بلاطيني : مورينهو لم يكن ليقدم أفضل مما قدم دومنيك للمنتخب الفرنسي في جنوب افريقيا ؟؟!
رئيس الإتحاد الأوروبي لكرة القدم .. يستنقص من مورينهو افضل مدرب حالي في أوروبا ! أي رئيس هذا ! الظاهر الى الآن يحسب نفسه لاعب ومايدري ان منصبه رئيس
تصريحاته توضح للجميع مستوى تفكيره وعقليته الساذجة وشخصياً افرح لما يصرح هالبطريق الي فوق لأنه مايثبت لمتابعي الكرة الأوروبية عامة ولمشجعي ريال مدريد خاصة إلا انه انسان حاقد على كل ماهو مدريدي ويحاول اسقاطه بأي طريقة ..
وكأني بديت اشم رائحة الإنتر في دور الـ ١٦ بعد هذا التصريح
صرت اكره مباريات الريال من تالي بسبه هالأدمي ! عك عككككك مش طبيعي يا عالم .. والغبنة انه لاعبن على نفسه بالرقم 10 .. على باله انه سفط زيدان و فيغو والعيال ولاهوب فارق عنهم خخ .. كله كوم ويوم يحني ظهره وينزل يدينه وهو يمرر الكورة خخخخخخخ .. يعني يا عالم تراني حريف شوفوني وانا امرر
من اول لاسانا يقطع الكورة ويغطي ويمرر ويصنع ويساند .. مدري وش صاير له من تالي ياهو كمية حموضة تمشي على الأرض .. عهدي بمستواه البطل العام في الدور الأول .. عقبها والرجال موب رفيقنا الأولي .. وش صار له .. مشاكل ولا توظيف ولا ولا .. الوكاد انه مخيس
ابواصيل .. عطنا حصرية بقشعه هالخـال تكفى
اهلا عبدالله
شوف لاس ديارا فيه نقاط ضعف وفيه نقاط قوه
انا اشوف نقاط قوته تتفوق على نقاط ضعفه
قوي في الالتحامات ويجري كثير خلف اللاعب ومايعطيه مجال انه يمرر براحته
عكس خضيره اللي فشل في مباراة برشلونه فشل ذريع وعجز عن مراقبة المان تو مان بسبب بطئه وقلة خبرته
بصراحه في ذيك المباراه تمنيت لاس بادي المباراه بدلا من خضيره
لاس في هذا الموسم مالعب مباريات كثيره ومع هذا نزل في مباراه برشلونه وقدم
مباراه ممتازه وبدأ مباراه فالنسيا وبهذل بالفالنساويه
لاس يعيبه شي واحد وهو اذا استلم الكوره احيانا يقعد يتفلسف وتقطع منه
اما غير هذا فهو ممتاز جدا ومفيد للفريق
بالنسبه لنقاش التشكيله !
انا كنت مؤيد للخطه اللي كان فيها رونالدو راس حربه
بس بعد ما عرفت ان الريال مهتم بجلب مهاجم فالافضل رونالدو يكون جناح
بشرط جلب مهاجم كبير كتوريس ,فورلان , دييجو ميللتو
غير كذا الافضل اننا نكمل الموسم بهذ المجموعه
ياناس مولود على كره الريال
وش ترجون منه خخخخخ
رئيس فاشل وغبي
انا مدري وش دخله بالمدربين !!
ما عمره تكلم الا عن الريال
ومدربين الريال!!!!!
ناظر يمين الأحصائيه .. شوف كم مرة قطع الكورة .. واقرنها بـ الأخطاء الي ارتكبها !! اذا لاعب يحاول يقطع الكورة 11 مرة .. يقطعها 5 مرات بس والـ 6 الباقيه يسوي فيها فاول هذي مشكلة .. المشكلة هذي عند لاس بالتحديد عقليه !! .. تدري ليه ؟! .. لأن اغلب لعيبـه الكورة وصلوا ليفل معين في التفكير ولاس باقي على مخه ما طوره خخخ ممكن تكون ثقة في نفسه اكثر من ماهي غبـاء .. واني انا اللاعب الي احجر العالم بقوتي وخشونتي !!
مسيكم بـ الخير ..
