هارد لك غايز !
~
يا ليل العنا و الغرابيل !
إلى متى يا زكرت ، إلى متى و الفريق ميّت و مشنوق !
و الله ما همتنّي الهزيمة و لا طقيت لها خبر ، لأني و الله متوقعها !
نبي فريق يلعب ، نبي فريق بروح !
حسبي الله على الجحلط اللي يلعبون في الفريق !
ستوراري : بيض الله وجهك ما قصرت
كيليني : فوق النقد ، بس لو مفتح عيونك بآخر هجمة
بونوتشي : الله يخلي لك كيليني ، و خل عنّك الفلسفة الزايدة و أنا أخوك !
دي تشيلي : الله لا يبلانا إنسان معوّق ما يعرف كيف يمشي بالكرة فما بالك بإنه يدافع مرمطه ألفاريز مرمطة
موتا : مو شارع شويرع ، إختراقاته طيّبة ، بس لازم يركز على الجانب الدفاعي ، و ينتبه لكسر التسلل !
ميلو : ما قصرت ، و ما أدري وش يحس فيه ديل نيري بتطليعتك
سيسوكو : صفر على الشمال ، يا ليتك طاس و مقّعدين النازي !
ماركيزيو : قالبها ورعنة ، جددوا لي عشان ألعب زين ، ميّت اليوم و الهدف يتحملّه 100 %
كراسيتش : بطل ، نأخذ بعين الإعتبار أنها أول مباراة له مع الفريق !
مارتينيز : ما فقع كبدي إلا الـ 12 مليون اللي دافعينها فيك
بيبي : تركد و أنا أخوك ، و خلّ عنك الطفاقة الزايدة
لانزافامي : الله يأخذ المبزرة يا شيخ ، كل ما جتك كورة تشوتها ، مسوّي نيدفيد مثلاً
أليكس : أنت خلفهم و أسطورتي ، بس و الله ما تنفع إلا بشوط واحد
كوالياريلا : مُشكلة إذا أنت بديل تريزي ، جاتك كورتين اليوم لو تريزي مكانك كان اليوفي فايز
ديل نيري : عسى ما شر يا أبو ، تبديل مركز بمركز ، و الله تعبت نفسك
~
هذا اللي شفته على الفريق اليوم ، و باقي يومين على الميركاتو ، أنصح حويلان بالآتي :
ظهير أيسر ما فيها كلام ، دي تشيلي هاي وي مو شارع
هجوم صاحي قنّاص بديلاً لدافيد
قلب جامد ، و يا حبذا لو كان مثل أبو كلن
بالنسبة للأسماء : تريموليناس ، باتزيني ، بارزالي
و بالختام ما أقول إلا عسى أن تكرهوا شيئاً و هو خيرٌ لكم
الله يكتب اللي فيه الخير ، بالتوفيق للجميع و اليوفي