][ لاتعاند البحر فـأمواجه هادرة لايمكن لسفينتك الشراعية ان تمضي فيه ][ - نادي الهلال السعودي - شبكة الزعيم

رابطة عشاق ليفربول · #1 18/09/2010, 11:05 AM

فكرة وإعداد وتنسيق وتصميم : رابطة عشاق ليفربول

نحمد الله جت على ما نتمنى ... من ولي العرش جزل الوهآيب

ليلة خميس مميزه عشناها مع الزعيم المميز في كل شيء .. من ناحية الأداء و النتيجه و الحضور الجماهيري و ... إلخ

بإختصار .. هذه المره سنروض المستعصيه

ونحن بدورنا رابطة عشاق ليفربول , أحببنا أن نشارككم الفرحه هناك في منتدى الجمهور الهلالي .. عمل بسيط مكون من 4 فقرات لكن مضمونه كبير ويكفي أنه عن نادي القرن في آسيا

نتمنى أن عملنا البسيط يحوز على رضاكم

الفقره الأولى

][ أعضاء الرابطه .. لهم كلمتهم بعد هذا الانتصار ][

|| العضو ( هلاليــــــــــــ أصيل ) ||

بسم الله الرحمن الرحيم
الحمد المباراه جت افضل من ماتمنينا ,, بصراحه قبل المباراه لو حصل الواحد صفر في ظل النقص كنت راضي بدرجه كبيره خصوصا ان لكل ذهاب اياب وبالاياب اعتقد الفريق بيكون شبه مكتمل .. .
لكن اللي حصل بالمباراه كان شيء ثاني . فريق مثل الغرافه انهزت ثقته بعد ماشاف هذا الكم الهائل من الجماهير اللي قاعد تساند بصوت واحد واعطت لهلالنا ثقه كبيرهـ بالملعب ولو اني تمنيت ترجمة الفرص المهدره لاهداف قبل نهاية الشوط وناكل الغرافه بقشورهم مثل ما يقال قبل تجي الصحوه ويقفلون حتى اشعار اخر بالدوحه .
الجميل ان الشوط الثاني دخلوه نفس الاول وكان بالامكان زيادة الغله للضمان لا اكثر لكن الحمد لله ع كل حال والاياب كلام ثاني لكن أؤمن بأن الهلال قادر على الوصول لطوكيو بأذن الله .

---

|| العضو ( LIVER 4 EVER ) ||

بالبدايه وقبل كل شيء احب اهني وبارك لجماهير الزعيم الفوز الكبير اللي حققة زعيم اسيا مستوى ونتيجه , وان شاء الله يكتمل العقد والفرحه بالشوط الثاني في قطر .

قبل ماتكلم عن اللقاء راح اعطي اللاعب رقم 12حقه ,, الجمهور الهلالي قمه بالتالق امس والحظور مشرف وبكل صراحه شفنا اثره على لاعبين الغرافه لانهم من انتزع الثقه من نجوم الغرافه على النقيض بالنسبه للاعبين الهلال . انا من مشجعين الليفر واعرف الدور اللي يقدمه جمهوره للاعبيه حتى بوضع الخساره لهذا اكثر مالفت انتباهي هو الجمهور .
عن اللقاء لما فريق يدخل وهو فاقد الثقه بيكون صيد سهل على الفريق الغرافه بصراحه اعلاميا اقوى من الفريق اللي واجه الهلال امس , شفنا لاعبين وشفنا اسماء لكن مفتقد للاداء ومفتقد للتركيز وفيه نوع من الاستعجال ؟؟؟ كله يرجع للجمهور والطريقه اللي ظهر فيها نجوم الزعيم لتمثيل شعار الزعيم .

وفقه اعجاب واحترام للمتالق حسن العتيبي وقف بوجه جونينهو الخطير
الكلام عن اسامه هوساوي مضيعه للوقت اذا فيه نجم اليوم وقائد للمنتخب والهلال فهو هوساوي لاعب خلوق ومحترم ويعطي للشعار اللي كثير من اللاعبين لابسينه ولاعارفين قدره لما نقارنهم بابو كلبشه

تشرفت بالاستضافه ومستوى الزعيم يجبر الكل على المتابعه والاحترام اتمنى اني اكون وفيت للزعيم ولو شيء بسيط من اللي قدمه لجمهوره .

