حبيبي خذ يستاهلون ما جاهمـ ... تتعاقدون مع قيرتس وهو مرتبط مع نادي ثاني لا ويطالبونه بمتابعت منتخبهمـ
يعني من بين الآلاف المدربيين بالعالمـ ما حطيتوا عيونكم إلا قيرتس ... الله واكبر
صراحةً الجامعه المغربيه بتعاقدها مع قيرتس عرفت أنهم ما يفهمون شي بالكره

بإذن الله تكبر السالفه و ويلغون عقد قيرتس
تحيــــآتي ...

لكن هو مايبي مساعد عربي اذا يبي انا جاهز,,,,,,,,,,,,,,,,,,,,,,,

مع إحترامي لـ جميع ماتقوم به إدارة بن مساعد ..

إلا إن الهلال المفروض كان ينهي التعاقد مع قيرتس ,, غثونا يقيرتس !! جا لقى فريق جاهز عناصر واضافه على ذلك ادارة وااعية

مدرب مايعرف يقلب مباراة يجلس يتفرج لـين تنفرج من اللاعبين

الله يرحم ايامك ياكوزمين ,, رجال يوم عطى كلمة للهلال ماوافق حتى على عرض منتخب بلاده

هههههههه كلوها , اجل في احد يتعادل مع افريقيا الوسطى لا وبالمغرب ؟!

ان شاء الله يطلعون من التصفيات ويريحونا ..

والله المفروض يكون لأدارتنا موقف حازم من هالشي

بس وش نقول

وبحريقه يالمغرب جعلكم ماتتأهلون لبطولة افريقيا

إقتباس أخي الكريم مع احترامي الشديد لرايك ! احب ان أقول مافعله الأمير عبدالرحمن بن مساعد هو عين العقل !! خصوصا أنه كان بين أمرين أحلاهما مر !! اما ترك المدرب يرحل في الصيف ويدفع الشرط الجزائي مليون يورو ويحضر مدرب جديد ! وهذا الكلام ممكن ينفع لو فيه بطولة دوري وكأس !! أما الأستمرار في تصفيات ودخول النهائيات فالأفضل أن يستمر نفس المدرب !! ولو تلاحظ ان الأمير عبدالرحمن ضحى بمليون يورو قيمة الشرط الجزائي وهي تعادل 5 مليون ريال تقريبا في سبيل ان يبقى قريتس حتى نهاية الأسيوية والتي هي حلم كل هلالي !!

أول شي أحب اشكرك على تعقيبك على الكلام بأسلوب راقي

وبفصّل لك وجهة نظري بعدين علمني اذا للحين تشوفني غلطان أو لأ :

لو بتشوف أفضل فريق عناصريًا في السعودية لمدة 3 سنوات سابقة .. بيكون الهلال
ولو بتشوف إدارة واعية ومتعاونه مع الجهاز الفني واللاعبين .. بتكون إدارة بن مساعد
غير أنك تعتبر الفريق الأول جماهيريًا في السعودية بفارق كبير عن باقي الأندية
كل هالأشياء تساعد أي مدرب أنه ينجح مع الهلال

قيرتس مدرب كبير ولا ينقص منه الكلام السابق شي ,, بالعكس هو مدرب له أثر واضح في الهلال

لكن الإعلام ضخمّه ..

قيرتس له عيوب كبيرة لكن النتائج بشكل عام كانت كفيله أنها تغيّب هالشي :

مثال :
1_ مباراة النصر في الإياب الموسم الماضي والي انتهت 2_1
مدرب يتفرج على الفريق وهو ينهزم ولاغير بنهج الفريق أبد

2_ مباراة الهلال والأهلي الإماراتي الذهاب على أرضنا ,, متقدمين وبهدف ومع ذلك فاتح الملعب آخر الدقايق للفريق الإماراتي لين سجلوا التعادل
3_ مباراة الاهلي الاماراتي الاياب على ارضهم .. كنا متقدمين بهدفين وخارج ارضنا ,, والمفروض تقفل ومع ذلك دخل فينا هدفين وفزنا باخر الدقايق بهدف الكوري لي يونق

4_ مباراة النصر في كأس الملك .. فريق متقدم بأربعة أهداف والمحور معاه كرت أصفر (الفريدي ) ومع ذلك تخليه لين ينطرد وتتقبل 3 أهدف !!

كل هالأمثله اشوفها بالنسبه لي أنا ,, تثبت أن قيرتس قراءته (خلال) وقت المباراة يكون خطأ

يعني بين قوسين يحط التشكيلة قبل المباراة صح , لكن خلال مجريات المباراة ماتشوف فيه تغيير


بعدين تغييراته كلها معروفه : العابد مكان الشلهوب .. تعبنا وحنا نشوف هالتغيير الموسم الماضي
وأي محور مكان الفريدي ..


يعني بشكل عام المدرب له سلبيات وسلبيات كبيرة ..

بس ليه الإعلام يريشون فيه !؟

يمكن لأنه تجاوز دور الـ16 في الاسيويه ,, والي اشوفه كان عقدة نفسيه أكبر من انها فنيه

وحقق بطولتين الهلال تعود عليها في أسوء الظروف

كأس الملك الهلال يخسر بشكل غريب ,, عزيز على الدكه لين آخر الدقايق ليه ؟؟ تبي تسوي نفسك صارم اكرشه من التشكيله ولا لعبه مباراة كاملة

كأس الامير فيصل كنا متقدمين بهدف .. ومع ذلك ماعرفت تحافظ على مرماك !


كل هالكلام السابق عن قيرتس عشان أبغى أوضح أن الهلال لو بيحقق الآسيويه إن شاء الله
قيرتس ماله ولا 30% في الجهد المبذول

اللاعبين واولهم ياسر القحطاني يحلمون بالاسيويه

إدارة همها الأول من أعلنت نفسها للإدارة وهي تبغى هالبطولة

جماهير صارت تطالب فيها وترضى بالتضحيه بأي بطولة أخرى


طبعًا انا مو ضد جلوس قيرتس بالعكس الإستقرار مطلوب ,, لكن ضد انه يقعد بزعجنا هو والاعلام المغربي ويسبب ضجه بعد مباراة للهلال تعودنا على السؤال المعهود :
قيرتس باقي ولا سيرحل سمو الأمير ؟

كأن قيرتس لو رحل بينتهي الهلال !!


الله يرحم ايامك ياكوزمين ,, جا واحد بعدك يبغى يترك الهلال عشان يفلها بالمغرب !!


يعطيك العافية وآسف لو طولنا عليك بالرد

لا تعللييق شين وقوي عيين >>> كلام حلوو

ههههههههههههه من جد قويين عين
بأذن الله قرتس يكمل الموسم كله
حتى بعد الاسيوية
تحيااتي

ما عليك منهم


هذا يدل أن الهلال مراقب من كل الجهاااااات




عوااافي ياخيوووو