^^

للمشرف

بالله ماهو وقتكم ما تشوفنا بنقاااش حاااد ؟؟؟ وبعدين ما تأهلنا للأبطال خلونا نتخانق هنا وبس


قسم بالله امزح

----

ابرا ...

طيب وش الفايده تشيل لاعب فنان صغير وتجيب فنان شايب ؟؟؟

واحد ممكن يركض ١٢٠ دقيقه ... وواحد لو ركض ٦٠ دقيقه زين منه

يا ناس بديت اشك بالدل انه ورا هالشي عشان يلعب اساسي ..

ابو فاطمه فهمهم بالله تراهم صايمين من ١٢ بالليل

----

سعد

اذا دييقو بدع بمباراة واحده فهذا شي زين ..

لأن دلبييرو ما بدع ولا شوط واحد ولا دقيقه وحده ..

المفروض يبيعون دلبييرو اصرف

---

اقلعو دييقو بيعوه

بس هذا هاتووووه

إقتباس اذا دييقو بدع بمباراة واحده فهذا شي زين .. لأن دلبييرو ما بدع ولا شوط واحد ولا دقيقه وحده .. المفروض يبيعون دلبييرو اصرف

ياعزيزي الا دلبيرو ..

مقدر شعورك .. بس ياخي هذآ اليكس ..

مب قرقيرا ولا زيبينآ .. عشان نتكلم عنه بهالطريقه

...

بداية الموسم 3 مباريات رسميه ..

لعب دلبيرو شوط ونص تقريباً.. سجل هدف خرافي .. وصنع هدف ..

وغير كذا وجوده بالفريق مصدر راحه وثقه للاعبين واغلبية الجمهور ..

بإختصار ... هذا اليكس ياجمآعه ..

ولا شوط ؟؟؟


يكفي انه هو اللي خلاكم تقولون فيررارا .. فيرارا هو الاسطوه المقبله هو ليبي الجديد .. واثره كله من ديل بييرو .. ولا نسينا اخر مباراتين بعد 7 خساير متتالية !

غير كذا يا عزيزي هو هداف الفريق العام الماضي اذا بتمشي بالارقام .. وغير كذا انه كان مصاب نص الدور الاول .. ومع ذلك قدم مستوى افضل من دييقو ..


وسجل اهداف حلوه .. ولا تقولي وش غير الاهداف لان الموسم اللي راح اصلا ً مافيه الا الاهداف !!


مثل هدفه على روما اللي على الطاير يا سلام .. !!!

إقتباس طيب وش الفايده تشيل لاعب فنان صغير وتجيب فنان شايب ؟؟؟

زي ماقلت بردي الاول ,يمكن جايبينه علشان شي معين اللي هو مركز مضمون في الابطال ,لانه واضح انهم ماهم ضامنين دييقو بيبدع
السنه الجايه باذن الله خط الهجوم راح يتغير كله

إقتباس واحد ممكن يركض 120 دقيقه ... وواحد لو ركض 60 دقيقه زين منه

اي شايب تقصد ,الدل او دي نتالي

دي نتالي زي ماقلت لاعب جيد لكنه مضمون

اما الدل علشان اوضح بس لو على كيفي كان من اول الصيف اجيه واحب على راسه واقول واللي يرحم والديك اعتزل وفكنا

ادري راح ينفعنا اخر ثلث ساعه لكن اليكس بالاحتياط له تاثير كبير على الاساسي وزي ماتعرف الجمهور اللي بالملعب حده عاطفي

إقتباس مثل هدفه على روما اللي على الطاير يا سلام .. !!!