تحياتي للجميع
---

|| العضو الشبابي ( ω ắ Ļ Ҝ ) ||

آهني آلشآعر سمو آلآمير : عبدآلرحمن آلمسآعد . . . على آلفوز وعلى هذآ آلشعب آلهلآلي جمهور آوربي وربي . . آنآ آللي آعجبني في آلمبآرآة شيء وآحدإن آلجمهور هزوآ آللآعب ( يونس محمود ) لآعب حقير . . و بلحظة هدف آلجيزآني ق1 فرحت آكثر من آي هلآلي . و آلذهآب مهم و فزتوآ فيه لكن يبقى آلآهم آلآيآب و لآمستحيل في كرة آلقدم . . رغم آلنقص إلآ آن جيرتس آثبت آنه دآهيه و رجل آلمهمآت آلصعبه بآلتوفيق لكم . . و هنيـئـاً للكرة آلسعودية مبروك للشبآب مبروك للهلآل عقبآل آلنهآئي يكون سعودي

---

|| العضو ( محسن الخزاعي ) ||

ياهلال عزّك عزّنا ... الحمدلله على الفوز البارح .. الهلال بالامس كان بيومه واسعد جمهوره واسكت المنتقدين .. الي كان يقول رادوي العامود الفقري بالهلال فهو مخطئ ومبارة امس تثبت .. والي يقول ان وليهامسون الاجنبي الي يعتمد عليه الهلال فهو مخطئ .. كل شي اثبته الهلال امس .. واثبت الهلال انه مايعتمد على لاعب بل على المجموعه وتصريح الذيب سامي عقب المباره يثبت ذلك .. مايغيب لاعب الا والاخر جاهز .. ما اخفيكم ان قبل المباره كان يراودني شك ان الهلال مايستطيع يجيب اسيا .. ولكن بعد المباره ازيل الشك من قلبي وانقلب تفائل ان الهلال بحول الله قادر يجيب اسيا ويحقق الحلم .. الابطال امس ماقصروا .. العتيبي سد منيع بوجه الهجمات الغرفاويه .. وخيرات ماسمح ليونس يتحرك .. وهوساوي ماترك ليونس مجال يتنفس .. والغنام والفريدي عملهم خالع بخط الوسط .. ونيفيز فتح مساحات للتحرك من الخلف وياسر ابدع بس ماكمل ابداعه .. الشلهوب " لا تعليق " .. المدح مو كافي بحق الاعب يستاهل اكثر من المدح .. ابارك لجميع الجماهير الهلالييه والشعب السعودي انتصار الهلال امس وتشريف الوطن ... وابارك للجمهور الشبابي انتصار الليث ..

محسن الخزاعي

الفقره الثانيه

][ أنآشيد هلاليـــه ][

|| انشودة ياهلالنا شد المسيره ||

هنا

---

|| انشودة زعيم القرن يا هلالي ||

هنا

---

|| انشودة مايصح إلا الصحيح ||

هنا

---

|| انشودة ياهلال العز ||

http://dc03.arabsh.com/files/6/3g5q1...ahilalal3z.mp3

---

|| انشودة اووه ياهلال ||

هنا

---

|| انشودة الكل يبغى يرسل المجد مرسآل ||

هنا

[U]الفقره الثالثه[/U]

][ تصاميم هلاليه بنكهه آسيويه ][

الفقره الرابعه والأخيره

][ لازالت الكره في الملعب .. وموعدنا الدوحه ][

نعم ! انتصرنا وبثلاثيه نظيفه وبمستوى خيآلي لكننا لم نتأهل بعد !
الغرافه لازالت حظوظه قائمه لآسيمآ وأن لقاء الإياب سيكون في الدوحه ,
لذآ يجب علينا نسيآن الذهاب والتفكير في الإياب فحتى الآن لم نفرح سوى
50% من الفرحه الحقيقيه يوم الإربعاء القادم .. ما نتمناه كعاشقين ومتيمين
للأزرق الهلالي هو أن يلعب اللاعبون بنفس حماس وقوة وإرادة وإبداع لقاء الرياض وبالتأكيد هذا لن يكتمل إلا بحظور جمهور الزعيم في الدوحه .. لم نبخل على الزعيم في لقاء السد وهو لقاء افتتاحي في البطوله .. فكيف نبخل عليه الآن وهو على بعد خطوات بسيطه من تحقيق اللقب الآسيوي !

نتمنى أن تبقى الروح الرياضيه الخليجيه التي سادت في لقاء الرياض

وكلنا بصوت وآحد : [ اللهم انصر الهلال فوق كل أرض وتحت كل سمآء

]

إلى هنا نصل إلى ختام عملنا البسيط والمقدم للجمهور الهلال ككل

نتمنى أن يكون العمل حآز على رضاكم واستحسانكم

وبالتوفيق لزعيمنا يوم الإربعاء القادم

وتقبلوا خالص تحيآت أعضاء رابطة عشاق ليفربول