مبيعات التذاكر تبدأ بكأس سانتياغو برنابيو

مورينيو لاول مرة في البرنابيو مع ريال مدريد ضد بينارول في 24 اغسطس في الذكرى 50 لتحقيق أول كأس انتركونتينيتال.
المباراة النهائية بين ريال مدريد وبينارول التي حقق من خلالها ريال مدريد أول بطولة بكأس انتركونتينيتال تعطي المباراة الأولى بالبرنابيو 'أهمية تاريخية' بالنسخة الـ 32 من كأس سانتياغو برنابيو. وبالإضافة إلى ذلك ، جماهير ريال مدريد حريصة على رؤية المدرب البرتغالي جوزيه مورينيو بمقاعد البدلاء بسنتياغو برنابيو مرة أخرى ، والصفقات الجديدة ايضا تعطي حافز للجماهير. هم وبقية لاعبي الفريق سيكون امامهم اختبار 'حقيقي' أمام بطل أوروغواي ، قبل خمسة أيام فقط من بدء الدوري. يعود الفريق للعب كرة القدم في سانتياغو برنابيو.

► معلومات مبيعات التذاكر

وحقق ريال مدريد الاسباني يوم 4 سبتمبر 1960 أوّل بطولة كأس انتركونتينينتال ضد فريق بينارول الاوروغواياني وذلك بعد فوز ريال مدريد في مباراة الاياب 5-1 بأهداف من بوشكاش ، وديستيفانو ، وهيريرا وبقيّة الفريق ( مباراة الذهاب انتهت بتعالد سلبي). بعد خمسين سنة ، الفريقين نراهم مرة أخرى هذا العام بالنسخة 32 من كأس سانتياغو برنابيو.

القيمة تاريخية وعظمة الناديين تعطي أهميّة كبيرة للمباراة ، وبإضافة سببا آخر لا يغيب عن أهميّة هذه المباراة , وهو استعداد الفريق لأوّل مباراة بالدوري أمام مايوركا : لاول مرة في ملعب ريال مدريد مع البرتغالي جوزيه مورينيو وبتعزيزات كبيرة لهذالموسم ، "دي ماريا ، خضيرة ، بيدرو ليون وسيرجيو كاناليس. يعود ريال مدريد للعب كرة القدم بملعبه سانتياغو برنابيو ، بأهميّة هذه المباراة ستكون فرصة شراء التذاكر ممتعة لالتميز بحضور المباراة التاريخية.


Realmadrid.com

،
،
،
،

حيرة كبيرة يعيشها كل مدريدي من يوم ما دخلت هالنادي . كلام مو جديد اني اكتبه ويعتبر مكرر ( فيس يطالع الماسي اللي يقرا ولا هو ناوي يرد ) واللي
اهدي له اغنية ( يا شوق انا قلبي لهوف حسيت اني في الـFM مو الرابطة ) .

حيرتنا معك تعدت حاجز الخطة والاعتماد والصفقات وان كانت الاقل حيرة ، الحيرة جتني مع اللوح اللي حطيته امس وسحبت على عيال الرابطة امس من بعده
ابو يوسف بعيد عن انه يدرس خطط و و و و و و لكن فسر 2×5 = 10 ، و 2.5 × 5 = 10 ، واخي شي كاتب ( no - B) (no-no) تعال
يا عبدالله البنز وعبدالاله قاهر واشرحوا لنا والا فاهمين في المسن بس ، اعجبني كثير تصرفك مع كاكا ، اوكي انت مدرب صارم وما ترضى باقل
الامور ، لكن في النهاية انت اب واخ وصديق ، اسلوب قليل جدا ان ما كان معدوم اللي يستخدمه ، اما تجد اخ وصديق وحبوب ( بيب ) او تجد مدرب صارم جدا
( كابيللو ) وطبيعي بضرب مثل بمن نجح فقط . ما عندي شيء كثير اكتبه حولك ، لانه في كل ردودي السابقة بديت بك ، اعتقد انه ما عاد بقى الا ننتظر الوديات ،
ولو انك عودتنا مع الانتر ومع البلوز انك ما تاخذها على محمل الجد .



