إقتباس الرسالة الأصلية كتبت بواسطة ميسي - 10 شباب قريت خبر في صحيفة الماركا عن لاعبنا إبراهيموفيتش ( طبعاً إبرا طلع إعارة إلى نادي الميلان ) يقول ممثل إبرا مينو رايولا فتح الباب لريال مدريد من أجل التعاقد مع السويدي ومن ضمن الخبر يقول مورينهو يرغب بتوقيع زلاتان مع ريال مدريد والإدارة بيعرضون مبلغ مقنع للميلان من اجل التخلي عن اللاعب ! المصدر " هنـا " طبعاً السؤال على أي اساس الريال يفاوضون الميلان من أجل زلاتان وهو لاعبنا بالأساس ؟ وهل برشلونة تقدر ترفض إنتقال اللاعب والأ ؟ هاردلكم خسارة الزعيم والخروج من الأبطال العوض الموسم الجاي إن شاء الله ! لكن محتاجين مهاجم أجنبي ما يرحم قدام الباب !

آآخ بس يالهلال

بالنسبه لإبرآ الا اعرفه إنه رايح إعاره للميلان ولهم أحقيت اشراء بمبلغ محدد لكن ناسيه

لكن الريال فاوضوه بيسون مثل الكوبري يخلون ميلان يشترونه وهو يشترونه من ميلان بمكسب

لانهم عارفين برشلونة مآ رآح يبيعونهم إياه

^ـ^

ع العموم لا يهمك وكيل اعماله كلامه كثير و نذكر بداية الموسم يوم قال فيه عرض 30 مليون من السيتي و طلع كله كذب

هارد لك خسارة الزعيم و يستاهل الاتي. (ماراح ناخذ الآسيوية الا اذا تركنا العاطفة) بين قوسين لان المعنى في بطن الشاعر هههههههه.

بالنسبة لخبر ايبرا فاتوقع انه إشاعة ماتوقع انهم يفكرون بزلاتان. لكن حتى لو بينتقل لهم عاااادي بنكسر روسهم كالعادة بإذن الله.

إقتباس الرسالة الأصلية كتبت بواسطة Hilali 3asal بالنسبة لصفقة اللاعب البرتو بوتيا مدافع خيخون لو كان يفكر فيه المدرب جوارديولا فهي صفقة سهلة وشبه منتهية لبرشلونه لأنه هو بالأساس لاعب برشلوني منتقل بنظام الاعارة الى خيخون منذ الموسم الماضي ... اللاعب مدة اعارته هي أربع مواسم انتهى منها موسمين ، والظاهر فيه بند في العقد انه برشلونه له الحق باستعادة اللاعب في أي وقت خلال اول ثلاث سنوات من الاعارة مقابل دفع مبلغ مابين 1.5 أو 2 مليون يورو لفريق خيخون .

مشكور عالتوضيح ابو سلطان ماتابعت اللاعب أنا لكن أكيد انه لو جا بيكون احتياطي عند اللزوم يعني الخيار الاول بيكي و بويول ثم ابيدال ثم اللاعب الجديد. هو عالعموم لو طلع ميليتو لازم مدافع بداله يا يعتمدون على لاعبي بارسا ب او يشترون لاعب جديد. لان ثلاثة فقط لاتكفي خصوصاً وان مركز ابيدال الاساسي هو ظهير يسار.

ماجاوبتو

كم باقي مباراة وينتهي الموسم؟
وكم عدد بطولات البرشا؟

تدرون ليه الهلال خسر اليوم عشان بعدين مايفوز باسيا ويقابل برشلونه في كاس العالم للانديه وبعدين لو تقابلو وفاز احد ماندري نفرح ولا نزعل

المهم برشلونه لازم يفوز في ويمبلي وننسى كلش ونفرح فيه

إقتباس الرسالة الأصلية كتبت بواسطة الهنووف الهلاليه ماجاوبتو كم باقي مباراة وينتهي الموسم؟ وكم عدد بطولات البرشا؟ تدرون ليه الهلال خسر اليوم عشان بعدين مايفوز باسيا ويقابل برشلونه في كاس العالم للانديه وبعدين لو تقابلو وفاز احد ماندري نفرح ولا نزعل المهم برشلونه لازم يفوز في ويمبلي وننسى كلش ونفرح فيه

آخر مباراة نهائي كأس دوري أبطال أوروبا 28 مايو السبت القادم 25/6
عدد بطولات برشلونة 72 بطولة رسمية <<<<<<<<<<<<<مب آكيد

الفريق بالفعل وصل لندن الساعه 11 بتوقيت بريطانيا ..

