28/01/2011, 01:39 AM
|
| عضو اللجنة الإعلاميه للرياضة العالمية | | تاريخ التسجيل: 23/08/2009
مشاركات: 1,453
| |
منصور أحسن الله عزاك في صاحبك والله يرحمه ويغفر له ويجعل لقاك معه بجنات النعيم والحمدلله على سلامة قريبه , ولابأس طهور ان شاء الله الصورة اللي نزلت في الرابطة لكارثة جدة تحزن كثير , نسأل الله اللطف بهم ونتمنى السلامة لأهالي جدة , حسبنا الله ونعم الوكيل ، بخصوص مباراتنا الأخيرة ضد بلاكبول حرررقت أعصاب وكل أفلام الأكشن صارت فيهآ الحمدلله اللي خذنا نقاطها كامله , راح نرتاح شوي وما ننظغط في المباريات الجاية بما اننا متقدمين عن اقرب الملاحقين بـ فارق 5 نقاط , وبرضو السيناريو اللي حصل يعكس قوة شخصية المانيو وقوة الارادة عند المدرب واللاعبين وهـ الشيء انذار برضو للخصوم حواق الشوط الأول كلللله تعدل بتغيير واحد , اللي هو طلعت غيبسون اللي ما اشوف فيه فايده غير التسديد المركز والقوي بسس ودخول جيجز , من بعد هالتغيير شفنا فيه تنظيم بالوسط مغاير بشكل كبير للشوط الأول والكل عرف دوره ووش المطلوب منه , الكلام عن لاعبين الوسط .. حتى فليتشر من بعد طلعت الهاعهه احس انه تحسن مستواه , صار ايجابي بالوسط بشكل أكبر ... بكل امانه مستغرب من السير يبدأ بـ غيبسون واندي جاهز وتاركه على الدكه !!! امم , فيه شي لاحظته بـ مباراتنا كنت مسستفقده من فتره , مدري اذا احد لاحظ معي والا لا ! اللي هو التمريرات الطوليه المتقنه , استفقدتها من بعد اصابة سكولز أطربن بتمريرته لـ بربآ بالهدف الثالث وبتمريرته لـ تيتشاريتو اللي واجه بها الحارس وضيعها , شيء مسستفقده بكل امانه بوسطنا .. رافا , مستويآت كبيرة يقدمها , لكن الولد يبيله توجيه أكثر من السير بخصوص التدخلات اللي مال لـ امها دآعي , آخر مباراة لعبها ضد السبيرز تدخل بشكل بايخ على بلاسيوس اذا ما خانتني الذاكره وأخذ كرت اصفر أول وكان تدخله عنيف وماله اي داعي ابد ! وهـ المباراة ارتكب خطأ مال امه دآعي يستحق عليه انذار لكن ما ادري اذا اخذ عليه كرت والا لا , وبرضو اللقطة اللي اثارت الجدل بشكل كبير ضد لاعب بلاكبول رقم 16 نسيت اسمه , واللي اقروا المحللين انها ضربة جزاء صحيحه كان ممكن انه يتعامل مع الموقف بشكل أصح من التهور اللي سواه , ان بيقتل آمالنا لو احتسبت ضربة جزاء وتسجلت علينا , ضروري يوجّه هـ اللاعب ، بربا يَ ليت يستمر على الحماس اللي فيه والواقعيه اللي لعب بها بعيد عن الفلسفه الفنيشينق عنده متطور بشكل كبير ومغاير للموسمين اللي طافت وهذا اللي نبيه منه . طلعت روني ودخول تيتشاريتو كانت مستغربه حتى من المعلق واعتقد ان السير شاف ان روني مكتوم من المدافعين ومركزين عليه خصوصا بالشوط الثاني بعد ما تحول كـ مهاجم بعد ما كان يلعب جناح ايسر , والسير طالب من هيرناندز كثرة الحركة بوسط دفاع بلاكبول لزعزعتهم وهـ الشيء تقريبا هو اللي يعكس لنا مدى ايجابية هـ التغيير بأن السير قدر يزعزع دفاع بلاكبول . ، ألحين الأوضاع حلوهـ الى حد كبير , يمكن ننتظر عودة ناني لمستوياته ورجعة بارك من المنتخب وبعده بتكون اوضاعنا كلها بالسليم , نبي نعدي الفيلا والولفز بالمباريتين الجايه ونستضيف السيتي بمعنويات مرتفعه ونكمل عليهم باذن الله .. ... فيه شيء ببالي ونسيته ومتى ما ذكرته رجعت اتكلم عنه موفقين شباب .. |