هلالكم بخير + الأكثر جماهيريه من وجة نظري + رساله خاصة الى حسن العتيبي
بسم الله الرحمن الرحيم
كيفكم يازعماء
ما أطول عليكم بس حبيت أطمنكم ان هلالكم بألف خير خصوصا بعد المستوى الرائع في مباراة الفيصلي أدري أن المباراة سهله نسبياَ لكن مثل ما انتم
شايفين (الدوري مشعلل ) واغلب النتائج كانت غير متوقعه ومع ذلك شفنا هلال يبدع ويمتع ويكمل مشوار الخماسيات ... واكثر شي ريحني
اني في الشوط الثاني شفت هلال الموسم الماضي
لأني بصراحه كنت متخوف بعد سالفة جريتس والمغرب ..
لكن ان شاء الله ان الداهية يكمل جميلة معنا ويخطف لنا الاسيوية
والقادم احلى باذن الله ...
@
@
بخصوص الأكثر جماهيرية وش عندهم هاليومين مافيه سالفه الى الهلال الاكثر جماهيريه لا النصر اكثر لا الاتحاد لا الفتح ...
من جدكم انتم
ياجماعه ترا مافيه مقاااااااااارنه يعني وش جاب اللي جاب
المشكله مافيه امل انهم يقتنعون بالواقع فلذلك (( عطوووهم جوووهم )) >> بصراحه عجبني مره كلام الامير عبدالله بن مساعد
قبل شوي في برنامج فوانيس أحس انه كفى ووفى ..
@
@
(( رسالة خاصه الى حسن العتيبي ))
حسن انا أشوفك وبدون مجامله بعد الدعيع أفضل حارس في المملكه لأن أهم ميزه من مميزات الحارس الناجح موجوده فيك وهي ردة الفعل السريعة وهي اللي
خلت كاسياس افضل حارس في العالم بس فيك هالشطحه اللي مدري وش افسرها
يعني في اكثر من كوره لازم تتقدم وتخلي بابك - ولو انك تتقدم ولاعب الخصم منفرد ومتجه للمرمى ساعتها ماراح احد يلومك وبتكون سويت اللي عليك لكن اذا كان المدافع
يمشي مع مهاجم الخصم انت وش يقدمك !!!!
المشكله انه اول هدف يدخل مرمانا في الدوري وجا بشكل يغبن
عموما تكفى ثم تكفى ياحسن مانبي هالشطحات مع الغرافه او في الأسيويه عموما -
مو عشان شي بس عشان ما انجلط
ودمتم بود
الوضع العادي
