فالنسيا اضطر لبيع نجومه!
بسبب الديون المتراكمه من بناء ملعب نيو مستايا !
ملعب بصراحه اشوف ان فالنسيا مب بحاجته ابد !
عندهم ملعب ممتاز ومو محتاجين لملعب جديد!
لو خيتافي ممكن اقول يحتاجون بناء ملعب
شخصيا ارى ان فالنسيا لن يتاثر مستواه بسبب رحيل فيا وسيلفا
وسوف يصبح منافس قوي في الليقا !
يملك فيسنتي وبابلو هرنانديز وماتا وسولدادو وبانيقا وتوبال وغيرهم
نقطه اخرى فالنسيا ليس هو المنافس الوحيد للغريمين
هناك اشبيليه واللذي اعتبره اقوى من فالنسيا بصراحه
وايضا هناك فياريال واتلتيكومدريد فهي فرق قويه !
الليقا تبقى قويه وشيقه ولو لاحظت الدوريات الاخرى لرأيت ان
اغلب فرقها القويه اصبحت تعاني ايضا ولم تعد تنافس على البطولات !
بدون ذكر اسماء فرق هناك انديه في الدوري الانجليزي والايطالي
اصبحت تعاني وبعضها لم يستطيع التاهل للابطال
اييييه يا فالنسيا بينتيز , و الله كان فريق مُرعب ..
بيتكرر ؟ ما ظنتي و الله ,
نجي لـ موضوع الدحمي , فالنسيا يا فالنسيا ,
أول شي ودي أقول كلمة بسيطة قبل ما أبدا , إن كان فيه خطر على قطبي اسبانيا ترى هو سيفيا ,
غيره ما أظن ابد ابد , الغواصات نايمين بالعسل , اتليتكو تعاقدات صفر , الديبور مكانك سر , فالنسيا مُنهار ,
سيفيا هو الفريق الوحيد اللي منه رجا أنه ينافس , فريق مليان نجووم و بأذن الله نشوف سيفيا ثاني الموسم الجاي ,
هاذا كلام بسيط بس عن فرق الليغا الموسم الجاي , ندخل في العميق الحين عن فالنسيا ,
بيع النجوم ,
سيلفا + فيا + مارتشينا , ثلاثي كان شايل الفالنس على ظهره و يعتبرون من العمود الفقري لـ الفريق ,
يروحون في صيف واحد ؟ , صراحة صدمة كبيرة لـ الليغا بكبرها مهوب لـ فالنسيا ,
لكن لو ننظر لـ الأسباب , نشوف أن لورنتي كان منطقي صراحة , ديون النادي كبيرة و النادي تقريباً فقير في المداخيل , يعني لازم توفر سيولة ,
باع الظاهر كم أرض لكن ماش ما وفت معه , لازم يبيع النجوم أجل , فيا + سيلفا تقريباً جابو له 100 مليون و هاذا رقم كبير صراحة ,
اللي مزعل جمهور الفالنس هو أن بيع النجوم جا فجأة و في صيف واحد , يعني لو جاء بـ التدريج كان أصرف , لكن كلهم في صيف واحد هنا المشكلة ,
ع العموم قلتها قبل و بأقولها ألحين , الفالنس جالس يجدد نفسه , عنده مبزرة حلوين و بكم تعاقد ممكن يسوي شي ,
ما أنتظر منهم شغل هـ الموسم أو منافسسة , ودي بس يشتغلون على فريقهم أكثر , ننتظرهم الموسم الجاي بـ فالنس خرافي إن شاء الله ,
لا هنت أبو دحة ,
و لـي باك إن شاء الله إذا جد جديد ,
والله إنهيار كبير في الليغا الإسبانية .. في خروج من أفضل لاعبي الليغا .. دافيد فيا + سيلفا
وفالنسيا بدأ يزول من المنافسة تدريجياً ..
