|
ابشركم البنـت لقوهآ ,, في اسئلة تنتظر اجوبه ؟؟!! السلآم عليـكم ورحمـة الله وبركآته :smilie47: + :rose: مسآئكم / صبآحكم مليئ بالخيرآت والمحبه :smilie47: حبيت انقلكم خبر البنت اللي كثير من الاعضآء يراسلوني يسالوني عنه وانا تآبعت الموضوع لنهآيته وحملت الخبر المفرح صرآحه :smilie47: ابشركم الحمدلله البنت في بيت اهلها في الوقت الحآلي :smilie47: الحمدلله على سلآمتها وان شآء الله اخر المصآيب يآرب :smilie47: والله يوفقها في حيآتها وتشوف مستقبلها وتكمل درآستها:smilie47: هذآ موب عآئق ابدا للدرآسه وهذي مب نهآية الحيآه:smilie47: ان شآء الله انها متفهمه هذا الشي :smilie47: واخوانها يعامولنها بالطريقه الصحيحه وهذي زبدة الموضوع :yes: لكن في اسئله كثيره تدور في رآسي كثير!! مستقبل البنت راح يتغير ؟ نفسية البنت وش راح تصير ؟ الحين وبعدين ؟ يقولون الاولين البنت مثل القزازه لانكسرت ماتنجبر هل الكلام هذا صحيح ؟ هل من الممكن احد يتقدملها وهي متعرضه لعملية خطف سابقآ ؟ وش السبب ؟ ياليت اللي يدخل الموضوع يحاول يجاوب على اللي يقدر عليه :rose: والله الموفق :smilie47: |
الله يبشرك بالجنة يا BaRiO ولكن معقولة شهر تقريباً مخطوفة ولا لقوها إلا الآن..!! للدرجة هذه ما في أمن..؟؟ ومن اللي لقاها أخوي هل هم الشرطة ولا أهلها..!! وش اللي سووه للخاطفين ولا الظاهر ما مسكوهم..؟؟ عموماً الله يجعلها آخر الأحزان والحمد لله على سلامتها وهذه نصيحة لكل بنت لازم تتعلم التعامل بالأسلحة ونصيحة للأهل قبل ما يعلمون بناتهم الطبيخ يعلمونهن حمل الأسلحة لأن الأوضاع في السعودية مقبلة على جرائم وعصابات والمفروض من الآن كل واحد يخبيء أسلحة مسدسات ورشاشات في منزله حتى لو ممنوعة والمرأة إذا طلعت السوق تاخذ معها حتى لو سكين وفي أمريكا يوجد بخاخات مسيلة للدموع تحملها النساء ويوجد كذلك صواعق كهربائية تصيب الرجل بالشلل يستخدمنها النساء في حالات التعرض للإغتصاب أتمنى إنها تُباع في هذا البلد والله يكفينا شر الفتن ما ظهر منها وما بطن شكراً أخي BaRiO على الخبر والله إني كنت كل ما أشوف معرفك أتضايق لأني أتذكر خطف الفتاة وشكراً إنك طمنتنا بعودتها..:rose: |
الحمدلله ع سلامتها :smilie47: جعلها اخر المصايب :smilie47: وش صار على الي خطفها ؟ :mad: |
اقسم بالله لو أني رئيس الدولة لا اعلقه شهر على كبري المعلق وبعدها اطقه بسجن 20 سنة اخليه يطلع من السجن وعلى المقبره دايركت هذا أذا ما كان هناك انتهاكات آخرى لأعدمه وارميه للكلاب تأكله كل شيء إلا العرض |
الحمدلله ع سلامتها.. الله يبشرك بالجنة .. والله خبر مفرح لكن الوسخ الي خاطفها وش صار عليه :ranting: |
الله يبشرك بالخير تصدق انو بالي معاها كل ما أشوف ليومزين احقد عليه مدري ليش لا ان شاء الله ماراح يتغير مستقبلها ولا نفسيتها لان قدر الله ومآشاء فعل ايه عاادي وليش مايتقدمون لها والله لوان لشي صار برضاها مسكينه الله يكون بعونها ويفكها من حكي الناااس الله لايوفق ذالخاطف حسبي الله عله ونعم الوكيل |
