سلام ياجماعة الربع

وش هالفصله يبدو أن ميلو معطيكم شوي من اللي فاصل فيه .خخخخخخخخخ

من جد حسيت من ردودكم اننا محققين الابطال مع الدوري . بس صراحه ماألومكم هدف في الوقت بدل بدل الضايع وفي ملعب ايوفي اللي صار عقده نفسيه للاعبين وضغط الجماهير ... وطبعا الاهم جاء الفوز بعد خسائر العام الماضي اللي دمرت النفسيات

احد المشجعين ( ثامر )

العذر والسموحه توني انتبه لموضوع الافضليه

والف الف مبروك وتستاهل كل خير

........


الله يدوم الافراح والاهبال

وزي ماتفضلوا الشباب ياليت يريحون بعض الاعبين ونشوف ورعان اكثر

إقتباس شباب ياليت احد يذكرني بتضريح ديل نيري عن بوفون قبل مباراة لاتسيو بحثت بس ماحصلته او اني مافهمت التصريح

يالغالي الكوتش قال ان بوفون مصاب واذا رجع عليه ان يثبت نفسه ليعود للتشيكلة << يعني الى الحين اشوف التصريح طبيعي

.............

تفسيري لكلام الكوتش ان يحاول يوصل لجميع الاعبين فكرة مبدء المساوة بينهم , ومهما كان حجم الاعب الفيصل هو المستوى
ومن جهه ثانيه يحاول يرفع من معنويات ستوراري المبدع الفترة اللي طافت
ومتاكد ان دل نيري يعرف يقيننا من هو جيجي لكن ماوده انه يمدحه وهو مابعد لعب او يضمن له مكان اساسي من الحين
لان فيه شويت اجحاف بحق ستوراري

لكن لكن هذي هي الصحافه الايطاليه دايم تحاول انها تخلق مشاكل وطبعا كل صحيفه فسرت كلام الكوتش على هواها
والكوتش انخرش بعد الهجوم الاذع من الصحافه , فبعدالمباراه جا من اقصاه وهل السبحه
بوفون العظيم , بوفون احد رموز النادي بوفون مهم << كلام زي هذا مفروغ منه ولا يحتاج ان احد يتكلم فيه

لكن تفسير الصحافه اذا ماقلت زي هالكلام فاكيد انت عندك مشكله معه
طبعا اللي زاد الطين بله هو تصريح وكيل اعمال واللي ترجموه الشباب


صراحه اكثر شي يغض مضجعي هي اصابه بوفون والخوف انها تاثر على مستواه
اصابة الديسك ابدا ابدا مو بسهله مع ان جي جي لو لعب بنص مستواه راح يتفوق على ستوراري

لكن خوفي يكمن بان لاراى مرة اخرى بوفون الخورافي < لكن ات شاء الله بس تكون هلوسه زايده


اتمنى اتمنى اتمنى ان لاتكون عودة بوفون العودة في الوقت الغير مناسب

إقتباس يالغالي الكوتش قال ان بوفون مصاب واذا رجع عليه ان يثبت نفسه ليعود للتشيكلة << يعني الى الحين اشوف التصريح طبيعي

رغم ان بوفون حارس تاريخي ورقم صعب في اليوفي والعالم ,

ولكن تصريح المدرب زي ما قلت , والعلم عند الله انه رساله

لجميع اللاعبين , وأولهم ستوراري , اللي صرح قبل فتره انه في

حال جلوسه على الدكه سيرحل عن النآدي ..

وأكيد بوفون عارف مثل هالتصاريح , وعارف من يكون بوفون ,

وبإمكانه يثبت نفسه بدون محد يجآمله , ..

وزي مانشوف الرمز دلبيرو على دكة الإحتياط احياناً ..

فالمدرب أيضاً يعرف متى يضع بوفون اساسي أو احتياطي ,


كل هالكلام اختصاره , ان دل نيري داهيه , واكيد مايبي يفرط بـ بوفون

بس مجرد رساله للجميع , ليشعر الجميع بالعدل , ..

سلام عليكم

صبحكم الله بالخير الله يعطيكم العافيه شباب

,,



كلينيييي مبسوووووط على الااااخر ..

إقتباس هي بدل من التعاقد مع غلين جونسون ظهير ليفربول اللذي يريد ان يخرج من الليفر على ماروتا التفكير بسورينسن اللذي يستحق اللعب كا اساسي

فريقه الاصلي متمسك بمبلغ ال 5 مليون يورو و فعلى اليوفي ان يسعى جاهدا للابقاء على الموهبه ..

فكر اكثر من رائع يا ماروتااا ..

,,

مبرووووووووك للمااانيوووو الفوووز على القنرز بهدف الشمشون الكوووري ,,,

إقتباس الرسالة الأصلية كتبت بواسطة سنآيدي آبو فآطمة ههههههههههه بس ما قلت لنا من اللي بيصفقـك هههههههه يآ عيآل آنا سآلفتي سآلفـة آنا كنت ببيت الشعـر عندنا فووق بالسسـطووح وفلة وسعة صدر ولآبس فررروة رغـم آن الجو كآن دآفي مو بهذآك البـرد آمس بآلريآض لـكن على نهـآية المباراة بردت صراحة من الطفـش وقلت رآحت نقآط مهمـة عآد يوم سجل كرآزيتش الهـدف وآقسـم بآلله آني طيرت الفرووة والقميص وآركض بالسطح كآني مسجل الهدف ههههههه تشووف الفرووة يميين وآلقميص شمآآل والدنيآ فووضـة صآرت وآروح آركـض بآلسسطوح الا شووي الوآلد آلله يحفـظة يطلع لـي بآلسسـطح ومآسك عصـى هههههه جااي يفزع يقوول خيـر وش السالفة وش صآر وش كل هالاصـوآت ههههههه آنا آقول له آبد آسسوي تمآرين آركض بآلسسطح يقول على بآلي حـرآمي طلع للسسـطح وآنت تضآآرب معااه هههههه آقسـم بآلله آني فطسست ومو مصدق بآللي صآرر بـس آقوى شي اللابتوب وصـل برى الخيمة مدري وش صآر آعتقد جاتة شوتة اليمة