وأعتقد المنافسة في بطولة الليغا بين الثلاثي الكبار برشلونة + ريال مدريد + أشبيلية = المنافسة على اللقب نعم أشبيلية فريق كبير .. واعتقد راح يكون منافس قوي .. مع برشلونة والريال ..
يعطيك العافية أخوي .. أبو دحة على الموضوع المميز ..
إذا كان فيه أحد يلام بشكل رئيسي على موضوع المشاكل الحاصلة في الليغا الاسبانية واتساع الفجوة بين الثنائي برشلونه والريال مع بقية فرق الليغا فهو رابطة المحترفين الاسبانية ولا غيرها بعيد عمن يتكلم عن سوء في ادارات الاندية وغيرها وراح اوضح النقطة هذي لاحقا ... صحيح انك تطالب الاندية بالحفاظ على نجومها السوبر ستار لأن هذا حافز للشركات من خلال حقوق التسويق والاعلانات بسبب شهرة النجوم ولكن هؤلاء اللاعبين يطالبون بأجور مرتفعة ومع الازمة الاقتصادية وقلة المداخيل وارتفاع تكاليف أجور النقل وغيرها وتراكم الديون بشكل كبير صعب أنك تجي وتطالب هالاندية بالمحافظة على نجومها .
أرجع لنقطة رابطة المحترفين الاسبانية انا اعتبرها المسؤولة بسبب التقسيم الظالم لايرادات النقل التلفزيوني واللي تعتبر عادة من ابرز الموارد المالية بالنسبة للأندية ... بأي حق يتم استثناء برشلونه وريال مدريد من عملية البيع الجماعي لحقوق النقل التلفزيوني مثل بقية فرق الليغا ، يعني السنة هذي قيمة بيع حقوق الدوري الاسباني 500 مليون يورو مايقارب 50% من المبلغ يذهب الى البرسا والريال والنصف الباقي يتم تقسيمه على بقية الفرق الـ 18 في الليغا وتختلف المبالغ حسب نتائج الفريق وترتيبه ...الخ ، واذكر قبل فترة رئيس اشبيليه ديل نيدو كان له تصريح حول الموضوع وكان يطالب الأندية انها تجتمع وتعمل دوري خاص لها من 18 فريق بدون البرسا والريال إذا ماتم تعديل لنظام حقوق النقل التلفزيوني .
أعطيك الفارق بين الليغا وبين البريمير ليغ حتى الكالشيو راح يطبق نفس النظام هالموسم وهو عملية البيع الجماعي للأندية :
الدوري الانجليزي وهو أعلى دوري في العالم بيعت حقوق النقل هذا الموسم بمبلغ 1.179 مليار يورو ... هناك مبلغ ثابت يتم توزيعه على جميع الفرق الـ 20 ، وبعد كذا تختلف المبالغ حسب معايير محددة وهي نتائج الفريق ومعدل مشاهدة المباريات عبر التلفزيون والانترنت والحضور الجماهيري للمباريات ... يعني فرق مثل مانشستر وتشيلسي والارسنال وليفربول ممكن تبقى في الصدارة لكن البقية يكون لها نصيب جيد من الايرادات.
لو تم تطبيق نفس النظام في اسبانيا أكيد راح يبقى الثنائي برشلونه والريال في الصدارة بسبب معدل المشاهدة والحضور الجماهيري وتنافسهم الدائم على الصدارة ، لكن بقية الفرق ستحصل على مبالغ اكبر وماراح تكون الفجوة بهالشكل الرهيب ... يعني في اسبانيا زيادة على ضعف المبلغ قياسا بالنجوم الموجودين في الليغا والسنة هذي ياتي في المركز الرابع بعد الانجليزي والايطالي والفرنسي نصفه محصور بين ناديين اثنين فقط .
يعني ماتستغرب على سبيل المثال فريق في البريمير ليغ في النصف الثاني من الجدول الموسم الماضي مثل فولهام وسندرلاند تكون ايراداته اعلى من فالنسيا واشبيليه ثالث ورابع الليغا .
, و الله كان فريق مُرعب 
الوضع العادي
