السلام عليكم

الانتر خسر بالتعادل امام الضعيف بريشيا .. المباراة كانت للانتر من البداية لكن عدم التسجيل مبكراً
و عدم إستغلال الفرص في البداية جاءت النتائج عكسية على طول و من كورة شبه ميته سجل المبدع
كراتشيولو هدف جميل .. صحيح ان الكرة مشت معه و هي تمر من بين المدافعين لكن مزعج
و غير طبيعي ،

الانتر بدأ المباراة بتشكيله فيها الكثير من المجازفة لكنها طبيعيه ضد نادي بمستوى بريشيا المتوقع
انه يقفل بالكامل طوال المباراة ويستغل الكرات القليله اللي يحصل عليها .. بدأ الانتر المباراة مثل مايبغى
ضغط كبير و كان شنايدر قريب من التسجيل من كرة الفاول لكن الحارس ابدع في التصدي لها ، شاهدنا
بعدها كورة ميته مرتدة استطاع ان يمر كراتشيولو من المدافع صامويل و سددها ذكيه لكن الحارس
كاستيلازي لم يتعامل معه بشكل صحيح ..! عموماً الانتر كان يستطيع ان يعود سريعاً للمباراة لكن
استمرارية الضياع في عدم وجود نهج هجومي واضح من المدرب رافا تسبب في ان الانتر ما يرد على الهدف
لينتقل الضغط النفسي من بريشيا إلى الانتر .. إصابة مايكون كانت ضربة للمدرب الغبي رافا اللي اعتقد انه
استعجل التغيير و التفت لـ كوردوبا قال تعال بدون تفكير ..!
طيب يا مدرب يا ذكي مايكون اصيب عندك اكثر من حل .. اسهلها انك تنزل أوبي في المحور
و ينتقل زانيتي للظهير الايمن و انتهى الامر ..! او نزل سانتون على طول بدون فلسفه غبيه و موب في
وقتها .. لكن المدرب لا يزال يثبت انه اقل من انه يقود الانتر و تدميره لـ الليفر بينقله للانتر خلال هذا
الموسم فقط ..!
خروج شنايدر عليه كلام كثير .. يمكن يكون مصاب بنشوف .. مع اني ما اتوقع ان فيه شي لكن رافا الخرافي
بفكره المميز و دهائه اعتقد انه جاء يعدل في النصف لعب في الخطة ..! عموماً الانتر استطاع ان يسيطر
على الشوط الثاني بالكامل .. و عدم إستغلال الفرص تسببت في التعادل .. سانتون عندما شارك كان لاعب
مميز و استطاع ان يخلق مشاكل في الجهة اليسرى لـ بريشيا .. ما آدري متى بيستغله المدرب رآفا المصري ؟
إلى متى وهو في الدكة ..! الحكم إحتسب بلنتي موب واضح
و ترك بلنتي واضح 100% ،



آوبي قدم مستوى جيد و اتمنى ان نشاهده في التشكيلة خصوصاً في ظل الاصابات الموجودة عند الانتر ،



سلامات شكل الاصابة قووووية جداً و الغياب بيطول



مستوى عليه كلام كثير .. لكن ما نبغى إصابات



مدرب دائماً ما يثبت انه لا يستطيع إلا ان يدرب اندية الوسط فقط .. آما من ينافس على الصدارة
فـ انت لا تنفع له ابداً .. بل تضيعه . لا يستطيع ان يقرأ المباراة و تغييراته متأخرة و إذا
جاءت تكون خاطئة 100% .. رآفا يقود الفريق بخطة شدوا حيلكم ياشباب و سجلوا هدف مبكر

إقتباس اللاعب اليوم كـ عودة من الاصابة ما قصر .. لا تطلبون منه الكثير .. وين الكرات اللي تجهزت له ..!

يا رجل وآخر فرصة في المباراة ؟؟ حرااااااااااااااااام تضيع ..

اليوم بانديف وميليتو ما سووا شي، قاعدين يتفرجون معنا الظاهر ..

ايتو عنده امكانيات خرافية، لكن الخال متكرن وإلا بالغصب يبي يسجل
عموما في الشوط الثاني ما الومه لو تأنن شوي لان محد حوله ..
لكن ألومه لأنه بداها من أول المباراة ..

كوتينهو وشنايدر كانوا لا بأس بهم ..

رافا ما أدري وش يحس فيه هو وتبديلاته
ليش ما لعب سانتون من البداية بالظهير اليمين ومايكون محور مع زانيتي ..
غير كذا يوم أصيب ليش ما دخل سانتون على طول ؟؟
اليوم سانتون لعب بالغصب، معد بقا لاعبين غيره !

