21/08/2010, 08:01 PM
|
| زعيــم متواصــل | | تاريخ التسجيل: 01/09/2007 المكان: لا زمان ، ولا مكان , لا مراسي ، لا وطن , وين الدفا.؟ وين الأمان.؟ أشكي معاناتي لمن.؟
مشاركات: 53
| |
كلنا نعترف ان المستوى ضعيف نسبيآ..لكن انا متفائل بحاجه وحده بس
اللي هي ان ::/ اول مباراه رسميه للغرافه مع انطلاقة الموسم الجديد هي مع الهلال
لآن الدوري القطري ما بدأ للحين ولا الكاس
كل الامر انهم لعبوا بطوله وديه مثلها مثل النخبه
هذي الحاجه الوحيده اللي انا متفائل فيها
اما بالنسبه للاعبينا انا ملاحظ تطور مع كل دقيقه في المباراه
ما احد ينكر ان الحزم قوي في ارضه لسببين صغر حجم الملعب وسوء ارضيته
كنا نتعادل معاهم في نص الموسم وبعز مستوانا واللحين فزنا عليهم وبفارق هدفين وفي ارضهم
انا اقول ان الهلال في تطور مستمر خلو عنكم التشائم وخلونا مع فريقنا
ولهامسون رجع مستواه ..وعيسى اللي ما خليتو عنه كلمه لعب وسجل
نيفيز اللي كثير طالب برحيله صرت اتابعه وكأنه لاعب سعودي غيور على ناديه
لآحظو حماسه وتطور مستواه ..شايل الفريق فوق ضهره
الشلهوب لآعب من طراز عالي جدآ..لكن ينفع في نص الشوط الاول ولا بداية الشوط الثاني
لآنه يتعب اللي قدامه بكثرة حركاته ومهارته العاليه
العابد في بداية المباره مثله مثل ولهامسون طريقتهم في اللعب متشابه الى حد ما
العابد مهاري وانطلاقات..ولهامسون نفس الطريقه ويفوق ولهامسون بفارق الخبره
يعني يا شباب خلونا مع لاعبينا
وانا اسستغرب من اللي يجيك ويكتب النصر قال وجمهور النصر قالو وصحافة النصر قالت
هنا انت في معقل الزعيم وبين جمهوره
ياخي اذا كان جمهور النصر مسكين نصيرين مساكين مثلهم..؟؟؟؟؟
اذا قال جمهور النصر كلام ..مثل جايك جايك ياهلال..يبي يضرنا.؟؟؟
تعبنا وحنا نقول القافله تسير
ياخي كلامهم بالهوا ماراح يلزق فيك
والله اني انقهر اذا شفت موضوع عنوانه جمهور النصر والهلال..ولا جمهور النصر قال وفعل
خلك في ناديك وشجعه
معليش ياصاحب الموضوع على الاطاله...كان ودي اكتب موضوع لكن وش نسوي مثل ما انتم شايفين تاريخ تسجيلي وللحين ما تفعلة عضويتي
لكن الله يوفق هلالنا فوق كل ارض وتحت كل سماء
اسف على الاطالع واتمنى ما تكون مملة
لكم كامل احترامي |
الوضع العادي
