|
( لاتاكل ولا تشرب ) دراسات .. أبحاث .. تأكيدات .. تجارب .. تحذيرات .. نصائح كلها تقول ( لاتاكل ولاتشرب ) الببسي .. التونه .. السفن آب .. الخبز .. المكسرات .. الكيك .. البيتزا .. المشويات .. سمك الهامور المثلج .. الشاورما .. البروستد .. حليب الأطفال .. الكورفليكس .. بطاطس ليز هذي أسماء بعض المنتجاب اللي أعلن عنها و حذرونا منها .. والمصيبة ان فيها أشياء حسب الدراسات والأبحاث و و و و ( يقولون إنها تسبب السرطان ) الله يكفينا شره ويعافينا ويشفي من أبتلاه الله به نجي للامور الإلكترونيه دفايات .. جوالات .. شاشات تلفزيون .. ذبذبات الممودم .. بطاريات ... شواحن الجولات وغيرها ... المكرويف .. الإستشوارات ... وهذي دفعة ( بسيطة ) من اجهزة حذرونا من لمسها والإقتراب منها وإستخدامها وبعضها يمكن حتى الشوفه لاتشوفها !! خلصنا من الأكل والشرب والأجهزة الألكترونيه ... والحين دور الملابس ... وألعاب الأطفال ... أي لعبه رخيصة ... وملابس سعرها معقول !! تلقى عليها ( تحذير ) مهوب صاحي .. كنك تشتري مخدرات مهيب فنيله او سروال ... او حتى لعبه ... يعني أي لعبه بخمستريل من اللى يرددن ( ياطيبه .. ياطيبه ) هذي يقولون إنها تسبب إختناقات للطفل .!؟ وبالنسبه للملابس يقولون تجيب حساسسيه لجسم الأطفال ! والحين ع السريع بمر على بعض المحرمات والأدوات اللى لاتقربها ولاتجيها ولاتستخدمها ولا تاكل عليها ولاتطبخ فيها ولاتشرب منها ولا ولا ولا ولا ولا .... الفاكهة والخضرة ( يقولون السماد مهوب طبيعي والكيماوي يجيب امراض خطيرة ) الدجاج ( يقولون يعطونها أبر وهرمونات تصيح الدجاجه كبر ( قريح ) وهي توها فرخ .. علشان الوزن وهذا يسبب مشاكل للإنسان .. حتى مرات ذكرت إحدى التقارير إنه سبب بروز الثدي لدى الأطفال الذكور وتسقيط الجنين لدى النساء .. اللحوم المبرده .. ( يقولون إنها مذبوحه منذ مبطي .. وتجيك حتى معفنه ومرات الذبح لك عليه .. يعني الرقبه ممصوعه مصع .. يعني غير إسلامي ... ) اللحوم الطازجه بعد ماسلمت من التحذير ( يقولون إنهم يتلاحقون المريضه ويذكونها ( يذبحونها ) وفيها طوالع ) حتى المويه .. وهي مويه ( ماااااء .. مااااء ) اللى بقوارير كبيره .. يقولون ترى فيها تركيب دقيق جدا لو يزود او ينقص يضرب الكلى .. يعني يسبب أمراض للكلى ... وتخزين المويه فيه مشاكل ... لاحول ولاقوة إلا بالله ,,, الله خير حافظ وش ناكل ... وش نشرب ؟ ووين أصحاب الإختصاص والمسؤوليه من منع إستهلاك هالمواد الضارة او إيقاف هالشائعات لو كانت شائعات أهدافها ضرب المنافس.. اما نعيش برعب وخوف من أي لقه نحطها بحلوقنا .. هذي مصيبه ؟.!؟!؟! اخوكم الصغير ابو طلال :rose: يازين كتابة الموضوع بدون فيسات ( بغيت أحط فيس يهز راسه بالموافقه ) هع هع |
ايه واالله صادق البيبسي على الرغم من التحذيرات عليه الا اني رميت التحذيرات خلف الحائط << حلوة :D والكورن فليكس << قلوب " كل شوي زوج اختي يجيب لنا نشرة من ارامكو بمنعه لكن انا ساحبه عليهم :D شكرا ابو طلال << وردة |
خخخخــ... وانت صادز ..... دائما أقول لبعض العيال يجي يوم يقولون مياه الخليج العربي اللي نشرب منها الماء ملوثة .... لكن على قولة باسكن روبنز دعها خلف الحائط :d تشكر أبو طلال |
برأيي أن هذه ضريبة المدنية.. وعلينا الدفع.. ولم تمتلأ المستشفيات هكذا صدفةً.. شكراً لك أبوطلال.. |
حتى الشامبوات اللحين يقولون فيها ماده مسرطنه نعنبو بليس وين المسؤولين اجل جيدين يحذرون بس :d بكره بيقولون الانسان بطبيعته كله مرض احسن له يموت:d عافاك الله ابو طلال والفيسات شكلها راحت مع اللبن :s2: |
صباح الخيرات.. يازين الصيام هاه..! يارجال كل وتوكل على رب العالمين..! المشكلة ان حياة البشر صارت رخيصة عند شركات الأغذية وعند التجار.. الله يتولانا برحمته بس.. عندي سؤال لو سمحت: وين توقيعك الي كان فيه البزر التكروني الي يهايط علينا ويقول الي مايراسل صاحبه..؟! هههه بالتوفيق |
