* برشلونه بعد فترة اجازة اعياد الميلاد ,, يستضيف نادي ليفانتي على الكامب نو ,, رآيك في المباراهـ ؟
المباراة صعبه بغض النظر عن مستوى فريق ليفانتي وخسارته الكبيره والقاسيه ضد ريال مدريد .. برشلونة دائماً ما يتعثر في بداية كل موسم وإن شاء الله هالسنه تعدي على خير .. وليفانتي راح يستغل غياب بالجمله في النادي الكتالوني .. وطبعاً أكييد بيكون هناك تكتل دفاعي وأشوف صعبه نخترق الدفاع بدون تواجد لاعبين أصحاب مهارات فرديه .. ولكن بإذن الله من أول الدقائق بنسجل قبل ما يصحصح ليفانتي ويقفل الخطوط الخلفيه ..
* برشلونه يدخل هذا اللقاء بغيابات موثره [ بويل للاصابه - بيكي للايقاف - ميسي بقرار فني ] , برآيك من هو الغياب الموثر من هذه الاسماء ؟ ولماذا ؟
أعتقد جميع هالغيابات مؤثره وخصوصاً غياب أبرز قلبي الدفاع وهذا يؤثر على الخانه الخلفيه للفريق .. وكذلك غياب ليو ميسي ليس من مصلحه الفريق .. وهو المؤثر غيابه أكثر من غياب قلوب الدفاع .. لأن قلوب الدفاع يوجد من يعوضه فيه بارترا دائماً ما يتواجد مع الفريق الأول ويكون في رتم عالي وهاللاعب يذكرني كثير بـ بيكيه .. وأبيدال بيكون بجانبه صراحه الخال لعب أكثر من مباراة كقلب دفاع وبرز كثير من المباريات ويجيد هالخانه .. لكن غياب ميسي المؤثر صراحه .. دائماً ما نعاني أمام الفريق المتكتله دفاعياً بغياب ميسي .. لأن باقي اللاعبين غير ميسي يلعبون كثير عن طريق الاطراف ولا نشوف هناك إختراقات من عمق الدفاع .. لكن ميسي يعطي حلول اكثر ويفتح اكثر من خانه ويتشتت الدفاع بسبب تحركاته فقط .. وكذلك يجيد الإختراقات اكثر من باقي اللاعبين .. لكن بإذن الله بيب يلعبها صح ونكسب الثلاث نقاط
هدف في وقت مناسب مع بداية الشوط الثاني من بيدرو يريح اللاعبين ،،،
لكن تغيير برأيي غريب من جوارديولا بخروج ماسكيرانو ونزول تياغو ... كان المفروض خروج بويان ونزول تياغو وانيستا يروح للجهة اليسرى ويبقى ماسكيرانو كمحور دفاعي وتياغو يؤدي الدور الهجومي مع تشافي .
مبروك الفوز والله اخر الدقايق لعبوا بالاعصاب
طبعاً الفريق من المحور وطالع ممتاز جداً !
لكن الدفاع لو لعب ليفانتي بهجوم قوي والله الدفاع اللي شفناه اليوم
مايقدر يقابل اي فريق بملك مهاجمين جيدين
الحمدلله الأهم الثلاث نقاط وع البركه جميعاً
اول شي الف مبرووك على الثلاث النقاط قبل كل شي ,,
شوط اول واضح تكتل دفاعي من فريق ليفانتي وشوط
ممل للغايه , الشوط الاول ذكرني بمباراة بلباو , شوط
ثاني تقريباً جيد باستثناء هدف ليفانتي , بعدما سجل بيدرو
ارتحت شوي , وبعد الهدف الثاني ريحني كثير , لكن
بعد دخول تياقو حرك شوي الوسط ,, الفيش مستواه
مدري وش فيه , فيا قدم اللي عليه , بوجان لم يقدم المستوى
المطلوب ,, انيستا تشافي ماقصروا ,, مثل ماقال بيب
جوارديولا ان بعد فترة التوقف دايما ماتكون هناك خطوره
ولابد من احترام الخصم ,, بالتوفيق لـ برشلونه ,,
صراحه الفريق اليوم بعد ما رجع من الإجازه هابط مستواه شوي .. ويحتاج كم مباراة عشان يصخن من جديد وترجع المتعه والطرب لكن الحمد لله اليوم فزنا وخذينا النقاط الثلاث وضمنا تصدر الترتيب في هالجولة وإن شاء الله تعثر الريال بكرا .
