الــسلام عـليكم ورحـمـــة الله وبــركـاته
بصراحه هالموضوع افكر فيه من زمان وقلت خلني اكتبه هنا واشوف ارائكم وهو عن دعايات هالزمن وصنفتهم بعدة انواع :
1_دعايات مدري وش تبي
اذكــر دعاية لصابون شفتها قبل فترهـ وبصراحه كان فيها شطحه غريبة جدا وهي انها تقول الان الصابون الجديد مع
الكريمه اللذيذهـ؟؟؟ ابفهم وش الي الكريمه اللذيذه بـ صابون يعني بحلي عليها بعد الغداء مثلا !!
وايضا دعايات مساحيق تنظيف الملابس الي كل دعايه يطلع بزر يطيح بطين ولا ينكب عليه حبر وبعدين يروح عند امه وبالصدفه تكون فيه جارتهم تقول ولا يهمك عندي الحل
ويحطون مقارنه لمسحوقهم مع مسحوق ثاني ويكتبون بعد الغسيل يخلون المسحوق الثاني وصخ مره ومسحوقهم نظيف لكن فيه شوي وصاخه >>من زود الامانه يعني
2_دعــايات المحلات وأسالبيها ..!
مثل اسلوب مشهور ودايم نشوفه بـ دعايات التخفيض
سابقا كان بـ 7 ريال والان بـ 6 ريال و99 هلله
يعني لما اجي اشتريه بـترجعون لي هلله مثلا .
3_دعـايــآت فيها اسلوب جذب واغراء
مثل بعض دعايات الحلويات والكيك يحطون لك واحد ياكل حلاو ويقول يممم وكنه دخل جو ويخليك تشتهي وتتهيض تنقز للبقاله
ولا دعايات بعض المشروبات الغازيه يحطون صوت المشروب اول مايفتح ويطلع صوت الغازات فـ يتهيض المشاهد >>
حمضيات 4_دعايات رائعه ولــكن !!
مثل دعايات زين , دائما تكون رائعه وانا شخصيا معجب لانه يجيب واحد وينشد وكذا , لكن المشكله وش علاقة الانشاد بـ الاتصالات .
مثلا نشوف دعايات الشركات الاخرى على سرعه اتصال النت وقوة الشبكه لكن شركة زين تجيب منشدين وصور واشكال مالها اي علاقه بعالم الجوالات والنت
اشـــكركم على القراءهـ .. فــض فــآآآض.
سبحان الله وبحمده سبحان الله العظيم
استغفر الله ... استغفر الله واتوب اليه.