ترانا لسى في الجولة الثانية ياشباب 
يعني بدري على هالمواضيع الي يكتبونها اخواننا المدريدين الي تكون في السنة
مرة وحده بس وبعدين ترى فريقنا يعوض الخسارة ببطولة .. مو بصفقة 
عموما الموسم في بدايته ... وبرشلونة هو المستفيد من الخسارة هذي
على الاقل فرصة لتصحيح الاخطاء في بداية المشوار مو في نهايته بعدين خسارة من فريق يعتبر على الاقل فريق يلعب في الدرجة الاولى مو خسارة من فريق يلعب في الدرجة السياحية فموسم السداسية بدأ بطريقة سيئة .. خسرنا المباارة الاولى وتعادلنا في الثانية
وبعدها حدث مالم يحدث في عالم كرة القدم
بس عندي كم نقطة ودي اتكلم فيها
بالنسبة للأخ الي كتب ان معظم عشاق البارسا أقل اعمارا من عشاق الريال وأن
اغلب عشاقه من الجنس الناعم
يعني يبي يفهمنا ان الريال محد يشجعه الا الناس الفاهمه والرجال ...؟؟
وبعدين ياخوي وش ذنب الولد الصغير اذا شجع برشلونة .. حاسدينهم يعني الولد شاف الدوري الاسباني وحصل برشلونة قاعد يمسخر في الريال رايح جاي وحصل فريق ممتع ... وشلون تبيه يفكر يشجع الريال ؟؟؟؟
يعني لو تجي تعطيه ورقة فيها عدد بطولات الريال وتقوله شجع الريال بيقولك "أسري" فارس عوض قال كلمة قوووية في احدى مباريات برشلونة قال ... " لو طفل شاهد
برشلونة في هذا الوقت ... سوف يشجع برشلونة مدى الحياة "
وقال كلمة اخرى " سحقا لكرة القدم لاتنجب مثل هؤلاء "
هذا غير الكلام من المعلقين يوسف سيف .. الشوالي وغيرهم من المعلقين
بالله مين تبغاه يشجع الريال مدريد حاليا ؟؟؟؟؟؟؟؟؟؟؟؟؟؟
انا أعترف شعبية برشلونة أرتفعت مع ظهور قناة الجزيرة الرياضية
الي بدورها اعطت الدوري الاسباني لمشاهدينها بشكل مجان .. في هالوقت برشلونة كان في عزه ... والريال للأسف يتمسخر من الي يسوى ومن الي مايسوى والمشكلة الي ممكن ترفع ضغطكم حبتين ان أفضل فريق يلعب كورة جملية ويجمع مابين المتعه والفوز هو برشلونة ... والمشكلة الاكبر ان مافي فريقعلى مستوى تاريخ كرة القدم قدم كرة حلوة زي مايقدمها برشلونة حاليا
ممكن تقولي اني ابالغ في الكلام ... لكن عطني فريق في العالم في عز مستواه سوى ضجه اعلامية مثل ماسواها برشلونة حاليا
فكيف بالله تبي هالولد الصغير يشجع الريال مدريد ؟؟
فمثل هالمواضيع الي تنكتب في المنتدى بعد هزيمة برشلونة في اي مناسبة هي مواضيع متوقعه
تذكرنا بماحدث الموسم الماضي بعد الخروج من كأس اسبانيا امام اشبيليه ... وبعد الخروج من دوري الابطال وارتفاع عدد المشاركات في صحيفة الانتر
وايضا أمل عشاق الريال في تعثر برشلونة امام اشبيلية في الدوري ... وكأن صحيفتهم أصبحت صحيفة خاصة لنادي اشبيلية
وغير كذا الاستفتاء الاكثر من مضحك في صحيفتهم عن من هو تامودو الجديد ..؟
تصويت وزحمة وتفائل ... واخرتها قتلوهم ابناء الامسايا " ميسي بيدرو وبويان " بينما اصحاب ال250 مليون يورو خرجو خالي الوفاض العبرة في النهاية ... بداية برشلونة في هاليجا كانت قوية امام الراسينج مستوى ونتيجة ... وممكن تعطينا شوية تفائل عن هالموسم
لكن ليش مايكون السؤال موجه لعشاق الريال .. هل مقتنعين بالفعل بأداء فريقهم لحد
الان ..؟
.....
برضو فيه واحد من الاعضاء ذكر ان عشاق برشلونة لو انهزم فريقهم يأسوء من الفريق .... مدري على ايش بنيت هالكلام ...؟
انت لو تقرا الردود ... قلنالك موسم السداسية خسر الفريق في بداية المباراة وحقق السداسية
الموسم الماضي خرجنا من بطولة الكاس واستمرينا في الدوري ودوري الابطال وكان عندنا الثقة الكبيرة في فريقنا
وخرجنا من بطولة دوري الابطال في وقت حرج جدا في الدوري وامام الفريق مباريات صعبة في الدوري امام " فياريال واشبيلية " ومايئسنا من الفريق بل بالعكس اجتازها الفريق بنجاح وحقق بطولة الدوري
فكلامك للأسف من دون اي دليل
عموما مانبي نطول كثير في الكلام .... لكن أبختم بهالجملة البسيطة لعلها توضح لبعض المتعصبين قوة وهيمنة برشلونة على كل شيء
من متى والمنتخب الاسباني يحقق البطولات .. وصار منتخب يحسبله الف حساب ؟؟
كل هالامور حدثت في عز فترة لبرشلونة
وش سوى فريقكم الملكي للمنتخب اسباني في عز مستواه ... الظاهر ماكان يعدي دور 16 في اي بطولة تحيتي لصاحب الموضوع
![[[ الـمـدريـدي يـتـحـدث ]] .. هل تذكر مقولتي لك عزيزي برشلونة .. أخشى عليك أن تندم !!](iconimages/t927396_rtl.gif)
!
الوضع العادي