أوبي كان ممتاز وقدم لمحات جيدة..
لوسيو سامويل زانيتي ايتو.. هذول هم اللي شايلين الفريق الحين ..
والله يستر، هذا أولهم سامويل راح في إصابة شكلها بليغة ..

السيطرة ومسك اللعب بدون خطورة تستمر اليوم ..
بينيتز إلى الحين ما عرف لستايل و(تقفيل) أندية الكالتشيو..

آخر الدقايق ما أدري ليه الفريق ما لعب بنظام الكور الطويلة من الوسط ..
الاطراف ما فادت والعمق ما فاد، جربوا هالطريقة ويمكن يجيكم هدف براسية غلط من مدافعهم !

الزبدة إن مبارة اليوم تقهر وتضيق الصدر ..
نراكم لاحقا وتصبحون على خير ..


إيه نقطة إضافية..
مايكون مصاب من مباراة الأتليتيكو ويلعب وهو متحامل من الاصابة ..
وفيه خبار ذكر إنهم ماهم بادين بالعلاج(احتمال جراحة) إلا بعد مباراة الميلان ؟؟
أنا ما أدري ليش هالقرار، يعني لو اللاعب متحامل ع الاصابة ومقدم مستوى معقولة ..
لكن الكل شاف مستواه سيء، يعني ع الأقل المفروض بعد مباراة روما واليوفي يبدون باعلاج ويخلون زانيتي ولا سانتون مكانه..
وش استفدنا الحين غير إن الاصابة ممكن تتفاقم وممكن يغيب ضد الميلان !

إقتباس طيب يا مدرب يا ذكي مايكون اصيب عندك اكثر من حل .. اسهلها انك تنزل أوبي في المحور و ينتقل زانيتي للظهير الايمن و انتهى الامر ..! او نزل سانتون على طول بدون فلسفه غبيه

أخوي عبدالهادي أنا لا أتفق معك بخصوص أن زانيتي يروح للظهير الإيمن وأوبي ينزل محله لكن في كلامك بخصوص سانتون صحيح

منطقة المحور ثقيله على شاب مثل أوبي وزانيتي اليوم أثبت ليش هو أسطوره وكيف شال المنطقه هذي لحالها رغم عودة القريبه من الإصابه

أنا قلت مسبقا" لما طرح نقاش بخصوص بيابياتي و أوبي فقلت أوبي أفضل ع الطرف واليوم لعب عمق وأثبت أنه لاعب ينتظره مستقبل كبير .. سرعه وقوة تسديد ومهاره




أما بخصوص ميليتو





بكل أمانه .. من يشوف وجهه من بداية المباراة يعرف أنه بعيد كل البعد عن العام

وعودته من الإصابه مو عذر له

محبط وكأنه يفقد حاسته التهديفيه وسرعة البديهه
مشتت ذهنيا" وكل كورة يستلمها يشوتها عن قولت جت وإلا سببت خطورة


بينيتز سيء وإن كانت الغيابات والتغيرات الإجبارايه ماساعدته لكن يضل قرائته للمباراة ضعيفه فنيا" وتكتيكيا"



التحكيم كان سيء وغياباتنا بالجمله وفريقنا ميت من دون كفن مجهز لخسارة متوقعه من ميلان الأسبوع القادم

أطرف لقطة في المباراة ونادراً ماتحدث

هاردلك الخساره انا مادري هل بينتيز قاصد ولا لا ياخي والله مو مرتاح ولا راح رطمن بمباراه 8 نوفمبر الى هي مع توينتي بصراحه
لازم نشوف حل لي هذا المدرب وراه ماينقلع احسن ميليتو وراه ووراه ووراه وين لعبك وين ابداعك لي عودة بنقاش عبد الهادي.

ريال مدريد يريد افيلاي لكن على حساب ديارا



أكدت ادراه نادي ريال مدريد الاسباني انه تريد لاعب نادي ايندهوفن الاعب الصغير في العمر لاعب نادي ايندهوفن الهولندي
الاعب الهولندي ابراهيم افيلاي قال انهم يريدونه لكن على حساب لا سان ديارا لاعب نادي ريال مدريد الاسباني .

حلووه لقطته يامهند بصراحه صوره غريبه مررره !! ؟

تسلم يالغالي على الصوره.

زانيتي انا اسف لاصابه صامويل



أكد لاعب نادي انتر ميلان الايطالي الاعب الكبير في السن وهو الكبيتانو خافييرا زانيتي قال انه اسف لاصابه لاعب مهم في
الدفاع هو صامويل بعد اصابته امس في مباراه بريشيا وقال انه من اهم الاعبيين في الانتر فغيابه سيؤثر قليلا بنا نحن الانتر.