اولا اقول اخوي هي احد سببين السبب الاول اما ان يكون فيه فراغ في المدرجات يعني انت لما تجلس يكون فيه مسافه بينك وبين شخص لاتعرفه
وهي كرسي فاضي يمكن يكون هذا السبب
او السبب الثاني يكون عدد المدرجات المذكور وهو 70 الف غير صحيح ممكن يكون 60 الف
الشئ الثاني انا بصراحة اقول (الله لا يوفق كل من ضدي في المنتدى تخيل موضوع اجلس ابحث فيه شهر كامل لما انزله في المنتدى
مايقبلونه انا بودي اعرف السبب ممكن احد يقولي السبب واذا كانت مقصودة الله لايوفق اللي قاصدها بصراحة اتعب واخر شئ يجيك واحد بضغطة زر ينهي كل تعبي)
أخوي راح أرد على كل نقطة قلتها ..
بالنسبة لـ نقطة التباعد بين الجماهير : - يا أخي يكفي إن الواجهة مقفلة قبل المباراة بساعات ، معقولة تقفل كل البوابات المؤدية لها وفيه فراغات !! .. وحتى في الجهة المقابلة للواجهة كانت ممتلئة تماماً .. يعني التباعد فقط - تقريباً - خلف المرامي !!! وخلف المرامي تكاد تكون فاااضية أصلاً في مباراة النصر !! .. وغييييييير هذا كله ليش ما يصير عند النصراويين تباعد ؟! .. وش فرقهم عنّا !! ، مع إنه أصلاً كلنا شفنا مدرجات الزعيم مكتظة ..!
بالنسبة لنقطة المدرجات :
يا أخي سواءاً 4000 أو 5000 أو حتى 10000 أو مليون .. ما يهم عدد المدرجات .. أنا أقارن بين حضور مباراة الهلال والغرافة مع حضور مباراة النصر والوصل .. والفارق المذكور من إدارة الاستاد ما يدخل العقل .. يعني حتى لو قلنا إنا المدرجات عددها 60 ألف ما راح نصدق إن الفارق بالشكل هذا .. أول إن جماهير النصر باقي لها 10000 ويملأ الملعب !! لأن الفراغات كبييييرة ..
وبالنسبة لمواضيعك .. لا تدعي على المسلمين أخوي ، صح إننا كلنا نطالب بإعطاءنا الفرصة نتكلم ونقول اللي نبي ، هذا منتدانا ومنتدى كل الهلاليين لكن هناك مواضيع لا من صالح الهلال ولا من صالح الهلاليين أن تطرح .. لكن فيه نقطة يمكن ما تنبهت لها وهي إنو المواضيع بعد ما يوافق عليها المشرفين تكون بالصحفات السابقة إما الثالثة أو الرابعة ، لااااازم ترفعها وتقدر توصل لها عن طريق صفحة مواضيعك ..
لكن ممكن يكون فيه توضيح ولهم وضع خاص لكن يخفى عليّ ..
وبعدين فيه 51000 شخص من أصل 51000 شخص في مباراة النصر دخلوا بدون تذاكر !!! .. أو ممكن أقل من 51000 إذا استثنينا المنصة والدرجة الممتازة اللي احتاجت لتذاكر .. لكن البقية دخلوا مجاناً ..! طيب ليش حسبوهم
شكراً لمرورك
إقتباس
الرسالة الأصلية كتبت بواسطة ملك الكره سامي
الموضوع جميل جدا لكن في نقطة تمنيت انك تطمرها اللي هي :كان حظور الهلال بعد الخسارة من النهائي ::اجل هم وش يقولون هم يقولون لنا 15 سنة ما خذنا بطولة وحاضرين ههههههههههههه
ههههههههههههه
أخوي أنا ما تكلمت عن الابتعاد عن البطولات ، أنا تكلمت عن خسارة البطولات .. أوضح لك أكثر :
تخيل لو لا قدر الله ، فريقك الهلال مبتعد عن البطولات .. ودخل موسم جديد مستعد فيه أفضل من أي استعداد في المواسم الأخيرة ، وصار ينافس على بطولة بعد ابتعاد طووويل .. أكيييييييييد أنت وجماهير ناديك راح تحضرون بكثافة .. صح ؟!
لكن لو كنت من جماهير فريق حاضر في كل البطولات .. وخسر بطولة مهمة أمام خصم تقليدي .. أكيد هذا راح يأثر على نفسية الجماهير وممكن ما تحضر بذيك الكثافة ..
أضافاة الى ذلكـ .. الجمهور اللي خارج الملعب وما لقى له محل .. تقريباً 5000 مشجع أن لم أكن أبالغ كانوا خارج المدرجات يتابعون أصوات المشجعـين داخل المدرجـأت ...!