استغربت بس رد فلورنتينو نايب الريّس ، وحبيت اعقب عليه .. طبعاً ما ادري وش القراده فيني ..
كل ما حبيت لاعب في الفريق اللي اشجعه ، كرهوه كل مشجعين فريقي .. مثل الفريدي عندنا ولاس بـ مدريد خخ ..
الخال الكل متفق انه قدم مستوى بطل اول ما جاء ..
لمين نهاية الدور الاول من العام الماضي .. خصوصاً بداية بيلقريني كان مقدم مستوى خُرافي .. فـ حرام نفرّط فيه وحنا نعرف انه يملك امكانيات ممتازه ..
اوكي هابط مستواه يركه بـ الدكّه يادبه يشوف له صرفه .. بس يبيعه وحنا نعرف انه يملك امكانيات مميزه جداً ، اتوقع غلط كبير جداً وراح نعيد غلطات " ماكليلي وكامبياسو " ..
الخال يذكرني بـ بدايات خالد عزيز " مع فارق التشبيه " ..
بثر جداً في الضغط على الخصم ، مميز في استخلاص الكور ، صاحب مجهود بدني خُرافي خُرافي خُرافي داخل الملعب .. لكنه يفتقد لـ المخ احياناً خصوصاً في تسليم الكور .. مثل عزيز اول ما بدا كان بس عزيز كان اغبى منه ، لمين جاء كالديرون وضمه للمنتخب وقتها وصقل موهبته في المنتخب ..
فـ محتاج احد يصقل موهبته بـ شكل اكبر ..
وحالياً عندنا المو ما يحتاج .. ركّز على مارسيلو وعطانا ظهير مميز جداً .. واتوقع لو يركز شوي على لاس راح نشوف اشياء خرافيه جداً ..
خصوصاً ان لاس من بداية الموسم كل ما نزل اساسي قدم عطائات خُرافيه " مباراة اوكسير + مباراة فالنسيا " .. واتذكر ان الكعبي اثنى عليه بـ مباراة اوكسير ، ودراجي اثنى عليه برضه بـ مباراة فالنسيا ، وبـ كل امانه كان نجم كل اللقائين ..
فـ كل اللي بـ اقوله ..
لاس متى ما عطاه المو وجه ، متاكد انه بـ يكون واحد من افضل محورين في العالم .. الولد يملك امكانيات خُرافيه جداً ، واسالوا السير اللي ميت عليه ..
وكل اللي ينقص ابو راسين حالياً .. واحد يمسكه وويحاول يغطي السلبيات البسيطه الموجوده فيه واللي سهل تفاديها .. وابرزها " تسليم الكور ، وبرضه يعلمه كيف يستخدم مخه بـ شكل اكبر ..
ووقتها متاكد اننا كلنا بـ نصفق له ، اكثر من تصفيقنا له مبارتين اوكسير وفالنسيا ..
وعلى فكره ..
من ابرز اللاعبين اللي اشوف المعلقين يمدحونهم كل ما نزل هو لاسنا ..
مثل مباراة ليفربول الـ 4 يوم يمدحه الشوالي هو والقديس ، ومبارتين اوكسير وفالنسيا ومدح الكعبي ودراجي له ..
وبرضه تصفيات كاس العالم ضد ايرلندا وخقة رؤوف خليف معاه ..
"
طولت بـ الكلام ..
اتمنى ان لاس وابو فريدي قريباً يستفيدون من امكانياتهم ويطلعونها بـ الشكل اللي ابيه ..
ويشقون طريقهم في النجوميّه ..
تـ طق طق علينا انت !!
ترجمت الخبر ولاجاب حتى طاري مورينهو !!
ياليت تتأكد من الخبر قبل تترجمه او تنقله ,
هلا فيك كيف حالك
هذا الخبر من الاس ورح أتأكد طال عمرك انا ترجمت هالجزئيه بس
ملاحظه : هذي الجزئية مو موجوده الا في الصفحه الرئيسيه للأس
اما الخبر كامل ما ذكر فيه التصريح اللي ترجمته .