الفريق اليوم تأثر بكل اللاعبين الثلاثة الغايبين بويول وبيكيه وميسي بغض النظر عن أفيلاي الكتالوني الجديد .. صراحه شفنا معاناة في قلوب الدفاع بعد دخول ميليتو العائد من الإصابة .. هدف ليفانتي ميليتو هو من يتحمل الخطأ لو تشوفها بالإعاده بتلاحظون اللاعب يتمركز بطريقة صحيحه ويشوت وميليتو جالس يتفرج ؟؟ صراحه علامه إستفهام كثيره لميليتو مدري يمكن تأثرت عليه الإصابة ومع الوقت بيرجع لمستواه والا بداية تدهوره ؟ وميسي اليوم مفقود بالملعب بشكل كبير وخصوصاً الشوط الأول أعتقد قلتلكم قبل المباراة بأن برشلونة من دون ميسي يلعب على الأطراف ولا نشوف لعبات كثيره وإختراقات من العمق .. لكن بيدرو اليوم نجم المباراة وألفيس كذلك
لكن اليوم لاحظت كم كورة لألفيس يقدر يصنع ويسجل لكن يلعبها بطريقة غريبه .. لكن ما قصر صنع هدفين
وبالنسبه للشاب القادم وله مستقبل مشرق تياغو الكانترا هو نسخة كربونية من تشافي
وبالاخير بارك لكم مره ثانيه بخصوص الفوز والثلاث النقاط
مباراة كانت صعبة في بدايته ونهايتها ... في البداية خلال الشوط الأول كانت المعاناة واضحة في اختراق التكتل الدفاعي لفريق ليفانتي بسبب الاعتماد على العمق والأطراف لم تكن تعمل بالشكل المطلوب باستثناء بعض اللعبات من انيستا في اليسار لكن الجهة اليمنى كانت غائبة سواء الفيس او بيدرو ... وفي النهاية اللاعبين هم من صعب المباراة على انفسهم بسبب التساهل في الفرص بعد الهدفين وجاء هدف ليفانتي وضع الضغط على اللاعبين خوف من هدف تعادل مفاجيء وضياع نقاط الفوز .
بداية الشوط الثاني هي الأفضل اشتغلت الاطراف صح مع تألق الفيس على الجهة اليمنى وكان من نجوم الشوط مع بيدرو وفيا اللي كان من افضل اللاعبين ومانقصه الا التسجيل .
قلت ان تغيير ماسكيرانو كان خطأ واضح من بيب لكن بعد دخول كيتا اعاد التوازن للتشكيلة ، وتياغو كان من نجوم الشوط الثاني بعد دخوله اعطى حيوية وحركة في وسط الملعب مع تشافي .
مبروك مرة ثانية وبالتوفيق في مباراة الكأس ضد الباسكيين ،،،
الافضل / الكناري , بيدرو الذي استطاع من تسجيل هدفيين في مباراة
اليوم , وبهذا الهدفيين اصبح بيدرو لديه 11 هدف من 11 مباراة وانسانا
غياب الارجنتيني ليو ميسي الذي شاهد المباراه من المدرجات .
الاسوء / انخفاض مستوى الفريق وعدم التسجيل المبكر بعد العوده
من فترة اعياد الميلاد , ولكن مازال لدى الفريق الكثير والكثير
سيقدمه في الايام المقبله .
![|| رابطة عشاق برشلونة ][ 2010-2011 || ابطـال اسبـانيا واوروبـا ||](iconimages/t915131_rtl.gif)
لكن الحمد لله اليوم فزنا وخذينا النقاط الثلاث وضمنا تصدر الترتيب في هالجولة وإن شاء الله تعثر الريال بكرا 
الوضع العادي
