بسم الله الرحمن الرحيم ..

الموضوع با ختصار و بدون أي مقدمات .. تحذير لعموم الجماهير الهلالية في مباراة الغرافة و في جميع المباريات ..


لا احد يحضر مباراة الهلال في الملعب ..

تدرون ليش ؟؟؟


لأن وجودكم مثل عدمه .. الواحد يحضر يتفرج المباراة ولا يشجع ؟؟


فعلا ً الهلال لا يملك مشجعين .. بل يملك متفرجين !!


تلقاه يفصفص .. و سواليف هو و الشباب و لاهو يم التشجيع أبد ..

وش الله حادكـ ياخي .. خلك بالملحق و لا الاستراحة دام ذا جوك ..

و الله شي يغبن يا عالم .. يعني مبارايات كثير أذكر آخرها اللي في بطولة النخبة في أبها ضد الفريق المغربي ..


" المشجعين " المغاربة ما يجون ربع " المتفرجين " الهلاليين و مع ذلك صوتهم و تأثيرهم أكبر منا !!


لأن فيه فرق بين المشجع و المتفرج .. و هالكلام ينطبق على جماهير الهلال في كل مكان مو بس الرياض ..


جمهور الهلال جمهور هدف .. جمهور لمحة فنية .. و بس .. و باقي المباراة ناااااااااااااايم ..


أتمنى أن أرى في مباراة الغرافة 70 ألف مشجع يزلزلون الأرض من تحت لاعبي الغرافة ..

بصراحه أحترت ماأدري أحييك على أسلوب طرحك أوطريقة معالجتك للمشكله أونظرتك المشرقه .....حتى لوكنت معك انو المفروض يكون اكثر فاعليه بس اختلف معاك بالطرح......وشكرا

مشكوووووووووووووووووووووور

بالفعل موضووع واقعي

اخوي لم توفق بالطرح
ولكن انا أؤيد فكرة الحضور للتشجيع وليس للفرجه

اخوي كلامك سليم يجب الحضور والتفاعل

وليى تحظر متفرج لو تبي تحضر تتفرج اعط غير فرصه يحضرون ويتفاعلون

لم توفق بالطرح ع العموم شكرا

----------------------------------

ضاوي انا معك في كل كلمة قلتها

الحماس قبل المباراة في الملعب كل شي يختلف

كأنهم ماقالوا شي قبل المباراة

تلاحظ جمهور الهلال يغطي الملعب بس مايشجع

مشكور اخوي على الموضوع الرائع

واذا ماحضرنا قالوا قاعدين بالاستراحه وفالينه فصفص وسواليف ومادري ايش.,

على الاقل احضر واقعد بالملعب واسكت(اهم شيء تحضر).,

هع.,

لا امزح.,

لاكن لو انا بالرياض كان اتغدا بالملعب.,

إقتباس الرسالة الأصلية كتبت بواسطة @قناص الصفا@ اخوي اسلوبك يعني شوي قاسي ولو ماتعبت نفسك وحطيت موضوع اصرفلك وجمهور الهلال اكبر من الكلام الي تقوله كلن يرى الناس بعين طبعه وانا اسف ...

يمكن الأسلوب قاسي شوي .. لكن ذا طبع الجمهور الهلالي بشكل عام ..

يقسو على اللاعبين و المدرب و الإدارة و يقسو على الجمهور بعد .. ليه ؟؟

لأنه هلالي ..


لأنه تعود يكون في القمة دايم بكل شيء .. حتى في التشجيع و مساندة الفريق ..

و اللي قلته واقع ملموس و مشاهد .. أتمنى أني اشوف جمهور الهلال يشجع و يساند فريقه من البداية لنهاية المباراة طوال 90 دقيقة ..

نريد مشجعين لآمتفرجيـن
نريد مشجعين لآمتفرجيـن
نريد مشجعين لآمتفرجيـن
نريد مشجعين لآمتفرجيـن
نريد مشجعين لآمتفرجيـن

إقتباس الرسالة الأصلية كتبت بواسطة هلالي وتعاوني واذا ماحضرنا قالوا قاعدين بالاستراحه وفالينه فصفص وسواليف ومادري ايش., على الاقل احضر واقعد بالملعب واسكت(اهم شيء تحضر)., هع., لا امزح., لاكن لو انا بالرياض كان اتغدا بالملعب.,

حياك الله أخوي هلالي و تعاوني .. أكيد أن اللي حضروا " المتفرجين " ما قصروا و أفضل بكثير من اللي جالس ببيته ..

لكن كثر الله خيرك دامك تعنيت و جيت الملعب كمل جميلك و تفاعل شوي لا تسكت ..