حتى أنا يوم قريت عدد الجمهور ما صدقت موقع كوره ..! ..
..
الموج الأزرق ملىء الملعب كله .. وأخر شيء 53 ألف .! غريبه ..
مشكور على موضوعك يا الزعيم ..
5000 ؟! .. أعتقد إنه فيه أماكن بالاستاد تكفي لـ 5000 مشجع وأكثر ! عموماً شكراً لمرورك يا الغالي
من تشوف أن الحضور الجماهيري في مباراة النصر و الوصل 51 الف حاف لا زيادة و لا نقص تدري إن الشغلة مطبوخة و مزورة
النصر السنة هذه بيلعب في دوري أبطال آسيا و نشوف حضورهم كم..؟؟
سالفة إن فيه ظلم وتزوير ما راح أحط بذمتي شي !! .. لكن عيوني ما تصدق كلامهم وأنا أطب منهم التوضيح !! .. خصوصاً إذا كان فيه معلومات أكيدة عن عدم إحتساب أكثر من 3000 مشجع !! .. ليش ما احسبوهم !!؟ .. وإذا قلنا إن جماهير المنصة ما يحسبون ، ليش الـ 2000 مشجع اللي دخلوا من دون تذاكر ما حسبوهم ؟!! .. وش فرقهم عن جماهير النصر اللي دخلت بكاملها بدون تذاكر ؟!!!!
ههههههههههههههه يحضرون ؟! .. لازم تكون مجانية أولاً .. وبإجازة .. ويحضرون وطبعاً أقل من حضور جماهير الهلال اللي حضرت مباراة الهلال والغرافة ( الغير مجانية ) ..!
منور أبو سامر
إقتباس
الرسالة الأصلية كتبت بواسطة الـــصاروخ الروماني
كلامك صحيح اخووي
موقع الاتحااد الاسيوي ياخذ عدد الحظور من ادارت الملعب
وادارت الملعب دائمآ تخفي العدد الصحيح لحظور جمهور الهلال
ويزودون عدد جمهور النصر
والصور ماتكذب واضح وضوح الشمس من اكثر وبفرق
حسبي الله عليهم
الزعيم منا ولنا
الف شكر لك ع الطرح الراائع
تحيااتي لك
مثل ما قلت .. أنا ما أظلم أحد !.. لكن فيه تناقضات وأدلة تجبرنا نتكلم .. وعليهم الرد بالنفي أو التأكيد مع الإعتذار وتصحيح الخطأ ..! حياك الله يا الغالي
انا شخصيا لا أؤيد نظرية المؤامرة !! قد يكون هناك تحيز للنصر !! وزيادة في ارقام حضوره للمدرج !! وفد يكون هناك انقاص في اعداد جماهير الهلال الحاضرة في موباراة الغرافة !!
ولكن لكل عاقل نصراوي كأن او هلالي !! رؤية الصور الموجودة في موضوعك ومعرفة الحفيقة والواقع !!
انا اللي فاقعن قلبي وانا اخوكـ .. اذكر في مباراة النصر مع الوصل في الاستاد كان الدخول مجاني وبعد جهد جهيد عبو الواجهة وكلنا شفنا كيف كل القنوات طلعت صور وزوايا لواجهة الملعب !! في كذا لقطة !! وفي مباراة الهلال ولا كأنك تشوف شي !!
اين الحيادية !! .. السنا ابناء وطن واحد !!
ع العموم .. تمشي الايام ومن يشكك يشكك لنفسه ومن يكذب يكذب على نفسه !! كنت من الحضور في الموباراة وكل ثقة في جمهور الهلال .. وكلي ثقة بأنه لم يتقى كرسي واحد !!
شاهدنا الامواج .. الزلزال !! ومتعة الحضور الفعالـ !! ولن يضرنا اي شيء !!
تحيتي لك ولموضوعك العطر !!
فعلاً كلامك صحيح .. انس الإحصائيات والأرقام وحكّم عقلك بس .. فريق بصعوبة ملأ الواجهة وخلف المرامي شبه فاضي .. والفريق الثاني ملاها من العصر والحضور خلف المدرجات لا بأس فيه !!
الإخراج حاجة ثانية حسبي الله عليهم فاس عوض طربااااااان .. والجماهير الحاضرة فالتها وأنواع الوناسة .. والجمهور اللي خلف الشاشة نااااايم !! .. تسمع صووت خفيف ، والزلزال والأمواج ما يجيبونها إلا على آخرها !!
وحتى اللقطات الشاملة قليلة وضعيفة ، يوم مباراة النصر كل الصورة على الواجهة ، والكاميرا تتنقل بينهم ..!!!!