السلام عليكم

كيفكم ياحلوين

بالله مافقدتوني

والله هالرمضاان طعمه غريب لاهوووب اللي حلووو مرررة ولا هوب اللي شين مررررة



يعني علاوي وعقب هالعمر الطووويل يتجرجر من الهيئة وهو ماسوا شيء

والله هالهيئة من يوم يشوفون واحد عاااقل زيي مايحب التميلح يمسكونه ويهاوشونه ومايعطونه مخالفة وعفسة

المهم مالكم بالطويلة

قاااعد اقرا بالاخبار وبالمنتديات وهنا كمااان عن ان بنده وظقت حريم كاشيرات يحاسبون للزبائن النساء زيهم

وبعض النااس رافضة رفضة مقطعيا لهالكلام وانه عيب وماادري ايش

دقيقة خلونا صريحين

يعني انا الحين امي او خواتي راحوا السوبرماركت وتغضوا وراحو عند الكاشير يعني هالشاب مايستهبل ع البنت او زي كذا

خلونا نكون صريحين
انا احد اصدقاي كان يعمل سابقا بجيان قبل ان يقفل وكان كاشير كان قسم بالله يعلمني بالهسترة والتميلح والترقيم اللي يصير مع بعض النساء وكيف بعض النساء يشتكون ع الموظفيت ويتم تجاهل الشكوى من المشرف

وش المشكلة لاراحت الحرمة تحاسب عند الحرمة افضل لها واريح مير مااحد يتعرضها

وانا صراحة اتمنى ان تطبق هذا العمل بباقي محلات الاسواق خصوصا محلات بيع الملابس النسائية

اليوم رايح مع امي السوق وانا مااار شايف حررمة باحد المحلات تريد تشتري ملابس نسائية داخلية والعامل البنقالي او اي جنسية كانت قاعد يخيرها لا ذا احسن وذا مدري ايش

يعني الحين بالله الوضع كذا عاجبكم الحرمة تشتري ملابسها الخاصة من رجل لاتعرفه ولا يعرفه والمشكلة كلها انه لاراح يبحث لها عن المقاس اللي يناسبها

انا بفهم وش الاشين الرجال يبيع لحرمة ولا حرمة تبيع لحرمة

ممكن بعض الناس تقووول شف المتخلف وافكاره قديمه والعالم الحين تطورت وتفتحت

بس مهما كان هنااك فيه خصوصيات لنا كمجتمع تختلف عن باقي الشعووب


وبس هذا اللي عندي لان فيني النوم ومشتهي ارقد ومني عااارف وش ابربر عليكم فيه بس حبيت اقول لكم اني مشتااق لكم عضو عضو وزائر زائر يالبى قلوبكم كلكم


الموضوع الثاني اللي انا محتااار فيه صرااحة

الاسبوع الماضي تواعدت ويا خويي انه هو يسحب ع عرس اخوه بالعيد بالكويت ومايروح مع اهله وانا اجلس معه بالخرج ونعيد سواا

وصرااحة خويي ذا من اعز واغلى اخوياي والصراحة اعتبره واحد من اهلي مو من اخوياي ولو اعيد معه لحاله هذا شي يخلي العيد من اورع الاعيااد

طبعا اهلي كالعادة بيروحون عند خوالي بالشرقية من 29 رمضان عشان يضمنون العيد وانا بجلس لحالي بهالبيت

ولا اخفيكم اني من اشد المخلوقات ع وجه الارض خوفا ويكفيني اني الوحيد من فصيلة الرجال بالعالم اللي يخاف من الصرصور (الله يكرمكم)

طبعا الماما والبابا يقولون لي تعال معنا وعيد ع خوالك وجدتك والزحمة وفلها قبل ماتنتهي العطلة

حتى امي من كثر ماحاولت فيني قالت اعطيك فلوس تروح فيها البحرين بس امش <<<صراحة عرض مغرري لاني مشتهي اتابع رزديننت ايفل

بس اللي قاهرني ان اهل خويي توهم رايحين قبل امس الكويت عشان يكملون الشهر مع خوالهم ويعيدون ويحضرون العرس وخويي سحب عليهم عشااني بس

وانا محتاار اسحب خويي معي الشرقية مع اننا تونا راجعين انا وياه منها ولا اتكي معه بالخرج ولا اسحب ع اهلي وانا وياه نفكر وش نسوووووي بعدين


بانتظار ردودكم وارائكم وكلش ولي عودة عقب مااصحى <<<<<<<<<<نوووم العوافي يارب

اسف ع الاطالة

بالنسبه لموضوعك الاول كلامك عين الصوب وبالذات بمحلات الحريم والا المكياج
الصراحه يقهرك الشامي مغطس شعره بجل ويتميلح ومسوي انا اللذي حلو ومرحبتين بالصبايا ومدري وش
وحرام يقطعون ارزاق حريم وبنات فقراء او ارامل عشان ماتتوظف

وبالنسبه لك ولخويك مالك داعي تسحب عليه
لو اني مكانه كان اخر مابيني وبينك
تخيل سحبت على اهلي وراحوا للكويت عشانك وبالاخير تسحب ياشينها
فرفروا بالرياض وروحوا المهرجانات والدوران والفله مع خويك آطلق بدال سماجة البحرين
ورزيند ايفل حمله متى مانزل نسخه صافيه وبس