ههههههههههه

موتني ضحكـ ,,

بس تبي الصدق اللي يشوفكمـ ,,

يقول هذولي حققوا الكالتشيو والابطال وباقي البطولات في وقت واحد ,,

" كريسمس اليوفي "



الكريسمس بدأ مبكراً في اليوفي لما احتفل اللاعبين والموظفين مع اطفالهم.
وبعد ظهر اليوم كل فرق الشباب باليوفي اجتمعوا لتبادل التهاني مساء في عشاء فخم.

كلهم كانو هناك الإدارة و اللاعبين و الموظفين و الضيوف و رعاة النادي، وكلهم كانو فاغري
الفاه (فاقين خششهم) للعروض الرائعة المقدمة من النجوم مثل Nikita و Silvia Fontana و Barbara Fusar
و Maurizio Margaglio الذين تعاقبو على الجليد في العرض المقدم. (ماعرف ولا واحد من منهم)

وعرضت على الشاشات صور لنجاح الاستاد (ان شاء الله) و التقدم الي وصل له في البناء.

الامسية تحولت الى فله و ساعة صدر فالضيوف تحدو اللاعبين في البلايستيشن و سوو بطولة عليها
و كان هدف المسابقة هذه بالتحديد لجمع المال لمؤسسة سانت آنا الخيرية علشان يطورون
مستشفى الولادة حقهم في تورينو.

وقام الريس انيلي الي اول مرة يحتفل مع النادي بالكريسمس و قال ...

انها ليلة ممتعة وجاءت بعد مباراة مثيرة اظهرت لنا كم هو امر ساحر ان تقاتل حتى النهاية
لانه عندها ستحصل على نتائج جيدة، اليوفنتوس فاز بكل شيئ في ايطاليا و خارجها و الشكر
يعود للعاطفة العظيمة من كل المشجعين معاً و الشكر ايضاً لجميع من يعملون بهذا النادي.
هناك 250 فرد في النادي و كلهم مهمين، لكن اريد ان اقول شكراً لك و اريد جولة من التصفيق
لشخص بالتحديد .. مدربنا جيجي دل نيري الذي قام بعملً جبار.

بعدها تحدث انيلي عن الاستاد الجديد ...
سيكون منشأة متطورة ودافئة وساحرة و مصممة للعوائل و الأطفال، حيث سنستمتع سوياً.
سيكون الذي سنقدم فيه للعالم ما سنكتبه من صفحات عديدة من تاريخ اليوفنتوس.
مع اطيب التمنيات للجميع بكريسمس سعيد و عام 2011 ناجح.

حتى ملعب اليوفي عوائل ياليييل ام الحاله ياشيخ

إقتباس حتى ملعب اليوفي عوائل ياليييل ام الحاله ياشيخ

ههههههههههههههه. من جد ختى اني كنت ناوي اروح الموسم القادم احضر مباراه في الملعب الجديد وكنت ناوي اروح مع شباب

بس دام الدعوى عوايل باخذ أهلي معي .خخخخخخخ

إقتباس الرسالة الأصلية كتبت بواسطة أحد المشجعين " كلهم كانو هناك الإدارة و اللاعبين و الموظفين و الضيوف و رعاة النادي، وكلهم كانو فاغري الفاه (فاقين خششهم) للعروض الرائعة المقدمة من النجوم مثل Nikita و Silvia Fontana و Barbara Fusar و Maurizio Margaglio الذين تعاقبو على الجليد في العرض المقدم. (ماعرف ولا واحد من منهم)

هذولي الله يسلمك راقصين على الجليد وابطال اولمبيين

الله يعطيك العافيه على الخبر

السلام عليكم ورحمة الله وبركاته

الف مبروك الفوز ولو انها متاخره

كنت متوقع الفوز لكنه تاخر بسبب رعونة خط الهجوم
خلاص ما اعتقد ان فيه ادنى شك بحاجة اليوفي لمهاجم يساعد كواريلا

صراحة اللي يسويه ديل نيري بالفريق يتسحق الشكر, تمنيته مصحصح من اول الدوري علشان النقاط البايخه اللي ضاعت على الفريق مثل بولونيا وباري والا كان اليوفي مزاحم الميلان

امنياتي باستمرار الميلان والانتر اوربيا علشان يتوزع جهدهم على البطولتين ويتفرغ اليوفي للكالشيو فقط لضمان مركز مؤهل للابطال مباشرة

شفت تعليقاتكم على ردة فعلكم بالفوز, صراحة انا ماشفت الشوط الاول <--- اهداء للي خلاني نحس الفريق
بس شفت الشوط الثاني كامل وتوقعت اليوفي يسجل
يوم جاء الهدف ما طامرت مثلكم ولا سويت شي ( الكبر شين ) لا انا ولا خويي اليوفاوي

طبعا مالنا شغلة الا سب ياكونتا رايح جاي ههههههههههه

الله يقويكم يا شباب على النشاط والابداع اللي مسوينه بالرابطة وان شاء الله الفريق يتزامن مع ابداعكم ويبدع بالدوري

Who is next?
<--- كيف الهياط والعام كنا قامطين العافية


forza_JUVE10

الله يقومك بالسلامة يا تركي وبنفقدك ياخلفهم