واخيرا راح ابرا وجه النحس والله
قبل ما يجي اخذنا سداسية وبعد
ما جاء ما اخذنا الا الدوري والانتر
سداسية ، يروح افضل من انه يجلس
راتب عالي لكن برشلونة اخطأ في
بيعه بـ24 مليون بس !
و البرشا شاريه 45 + ايتو
والله حرام ايتو لحاله 50 مليون
كلنا نعرف حكاية يحيى توريه و أنه مشترط أنه يلعب أساسي مع برشلونة و بنسبة عالية , و هالشيء أكيد مارضى فيه المدرب , خصوصاً أن يحيى توريه مشكلته ماهو مناسب بشكل كبير لخطة برشلونة , يعني مايدعم السرعة في هجمات برشلونة , غير كذا في الهجمات المرتدة ماهو سريع و هو لاعب ثقيل شوي عشان كذا لازم لاعب يتكي بالوسط اضافي معه , يعني بعض الاحيان يتقدم ألفيس بالهجمة و أبيدال يتكي ورا عشان هالشيء , و أشوف أن ماسكي أفضل بخصوص هالشيء , و بيعة يحيى توريه مربحة خصوصا مع القيمة اللي دفعها المان سيتي .
بخصوص إبرا بصراحة هالصفقة غبنة , لاعب يروح اعارة للميلان سنة و اذا مابغاه الميلان يرجع لبرشلونة و برشلونة ماستفاد إلا أنه مايدفع راتبه لهالموسم !! , و إذا راح إبرا يعني إبرا قيمته 24 مليون يورو !!
الميلان مستفيد بشكل كبير جداً من هالصفقة , يعني يجيه هالموسم و اذا انتهى الموسم يقول تبي تتكي براتب 5 ملايين يورو ولا ترجع لـ برشلونة إذا كمل مع الميلان فالميلان كسبان و إذا رجع لبرشلونة فالميلان كسبان لأنه مادفع ولا يورو لبرشلونة بخصوص هالصفقة
الزبده بالنسبه لكلامك اختلف معك واااايد , اولا من قال ان ابرا كان عنصر مؤثر او كان اساسي , خليك منطقي وانسى اسمه الكبير هل ابرا كان اساسي باستمرار مثله مثل ميسي وتشافي ..؟ , وان كان اساسي هل كان مؤثر ويشارك بفاعليه ..؟ , لو بتكون منطقي وصريح طبعا اجابتك لا .. ما كان اساسي باستمرار ولما يكون اساسي موب دايم يلعب زين , وش المانع خصوصا اني تعاقدت مع قناص من الطراز الاول اللي هو فيــآ اني استغني عنه ..؟ , هو جاء للبرسا .. ومشى ايتو اللي كنا نعتمد عليه بشكل اساسي , لما مشى طيب الذكر الكويحه ايتو وهو مشى بالاساس عشان يجي ابرا , وفرحنا بمجيئه ممكن فرحه ما قد فرحنا للاعب زيه , وبالاخير ما قدم شي , الاداره من زمان وهي ناويه تطير ابرا والدليل تعاقدها مع فيا , كان المفروض نبيعه للمان سيتي لكن نظرا لعدم مشاركه المان سيتي بالتشامبيونز رفض ابرا الانضمام لهم , لذلك اعتقد هذي خطوه جريئه وتحسب لقوارديولا اولا انه استغنى عنه , لان بالاول والاخير وجود يؤثر على طريقه لعب البرسا , لذلك نتمنى اغلاق صفحه ابرا , والآن الفريق بحاجه لجناح ايسـر , لو اتى هالجناح صدقوني البرسا راح يكون مرعب مرعب مرعب , فعلا محد بيوقف البرسا , وطبعا مثل روبينيو ما راح نلاقي , يلعب كراس حربه , وكجناح , وستايل لعبه يخدم البرسا كثييير , وبرضو قدومه راح يكون سهل جداً خصوصا انه متمشكل مع فريقه , عارف اني قلتها مليون مرره لكن اقولها مره ثانيه اتمنى اشوف هاللاعب بالكامب نو مع البرسا ..
في آول تصريح لـ ماسكي بعد آنتقاله لـ برشلونه صرح ماسكي لـ تلفزيون
برشلونه وذكر بآن اللعب لـ نادي برشلونه هو حلم تحقق بالنسبه له ولـ آسرته ,
وقال ماسكي لـ وسآئل الاعلام : " آشعر بالفخر والفرح لـ آكون جزء من
الفريق الذي فاز بجميع البطولات " ويآمل ماسكي لـ المواصله في تحقيق
الالقاب مع البرشا .
ماسكيرانو لم يتردد للعب لـ برشلونه , وذكر ماسكي بآن اللعب للبرسا حلم
وتحقق , وذكر ماسكي بآن برشلونه في السنوات الاخيره حقق كل شي ولديه
لاعبيين عظيمين وبرشلونه فريق عظيم .
قدوم ماسكيرانو للبرشا سيكون الاعب الثالث الارجنتيني في الفريق
بجانب ميسي وميليتو .