اوزيل - فارت - كاكا ... وفي فريق واحد ، صعب اذا مو مستحيل ، شيء واحد فقط ممكن يجمعهم في فريق ، وهو ان كاكا يبدع في الجناح ، ولو فعلا حصل
هالشيء فكأنك تحرق 25 مليون بالنار ( دي ماريا ) واعتقد اننا نجيبه كجوتي اخر هو تكديس لا اكثر ، قدوم اوزيل عندي = خروج فارت ( الاضعف بدنيا ) اوكي
كاكا مصاب لكن حتى وهو مصاب يعطيك 90 دقيقة جيده ، لكن فارت ما يقدر يتحمل مباراة كاملة بمجهود متوازن ما راح اقول عالي ابدا ، بالامانة تمنيت اوزيل
هالصيف ، بديل عالي المستوى قليل المرتب وشاب ، ومنها في حال كان كاكا سيء يكون عندك اللي يخليك تركنه احتياط يا يتعلم يا يبرز اللي افضل حاليا ( نفس
طريقة كاكا لما ركن روي كوستا و ريفالدو في الدكة مع ميلان 2003 ) . ما راح اعدد في صفات اوزيل الرائعة يكفي اللي كتبه ابو يوسف في طريقته (
المثلثات ) ويكفي اللي كتبه الاسطوري ثامر



كنت اتكلم مع الماسي في الجوال ( طبعا مكالماتنا تصفط ساعة بالراحة ) عن لاس ومحمد ، طبعا انا مع خروج لاس وهو مع خروج ديارا ، اكيد
الموضوع مكرر الكلام فيه ، لكن بمشي مع الاحداث واسمحوا لي ، تفضيله على بيع محمد هو : 1) كبر السن ( قرب على الـ 30 لكن كل المنى ان بقاء اوزيل
في فريقه يعني اننا ننهي امورنا معه تماما في يناير القادم ، اما ان يكون نجم الوسط المقبل ( في حال بقي كاكا سيء ) او بديل صف اول وخروج فارت . وبما
انني تكلمت عن طاري الخروج . بشطح شوي في مسألة البيع . ) ، 2 ) راتبه اعلى ، 3 ) ما تضمنه بعد اصابة ابعدته سنة عن الفريق ( وفي الركبة ) . في حين
ان تفضيلي انا لخروج لاس هو مثل معظم المدريدين : 1 ) مشكلجي + مطفوق ، 2 ) مرضه الغامض اللي يجي ويروح 3 ) عاطفيا ما ابي محمد يطلع
وحتى انا ما تمنيت خضيره ان كان محمد هو المغادر .
الجديد في الامر هو اللي طلعت فيه الاخبار الان ، مانيو يريد تقديم 25 مليون يورو من اجل لاس !! بصراحة ان كان المبلغ صحيح فهي فرصة نزرف فيها
فيرغسون . الماسي فضل خروج محمد بسبب راتب ! وبسبب انها اخر سنوات عقده ، طيب : محمد اعلى سعر جابه هو 6 -8 مليون وعرض مو جاد ومن الميلان
. الان احنا نتكلم عن 25 مليون على لاعب الموسم الماضي جاب فينا المرض ، وغير مشاكله المتكرره الان حتى الاعبين يشتكون من حماسه الزايد اللي الظاهر
بيزيد من سوق سانيتاس . قريت رد اليوم في احد المنتديات يقول راعيه : الحيرة كلت راسي فما بالكم بموري ! لاس لاعب يملك اللي ما يملكه المدريدين كلهم
.. لياقه عالية وبثاره ونوعيته تنفعك في مباريات لو بغيت تعزل احدهم بحيث تكلفه فقط بمراقبته لاننا كلنا عارفين اصلا ان انضباطية لاس سيئة فتكليفه بلاعب
يعطيك فرصة كبيره لحجبه ( نفس ستايل جاتوسو في ميلان ) . في حين ان قوة وحماس ديارا الظاهر تماما مع المو وانضباطه العالي يعطيك امل في ديارا 2008
من جديد ! . وفوقها الان السعر العالي في لاس .. فعلا امر محير لو فكرنا فيه من ناحية فنية بحته .