أجل يا سلام .. سعد أدري إنك طاير من الفرحه علشان خويك الشايب يمكن يطقها أساسي

بس لا تقعد تطقطق علينا و تسوي لاقينا

المهم أنا بنام تعبت نفسيا و ذهنيا و بدنيا و تصبحون على خير

فورزا فلسبورغ بلا يوفي بلا هم


فمان الله

^^^
الاسهم لابرا

كلهم لا دلبييرو ولا دي ناتالي ٣٣ تتوقع يمديه يلعب ٩٠ دقيقه ؟

إقتباس الرسالة الأصلية كتبت بواسطة حظيظ شكلنا نبي نصير مرضى زي جمهور روما .. وتبي تصير سالفتنا شفتو كعب دلبييرو .. ويرد الثاني لا والفاول الي من جنب القده .. ويجي فاهمنا .. يقول الطقم حقنا خوقاقي .. راح نحقق ايرادات كبيره

إقتباس الرسالة الأصلية كتبت بواسطة Fo0oRzA JuVe ولا شوط ؟؟؟ مثل هدفه على روما اللي على الطاير يا سلام .. !!!

تبرك يا سعد .. انت اول واحد وصل لمرحلة جمهور روما

المفروض نبيع كلليني لأنه دفاع اليوفي العام سيء .. <-- لو واحد يفكر بالارقام بس !!

---

ياخي العام كل الفريق سيء .. ودييقو كان من افضل اللاعبين بالفريق ما ابي اقول افضلهم ..

هو الوحيد الي تشوفه يركض ويحاول لكن كل الي حوله متوفين وبالذات المهاجمين الي قدام ..

دحدح ..

تراني احب دلبييرو وهو رمز الفريق وما قلنا شي ... بس انك تنعمي هنا المشكله ..

يعني بالله عليك دلبييرو العام زين .. كل الفريق ما سوى شي بس دييقو بشكل عام افضل منه ..

اترك العام .. من بداية الصيف .. شوط لدييقو وشوط لدلبييرو .. دييقو افضل ب١٠٠٠٠٠٠٠٠ مرره

لاعب عمره ٢٤ او ٢٥ ولاعب عمره ٣٥ او٣٦ ايهم تفضل ؟

دلبييرو افضل مهاجم مر على النادي ما نختلف .. لكن الحين ماهو المهاجم الي نطمح له ماهو المهاجم الي بيوصلنا للبطولات .. دييقو ماهو افضل لاعب بالعالم فيه عيوب بس كمجمل افضل من دلبييرو حاليا بمراحل

اذا يبون يصرفون دييقو هاتو افضل منه ولا لا تصرفونه .. ترا مابيني وبين دييقو شي .. لاني متزوج اخته ولا امه جارتنا

انا اتكلم عن الي اشوفه .. واتوقع كل واحد يدري ان دييقو حاليا افضل من دلبييرو وانت اولهم يا سعد .. بس العاطفه لاعبتنبك لعب

إقتباس كلهم لا دلبييرو ولا دي ناتالي 33 تتوقع يمديه يلعب 90 دقيقه ؟

دي نتالي يمديه يلعب مباراه كامله ,غير ان اليكس راح يريحه اخر ثلث ساعه

لكن دي نتالي اللي عمره 33 سنه اسرع من دييقو في الهجمه المرتده ,واسرعه من بالانطلاق

^^^

الاسهم للي فوقك !




.. حظيظ بالله وش سوا دييقو العام ..؟؟ صنع فرق ..؟؟ وش سوا ؟


ياخي قسم بالله اني اموت من القهر كل ما تذكرت بافيل اللي اعتزل ومالقوا الا ذا خليفته !!

لا وبافيل كان وده يجدد لكن مع الاسف الاداره فضلت انه يعتزل لان بزعمهم وجدو بديل مناسب!



لكن ما اتوقع في امل تقنعوني في دييقو .. واذا طلع ان شاء الله ولعبنا 4- 4- 2- بتذكرون كلامي !!

وصدقوني لو دييقو بيجلس ماراح يتغير شي .. واذا بيمشي بيتغير اشياء كثيره !!


على العموم انا بسميه البومة من اليوم ورايح ..

تصبحون على خيرر

^^^

ههههههههههههههههههههههههههههههههه


من بداية الصيف والوديات والتصفيات واليوفي يلعب ٤-٤-٢ ودييقو موجوود ..

من قالك انهم ما لعبو فيها ؟؟؟؟

كل الفريق العام ما سوا شي .. بس دييقو افضل السيئين ... لاعب قالو يالله سو كل شي نبي نحط ٣ محاور والي بيساعدك منهم بنقطع رزقه ..