يا شباب اذا راح ابرا لميلان اعاره بـ25مليون اتوقع انها مهب سرقة
لانه برشلونة بياخذ 25 مليون مع توفير 12 مليون اللي هي راتب ابرا
25+12=37مليون
طبعاً حتى الان مافيه شىء رسمي
راتب ابرا صار 12 .. بالله الحين من اللي قالكم راتب ابرا 12 ؟؟؟
ابرا كان في الانتر ياخد 11 مليون .. ويوم انتقل للبرسا قال انا مستعد اخفظ راتبي عشان اللعب للبرشا .. وتم تخفيظ راتبه الى 9 ملايين يورو .. ولانه مثل راتب ميسي .. قامت الاداره برفع راتب ميسي الى 11 مليون يورو.
------------
الحين سؤال بسيط .. وشو المبرر لخروج ابرا غير توفير الراتب لو سمحتو .. انت تبي تجيب بطولات بلاعبين تدفع لهم 2 مليون يعني ؟؟
اذا مادفعت 9 ملايين في لاعب مثل ابرا .. راح تدفعها في مين يعني ؟؟
السؤال البسيط الثاني .. مين المهاجمين عندكم الحين .. اقصد لاعبين الصندوق .. فيا وبويان ؟؟
نسيتو ان فيا زجاجي درجه اولى .. واغلب فترات الموسم في غرفة العلاج الطبيعي ؟؟ .. ولا مفكرين بويان افضل من ابرا ؟؟
آعارة آبرا بـ 25 مليون اشوفها كويسه من الناحيه الماليه << اذا ماهي اقساط وآذا الميلان يريد شراء ابرا مجبور يدفع 24 مليون في نهاية الموسم هذا , يعني آبرا = 49 مليون .
,,
قفله لـ افلاجيه :
آعععععع هههههههههههههه , المشكله جالس يتكلم ويقول ركلة جزاء غير صحيحه ,, آصلاً ماجات هدف ..
,,
ويا مرحبا ومسهلا ,, بالاعضاء الجدد , وحياكم الله منورين الموقع بكبره
انتقد ابراهيموفيتش مدرب برشلونه قوارديولا بعد الاتفاق للانتقال لميلان السبت..
.." قوارديولا هو الفيلسوف الذي حطم حلمي باللعب لبرشلونه"..
وقال للصحفيين.." عندما كنت ادخل الغرفه كان يخرج قوارديولا، وانا لا اعرف.. اذا كان خائفاً مني او ماذا وانا لا اعرف ماهو عليه"..
وقال ايضا ً.."في الوقت الراهن انا سعيد للذهاب لميلانو، وكل شيء في كرة القدم.. يمكن ان يتغير في 24 ساعه، انها نهايه يريدها قوارديولا"..
تعرف هنري ؟؟ .. ترا قبل لا يجي كان هداف الدوري الانقليزي خمس مرات يوم جاء للبرشا وش قدم في اول موسم ؟؟ كثير طالبو برحيله .. قدم نص اللي قدمه ابرا في اول موسمه.
في ثاني موسم .. وش صار حال هنري ؟؟ .. صار احد اعمدة الفريق .. وسبب للسداسيه
بخصوص ابرا اللي ماكان اساسي .. نسيت كيف كانت بدايته .. وطول النص الاول .. وهو كان يقدم مستوى كبير .. بالنسبه لوضعه كلاعب جديد على ومتغير عليه اسلوب اللعب .. النصف الثاني .. جته اصابه .. تهميش من بيب من غير سبب .. مع العلم انه بعد كان ينقذ الفريق في كذا مباراه .. ويقدم مستوى حلو من مباراه الى اخرى.
بدايته الموسم هذا كانت ممتازه في فترة الاعداد .. وفي مباريات السوبر وكاس قامبر .. حتى بيب نفس .. مدح انضباطه .. وقال انه تطور .. والكل شاف هالشي.
واتحدى بيب نفسه او الاداره تقول سبب خروج ابرا فني .. اذا المشكله بسبب راتبه العالي .. انا مااشوفه عالي .. على الاقل بالنسبه لنادي يعتبر اغنى رابع اندية العالم .. وينافس على كل الالقاب .. اذا كان بخصوص وكيل اعماله .. اتوقع اللي داخل الملعب ابرا مو وكيل اعماله.
خلاصة الكلام .. خروج ابرا ماله اي مبرر منطقي .. الا عند روسيل واذا تقول روبينهو .. بالله روبينهو وش سوى في كاس العالم .. وش سوى مع السيتي وش سوى في الدوري البرازيلي .. صار الحين السوبر ستار اللي راح ينفذ البرشا ؟؟
اصلا بيب نفسه رافض روبينهو بسبب سلوكه .. كيف تبيه يقبل فيه ؟؟ .. يجيبه روسيل اقولك معك حق .. لان روسيل نصفه برازيلي .
بخصوص فيا .. صح انه لاعب كبير .. بس من بديله .. بويان.
لانه موب من العقل تبيع لاعب جايبه بقيمة ميزانة دوله .. وترجع تبيعه بربع المبلغ بدون اي سبب.