لو ارسلت لي ع الخاص كان افضل سم
١٧ ديسمبر .. هو يوم تحديد هوية منافس ريال مدريد في دور الـ ١٦ للتشامبيونزليق
انتر ميلان الايطالي ثاني المجموعة الأولى أوليمبيك ليون الفرنسي ثاني المجموعة الثانية كوبينهاقين الدينماركي ثاني المجموعة الرابعة روما الايطالي ثاني المجموعة الخامسة مارسيليا الفرنسي ثاني المجموعة السادسة شاختار دونيستك الأوكراني أو أرسنال الانجليزي أو سبورتنغ براغا البرتغالي ثاني المجموعة الثامنة ( المجموعة معقدة والاقرب من التأهل بالمركز الثاني هو الفائز من مباراة شاختار وسبورتينغ بالغد )
للنقاش :
من تتوقع ؟ من تتمنى ؟ ولماذا ؟ من الأسهل ومن الأصعب ؟ بغض النظر عن من سنقابل في دور الـ ١٦ هل لديك ثقة بتجاوز ريال مدريد لهذا الدور ام لا ؟
شوف اتوقع انها بين ( ارسنال و الانتر ) حظ الريال و مورينهو دايم زباله
اتمنى نقابل مارسيليا فريق وسع صدرك من جد
الاسهل مارسيليا و الاصعب الارسنال
شوف مع مورينهو واثق انه راح يحسبها صح
و لو ترجع بالذاكره شوي تلقاء ان بلقريني غلط في انه يغير طريقة لعبه مع ليون في الذهاب وهي الطريقه اللي كان فيها الفريق يـلعب فيها بشكل ممتاز
ممكن نشوف اربيلو ظهير ايسر ولا راموس قلب دفاع كل شي مع مورينهو ممكن
تشكيلة المباره هي اللي بتعطيك الثقه التخبيص الزايد ما ينفع و لنا بالفريق الفرنسي مدري وش اسمه يوم لعب مورينهو بـ لاس و الونسو و خضيره بالوسط و هيقوين و البنز و رونالدو بالهجوم والله يا كان فيه عك كروي غير طبيعي
شباب ما ادري انا الحست شوي
الحين الريال الاول و البرشا الاول و فالنسيا الثاني يعني فالنسيا الحين ما يقابل ولا فريق اسباني
لاني اتذكر ان اذا كان فيه فريقين بالاول و فريق بالثاني الوضع غير
شرحيلي اذا كبر
بالنسبه لـ وجهة نظر عبدالله بيريز الرابطه في المذكور شرحيلي فـ انا اوافقه 200 % 100
ياخي صرت انتظر متى يرجع قاقو و يفكنا من العك اللي صاير
عضو اللجنة الإعلاميه للرياضة العالمية و نائب رئيس رابطة ريال مدريد
تاريخ التسجيل: 10/09/2008
المكان: اقرب مما تتوقع !
مشاركات: 5,475
الجولة في الإستاد تحقّق أفضل الأرقام في العقد الحالي
يتوقّع أن يزور 20:000 شخصاً برنابيو خلال أيّام العطلة الطويلة، ومنذ يوم الجمعة بلغ عدد الزائرين الذين قاموا بجولة في الإستاد 15:000 شخصاً لم يسبق أن سجّلت أية جولة نجاحاً مماثلاً لنجاح جولة الإستاد في برنابيو، إذ أصبحت هذه الجولة من المعالم الضروريّة للسوّاح في مدريد. وأثناء العطلة الطويلة الحاليّة، والتي دامت أيّاماً عديدة بمناسبة الإحتفال بالدستور الإسباني. وصل عدد زائري الإستاد حتى الآن إلى 15:000 ويتوقّع أن يصل غداً إلى 20:000. ويوم الأربعاء، وبسبب المباراة أمام أوكسير يمكن القيام بالجولة فقط بين الساعة 10:00 والساعة 14:30.
تسمح جولة الإستاد للزائرين بأن يروا غرفة جوائز ريال مدريد، الملعب وغرفة الملابس. ومن أكثر البقع شعبيّة قسم تركيب الصور للاعبين والمنصة حيث يمكن للناس أن يأخذوا صورة لهم مع الكأس الأوروبيّة (بلغ العدد حتى الآن 10:000 في الأيام الأربعة الأخيرة، وما زال الإحصاء مستمرّاً).