ونبي نحطلك شيبان نبيك تبر فيهم وتريحهم ..

يا دييقو ... نبي تسدح بكل لاعبين الخصم واذا خلصت منهم نبيك تعدي بالحارس وبنخلي تريزي ولا دلبييرو على الخط ناوله عشان يجيب الهدف !! <--- ترا هذي خطت اليوفي العام ..

ومعروفه يد وحده ما تصفق ... ومن اول ما قالو نبي نجيب دييقو .. كنت افضل عليه اوزيل عشان ال ٤-٤-٢ .. بس فيرارا والاداره المحنكه يبون ٤-٣-١-٢ وجابو دييقو بدون اظهره زي الناس وبدون اجنحه وبدون هجوم سريع .. وش تبيه يسوي بالله ؟؟؟؟؟؟؟

الحين يوم صار الجو على الكيف اجنحه واظهره وهذا الي يخلي دييقو يبدع اكثر لأنه بيلقى مسانده ... تروحون تشيلونه !!!

الوكاد تلقى خير يا سعد ..

وانا بعد ابنام وعسانا نقوم نلقاهم موقعين مع باتزو و دي ناتالي

سلام عليكم ,,

صبحكم الله بالخير

العلم السعودي فقط للتجربه عشاان موضوع الانتقالات بعدين الي في العالميه



,,
بعدين وش الي صاااير وش المنازعاات والهوووواش الي مااااله سنعـــ

بين مؤيدين ومعااارضين , بصراحه استمتعت وان اقلب واللف على الصفحات السابقه

بصراحه لا نعلم ما الذي يدور في فكر هالمدرب ومن المدير الرياضي ماروتا والقائد الاكبر اندريااا

مبرووك شباااب على الخماسيه وهاتريك القنااااص آسر القلوووب ياااسر

,,

اليوم وانا اتابع تدريب اليوفي على قناة اليوفي شنااال حزنت لامر الثلاثي " كامو - حميديتش - قروسو "
يتمرنوووا لوحدهم والباقين لوحدهم , هذا يعني ان الظهير الايسر بيكوون قريب لكن الاخبااار معدومه
بهالخصوص , وامنيه ان ياتي سنتر هاف وباك ايسر ومهاااجم بمااا ان الاخبار تحوم في الافق عن خروج
ابو نوران تريزيغيه , يااليل الميركاااتو الي نعبني كثيررررررررررر , ننتظر 31/8 حتى نكون في الصوره
ونعلم ما لنا وما علينااا ...

,,

دل نيري له تصريح لكن كل الي فهمته انه ماله يد في خروج دييغووو وتريزيغيه , ولكن الامر عائد للمدير الرياضي
والسوق وتقلباته وماهي احتياجات النااادي .... وسلامتكم ودمتم فخرااا للرابطه يا احلى اعضــاء ..


,,

طيب اناااا لي الحين يمكن اسبوع اتكلم حووول موضوعناااا بالعااالميه ولا احد معطيني اهتمااام برد او اي شيء بس عااااذركم , لكن الزبده هل فيه احد عمل شيء والا خلوني اهتم بالموووضوع ... تكفون يا عيال الديره

,,

رئيس الاودني بوزو : دي ناتالي رفض عرض اليوفنتوس



مالك نادي اودينيزي جامباولو بوزو اعلن قائلا:

" يوفنتوس حاول ان يوقع مع انطونيو دي ناتالي ، نحن تحدثنا عن هذا الامر قبل

بضعة ساعات ماضية دي ناتالي رفض عرض اليوفنتوس ، وانا سعيد بكوني احتفظت به

دي ناتالي مخلص جدا لاودينيزي ، العام الماضي رفض عروض من اندية اوروبيه وايطاليه

ومن نابولي وفيورنتينا والآن يوفنتوس ، والذي اراده ايضا بالعام الماضي ! "

القضية اغلقت .

