الاتحاد يؤكد: لا صحة لانتقال هزازي إلى أشبيلية !!! - نادي الهلال السعودي - شبكة الزعيم

عنوان الفن هلالي · #1 29/07/2010, 07:37 AM

صبــآح الخيــر ~

اليوم نزل خبر في جريدة الأقتصآدية مفآدهـ ..

نفى مصدر اتحادي رفيع المستوى الأنباء التي تؤكد انتقال نايف هزازي مهاجم الفريق الاتحادي إلى الدوري الإسباني وتحديدا إلى نادي أشبيلية, وقال «الفريق في أمس الحاجة إلى خدمات هزازي في الوقت الراهن، ولن نتنازل عنه».

~ المصدر ~

http://www.aleqt.com/2010/07/29/article_423692.html

....

وجهة نظر ~

مستحيل تطور الكرة السعوديه والعقليات الأداريه مثل اللي نشوفه في اغلب اداراة الأنديه عندنا ..

يعني مستحيل يتسغنون عن لاعب وهمهم الأول والأخير مصلحة النآدي من حقهم ..

لكن في مصلحة اكبر من النادي وهي الوطن ..

يعني لمىآ نشوف اكثر من لاعب سعودي يشرفنا في اوروبا ..

راح يكون الكسبان من هذي العمليه الكوره السعوديه ومنتخبنا الأول ..

والحلم يتحول حقيقه وننآفس في كأس العآلم ..

آتمنىآ السمآح لنآيف وغير نآيف هزازي في الأحترآف ..

وانا ( أجزم ) انه موجود اكثر من عرض اوروبي لعدد من الاعبين السعوديين ولكن للأسف ..

الأنديه تخفيهآ بسبب مصلحة النادي اولاً واخيراً .. ولا يفكر النآدي بـ التنآزل البسيط لأجل المنتخب وتطور الكره في السعوديه ..
.. .. ..

ارجو احتراف هزازي فرصه ماتتعوض وفريق كبير ..

ويكفي ضاعت فرصة ياسر في البريمير ليج <-- !!

سلآمي للجميع ~

يآســر ~

استيلا · #2 29/07/2010, 08:12 AM

يعطيك العافيه ع الخبر
كل الود

طيار هلالي · #3 29/07/2010, 08:14 AM

وش الي اشيبيله وعرض قيمته 6 مليون يورو لمده اربع سنوات

ياخي كل يومين نسمع عن عروض احتراف ولو جلس نايف مع مسئولين اشبيليه كان قالوا اسمع اول شي تتدرب عندنا اربع شهور تحت التجربه واذا نجحت قدمنا لك عرض وضميناك

وبعدين لو قلت لي ملقا كان صدقت لان الي ماسكينه عررب

ومدري ليه حاس ان الموضوع لعبه علشان ينسون الجمهور قضيه نور الي حاس انها بتدمر الاتحاد الي ماقام الا مع نور

وعلى فكره ترى هم برضوا قالوا المرشدي زعلان على ادارتنا لأنها اخفت العرض الفرنسي خخخخ صحافه ابوريالين

s a d n e s s · #4 29/07/2010, 08:17 AM

أجل مصلحة الوطن ها ههههههههههههه
يارجال كل نادي يفكر بمصلحتة لامنتخب ولا يحزنون
من زين منتخبك الحين آآآه يالقهر بس
يعطيك العافية على الخبر

عنوان الفن هلالي · #5 29/07/2010, 08:19 AM

^^

والله كل شي جآير ~

بس انا اقول لو كآن كل شي حقيقي مع انه وضح وكيل اعمال الاعب ونايف نفسه انه وصل العرض الرسمي وموقع من رئيس النادي ...

كــثر الجفى ما يفيد · #6 29/07/2010, 08:49 AM

يارب يحترف يستاهل نايف ياليت هلالي بس

♥ N E V E S ♥ · #7 29/07/2010, 11:36 AM

اصلا هذا الشي المتوقع !

لانه مستحيل يجيه هالعرض وهو توه راجع من اصابه رباط صليبي وامكانياته عاديه جدا !

عوآفي

زعييم آسيا · #8 29/07/2010, 02:59 PM

اول شي مو مصدق انه فيه عرض هي يالعبه من ادارة الاتحاد عشان يتناسى الجمهور والاعلام موضوع نور او لعبه من نايف ومدير اعماله عشان يرفع سعره
المهم اذا العرض صحيح اتمنى احترافه والكثير من السعوديين يستحقون الاحتراف ........

زعيـــــ آسيا ـــــم · #9 29/07/2010, 03:35 PM

وش هالادارة والله ما ضيع لاعبين ولا يحترفون من اشكال هالادارة ارجو ان يوافقون على العرض

مشكووور على الخبر

Yousef Al · #10 29/07/2010, 03:35 PM

والله حرام يحرمونه من الاحتراف اهم شي الاعب وليس الفريق وممكن انها تكون لعبه الله اعلم

مستـ عزوووزـــر · #11 29/07/2010, 06:31 PM

هذي المشكلة مفروض الأتحاد السعودي يشوف حل لهالتفاهات

الحين ادارة الأتحاد خايفة من ( الكوبري )

الله يعين بس

احـــ يالأزرق ـبك · #12 29/07/2010, 06:41 PM

والله من تصريح هزازي في العربيه امس

شكله متشففففق وبقوووه بعد

والله اذا رفضت الإداره الأتحاديه العرض بينصدم الولد

والله يصبر رياضتنا على ما ابتليت به

مبرطم · #13 29/07/2010, 11:36 PM

إقتباس

الرسالة الأصلية كتبت بواسطة احـــ يالأزرق ـبك


	والله من تصريح هزازي في العربيه امس شكله متشففففق وبقوووه بعد والله اذا رفضت الإداره الأتحاديه العرض بينصدم الولد والله يصبر رياضتنا على ما ابتليت به

آي وآلله صدقت

يآرب يروح

قـنـاص الـعـربـيـ@ · #14 30/07/2010, 12:22 AM

هههههههههههاي ...

أصلا من يقووول أنا مصدقين ...

مشكوووووور خيوووووو ...

طارق عن حبك مو تايب · #15 30/07/2010, 02:01 AM

يارجال كل نادي يفكر بمصلحتة لامنتخب ولا يحزنون