تفاصيل الرحلة جمعتها لكم من السبورت من الفضاوة :

# تجمع الاعبين و الجهاز الفني و الطبي في الكامب نو الساعة 9 بتوقيت اسبانيا ، بعدها ركبو باص رايحين المطار و لقو قدامهم 200 شخص حضرو لـ توديع الفريق !

# البعثة بتجلس هناك لمدة 5 ايام .. من الأربعاء إلا يوم الاحد ، ان شاء الله يرجعون بالكاس !

# غادر الفريق من مطار البرت الساعه 10 " و تحديداً 10 و 8 دقايق " .. الفريق هبط في مطار ستانسيتد في لندن الساعه 11 .. يعني الرحلة ساعة كاملة !

# سافر مع البعثة الرئيس روسيل و زوبيزاريتا .. باقي الأداراة اليوم الاربعاء بيروحون لندن او الخميس كأقصى حد !

# الفريق بيمسي في فندق " غراند يندهام " .. على ان بكرة يروحون لـ احد ضواحي شمال غرب لندن و اللي هي على ما اعتقد " واتفورد " ، لأنها قريبة من مركز تدريب الأرسنال !

# على الهامش : النادي كان حاط خيارين في حال تعطل الرحلات لـ لندن .. و اللي هي الأول يسافر لـ باريس بالطيارة بعدين بقطار مشهور أسمه " يورو ستار " يربط بين باريس و لندن يسافرون لـ عاصمة بيرطانيا لمدة ساعتين .. و الخيار الثاني كان مُجهد جداً و اللي هو انه يسافر بالباص لـ باريس بعدين بالقطار لـ لندن ، لكن الحمد لله كل شيء مشى على ما يرام و الفريق سافر بالطيارة لـ لندن على طوول !

كل شي كان من هينا / El Barça desembarca en Londres | barca | SPORT.es

اليوم الأربعاء و بكرة الخميس الفريق بيتدرب في مركز تدريب القنرز بعد ما وافقو الأرسنالية على طلب النادي انهم يتدربون عندهم .. المركز بطل جداً و على فكرة يتدرب فيه منتخب أنقلترا .. ارضيته مشابهه لأرضية ملعب الأمارات و هي تعتبر الأفضل مع ارضية ويمبلي .. طبعاً الفريق يومين بيتدرب في الأرسنال و يوم الجمعة بيتدرب في ويمبلي أن شاءء الله !





طوني فريكا المتحدث الرسمي لـ الأداراة قال بشأن الجماهير :
" فيه حلين .. الاول ان فيه باصات بتمشي لـ لندن و قيمتها - 190 يورو - ، و الثاني ان في طيارات بتطير لـ لندن قبل يوم الخميس و قيمتها - 250 يورو - "
المهم .. يعني فيه حلول لـ ان الجماهير تكون موجودة في ويمبلي .. لأن بصراحة ما اقدر اتخيل ان برشلونة بيلعب بدون جمهور في ويمبلي و تكون جهته فاضية !



كل التوفيق لـ الفريق .. الحمد لله كل شي مشى على ما يرام !
ننتظر الجماهير في ويمبلي عشان تكتمل اللوحة !
الرابعة قررررررررررررررررربت ..

شباب مافيه صور للاعبين عند وصولهم الى لندن


وتكفون نبي صور لبرشلونه وهم يتدربون

يالله يارب يفوز برشلونه بانهائي

إقتباس ارضيته مشابهه لأرضية ملعب الأمارات و هي تعتبر الأفضل مع ارضية ويمبلي

على طاري ارضية ويمبلي , اذكر ان الانقليز يشتكون من ارضية ويمبلي اللي تقام عليه المباراة .
لان حصلت اصابات لكذا لاعب ومنهم اوين على ما اعتقد , وبعد اللاعبين يشتكون من الارضية .
واعتقد ان المشكلة من الاساس هم سووا صيانه لـ ويمبلي وشالوا الاخضر واليابس , ومن بعد الصيانه يقولك ان الارضية فيها مشكلة .
هذا الكلام طبعاًُ قبل شهرين او اكثر يعني قريب .

وثائقي قصير عن نصف نهائي و نهائي بطولات التشامبيونز الثلاث التي حققها البرسا

YouTube - ‪Recuerdos de Champions: Londres, Par
YouTube - ‪Recuerdos de Champions: Londres, Par
YouTube - ‪Recuerdos de Champions: Londres, Par