في البدايه لازم تقرون الموضوع بالكامل
وسو الكلام اللي اقوله باخر الموضوع
مع الحملات والمظاهرات والمطالبات بالحظور
الكل يقول ان الحظور بيكون تاريخي والكل يقول الاستاد فل
والجميع يتحدث بان يوم الاربعاء سيشهد حظور لم يحدث منذ سنوات
ولكن بعد هالتهويلات !!! ,,, هل فكرتم وش راح يصير ؟؟
البعض يسمع هالكلام فيتوقع ان حظوره ماراح ياثر ,,
مادام ان الاستاد بيفلل ,, يكنسل روحه الملعب
بيقول ان الملعب بيصير فل وماراح القى مكان
واللي يقول حر وزحمة وووووو !!!
وغيرها من الاعذااااار
وفعلا هذا اللي صرت اشوفه,,,بالردود كل واحد يقول " الزعماء مايقصرون "
>>
يعني كل واحد معتمد ع الثاني
بالله عليكم
,,,,,,,,,
اذا نهائيات واعتزال ماقدرنا نملي الدرة بشكل المطلوب
ونشوف كراسي فاضيه و جنبات الملعب غير ممتلئة
!!!!
يعني الحين هو اكثر وقت محتاج الهلال وقفتكم فيه
اذا ماحظرت يوم 6-10 متى بتحظر ان شاء الله ؟؟
لا يكون مباراة نجران ولا القادسية ؟؟
طيب نجي للباصات ,,
كم عدد الباصات اللي انا اخر مره سمعت انها 25 باص
قد تكون اكثر يمكن 40
طيب هل تعرفون ان اكبر باص اكثر عدد يحمله من الاشخاص هو 50
طيب نجي نحسب عدد جمهور الباصات ,,
25 باص وهو العدد المتوقع ,,
25x 50 = 1250
طيب اذا قلنا 40 باص العدد المتوقع هو ,,
40x 50 = 2000
اذا قلنا بالكثير بالكثير 60 باص مع اني مااتوقع ابدا ,,
60x 50 = 3000
طيب عشان نملي الدرة نحتاج 70 الف نطرح منهم جمهور الباصات
3000 - 70,000 = 67,0000
يعني نحتاج الى 67,000 مشجع ..!! من وين نجيبهم ؟؟
ارجو الكلام هذا يوصل لحقين المقاهي والاستراحات ,,
انت بالرياض
بالشرقيه
بالقصيم
معليش حتى لو تقطع 500 كيلو ترا كله لعيوون الزعيم
احسن وقت
,,, مباراة مهمة
+ الناس معطله واجازه
ولله كل شيء يهوون للزعيم
نبي حقين الرياض والقصيم والشرقيه يجتمعون مع بعض ,, شوفو هالصور
جمهور الرياض
جمهور القصيم
جمهور الشرقيه
بالنسبه لاخر صوره شوفتو كيف التفاعل نبي زيه
الكل وقف وتفاعل ماعدا الدب اللي قدام
اسمحووولي ولاتزعلون مني اذا اي واحد عنده مقدره انه يحظر وماحظر
فهو لايستاهل يشجع الهلال ,,
تطالبه بالبطولات وانت منسدح ببيتك ؟؟
اي واحد ماوقف مع الهلال بهذي المباراة المهمة
فهو هلالي غير وفي وغير مخلص
طبعا الا اذا كان عنده ظروف قاهرة جدا ,,,
اذا اللاعبين والادارة والجميع يطالبونكم بالحظور
مو ناقص الا يرسلون لكل واحد دعوة عشان تيجون
تراهم متأملين فيكم لاتخيبون ظنهم
المطلوب :-
اول شي تسويه بعد ماتقرا الموضوع روح لاقرب فرع موبايلي
وخذ لك تذاكر لك وللي بيحظر معك
كل واحد يصور تذاكره ويرزها حنا عشان نعرف كم وصل العدد
ابي كل واحد يرد على موضوعي يوعد ويأكد ... ويحلف اذا يبي
.. بحظوره ومساندته للهلال
ولاتصدقون اي اشاعة عن نفاذ التذاكر الا بخبر رسمي من جريدة او موبايلي
بالنسبه حقين الباصات تذاكرهم محجوزه
الكل يدخل اليوووم طرح التذاكر !! .. + جمهور الباصات لن يتعدون 3000 + طلب ادخلو الله لايهينكم 
الوضع العادي