وانت ياحسين عارف ان السبب الفني ماكان ورا خروجه .. ولا كان قالها بيب بنفسه مثل ماقال عن خروج روني وديكو.
----------
انا موب ندمان .. انا ميت قهر على اللي جالس يصير في النادي .. بيع لاعبين بالجمله من غير اي سبب .. والمشكله ماجبنا الا اثنين ونص << مازلت موب مقتنع في ادريانو.
اول شي بالنسبه لهنري , تعتبره كان صفقه ناجحه للبرسا ..؟ , العقد كان ثلاث سنوات , لعب سنه وحده , ووقف بسنتين ؟! , يا حبيبي الاداره تخلت عن ايتو , ودفعت بابرا 45 مليون , لعب اول موسم وما سوى شي .. الموسم الثاني لو ما راح تبيعه , السنه اللي عقبها ما راح تلاقي احد يبغاه لانه بيطق الثلاثين , وبنفس الوقت انت ما تضمن نجاحه حتى , وبالنسبه لبديل فيا , بويان ؟! بالمنطق جب لي اي فريق بالعالم عده بدلاء سوبر ستار , طبيعي البديل يكون بمستوى اقل خصوصا ان بويان لاعب صغير , واصلا ابرا نفسه ما راح يرضى بالبقاء بالدكه , بيعملك مشاكل وتصريحات وقلق , بيعه افضل حل , واللي استغربه منك يخوي انك تعتبر مباريات غامبر ومباريات وديه مع فرق اسيويه معيار ؟! هل هذي معيار بالنسبه لابرا ؟ , بالنسبه لروبينيو , اصلا كم مباراه لعبها بكاس العالم ثلاث اربع مباريات ؟ وتكفى شيل منهم مباراه كوريا شماليه ما تصنف كمباراه , وبعدين روبينيو ما كان لوحده سيئ الفريق كله على بعضه كان عادي , لو بسالك واقول الفيس مثلا ايش سوى بالمونديال ؟ نفس الشي من الظلم اك تحاسب لاعبين بكاس العالم .. وبعدين روبينيو بالعكس سجل هدف بالبطوله وسجل اسمه كاساسي بالتشكيله , وبرضو روبينييو مشكلته انه مو مثل باقي اللاعبين مش مستقر مع فريق ولا يلعب مباريات كثيره , لكن بعد كاس العالم والمباريات اللي لعبها مع سانتوس , والان هو مع المان سيتي يتدرب اكيد انه جاهز للمشاركه , واذا عن المان سيتي , اللي حصله تقريبا نفس اللي حصل لابرا , باختصار اسلوب المان سيتي والدوري الانقليزي ككل ما يناسبه , روبينيو ان بغيته بالمهاره مهارته كويسه سرعه سريع لكن الاحتكاكات ضعيفه لان بنيته ضعيفه وهذا ممكن اللي اعاقه ...
انا ما قعد اتكلم عن بيب ولا روسيل وغيرهم , انا اتكلم عن بيع ابرا من كل النواحي افضل لنا .. وللاعب برضو , من ناحية تناقض بيب معك بهالشي , واكبر غلطه ان الاداره عطوه وجه ومشو ايتو , خصوصا انه كان مقدم موسم مذهل وكلنا نذكر كيف سجل بالنهائي ,, عموما الاختلاف لا يفسد للود قضيه ..
![|| رابطة عشاق برشلونة ][ 2010-2011 || ابطـال اسبـانيا واوروبـا ||](iconimages/t915131_rtl.gif)
اني استغني عنه ..؟ , هو جاء للبرسا .. ومشى ايتو اللي كنا نعتمد عليه بشكل اساسي , لما مشى طيب الذكر الكويحه ايتو وهو مشى بالاساس عشان يجي ابرا , وفرحنا بمجيئه ممكن فرحه ما قد فرحنا للاعب زيه , وبالاخير ما قدم شي , الاداره من زمان وهي ناويه تطير ابرا والدليل تعاقدها مع فيا , كان المفروض نبيعه للمان سيتي لكن نظرا لعدم مشاركه المان سيتي بالتشامبيونز رفض ابرا الانضمام لهم , لذلك اعتقد هذي خطوه جريئه وتحسب لقوارديولا اولا انه استغنى عنه , لان بالاول والاخير وجود يؤثر على طريقه لعب البرسا , لذلك نتمنى اغلاق صفحه ابرا , والآن الفريق بحاجه لجناح ايسـر , لو اتى هالجناح صدقوني البرسا راح يكون مرعب مرعب مرعب , فعلا محد بيوقف البرسا , وطبعا مثل روبينيو ما راح نلاقي 
, يلعب كراس حربه , وكجناح , وستايل لعبه يخدم البرسا كثييير , وبرضو قدومه راح يكون سهل جداً خصوصا انه متمشكل مع فريقه , عارف اني قلتها مليون مرره لكن اقولها مره ثانيه اتمنى اشوف هاللاعب بالكامب نو مع البرسا 
..
الوضع العادي