مشكور اخوي ع الموضوع

موضوعك الأول ::
كلام سليم ولله يكثر من أمثالك في مجتمعنا (( النصف متخلف )) في قضية المرأة لأنو على بالهم المرأة ما خلقت إلاعشان تقضي كل حياتها في غرفتها والحمام الله يكرمكم والمطبخ وإنها ما تشتغل في خارج بيتها

موضوعك التاني ::
أجلس مع خويك أحسن ولا تسوي حركات نذالة

ومشكووووووووووووووو .. الله يعطيك العافية

وآسفة عالإطالة

انا اتفق مع توظيف النساء ك كاشيرات


اما عن خويك صله الرحم شي كويس بس انت اعطيت كلمه لخويك

ففل لامك تعطيك فلوس انت وخويك للبخرين


تشـــــــــــــاو

مرحبا اخووي

والله موضوعك يبي له شغل وتفكير

اولا موضوعك الاول:

انا معـــــك بكـــــل الـــي قلـــته وانا عني ماشوف فيها شي

والله ياما وياما حريم محتاجات ويبون شغله تغنيهن عن السؤال وعن الحرام .. واذا كانت تحاسب لبنات جنسها وش المانع فيه

الله لايحد حريمنا على ذي الشغله يارب


والموضوع الثاني

يارجال خلك قد كلمتك واقعد مع خويك

حرام عليك بعد الي سواه عششانك تروح وتسسحب عليه >>مع انهم يمدحوون النذاله

واذا انت خايف تسكن برووحك .. خله يجي ينام عندك او انت تروح عنده .. بما انك تعده واحد من اهلك

او روحو للرياض فرفرو ووسعو صدوركم .. الي اعرفه انها مو بعيده عن الخرج >>مالي خبره بمناطق الرياض


وبـــس


تحيااتي لـــك

أشكركـ اخوي ع هالموضوع بس عني أنا مستحيل ارضى لبنت من بناتنا انها تشتغل كاشيرهـ !

تشتغل كاشيرهـ لمحلات ملابس نسائيه معك بهالشي وبقوهـ لكن انها تشتغل ببندهـ او غيرهـ فلا

لأن اللي حولها والقائمين عليها من الجنس الذكوري بعكس محلات الملابس النسائيه اللي اتمنى يشتغلون فيه

الجنس الناعم .

لي عودة لكم بعد شويااااات

يابعدي ابعقب على موضوعك الثاني

قليل تلقى صديق لك يخلي أهله ويقعد معك , هذا هو الصديق الحقيقي فعيد معه عشان ماتكسر

بخاطره .

هلا بالغايب الحاضر فقدناك وين هالغطه تكفى لا عاد تغيب مانقدر نعيش بدونك<<<كيف الترفيع
^
^
الصراحه مافقدناك بحكم انه رمضان الكل مشغول وماندقق

::::::::::::::::::::::::::::::::::::::

الموهم نخش بموضوعك

بالنسبه لصديدزك حرام عليك
لا تسحب عليه وهو تخلى عن الكويت اطلدز ميه مره من البحرين

وباع الكويت وفلتها بالعيد لعيونك وعيون الخرج

وانت بتسحب عليه عشان البحرين

قبحك الله لو تركت صديدزك عشان البحرين

::::::::::::::::::::::::::

اجل تخاف من الصرصور وش بتسوي اذا اعرست

بترقى انت وياها فوق السرير ويجي جاركم يذبحه

تحياتي

.


وعليكم السلام و رحمة الله وبركاته ..
حنا عايشين مع العالم .. وانت وينك ض1 ؟ ..
.
.
بالنسبه لموضوعك الثاني ض1 ..
الحين خويك ساحب ع اهلك وتسالنا اروح والا لا ؟؟
مالت عليك بس هذا مايبيله مشاوره .. اجلس عند خويك وفلها ض1 ..
والا رح انت وياه البحرين ض1 ..
صراحتن يعني صراحه سؤالك ماخش مزاجي < ض1 ..
يعني لو انا منك اجلس بدون مشاوره < ض1..

سآلفتآك آنت وخويك آنصحكم كل وآحد يعيّد مع آهله
خله يروح عنده آهله و آنت بعد

/~

إقتباس الرسالة الأصلية كتبت بواسطة * أنا * موضوعك الأول :: كلام سليم ولله يكثر من أمثالك في مجتمعنا (( النصف متخلف )) في قضية المرأة لأنو على بالهم المرأة ما خلقت إلاعشان تقضي كل حياتها في غرفتها والحمام الله يكرمكم والمطبخ وإنها ما تشتغل في خارج بيتها

معليييييييييييش
لآ ونصف آلمجتمع بعد
آتق الله يَ آخي / آختي
آللي يعآرضون فكره آلكآشيرآت عآرضوهآ عشآن آلآختلآط
لم يعآرضوهآ لآنهآ مرأه !

وعليكم السلآآم ورحمة الله وبركاته..

خويك ترك اهله وانت تبي تسحب عليه..

اكيد انك معزوم على زواج اخوه.. فروح معه واحضرو الفرح وبعدها شدو الرحال لاهلك انت واياه وانتهى الموضوع.. ض1

الا وشلون بكون عيد بعيد عن الاهل..

بالنسبه للموضوع الثاني..

مشاغل النساء يا كثرها بكل مكان وشارع.. مافيها شي لو تباع فيها الملابس النسائيه.. وانتهى الموضوع..

كل الشكر لك.. بالتوفيق للجميع..