بخصوص الاشعات التي تقول ... أنا اخوك بالله تخصصي و اعمالي و عملي الحالي كلها بمجال فحص العينات و المياه ... خذ عندك بس امثلة ... أغلب المياه العباءة مضرة للصحة و اغلبها لا تصلح بتاتا للشرب و السبب انها تحتوي على نسب عاليه من الكلور ... شوف علامة Ph الموجود بكل ملصق على علب الماء ... النسبة المكتوبة 7,2 لكن تدري اغلبه وصل 7,5 و هذا يعني مجرد شربه تبداء الامراض تزورك تباعا الدجاج حصلنا دجاج لا يصلح للاستعمال الادمي بتاتا .. الزيت الذي يطبخ فيه أغلب المطاعم فحصنا اليوم واحد و النتيجة له أكثر من اربع شهور وهو يطبخ فيه ... يعني كل ما طبخ فيه هو مجرد أكل مسبب للامراض ... ما قلته هو واقع صح واقع مخيف لكن هذا هو الواقع ..:yes: ممكن صعب تخيله لكن هو نتيجة عدم وجود رقابة و السبب الخوف على المال العام وقلة الوظائف ... ما قلته مجرد نقطة ببحر .... و الامراض التي بدأت تغزو مجتمعنا من أين اتت ؟؟ السرطان أصبح شائع بشكل مخيف و السبب العينات التي ذكرتها ... بالرياض اعترفوا بالحلوة الطحينية المسسبة للسرطان وكم منتج غيره لم يدروا عنه ... بينبع اعترفوا بالشامبو المسبب للسرطان ... وكلها للاسف بعد ما غزت الاسواق ... هذا هو الوقع صدقت او لم تصدق..:yes: موضعك يمكن كتبته بشكل ساخر كعادتك لكن فعلا محزن هذا حال بلدنا لا نضمن ما ناكل و لا نعرف صحة ما يشربه اطفالنا و شيباننا .. ممو مصدق كلامي خذ علبة مويه وروح لأي مختبر خاص يفحص العينة ب100 ريال و شوف النتيجة بنفسك... في مختبر اسمه أكسوفا بالشرقية ارسله العينة و بدون ما تحدد الشركة وقول لهم هذه موية بئر و شوف الرد .. متأكد راح يقولك غير صالح للشرب و مسببة للسرطان بسبب وجود الكلور ... |
حجز حتى قراءه الموضوع مشغول بالتونة و الجبن ___________________________________________________________________ فك الحجز بعد احلى تونة والله وانا اخوك ان كل هالكلام اشاعات يعني لو اقول لا تشرب ببسي ترى شركت كوكاكولا هي الي مسوية الاشاعة و و على هذا يعني خليك في الي يعجبك و سو زيي احلى توونة مع جبن في الجماية لمدة ثلاث دقابق والله حتاكل صباعك وراها و دزها بحليب قليل الدسم |
إقتباس:
طيب المسابح كلها كلور ,, والجسم يمتصه ,, مايسبب شي .. ؟:s5s: انا ماعلي منهم اهم شي الكريمات الي استخدمها مايمنعوها ,, الباقي بقريح :s2: |
لللا اسف عندنا التجاريف السعودية يطلبون من الخارج اخس الاشياء ..!!يقلون لهم جيبوا لنا اخس نوع...والله صرنا فئران تجارب..!! الله يعين بس..!! |
صادق والله , ما بقى الا يقولون الموية ممنوعة !! :d |
صدقت يابو طلال حتى ياكثر الأشياء اللحين يقولون فيه شيء من الخنزير ! مثل البيبسي و الديو و بعض الأكلات :s5s: كل شيء طعمه حلو قالوا فيه خنزير :s5s: انا وصلت لقناعه أن الخنزير طعمه حلو ! و لا وش رايك :d >> براااااااااا عاد الصدق كل اللي قلتهم مادريت عنهم :razz: بس مشكلتي الكبيره مع الأندومي عشقي الأبدي :wub: > فيها عرق أندونوسي :laugh: كل شيء موزين حطوه فيه :cry: قالوا يسبب سرطان و يدمر خلايا المخ .... الخ :cry: بحاول أتركه إن شاءالله :s5s: || أبو طلال , يعطيك العافيه :rose: |
ااايييييه وانا اخوك هذا واحد يقاله - ولا موب لازم اسمه - المهم ذا الادمي قبله مطيح في الصين وينه فيه في الصين وين رايح لصين من وين جاي من الصين يقول انه يستورد او حاجه زي كذا .. يقول والله في منتجات صينيه تنافس الياباني والالماني وتتفوق عليه لاكن تجارنا غالبا ماتجيب إلا الردي (يعني الشي الي موب زين هذي الترجمه لغير الناطقين بالنجديه) يعني بدل ما يجيب الشي الزين ويكسب فيه مثلا ريال يجيب الشي الردي ويكسب عشره طبعا هو تخصصه ادوات كهربائيه .. بس قس على ذالك باقي الاشياء وتعرف السبب يعني السبب موب فيهم السبب من الي يستورد منهم .. |
هههههههه عاد مالقوا الا الخبز والله غريبة والله بصراحة انا اخذ اللي ابغى وماعلي فاحد يعطيك العافيه |
لن يصيبنا الا ماكتب الله لنا... ابو طلال انفلونزا الطيور وصلتنا ومات ناس كثير سواء اعرفهم انا او انت خفنا وتضايقنا لكن الحمدلله عدت سليمه الله يديم علينا الصحه والعافيه فلذلك اتكل على الله وكثف الدعاء بحفظك وسترك والله وحده الحافظ تحياتي |
| الوقت المعتمد في المنتدى بتوقيت جرينتش +3.
الوقت الان » 08:02 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd