الفريق لكي يحقق البطولات .. وينافس على أي بطولة يدخلها
لازم ينجز شيئين بكل مباراة
تسجيل أهداف .. و المحافظة على نظافة الشباك
بوجود (ميسي - فيا - إبرا) و (بيدرو - بويان - انييستا)
ما اشوف ان البرسا راح يعاني من تسجيل الأهداف بأي مباراة
وراح يكون فيه بديل جاهز طوال الموسم ولأي مباراة بأي بطولة
لذلك ليش اتعب نفسي وأرهق خزينة النادي والحلول متوفره
خصوصا انه غير هاللاعبين اللي فوق .. فيه لاعبين يسجلون اهداف
مثل كيتا وتشافي وألفيس .. حتى بويول وبيكيه بالركنيات ممكن يسجلون
يعني هجوميا أشوف ان الفريق أكثر من ممتاز
طيب خلونا نشوف دفاعيا
بويول - بيكيه - ميليتو << هم الوحيدين بالفريق قلوب دفاع صريحه
الحلول متوفره بأبيدال وباللاعبين الشباب
لكن ما أشوف ان برشلونه بخط الدفاع هذا قادر انه يصمد طوال الموسم
والمحاور الدفاعيه
بوسكيتس هو المحور الدفاعي الصريح الوحيد بالفريق
حتى كيتا وجوناثات مهب محاور دفاعيه صريحه
طيب ليش اجازف وأبدأ الموسم بمحور وحيد و3 مدافعين
تضمن انهم ماتجيهم اصابات طويله ؟
تضمن انهم مايتوقفون بالبطاقات خصوصا بالمباريات المهمه ؟
تضمن انهم يواصلون على نفس مستواهم اذا افتقدوا المنافسه على مراكزهم ؟
يعني اشوف ان الفريق متكامل هجوميا .. حتى الأظهره متوفره اساسي وبديل
لكن قلوب الدفاع والمحور بتسبب لنا ازمه الموسم هذا اذا ماتحرك بيب وروسيل للتوقيع مع لاعبين
السؤال اللي مالقيت له اجابه
ليش الفريق يتع نفسه بملاحقة سيسك .. أوزيل .. روبينيو
مع ان الفريق مكتفي هجوميا ومو محتاج الا مدافعين ومحور بديل
؟؟
لكم ودي
عزام