جاجو جاجو جاجو لنا سنتين نتكلم عنه ما راح اتكلم زي الشباب عن التطور وانه محلك در رغم انه واضح جدا جدا جدا تطوره في التمرير
الطولي خصوصا ، لكن في المسائل الدفاعية توقف على ما وصل له في 2008 ، والاعذار اللي طلعوها الشباب مثل ثامر او تبرير الرأي اللي يقوده جهاد .
اعتقد وصلنا لقناعات والكل بدأ فقط في اعادة الكتابة باشكال مختلفة عن القناعة . عن نفسي انا اشوف ان فيه خيار مهم يعطينا اياه جاجو ولاحظته لما دخلت يوتيوب
وبدأت اراجع كافة ملفاته خصوصا في الارجنتين 18 عام وفي البوكا . لاحظت امر مهم وراح ارفق الفيديو بحول الله وهو اللعب في مركز امام المحورين ،
ويكون تناسق في الحركة بينه وبين الونسو خصوصا مع خضيره او محمد ، هالشيء لان جاجو اسرع منهم كلهم في مسألة بداية الانطلاقة ، ولو ان خضيرة يقولون
عنده هالخاصية وهي اللي يفتقده الونسو ويعوضه بالتمرير الخيالي جدا عنده . طبعا انا ما اقول انه خلاص هو اللي نعتمد عليه ، لكن اتكلم عن تجربته في هالمركز
خصوصا لما نلعب بالـ 3 لاعبي دايره ( خطة انتر ) .

هالفيديو يلخص اللي ابي اقوله في هالنقطة ، قبل لا احطه انا اتفق انه لابد على موري اعطاء فرصة كافية لجاجو اما يستغلها او يقضب الباب خلاص






،
،
،
،


انتهينا في راسي كلام كثير بس مدري وين طار وانا اكتب .

RaFa NaDaL

اول شيء اعذرني على التأخير بس بجد نسيتك .. ياليت تعرفنا بحضرتك وحياك معنا

ابو كرم

ما اقول الا .. الفقه بس ، اجل تبينا نكتب بالفصحى ذوق اللي نذوقه هناك .

اسامه RUSTY

حياك خيو بيننا وياليت تتواجد هنا اكثر ، واسحب عليهم هناك انتظر تواجدك على طول .

يحيى

عطنا العلم الاكيد بيلغون تجمع الشلة والا اشتري والحقكم

اخر شيء لابو اصيل

وسمعني سلام على اللي مايسمعش الكلام ويكبر خطه الا بعد ردين من مكالمتنا

ورئصني يا قدع

لي باك

قفلة هالرد

كلنا شفنا .. طيحني ... وبابا سامحني ...

لكن بنطلون اسمه .. ارتاح وافصخني جديدة مرررررررررة

صبااااااااااااااح الخييييير ,


أبو يوسف ,
يا بعدي ما اختلفنا على الخطه أبد , الخطه رائعه وأنا أبيها ,
لكن اللي نختلفين فيه وجود كاكا فيها , بس !
وبالنسبه لسؤالك فـ جوابي , مافيه أحد .
فيه فارت و فيه كاناليس , لكن ماراح يعطونك زي أوزيل ,
يعني أنا معك بأنه المثالي للخطه , لكن أنا ضد وجود كاكا فيها مره ثانيه .