ويوم لعب ريال مدريد أمام أتليتيك بلباو هذا الموسم، بيعت أربعة آلاف وخمسماية بطاقة لجولة في الإستاد. هذا الرقم القياسي تحطّم البارحة عندما زار 5:000 شخصاً الإستاد.
الأندية الي ممكن اننا نقابلها في هذا الدور ( طبعاً اغلب المجموعات ما انحسم فيها المركزين الأول والثاني الى الآن ولكن راح ابنيها على واقع المجموعة والنتائج) :
انتر ميلان الايطالي ثاني المجموعة الأولى أوليمبيك ليون الفرنسي ثاني المجموعة الثانية كوبينهاقين الدينماركي ثاني المجموعة الرابعة روما الايطالي ثاني المجموعة الخامسة مارسيليا الفرنسي ثاني المجموعة السادسة شاختار دونيستك الأوكراني أو أرسنال الانجليزي أو سبورتنغ براغا البرتغالي ثاني المجموعة الثامنة ( المجموعة معقدة والاقرب من التأهل بالمركز الثاني هو الفائز من مباراة شاختار وسبورتينغ بالغد )
للنقاش :
من تتوقع ؟ من تتمنى ؟ ولماذا ؟
أتوقع نقابل إنتر ناسونالي علشان حركات بلاطيني
وأتمنى أولمبيك ليون علشانه يمثل لنا العقدة المزدوجة ( دور الـ 16 و ليون ) ولازم نتخلص منها
إقتباس
الرسالة الأصلية كتبت بواسطة عاشق أبداع الفيلسوف
القائمة المستدعاة لـ لقاء أوكسير تشهد تواجد موراتا و سارابيا
الغيابات
هيجوين , كاكا , قاقو ، كاناليس ، دي ماريا , خضيرة = بسبب الإصابة .
هذا الخبر من الاس ورح أتأكد طال عمرك انا ترجمت هالجزئيه بس
ملاحظه : هذي الجزئية مو موجوده الا في الصفحه الرئيسيه للأس
اما الخبر كامل ما ذكر فيه التصريح اللي ترجمته .
لو ارسلت لي ع الخاص كان افضل سم
اتوقع انتر او ارسنال , و اشوف ارسنال اقرب .. بحكم ان انتر مستواه مخيس و ما ينشد فيه الظهر يا بلاتيني
و ودي بـ روما , او كوبنهاغن .. روما زلايب ( اسف انوس ) .. و المو عارف لهم
و كوبنهاغن .. اسم النادي يشجعك على انك تجلده !
المشكلة مدري هل هي قصر في نظرتي الفنيه خخخخ ولا ممكن عشاني باحلن به من تالي العلم الأكيد انه ما ينزلي من زور يا عيال ويجيب لي الحموضه اذا شفته يلعب !
ممكن نعمل نقاش فني بحت عن دور لاسانا في الملعب .. سلبياته و ايجابياته على الفريق !! وهالكلام اطلب فيه محللينا الفنيين الكبـار .. ابويوسف - عزوز - البنز - قاهر
عن نفسي ما عندي كلام اكثر من الي قلته .. لاسانا صاير عبئ على الفريق .. بمعنى اخر الفريق هو الي يشيله موب هو الي يساعد في فرض رتم الفريق .. لاعب بهالنوعيه صعب انك تعتمده في التشكيل .. اذا كانت ابجديات الكورة الأستلام و التسليم معدودمه .. غير كذا الفلسفة الزايـده وشغل الحرفنه والأستعراض وتعالوا يا جمهور شوفوني اسحب صفقوا لي خخخ .. كلها هذا كوم .. والشي الي ابي العيال يفصفصونه لنا .. دوره في الملعب والألتزام التكتيكي في الضغط على الخصم !!
هالنقطة اهم نقطة بالنسبة لي .. لاعب يترك خانته ويدخل ملعب الخصم يضغط .. بثرو طولي يتعرى وسط ملعبنا والسبب ؟! .. الشيخ لاس جالس يمارس هوايته في الركض قدام
النقـاش مفتوح يا عيال كلن يسدح لنا رد وجهة نظره في هاللاعب المخيس < ..