ابشركم البنـت لقوهآ ,, في اسئلة تنتظر اجوبه ؟؟!! - صفحة رقم 2 - نادي الهلال السعودي - شبكة الزعيم

مسّتريح البال · #16 31/08/2010, 06:45 PM

الله يبشرك بالجنة يا محمد
وأسأل الله أن يعوض تلك العفيفة الطاهرة البتول الجنة جراء ما فقدت .
على كثر ما فرحت إنها رجعت على كثر ماعورني قلبي على التلميحات اللي في الخبر .
يا أخي شيء يكسر القلب والله إن فيه ناس يستهينون باعراض خلق الله إلى هذي الدرجة .
الله يجازي اللي خطفها بالذل والهوان في الدنيا والخزي والعذاب في الآخرة .

إلا يا محمد احنا اللي بنسأل مسكوه وإلا فص ملح وذاب ؟!

الله يجزاك خير
ودمت بود

Dexter Morgan · #17 31/08/2010, 07:19 PM

الحمد لله على سلامتها

بس ماعطيتنا التفاصيل ، صار لها شي اثناء الأختطاف ؟

كيف لقيتوها ووين ؟

HILALYA ]~ · #18 31/08/2010, 09:55 PM

.

الله يبشرك بالجنه قل امين ..
الحمد لله ع سلامتها .. اخر الاحزان ان شاء الله ..
طيب من لقاها .؟؟!!
وعسى مسكوا ولد اللذين اللي ماخذها ؟؟!!

باسكن روبنز · #19 01/09/2010, 05:53 AM

الله يبشرك بالخير

الحمد لله ياااااارب

الله يعينها ويساعدها وترجع نفسيتها مثل ماكانت

شكرا اخوي باريو

هلالي معالي · #20 01/09/2010, 06:35 AM

الله يبشرك بالجنه يا شيخ

الحمد لله على كل حال

إقتباس

الرسالة الأصلية كتبت بواسطة كان هنا


	وعليكم السلام ورحمة الله وبركاته الحمدلله اللي قر عين أهلها فيها. وأسأل الله أن يسيّـر حياتها بالشكل الصحيح والسليم. مستقبل البنت راح يتغير ؟ نفسية البنت وش راح تصير ؟ الحين وبعدين ؟ الإجابة على السؤالين إجابة وحدة، البنت تحتاج إلى طبيب نفسي يطلعها من الجو اللي عاشته وعشان بالمستقبل بعد ما يكون للحادث تأثيرات سلبية عليها وعلى عايلتها ومجتمعها وبيتها " اذا تزوجت ان شاء الله " وأولادها. يقولون الاولين البنت مثل القزازه لانكسرت ماتنجبر هل الكلام هذا صحيح ؟ البنت صحيح ذات حساسية عالية، لكن الموضوع هذا كله ما لها يد فيه، وبإذن الله رب العالمين بيسهل عليها أمرها. هل من الممكن احد يتقدملها وهي متعرضه لعملية خطف سابقآ ؟ وش السبب ؟ أتوقع ممكن، لأن الموضوع كله مالها يد فيه! يعني والله عيب على اللي كان ناوي يتزوجها انه يعدل عن الزواج لأنها تعرضت للخطف! طيب اللي راحت برجلها وش بيسوون فيها؟! يعني ماهو من العدل ان الثنتين يعاملون بنفس المعاملة. جزاك الله خير يا باريو وطمنّـك الله.

رايي من راي ابو داحم

هـلالي ورافـع راسـي · #21 01/09/2010, 07:34 AM

اوف مخطوووفه
وش السالفة ؟

الحمد لله على سلامتها
وحسبي الله ونعم الوكيل على اللي خاطفها

*الجوهرة الزرقاء* · #22 02/09/2010, 07:31 AM

حسبي الله ونعم الوكيــــــــل على من خطفها

مستقبل البنت راح يتغير ؟
نفسية البنت وش راح تصير ؟ الحين وبعدين ؟
يقولون الاولين البنت مثل القزازه لانكسرت ماتنجبر هل الكلام هذا صحيح

إجابت الأسئلة تعتمد على مدى تفهم أسرتها للحادث وكيف يتأقلمو معاه نفسياً

فالام و الأب والأخوان وتفهمهم لوضعها ودعمهم لها والتخفيف من الامها وعدم لومها على ذنب لم يكن لها يدا فيه

ومحاولة معالجة اي آثار سلبية ترسبت في نفسيتها حتى لو باللجوء الى إخصائية نفسية المهم الدعم المستمر لها

بإذن الله تستطيع العودة الى حياتها طبيعيه

هل من الممكن احد يتقدملها وهي متعرضه لعملية خطف سابقآ ؟ وش السبب

هذا يرجع لثقافته ومدى تفهمه لموقف البنت

بريماكس · #23 02/09/2010, 09:23 AM

الله يبشرك بالخير والله ويحفظها بحفظه

لكن السؤال يا عزيزي .. وش صار على الحقير اللي خاطفها ؟؟

هلالي الشرقيه 14 · #24 02/09/2010, 10:36 AM

الحمدالله على كل حال

والله يلطف فيها يارب

اذا كان المجتمع لايرحم فـ فوقنا رب يرحم

تسلم يالغالي

leader ksa · #25 02/09/2010, 11:36 AM

إقتباس

الرسالة الأصلية كتبت بواسطة الســفيرة


	مالها ذنب بلي جاها بس مجتمعنا مايرحم ياخي اذا المطلقه يحملونها الذنب ويتجنبونها هالمرة الي مخطوفة الله يعينها على كلام الناس وياجرها ويرزقها الزوج الصالح سبحانه قادر على كل شيء

كان ودي اعلق لكن
السفيرة قالت كل شي ابي اقوله

آكوس بنوته · #26 02/09/2010, 11:03 PM

حسبي الله عليه يلقاهآآ في اهله ....

والحمد لله على سلآمتهآآ..

بس وش صآآر عالخآآطف ..؟

مشكور عالخبر ..

مشعل الحربـي · #27 02/09/2010, 11:26 PM

أكيـد مستقبل البنت راح يتغتير هذي مايبيلها سؤال

بعدين انا اؤيد فكره دوق فيلد

كل بنت قبل ماتطلع من البيت تروح المطبخ وتحط سكين بجيبها واذا كان معها مسدس افضل

عشان تحمي نفسها من الذئاب البشريه

ومن باب الامـان

ان صار شيء طلعت السكين ودافعت عن نفسها وان ماصار شيء الحمدلله

يعطيك العافيه باريو واذا تعرف وش قصه الخاطفين وهل تم القبض عليهم ياليت تخبرنا

الله يكون بعون البنت واهلها

الـمـشـاغـب · #28 03/09/2010, 01:58 AM

الله يبشرك بالخير يا محمد

الحمدلله على سلامتها .. وإن شاء الله ما تتعرض أي بنت للي تعرضت له ..

مشكلة الشباب السعوديين اللي يشتغلون في الليموزينات أغلبهم (سرابيت) أهل حبوب وشراب وسهرات !!
الله يكفي المسلمين شر من فيه شر !!

ننتظر منك الإجابة على التساؤل اللي طرحه الأخوان هنا ..
وش صار على الحقير؟!!

BaRiO · #29 03/09/2010, 06:21 AM

والله ياخوان انا مارديت لان علمي علمكم
اهلها مكتمين على الموضوع ومختلقين سالفه ماتخش المخ

شكرآ للجميع

الـبـيـانـكـونـيـريـ · #30 03/09/2010, 01:21 PM

^^ احسن كذا .. والحمدلله على سلامتها وان شاء الله ترجع نفسيتها تمام