تراني شوي و أقتنع بكلامك , بعدين أرجع وأفكر و أعارض
تكلم عن كاكا بالخطه هذي وليه تشوفه مناسب , يمكن أقتنع يا قلبي
بس ما دامك مسافر فـ الله معك
ومتى ما قريت الرد عبر عن مشاعرك , بس وش اسمه , يقولون أن أوزيل قرب للمان كثير !
بس لا تتكلم على أساس انك ألماني وتبي تألمن الفريق كله



أبو كرم ,
معك عبدالعزيز إذا ما لقطت الاسم قبل ,

ولو , ستشوف منا لغة عربيه فصحى لم تصقعها عينيك من قبل
لا والله , أي مصطلح ما تفهمه ارسله على الخاص وابشر بالمدرس الخصوصي
العرض جدي جدا , وساري المفعول , لأني ما أشوف ذيك المصطلحات الصعبه اللي توقت عندها وتقول :
من أين لك بها !
بالنسبه لـ جورج لوبز , فـ معروف ,
مسلسل حلو و أحلا ما فيه إذا تهاوش جورج مع أمه خخخ
بس لا يفوتك seinfeld , ولا according to jim
يعطيك العافيه على التفصيل لنقطة كاكا ,
و الرد على جهاد يلخص رأيي كله
حتى الاختلاف بقدوم جيرارد ,
لك
وترا العرض ساري إلا آخر يوم من سبتمبر , وبعدين نشوف تطورك و نجدد العقد ,

جهاد
هذا اللي أبيه , واحد يرميني قدام الأمر الواقع ويبعد الفرضيات كلها عني خخخ
جد والله , ردك جميل و ألحين أبرد عليه ,

ما أبي كاكا كاكا , ولا أبي لوح يتفرج و لا يركض عشان يستلم كوره ومع كل التحام ينبطح ,
لا جد , صانع اللعب صعب أنه يلعب بمستوى زي كذا !
وبكذا ما ودي يطبها بوجود أوزيل إذا جاء ولا أي صانع لعب ثاني ,

كاكا جناح
ما أدري بس الفكرره أصلا مب داخله مخي أبدن أبدن , هو عنده الإمكانيات زي ما عند هيجوين الإمكانيات ,
بس عندنا أجنحه جاهزه , وأنك تحط كاكا جناح هذي ترقيع , ما أبي يكون فريقنا مرقع " مرقع كلمه عربيه فصحى يا زاهر "
وعلى الطاري قريت ردك على زاهر ,

إقتباس فأين بتضع اسم زي كاكا في تشكيل فريق كامل قائم على المجموعه اذا كان مركز اما المحورين للاعب يجيد الدور افضل من البرازيلي ؟! ..

لالالا
اقرأ كلامك وتشوف أنه ودك تحط كاكا بأي مكان , أهم شيء أنه يلعب !
ليه الكوره كورته وأنا ما أدري
لا جد , عندنا " دي ماريا - مارسيلو " وكلهم يأدون أفضل منه بهذا المركز ,
ليه نشركه و نجرب إذا المركز لايق عليه وعندنا أجنحه أصليه ,

لك



RaFa NaDaL
يالله حيهم ,
نورت الرابطه يا خلفهم , ويا ليت تعطينا الاسم بردك الثاني ,
أما عن اللياقه فما عليك , مع الردود بتزيد و تدمن الرابطه
لك


لي باك إذا جد جديد !
,

حايلي فيصل ,
يا بعد حيي ركز معي شوي ,

أنا و الأغلب كنا نفضله على شنايدر , ما أعرف أحد كان يفضله على شنايدر هنا بالضبط
لأني جديد على الرابطه وأول مشاركاتي على متش ليون ,
بس أغلب اللي تابع اللاعب توقع له مستقبل كبير , وطبعا فضلوه على شنايدر لأنه اسباني وشاب ومن
مدرسة الريال , يعني مشروع كان الجميع يأمل عليه ,
وهذي مب مشكلتي , هذي حقيقه الأغلب كان مأيدها !