وعليكم السلام ورحمة الله وبركاته الحمدلله اللي قر عين أهلها فيها. وأسأل الله أن يسيّـر حياتها بالشكل الصحيح والسليم. مستقبل البنت راح يتغير ؟ نفسية البنت وش راح تصير ؟ الحين وبعدين ؟ الإجابة على السؤالين إجابة وحدة، البنت تحتاج إلى طبيب نفسي يطلعها من الجو اللي عاشته وعشان بالمستقبل بعد ما يكون للحادث تأثيرات سلبية عليها وعلى عايلتها ومجتمعها وبيتها " اذا تزوجت ان شاء الله " وأولادها. يقولون الاولين البنت مثل القزازه لانكسرت ماتنجبر هل الكلام هذا صحيح ؟ البنت صحيح ذات حساسية عالية، لكن الموضوع هذا كله ما لها يد فيه، وبإذن الله رب العالمين بيسهل عليها أمرها. هل من الممكن احد يتقدملها وهي متعرضه لعملية خطف سابقآ ؟ وش السبب ؟ أتوقع ممكن، لأن الموضوع كله مالها يد فيه! يعني والله عيب على اللي كان ناوي يتزوجها انه يعدل عن الزواج لأنها تعرضت للخطف! طيب اللي راحت برجلها وش بيسوون فيها؟! يعني ماهو من العدل ان الثنتين يعاملون بنفس المعاملة. جزاك الله خير يا باريو وطمنّـك الله. |
الحمدلله على سلامتها وان شاء الله ماتشووف شر وأخر الاحزان بإذن الله بس ايش قصتها ؟؟؟ >>> مو مع العالم خخخخ :d وبالنسبه لأسئلتك ،، مستقبل البنت راح يتغير ؟ نعم لأن المجتمع هذا مايرحم أحد حتى لو ماكان لها ذنب باللي صاار ‘‘ :cry: نفسية البنت وش راح تصير ؟ الحين وبعدين ؟ هي تحتاااااااج إلى طبيب نفسي لأن اللي يتعرضون لمثل هذه الحواادث صعب يخرجون منها الله يعيننها ‘‘ يقولون الاولين البنت مثل القزازه لانكسرت ماتنجبر هل الكلام هذا صحيح ؟ نعم لكن اللي إيمانها قوي وعندها عزيمه وإصرار تنجبر بسهووله :yes:‘‘ هل من الممكن احد يتقدملها وهي متعرضه لعملية خطف سابقآ ؟ وش السبب ؟ نعم وليش لااا هي مالها ذنب لكن وين النااس اللي يفهموون ؟؟ :ranting: والله يكووون بعونها ويجبر ماصابها ويرزقها من حيث لا تحتسب ‘‘ اللهم آمييييييييييييين ‘‘ تقبل إطلالتي ‘‘ |
الحمدلله على سلامتها ... والله يطمنها هي واهلها براحه البال والله يبشرط بالخير ياااراب .. ------ بودي اسأل ابن الكلب مسكوه ولا لا .. |
الله يكون في عون البنت واهلها اللهم لاتجعلنا عبرة لغيرنا موب نهايت كل بنت بالعكس اذا كانت مخطوفه مالها ذنب |
بـآآك / الحمدلله ، الحمدلله :smilie47: الله يسسر أموورهآ بهآلفتررهـ و يششرح صددرهآ ، و يستر عليهآآ :ba1: PeaCe |
مالها ذنب بلي جاها بس مجتمعنا مايرحم :( ياخي اذا المطلقه يحملونها الذنب ويتجنبونها هالمرة الي مخطوفة الله يعينها على كلام الناس وياجرها ويرزقها الزوج الصالح سبحانه قادر على كل شيء |
............... الحمدلله على ســلامتها .. والله يبشــرك بالخير يابــآريو .. محمد على ما اظن .. وبالنسبه للاسئله .. ما ازيد على اجوبة اخوي .. كان هنـا واللي خطفها وش صــأر عليه ..؟؟ ............... |
الحمد لله على سلامتها المفروض اقل شيء تنباع عندنا الصواعق الكهربائية ياما شفتها هنا تاثيرها لمدة عشر دقايق تشل حركة المتكهرب البنت تقدر تدبر نفسها ف هالوقت :(:(:( الله يستر عليها يا رب و يرزقها زوج صالح يسعدها و ينسيها همومها يا رب :( اسئلتك ما اعرف كيف اجاوب عليها لكن بالطبيعي اعتبرني جاوبت كل شي ايجابي :( الله يستر عليها يا رب :( |
باريو نتمنى منك الاجابة على التسأولات.. كلنا متعطشين لمعرفة ماذا حدث للخاطف.. بانتظارك :) ونتمنى للبنت الستر في الدنيا والاخرة.. :) |
| الوقت المعتمد في المنتدى بتوقيت جرينتش +3.
الوقت الان » 04:46 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd