إقتباس الرسالة الأصلية كتبت بواسطة ابن الخطاب بعض العقليات تخليك تندم على ال 3 ثواني اللي قريت فيها رده ايه صح المفروض البنز يضغط على انييستا واكزافي ويغطي مكان بيبي وكارافاليو ويخلص الكوره اللي غلط فيها كاسياس يوم هدف بيدرو عندك كلام منطقي اهلا وسهلا اذا على هالخرابيط والعنصريه والتعصب اللي طاغي على ردودك فلا تعليق بالنسبه لكريستيانو تراك من بداية الموسم تدور الزله عليه وتروح وتجي على 96 مليون اقول اهجد بس لو يطير الطعس ماوصل نص مستوى الدون او ارقامه

. . . . .



هذي أللقطه بس لوؤ حسبهأ ألحكم بلنتي ؤ طرد فألديز . .
رأح تهجّد ألجمهور أول شـيء . . رأح تعـطي الثقه
ألمفـقوؤده أمس لـ رؤنألـدوؤ ؤ بأقي أللأعبين . .
ولأ ننـسى بعد إن ألبرشأ رأح يخـش ألشؤط
ألثأني نأقص لأعب . . ولو مدريد سجلهأ
أبصم لكم بألعشره إن ألمبأرآه مأ رأح
تنتهي مثل مأ إنتهت عليه أمس . .

.. بس تبؤون ألصرأحه ..:

ألفريق أللي لعبتوأ ضده معجزه .. فريق كذأآب وؤدي أعرف بس
كيف يتنأقل ألكوؤره بألسهوؤله هذي .. أتوقع مأ كأن ولأ رآح
يكون موجؤد مثل ألبرشأآ ..



شفتوأ ألبزير أللي وأقف ورأ مورينهوؤ .. طأح من عيني ذأ . . .
كنت أقوؤل من أفضل ثلأآث مدربين في ألعألم .. بس
زين أللي سؤأه فيه كرس .. شوّهت تأريخك يـ
غوأرديولأآ .. وبإنتظأر قرأرأت ألإتحأد
ألإسبأني .. مع إني أتوقع إنها
بـ تكون عكسيه ..

موؤرينهو ...: خلّ ألزعل لـ أصحأبه .. هذي أول خسأره على مأ أعتقد
هذأ ألموسم .. و ألمشوأر طؤيل .. وإن شأآء ألله نشؤفك إنت و فريقك
ضد أليونأيتد في ألـ ويمبلي ..

عـ ألعموؤم هأآردلك عـ ألخسأآره .. ألفريق كأن مبّدع قبل ألمبأرآه هذي وأتـوؤقع
رأح يستمر على إبدأعه .. ألدؤوري بأقي مأ إنتهى .. ومثل مأ أخذوؤا ألصدأره
رأح ترجع .. ؤنبأآرك لكم بـ أللقب بإذن ألله ..



. . . . .

هاردلك يا عيال ..
قبل المباراة في الاستديو كان لي رد << مالي خلق اقتبسه
قلت ان الله فكنا من هدف مبكر و الحكم كان صاحي الريال بيسوي شىء
لكن للاسف اجتمعت الثنتين و زد عليهم نص الفريق مو في الفورمه
بعدين امس المباراة بينت لي حاجه مهمه جداً اعتقد الاغلبية مغفلها
لكن صدقوني حسب الي شفته تأثر كثيييير
الي شاف لاعبين البرشا امس كيف يلعبون و كيف حماسهم و قتاليتهم
و وحشيتهم و حتى نجاستهم احياناً يبين لك ان الي بين الريال و برشلونه
ليس مجرد مباراة كرة قدم الي بينا و بينهم حرب كرويه
فالديز - بويول - بيكيه- انيستا - تشافي - بسكويت - بيدرو و حتى ميسي
شوفوهم كيف يلعبوا ضد الريال حمااس و قتالية و كأن المباراة حياة او موت
و هي فعلاً تعتبر حياة او موت لأن الكلاسيكو هو السبيل الوحيد الي من خلاله يقدرون
يهزمون العاصمه .