لكن اللاعب ما قدر يعطي لأسباب , منها المركز , لكن الأسباب كثيره ,
وأشوف أهمها الاعتماد الخاطئ عليه و المبالغه باعطاءه الثقه !
قارن بين معاملة فيرغسون و فينجر للشباب وبين معاملة بيلي له الموسم الماضي ,
أكيد بتشوف فيه فرق كبير ,

على مستواه بداية الموسم الماضي أتمناه يجلس كإحتياطي ,
ويتدرج مع مورينهو إلا أن يقدر أن يثبت نفسه للمدرب ولنا كجمهور ,
اللاعب موهوب , لا تنكر ذلك .

لك

,

"
"




هلا بـ الرجّال ، هلا والله ..
لاعب كويس جداً .. شفته في المونديال واضح خامه مُمتازه جداً ومكسب كبير لنا ..
عن نفسي ما كنت متحمس كثير لـ صفقته بـ سبب وجود " الونسو ، قاقو ، لاس ، مامادو " لكن دامه جاء الله يحييه .. وطبعاً لا بد من خروج احد المحاور وشكله لاس لـ الاسف ..
متحسف كثير وكثير مره على لاس لاني متاكد انه خامه كويسه جداً ومتى ما حصّل التوظيف المناسف راح ينفجر ..

لكن يقولون انه اقرب واحد لـ الخروج بـ سبب المرض اللي فيه وزياده على كذا ما يرضى بـ الاحتياط ..
عموماً مامادو ممتاز جداً جداً متى ما كان في مستواه ، وبرضه قاقو ما يقصر ، وابو خضيره كذلك .. فـ حتى لو طلع لاس ما نعاني ابداً من المحور ..
لكن لو هيّ علي انا اشوف مامادو انسب واحد لـ الطلعه من النادي .. كبر بالعمر والاصابات لعبت فيه .. وقاقو ولاس صغار ويتطورون صعب تخسرهم ، وطبعاً خروج الونسو او خضيره مستحيل .. لكن شكل لاسنا خلاص بـ يمشي ..

طبعاً ابي خروج مامادو لـ اسباب ذكر سليّم كثير منها في رده ..
اولاً اصابته خطيره ومستواه ما يطمن بعدها ، ثانياً العمر ، ثالثاً لاس اشوفه كـ " موهبه " افضل .. متى ما وجد التوظيف ومتى ما لقى احد يطلع موهبته صح ..
ولاس صغير وخامه ممتازه يعطيك قدام ، لكن مشكلته المرض بس .. ولا عقليته متاكد ان مورينهو بـ يقدر عليها ..

عموماً شكل المرض وعقليتك يا لاس بـ يخلونك تمشي ..
لكن الونسو وخضيره وقاقو ومامادو يقومون بـ الواجب .. يقومون بـ الواجب وزياده بعد ..




ما فيه شخص عاقل ما يبي مايكون ..
بدون ادنى شك مايكون التوب عالمياً في مركزه .. لكن جيته تعني استخدام راموس كـ قلب يمين .. والشيء هذا ما حبيته ابداً ..
راموس في اليمين عطانا مستوى خرافي مع الماتدور في المونديال ، وما يحتاج راموس يعتبر من افضل لاعب الظهير في العالم بعد مايكون يعني .. فـ مسالة نخسر موهبة راموس عشان نجيب مايكون ، ونرقع مركز القلب ونحط راموس قلب .. مساله ما هضمتها ابداً ..

مايكون اشوفه مُناسب كـ خطة B ..
جب لي كارفالهو او اي قلب دفاع عليه الكلام مع بيبي ، واضمن راموس يمين يعطيك قدام تقريباً 10 سنوات ..
ولا تجيب مايكون وهوّ سنتين وراح يمشي ، وبرضه تخسر موهبة راموس .. وترقع الدفاع ولا تضمن نجاح الخطه ! فـ اتمنى يجيبون كارفالهو او اي قلب عليه الكلام ..
واذا ما حصل الشيء هذا الشكوى لله .. نرضى بـ الترقيع ..




