أولاً أحب إني أحييك و أقولك الله يعطيك ألف عافيه على مجهوداتك الحلوة في هالمنتدى....

صراحةً شدني تحليلك للمواصفات اللي من الأنسب توفرها في جهاز أيّ الكمبيوتر من حيث أنسب القطع و أفضل الشركات المزوده لهذه القطع....

من خلال ردك لتساؤل الأخ M.A.M عندما طلب أفضل المواصفات و القطع في الجهاز الجديد اللي راح يشتريه، حسيت إنه في مجال إنك تفيدني بمعلوماتك عن الكمبيوترات المحمولة لأني ناويه أشتري laptop ولاني عارفه بالضبط أيش أنسب شي من حيث المواصفات و السعر أيضاً حيث أن ميزانيتي تسمح في حدود ال 6000 ريال....

أتمنى إني أجد عندك الجواب الشافي....

على العموم الله يعطيك العافية و جعلك على القوة....

مرحبا فيك Celinish

أولا : العفو -- و هذا واجبي ،

إذا حصل شيء معيّن ، و زادت الميزانية أكثر من 6000 -- أنصحك تشوفين أجهزة سوني Sony Viao .. فهي الأفضل بدون منافس. أو توشيبا ساتلايت الأزرق الجديد هذي منافسة نوعا ما-- من واقع تجربة.

أما ب6000 ففيه جهاز Dell Inspiron -- أظن فيه منه موديلات كثيرة يمكن المنتشر هو 2650
أهم شيء المواصفات إنه يكون بينتيوم 4 سرعة 2 جيجاهرتز ، 256 ذاكرة رام ، 30 جيجابايت هاردسك ، و يكون فيه DVD و CD Writer ، الكاش 512 كيلوبايت !
وكيل DELL أظنه شركة العالمية اللي بجنب عمارة سيدتي في العليا.

و فيه جهاز ثاني لا بأس Fujitsu Siemens.. و أسعاره دائما منافسة.. و حصل على خيار المحررين في PC Magazine للأجهزة الخفيفة.

هذا رأيي ، و الرأي لك -- و إذا بغيتي استزادة حاضرين.

:p

يالله يارب تسلّمه وتعطيه العافية....
بالنسبة للميزانية، فأعتقد إني أقدر أزيدها شوي (بمناسبة مزانية الدولة الجديدة
) وأخلّيها في حدود ال 6500 ريال (تكفين يالزيادة الكبيرة اللي قدرتي عليها )
معليش لو ثقلّت عليك شوي وطلبت منك تعطيني خلفية عن أفضل الشركات المصنّعة لهالكمبيوترات من ناحية المواصفات الممتازة، السعر المناسب، الصيانة و الضمان....

صراحةً ودي يكون المعالج P4 بس الجديد هذا اللي يقولون عنه Mobile و السرعة مو أقل من GHz 1.8 و الRAM لا يقلّ عن 256 MB (وإذا كان 512 MB فهي ميب شينه) ، أمّا سعة الهارد ديسك فـ30 GB عزّ الطلب، و ال Video RAM أفضّل يكون يا 32 يا أعلى ( ترى 64 أطلق شيء)....

على فكره! فيه مجال أحصل على مواقع سعودية أو عربية (مثل وقع PC Magazine إذا تعرفه) توفر معلومات عن الكمبيوترات ؟؟
أيّ محل أو مركز هنا بالرياض تعتقد يكون أفضل مكان يشتري الواحد منه بحيث ما يخاف إنه ينصب عليه في الجهاز أو السعر؟؟
هل تتوقع لو إنتظرت حتى يبدأ معرض جيتيكس اللي بيفتتح هنا في الرياض يكون أفضل؟؟

حاسه إنّي طوّلت عليك اخوي لكن وش أسوّي الحاجة تفرض هالأمور....
على العموم يعطيك ربي ألف عافية اخوي اللهلوب و عساك على القوة....

Thank you so very much big boy

هلا بك Celinish

أفضل محل بالسعودية من ناحية الضمان و الصيانة و الموثوقية هو Compu me بالتأكيد -- لكن المشكلة أسعارهم ضاربة أكثر من غيرهم .. يعني الزين ما يكمل ! أنا تعاملت معهم و الحمد لله ما ندمت أبد.

أو الحل الثاني هو الشراء من الوكيل مباشرة ..
يعني عندك acer و dell هذي كلها عند العالمية.
و compaq أظنها الحين عند مكتبة جرير ، تلقين عندهم أغلب الأنواع و الموديلات.
و sony عند sony طبعا و محلاتهم موجود بالمملكة و الفيصلية و العقارية ، بس أرخص جهاز بأقل مواصفات يمكن سعره 7000

و لقيت لك اختبار مجلة pc magazine العربية !
http://arabic.pcmag-arabia.com/revie...واسيب%20مفكرات
لكن طبعا الأجهزة شوي قديمة ..
طبعا بعد زيادة الميزانية
الحين فيه جهاز كومباك بريزاريو سرعته 2 جيجا ، و الرام 256 و مواصفاته بشكل عام ممتازه ، بسعر 6300 .. طبعا عيبه الوحيد إن الهاردسك 20 جيجابايت بس ! يمكن إذا زاد الهاردسك إلى 30 يصير سعره تقريبا 6800 .. جهاز ممتاز و أنا عندي البريزاريو هذا بس ديسكتوب ما هو لابتوب ، و أقول لك روعة بجد. طبعا فيه كومباك الحين سرعته 2.4 ، لكن مدري يخاف الواحد انه يحتمي بسرعة و البطارية تخلص بسرعة .. يعني 2 جيجا أحسن شوي. يعني معروفة أجهزة كومباك إنها أنيقة و جيدة ، لو بس يخف وزنها.. و أهم شيء المحافظة عليه. بس أخاف إذا انتظرتي لجيتكس تروح ال 6500 !! ، أحسن لك الحين .. و هذا رأيي.
[c][/c]

مشكور أخوي اللهوب على كلامك الحلو وأفكارك القيمة.


كلنا نفتخر باللهوب في منتدى الزعيم وخاصة المنتدى الكمبيوتر والأنترنت.



هذا ليس نفاقاً ولكن الحق يجب أن يقال.

هلا بك أسيروووه

يا شيخ شوي شوي علي تراني ما أتحمل --
تسلم يا بعدي و هذا من ذوقك الغالي
و أولا و أخيرا ، يبقى هذا واجبي -- و الشبكة تستاهل منا أكثر
تحياتي لك