اللاعبين الي تشربو نجاسة الكتلان و كرههم للمدريد هم الي كانوا ورى الكارثه امس
حتى بعض المحترفين الي يجون برشلونه تلقاهم يلقنون كره مدريد
فان بوميل و ديكو و الفلبيني برونكهوست و ستويشكف و غيرهم الكثير
شف تصاريحهم ضد الريال حتى بعد ما يتركو برشلونه تحس الغل في قلوبهم
طبعا اسقطت ايتو قصداً لانه ممكن يكون له مبرر

لويس انريكي و فيجو
تنطبق عليهم نفس الحاله
بس شوفو كيف طريقة تعاطي فيجو مع البرشا بعد ما جا الريال
و شوف العكس بتلقى اختلاف كبيييييييير
الكتلان اول شىء يسووه مع الغريب زرع كره الريال فيه
و صراحه اهنيهم على اللؤم الي قادرين يستفيدون منه كرويا

لكن على العكس تلقى المدريدي ينظر لبرشلونه مثل اتلتيكو مدريد
هذا ديربي و هذا كلاسيكو يعني مباراة 90 دقيقه و تنتهي

نرجع للمباراة

الونسو - خضيره - اوزيل - ماريا - البنز
هذولا كانو ضيوف شرف امس
ولا واحد فيهم قدم ربع مستواه !!
اذا خسارتنا من برشلونه منطقيه
اضف على سوء مستوى اللاعبين
سوء الحظ و الفريق يقبل هدفين في ربع ساعه
المحصلة يوم اسووووووود !!
لكن السواد الاكثر لم يأتي بعد
2-0 و تأتيك الفرصه لأن تعود الروح بضربه جزاء واضحه
يتغاضى عنها الحكم المشبوهـ ليحول الامسيه الى
كارثيييييه

الريال دخل في المباراة بعد حادثت بيب مع كريس
تصرف بيب استفز اللاعبين و خلاهم يجارو البرشلونيين بالحماس و القتاليه
و كان ممكن تختلف الامور كلياً لو انتهى الشوط الاول بـ 2-1
انا ما ابغى العدل كله و طرد فالديز لكني كنت سارضى بأقل الظلم

تدخل الشوط الثاني متاخر بهدفين
و ما مدانا نقول بسم الله الا و هدف ثالث من تسلل واضح
الحكم و مساعديه قررو قتل الريال في امسية الكلاسيكو

برشلونه قدم مباراة كبيرة و استحق الفوز فيها
لكن الحكام ساعدوه كثيييييييييييييراً و هو كان في غنى عنهم
و مو محتاج مساعدتهم.

على العموم انتهى الكلاسيكو بخيره وشره
والاهم ان لا تأثرالنتيجة على مستوى الفريق
لأن فوزنا على برشلونه و تعثرنا امام فالنسيا
و يستمر الفريق بدك الخصوم حتى مباراة اياب الكلاسيكو
و صدقوني يومها الفريق قادر على اخذ الثأر و رد الخماسيه (وسوينها مع لاودروب)

اهم ما عندي ان المباراة ما تاثر على نفسية اللاعبين و تدخلهم مرحلة الشك
و مباراة فالنسيا اختبار لهم .

ابو يوسف (كله منك )

|| Europe League 5 .. اليوفي يحل ضيفاً على بوزنان والليفر ضيفاً على بوخارست والقمه تجمع اشبيليه وباريس سان جيرمان.. تقديم ومتابعة ||

وجودكم يُسعدنا ويُشرفنا

هآردلك ، شبـآب ..
المستوى المعهود مآكـآن في يومه أمسّ ، لـكن نتدآركّ الاخطآء من الأن أفضل من مرآحل متقدمه ..

مآ وديّ أتكلم كثير عن المبآرآة لأني مآودي أسويّ نفسي متفلسّف ورآعي تحليل .. وبـ أستفسر عن حآلتين عن مبآرآة أمس :

- تبديل مآرسيلو بـ أربيلوآ ، وتبديل لآس بـ ـآوزيل ؟!
والفريق كآن خآسر ؟

يّ شبآب أبغى تحليل منطقي لتبديلآت الموَ ؟

ولاتنسونَ المبآرآة الجآيه قدآم الخفآفيشّ ، والخفآفيش هالسنه يخوفّ ..
ولازم الأعبين يعدونّ هالمرحله .


ومعآك يّ المرينقيّ ، عَ الحلوة والمرة

يعني بيلي أفضل من المو لا لا ما أصدق وش قاعد يصير

صراحة ريالنا محييير للغاية الموسم الماضي مباراة الذهاب انهزمنا 1\0 بهدف مشكوكـ في صحته

وكنا أفضل وقادرين على التسجيل ولكن الحين مع المو ننلزخ بخمسه

تبون رايي الا أقول بلا رايك وضف وجهك لان في ناس ما تحترم الاراء وتنبرش عليك طوووووالي

لا احد يحمل مو اي شيء لانه قدم اللي عليه ولاتنسوون التحكيم المفروض نطلع الشوط الاول 2-1 وطرد لفالديس
وباذن الله المو بيرفع معنويآات اللاعبين وكنا نقدر نعادلهم لكن هدف ثآلث من فيآآ تسلل
لكن مانقول ان شاء الله خيره وننتظرهم بالسنتيآغو

السلام عليكم ..

اولا هارد لك على الماتش .. وبصراحه الفريق استحق الخساره واستحق انه يخسر بنتيجه اكبر من كذا كمان ! ..

الغالب لما يجي الواحد يتكلم ويفسر اسباب الخساره ! .. تكون اكثر على الامور التكتيكيه او الفنيه او المهاره الي يمتلكها الاعب ! ..

لكن بصراحه بعد الي شفته امس يتجلى لك حاجه والي هي الروح والحقد وان المباره مهي بس مجرد مباره ب3 نقاط ! .. الي هي عباره عن حرب ! ..

فرق الدوافع وفرق الروح وفرق الحقد صارت ترجح الكفه وتدفع وترفع من عطائات الاعبين بالملعب ! ..

وهذا الي فرق امس ! ..
لما تشوف فريق داخل عشان يحقق نتيجه ايجابيه ! .. غير لما تشوف فريق داخل عشان يذل فريق ويذل مدربه بكل ماعنده ! ..
فرق بين انك تدخل عشان تحقق 3 نقاط او نقطه ! .. غير انك تخش وانت تبي تذل الي امامك ! ..
ماتبي بس 3 نقاط تبي تذله وتدعس عليه ! ..

هنا الي يفرق ! .. وهذا الي فرق بيننا وبينهم ! ..
انا ماني مقتنع بنظام ان الاعبين مااكانوا في الفورمه ! .. الا ان لاعبين برشلونه كانوا بأعلى من الفورمه ! ..
وماني مقتنع ان الدخول عشان نقطه يعتبر شيء ايجابي هو هو نفس انك تدخل بحقد وبنيه ذل وتحطيم الي امامك ! ..

ارجعوا وشوفوا ماقبل المباره ! .. واثناء المباره ! .. ومابعد المباره ! ..
بتشوفوا انها مهي مجرد مباره لهم ! .. عباره عن اثبات للذات الكتلونيه واذلال لمدريد وزيد عليه مورينهو كمان ! ..

وشوفوا ميسي وانيستا واكسافي وبيكيه وبويول وفالديز وبيدرو ! .. وشوفوا عطائهم وتركيزهم طول ال 90 دقيقه ! .. بتشوفوا انها مهي مجرد مباره ومجرد ثلاث نقاط نحققها ونمشي ! ..
ياارجل حتى فيا وهو فيا ! .. رغم انه ماله ماكمل حتى نصف موسم بتشوفوا الروح الي لعب فيها والروح االحقد الي تشرب منه بسبه الفكر الي طاغي على كتلونيا وبرشلونه ! ..

كل الي ابي اقوله ! .. انك مستحيل انك تحقق فوز امام فريق بهذا الفكر وبهذا الحقد وبهذا التوتر والشحن في ملعبه ( غير طبعا الامكانيات الفنيه ! ) وانت داخل على انها مجرد مباره ! ..

عشان تحقق فوز على فريق يملك امكانيات كبيره وروح وحقد لك ! .. لازم يكون عندك امكانيات كبيره ( وهذا الشيء عندك ! ) وروح وحقد له ! ..
لازم تكون متساوي معه ! .. في الامكانيات الفنيه وبالطموح وبالفكر والروح ! ..

اذا كان يبيها حرب تدخل على انها حرب ! .. واذا كان يبي يدعس عليك كونك تمثل مدريد وملكها لازم انك تدعس عليه كونه حشره انفصاليه لازم تندعس بالجزمه ( الله يكرمكم ! ) ..