اخيراً يا مورينهو .. اخيراً ..
مُمكن لو احد يتذكر اول ما جاء مورينهو كان كل همّي وكلامي ان جية مورينهو مُهمه عندي عشان اكثر من شيء .. لكن اهم شيء انه يعرف يفك الضغط عن لاعبين ..

متفائل جداً في الكريم ..
لاعب مميز جداً لكن الضغوطات اللي عليه ما ساعدته ابداً .. ومتفائل في مورينهو انه يقدر يخليه يبدع ويفك الضغط عنه ..
جميله جداً طريقة مورينو ..


"
اهم شيء عندي بـ الميركاتو اننا افتكينا من السوبر ستار ..
خلاص زمان اننا اهم شيء نجيب سوبر ستار هذا زمان ولّى الحمد لله .. اهم شيء عندي اشوف احتياجات الفريق واجيب اللاعبين ..
مثل " كانيالس ، دي ماريا ، بيدرو ليون ، خضيره " كلهم عاديين لكن الفريق محتاجهم .. يعني اهم شيء الفريق عرف وش يبي بالضبط بعيداً عن " السوبر ستار " ..

الله يستر بس ..
متى ينتهي الميركاتو .. مليت خلاص ما عاد فيني طاقة تفكير اكثر ..
ميركاتو غامض جداً ، انتظره ينتهي وان شاء الله ينتهي على خير .. ان شاء الله ..

أجل أنا أبي لاس يقعد
من جد عرفت كيف تقومني من سباتي العميق اللي كنت ناويه لما بعد العيد الكبير خخخ

يارجل لو قلتلي يطلع ونعطيه راتبك يبو حميد لمدة سنة بس يفارق صدقني غير أوافق..
هذا اللاعب الوحيد اللي أفقد معه كل قيمي الأخلاقية ومُثلي العليا من تصرفاته وأسلوب لعبه المخيس >> حسبي الله عليك أجبرتني أتكلم عنه وأنا ما أبي أطب فيه من زمان

ماودي أكثر هرج عن فكرة الأفضلية بين لاس ومامادو..
لأني فقدت المصداقية خلاص العاطفة بتغلبني وفي الحقيقة رأيك اللي كتبته هو رأيي أصلاً بس انت زرفته عيني عينك

الزيادة البسيطة اللي ممكن أضيفها لرأيك..
هي أن الحيرة بين لاس ومامادو خلقها التعاقد مع خضيرة المجهول لأغلبنا واختلاف الآراء حول أفضليته المطلقة على الديارتين

أعتقد حل المشكلة كان بسيط جداً ولا يحتاج تعقيد السيناريو اللي صار..
إن كان لابد من خروج لاعب ما بين (مامادو أو لاس) والتعاقد مع لاعب جديد..
كان من المفترض التعاقد مع لاعب غير مشكوك في قدراته (ماسكيرانو - أوبي ميكيل) أو حتى مُجرب من مورينهو (موتا - إيسيان) بدل المغامرة بخضيرة

أحترم وجهة نظر مورينهو وفكرته حول صفقة خضيرة ومتفائل بقدرة اللاعب على التأقلم والنجاح مع الفريق..
لكن الوقت الآن ليس وقت العواطف ولا التفكير أكثر وأطول بين (لاس أو مامادو)

عندنا الآن 5 محاور وعلى الأقل 3 منهم موضع شك كبير جداً ما بين عدم جاهزية بدنية أو نفسية..
والرابع ما شفناه بما يكفي ومازال غامض وبيحتاج وقت للتأقلم مع أشياء كثيرة (البلد - اللغة - النادي - ضغوط الجماهير والصحافة) ووو..

نرجع للفكرة الرئيسية..
مامادو لو بقى بيقبل الدكة لكن هل بنستفيد منه إذا ماكان خضيرة بمستوى التطلعات؟
لاس إذا بقى هل بيقبل يبقى في الدكة أصلاً؟ وإذا قبل بيبطل حركاته إنه يتزل يلعب ونفسه ف خشمه؟