بسم الله الرحمن الرحيم
السلام عليكم ورحمة الله وبركاته
يا اخوان ,,الهلال يمتلكـ جماهيرية كبيرة
ولا احد ينكر هالشيء
لكن للأسف جمهوره ماهو حماسي أبد
انا كلامي عن جمهور الرياض خص نص
مانبي حضور سلبي
لو ما يجي الا عشرة وحماسيين وربي لهم تأثير
جاء في بالي مباراة الهلال والنصر في بطولة فيصل بن فهد يوم نهزم شيبانهم [ تذكرونها ]؟؟
الي انتهت 2-1 للهلال سجلوها نواف العابد , عبدالعزيز الدوسري
كان جمهور النصر اكثر من الهلال , لان الهلال كان بيلعب بالشباب و بالاحتياطيين ,
والنصر بيلعب كامل وكان توهـ هازم الوطني 9 صفر اتوقع , يعني معنوياتهم مرتفعة
الزبدة , في احد الهجماات نواف العابد اتجه للجمهور واشر لهم بيده,, يبي يحمسهم ,
وتحمس الجمهور ,, !!! صار مافي صوت بالملعب الا جمهور الهلال مع انه كان قليل
بعدها انعدم تركيز لاعبي النصر , والي شايف المباراة بيتذكر هالكلام
على طول بعد حماس الجمهور جاء هدف نواف العابد ,,
الي ابي اوصله لكم , اتمنى نكوون حماسيين ,, كل واحد يحمس الي جنبه ويشجع
نبي نرعب لاعبين الغرافة
نبيهم يتطاقون من يجلس بالاحتياط ,,
ترا هالشيء يلعب دور بنفسة 30% بالمية , يعني شيء مو بسيط صدقوني
نبي نسمع صافرات الاستهجان إذا جت الكورة مع مدافعين الغرافة ,, تدرون ليه بالذات المدافعين !؟
لان مكانهم حساس مرة ,, ولو فقد المدافع تركيزهـ ,, كثرت نكبااته , وهذا هو الي نبيه
مابي اطول عليكم ,, لكن تذكروا ان الحضور مو بس شكل !
وأن لنا دور زي ماللاعبين دور ايضا !
مانبي كل شيء على اللاعب واحنا نتفرج ونقشم فصفص كأننا نشوف فلم
خلونا نسوي ولو شيء بسيط للهلال
اسف على الإطالة يا الربع
والوعد الملعب والله يعينك يا غرافة !
الوضع العادي
