من يخاف الغرق انصحك ( لا ) تواجه امواجه >> القصه من البدايه للنهايه - نادي الهلال السعودي - شبكة الزعيم

[ البيرق الأزرق ] · #1 17/09/2010, 07:11 AM

سلام
...
كيفكمـ يا زعماء القرن
...
فـ البدايه كانت قرعه ومجوعات
وصرنا فـ المجموعه الأقوى
السد ومس كرمان واهلي الامارات
...
ابتدا المشوار مع السد
قالوا سوره عالي ما ينهد
لكن ياسر ورفاقهـ
جعلوها ثلاثيه فـ عقر دارهـ
...
الثانيه كانت مع مس كرمان
مدربهم موصي عليهم مان تو مان
وفـ ليله سورنا عالي كانت ثلاثه وفريقهم خاسر
بداها فل وثناها هوساوي والثالث من الكاسر
...
الثالثه مع اهلي الامارات
ضاعت منا خذ وهات
وهو جاي يبي نقطه
وحصلها مع عبدربه
...
كانت العوده للامارات
ومنها بدت الترتيبات
وكان طامع الاهلي
وانهاها البطل لي
...
صار معنا وقتها 8 نقاط
لعبنا مع السد بـ احترام
ويكفينا التعادل للصداره
وحصلنا ع المراد والسياده
...
كانت اخر لقاءات المجموعات
مع مس كرمان الايراني
لعبنا بـ الصف الثاني
وكانت درس مستفاد لباقي اللقاءات
...
تأهلنا بجداره وموقعنا الصداره
لنا الاولويه بدور الـ 16 بملعبنا
وكان ضيفنا من النوع الثقيل
بنداكور القوي الذي اخرج الاتي
...
مشكلة الجار وقتها ماعندهم لغات
والا كان انواع التكتيكات
...
حضر بعدته وعتادهـ
وتوعد بهزم الهلال فـ عقر دارهـ
حضرت الامواج وصار الملعب زلزالـ
وسانده كل عاشق هلالي
اهتزت الارض بالدره وقت دخول الهلالـ
وسقطت اقنعة المغرور سكولاري
ثلاثيه ولا اروع
الكل فيها ابدع
...
الى الآن انتهى الشق الأولـ
تعرفون المنظمين بـ اسيا
يخترعون شيء اسمه تنظيمـ
وهم لا فكر ومثلـ الجار عقيمـ
...
كانت الفتره فوق 3 شهور
وقتها كل يومـ يطلع لنا خبر
جيريتس رايح جيريتس مستمر
وادارتنا بين خيارين احلاهما مر
فـ أختاروا البقاء والاستمرار
وكان الهدف مواصلة المشوار
بـ نفس الاسلوب والاستقرار
...
كانت البدايه بـ معسكر فـ النمسا
وكان الهدف واضح رغم الضروف المستعصيه
الهدف كان الاصرار ع السابعه
رغم غياب ويلي ع دور الثمان
الضروف كانت قاسيه
ياسر عمليه بالكتف
وعزيز عمليه فتق
الله المستعان
...
انهينا الاستعداد
وبدينا اول المشوار
لعبنا 4 فقط
حصلنا ع كل الـ نقط
...
الغرافه جاهز بـ قوته ودعم غير مسبوق
من الشعب ومن اللي فوق
وحنا الله ابتلانا بـ جار
من كرهه وحقده يتمنى لنا الدمار
...
رغم غياب 5 ع التشكيله
لكن يعجبك من يلبس الفنيله
تحس ان الدعيع ما اعتزل بوجود حسن البطل
ولا غاب عزيز بوجود الفريدي
وويلي حاضر بقوه مع الشلهوب
ومرشدي موجود بوجود خيرات
والزوري وين غايب ولي موجود
...
كـ العادهـ
حضر فوق الـ 50 الف عاشق
وان كنت اشك بالاحصائية
واهتز الملعب وهدرت الامواج
وكانت نهايتهم بـ اول 10 دقايق
هز الشبك الشلهوب
بهدف متكتك وملعوب
خذ وهات
حتى صرخت المدرجات
الموج الأزرق جاكم الموج الأزرق
...
قالها ابو سليمان من بدري
ان كان انتوا الغرافه فـ الهلال جرافه
لكن ما تستوعبون الدرس
حتى يقع الفاس ع الراس
...
كانت الشوط الاول ابداع ومهاره
هدف وحيد وفرص بالكوم مهدرهـ
...
انتهى الشوط ولسان حال الغرافه يقولـ
وش جابنا هنا لا حووووووووووووولـ
...
يبون المباراه تنتهي بس
بهدف بهدفين بـ ثلاثه بـ 4 بس خلصنا
ما الومهم لانه تغرر بهم
لا من مدربهم ولا من المهبلـ اللي جنبنا
...
بدا الشوط الثاني
وكان يومك يـ الفريدي
حقيقه النجمـ ابدع
وكان شعلة حماس مولع
ختم ابداعه بهدف ثاني ولا اروع
...
وزاد الضغط عليهمـ
لكن الشايب رحمهمـ
طلع الفريدي
ونزلـ العابد
بصراحه انكشف الوسط
وين اللي يقولون بارد
عدل خطأه بنزول مهاجم ثاني
تحركه اربكهم حتى ارتكبوا خطأ ازدواجي
وين تخطي يالحبيب عند وليد الجيزاني
كانت النهايه الاليمه
وانتهت ثلاثيه
...
لسه بدري ما انتهى المشوار
باقي العودهـ يوم الاربعاء
اللاعبين كانوا فـ قمة الاحترافيه وهم يصرحون
اسلوب التخدير انتهى زمانه
باقي للمشوار بقيه
لكن رساله بسيطه
لكل شعب القاره
من يخاف الغرق ( لا ) يواجه امواجه
...

فمان الله