة ... لكن مستواهم ممتاز ... ( والله أنك كذاب يالمنافق هالحين صار بنجلاديش مقفل والله المقفل مخك ... صحيح بنجلاديش مدافع لكن ليه ما قلتوا هالكلام على المنتخب ضد قطر وهو أشهر فريق يلعب دفاع بالعالم وإمكاناته أحسن من بنجلاديش مليون مرة ..!! تدري ليه ... لأنك منافق وسامي ما هو موجود خلاص كلهم تمام ...!! حسبي الله عليك )
المهم إنتقل الكلام للأستاز ( يعني الأستاذ ) الدكتور مدني رحيمي ( والله أن وجهه تقول عنز لها فترة عن الأكل ...!! ) وش قال ... والله الحقيقة منتخبنا كانوا يقدموا لينا كورة ممتعة فيه سلاسة في الآداء ( جعلك والله بالسلسلة اللي تهد ظهرك يا نصاب ) ... أنا من زمان نفسي أشوف منتخب مشجع زي هدا المنتخب ( يهب يالنصاب والله اللي ما يتذكرها ) ... وبغض النظر عن فلان يلعب وإلا فلان المنتخب كان تمام ... حتى لو لعب سامي وقدموا كدا المنتخب تمام ( أقول دايم إسم عمك على لسانك ) ... ( بصراحة هالحضرمي هذا أنا ما أبلعه يتفلسف وهو والله في وادي والكورة في وادي ثاني ... هالحين المنتخب تمام ويشرف ...!! واحد فقط ضد بنجلاديش يشرف ...!! وأربعة ما هي عاجبتك ...!! أنت وش عرفك بالكورة حدك والله كيرم ويخب عليك بعد )
المهم أنتقل الكلام للحكاية الكبيرة العلامة عبدالعزيز الشرقي ( وجهه تقول قطو منحاش من كلب له ثلاثة أيام يطارده ...!! ) وش قال ... بصراحة منتخب كويس وأداء كويس لكن فيه مشكلة بسيطة ... ( أخس ياحلال المشاكل ..!! ) الشلهوب دايماً يطلع من الجهه اليمنى ويعطل دور ماطر .... ( يهب الله لا يبارك فيك ...!! يا خوي أستح على وجهك ماصدقت خلصت من سامي رجعت للشلهوب ...!! ليه ماتقول ماطر كان صفر يا نذل ...!! ) لكن مستوى منتخبنا رائع قدم كل شيء في فنون الكرة ...!! ( والله أنك ما تعرف في فنون الكرة إلا أكسر يا أبو ميمون وأضرب يا أبو ميمون ..!! )
عبدالعزيز الشرقي هذا أكبر حاقد على مستوى العالم وأكبر واحد يكره شيء إسمه الهلال ... لكن والله يالغبي أنك لتصير مثل ما أنت مكانك سر حتى تموت ..!!
وفيه نقطة فيه فاكس وصل لشخص يقول المباراة بدون سامي مثل الطعام بدون ملح والشاي بدون سكر ... والله كلام جميل ... لكن علي داوود ما أعجبه الكلام هدا يابوي ... وقام يدافع عن طلال وعبيد ونور ويقول بصراحة اليوم كلهم نجوم ...!! ( حسبي الله عليك ...!! أي نجوم طلال يمكن نسامحه في بعض الأخطاء ونقول لا بأس ونور كذلك ... لكن عبيد ...!! والله مصيبة ...!! )
بصراحة أنا قلت كل هالكلام من قلبي وأعذروني تكفوووون والله أن ضغطي مرتفع ...
ولكم تحياتي ...
أخوكم / سفر المرزوقي .
[عدلت بواسطة ســ9ــامــ9ــي التاريخ:10-02-2001 الساعة: 11:09 PM] |
أنذال وحاقدين 
أنت كذا 
الوضع العادي