المصدر

,,

إقتباس الرسالة الأصلية كتبت بواسطة اليوفي و بس نقطة للتوضيح .. و تذكروها زين اذا صار و بيع دييغو و جاء دي ناتالي حلال المشاكل المضمون .. راح ينطق دي ناتالي بالدكة مقابل مشاركة ديل بيرو لأن اسطورة النادي المتوسط الترتيب لن يستطيع أبدا تحمل ضغط اللعب على حساب الملك أسطورة النادي الكبير .. و بعدها فالنجتمع جميعا لنقشر البصل لعيون خط هجوم الفريق الذي يسعى و يرسم للمستقبل ببيع أصغر لاعبي الهجوم سنا !! .. بالنسبة للتصويت الجمهور شاهد دييغو و رغبته بالبقاء و اللعب و شاهدوا الفريق ميت بدونه فطبيعي أن تكون هذه النتيجة

اتفق معك جملة وتفصيل

الى متى نجامل ديل بييرو على حساب الشباب

كم من موهبة دفناها بسبب هالشايب

ياخي فكنا واعتزل عط فرصة لغيرك

صافق ال 36 وش تبي بعد

حطمت مستقبل يوفنتوس يا ديل بييرو

بيع دييقو انا شخصياً اعتبرها كارثة اكبر من كارثة هيسيل بحق النادي

مستقبلنا كله في دييقو ان انباع على الدنيا السلام

ليش ابيعه على شان مدرب رجعي بكرة ولا بعده ينقال او يستقيل

المدرب بداله الف مدرب لكن الموهبه الحقيقة وين تلقاها هالايام

وعلى قولة حظيظ يوم ضبطت الامور وجبنا لاعبين صح نبيع افضل لاعبينا

قمة المهزلة يا ماروتا لو تسويها حتى لو العرض ثلاثين او اربعين مليون

خلاص يا شباب كل شي انتهى

دييقو في المانيا

http://www.tuttojuve.com/?action=read&idnotizia=28172

سوا الفحوصات الطبية بنجاح التوقيع بعد شوي

صدمه كبيره لي شخصياً مهما كان البديل حتى لو كان ميسي

سقطه كبيره لماروتا في السوق بعد ان فشل في جلب دزيكو ها هو يبيع دييقو للنادي الذي رفض بيعه

اشعر بأذلال كبير

وداعاً دييقو سوف تبقى في قلبي واقسم اننا سوف نندم

يعني الا لازم يصير ديل بييرو اساسي

من سوف يصنع الفارق الان ؟

هل هو بيبي ام مارتينيز ام لانزفامي ام من

اقسم بالله مهزله

إقتباس الرسالة الأصلية كتبت بواسطة Juventino ^^^ لابوه مستقبل إذا هو متعلق بدييقو والله أنا مع بيع دييقو 100% إذا كان بيجي بازو ودي ناتالي دييقو صعب جداً ينجح كمهاجم ثاني 9.5 أو كجناح أيسر فنجيب مهاجم زي بازو ومهاجم 9.5 زي دي ناتالي أو (فورلان ) ونكون طورنا الهجوم بشكل كبير اه بس لو جايبين آوزيل مكان مارتينيز كان أقول طلعوا دييقو بالي هي بوه بس طارت الطيور بأرزاقها

وانت مصدق هالطليان الفاشلين بيعوضون دييقو

دي ناتالي اقصى طموحه اودينيزي وبازيني ما اثبت نفسه في الفيولا تبيه يثبت نفسه في اليوفنتوس

ولا الطليان شي مقدس ويختلفون عن الاجانب

الى متى هالعقلية يا يوفنتوس الى متى التعصب للطليان فقط

اوكي انك تكون فريق بطباع ايطالي حط خمسه سته في التشكيلة الاساسيه ايطاليين

موب تسوي الفريق كله ايطالي

تبيع موهبه مثل دييقو على شان تجيب الكهل دي ناتالي ولا الميلاني الفاشل روسي هذا صراحه شي محبط جداً

من الان اقولها لكم لن نذهب بعيداً الموسم القادم ما دمنا بهالعقليه المتعصبه للطليان

واذكركم ميلو رح ينباع عاجلاً ام اجلاً حتى لو كان افضل لاعب في مركزه ليش ؟

لان الخطه القادمه هي وضع ماركيزيو بجانب اكويلاني لانهم فقط طليان وليس بناء على مستوياتهم