وزي مااتشبع لاعبينه بالفكر ذا لازم لاعبينك يتشبعوا بالفكر ذاك ! ..

ومهو بس لاعبينك الا جمهورك وملعبك كمان ! .. بدل ماايكونوا ناس راقيه وتصفق للعب الجميل لازم تكون حاقده وتشوفهم على انهم حشرات لازم تندعس ! .. وتعاملهم قبل المباره بذا الشيء واثنائه وبعده ! ..
عشان اول ماتطب رجله مدريد يشعر بتوتر زي ماايشعر لاعب مدريد في كتلونيا ! ..

الفكر والروح مهم مثله مثل الامكانيات والتكتيك ! .. ولازم لاعبين الريال وجمهوره يتشعبوا بالشيء ذا ! ..
ولا عمره الفريق ماابيكون مقارع للبرسا مهما وصلت امكانياتنا ! .. لانه الروح والفكر بتكون مايله لهم وتدبل امكانياتهم ! ..



هنا يالسبيشل ون اختبارك الحقيقي ! .. وواثق انك بتتخطاه ! ..
انك تخرج فريقك من الازمه ذي ! .. وتنهض به بأقرب وقت ! ..

وعندي ثقه بك ! .. وثقه كبيره انك بتنهض بالفريق وبتاخذ بثأره في السنتياغو ! .. وتجعل الحشره الي خلفك يبكي ! ..

انا ماادري بس متفائل كثير بأحداث النوكامب انها تغير الكثير من فكر الجمهور المدريدي والاعبين نحو برشلونه ! ..

قفله :



افضل سيناريو لعوده البرازيلي

إقتباس الرسالة الأصلية كتبت بواسطة loove هآردلك ، شبـآب .. المستوى المعهود مآكـآن في يومه أمسّ ، لـكن نتدآركّ الاخطآء من الأن أفضل من مرآحل متقدمه .. مآ وديّ أتكلم كثير عن المبآرآة لأني مآودي أسويّ نفسي متفلسّف ورآعي تحليل .. وبـ أستفسر عن حآلتين عن مبآرآة أمس : - تبديل مآرسيلو بـ أربيلوآ ، وتبديل لآس بـ ـآوزيل ؟! والفريق كآن خآسر ؟ يّ شبآب أبغى تحليل منطقي لتبديلآت الموَ ؟ ولاتنسونَ المبآرآة الجآيه قدآم الخفآفيشّ ، والخفآفيش هالسنه يخوفّ .. ولازم الأعبين يعدونّ هالمرحله . ومعآك يّ المرينقيّ ، عَ الحلوة والمرة

أوزيل كان شبح وبمجرد ما تجيه الكورة يوصلها بشكل خاطيء أو يحاول يتخلص منها بأي طريقة

ومارسيلو من يوم يومه غبي وسبب ثغرة خرافية بجهته الولد بس يضم للقلوب بشكل غبي ولا طال بلح الشام ولا عنب اليمن !!

متأكد لو مورينهو كان متوقع هالمستويات كان بدأ بأربيلوا أساسي ولاس ديارا : )

يا ما قلت مارسيلو عاهه وأربيلوا أفضل وتقولون تطور الولد ،، طلعت علوم الولد بأول اختبار ^^

المباراة فيها فوائد ترى ،، أولا بينت مستوى مارسيلو الحقيقي وإن شاء الله من فالنسيا يدفي الدكه

ثانيا وهذي نقطة مهمة جدا أوضحت حاجة الفريق للاس ديارا وإن شاء الله يكمل الموسم

ثالثا بينت أخطاء كبيرة جدا بالدفاع وإن شاء الله السبيشل ون يعدلها بأفضل طريقه وهذا واحد من تخصصاته

خبر إصابة هيقوين لشهرين إن شاء الله يكون صحيح ،، عشان ياخذ البنز فرصته الحقيقية

إقتباس الرسالة الأصلية كتبت بواسطة abo-zeed ياعيال تشابي الونسو كاتب على الفيس بوك Gonzalo Higuain Out For 2 Months ! صحيح هالكلام

يس هيجوين خارج الخدمه لمدة شهرين بسبب انزلاق غضروي وسوف يجري عمليه !

والنادي يتجه الى التعاقد مع هوجو الميدا في يناير !

بس تبون الصراحه ماعاد تفرق معي عقب الخساره الفاضحه