|| رابطة ♥ عشاق الملوك ♥ 2010 / 2011 ♥ || - صفحة رقم 394 - نادي الهلال السعودي - شبكة الزعيم

يمكن A عشقتك ؟ · #5896 04/11/2010, 04:43 AM

تقييم لاعبيننا من موقع اليورو سبورت :

Casillas 6.7

S. Ramos 6.5

Pepe 5.7

R. Carvalho 6.1

Marcelo 6.4

S. Khedira 6.3

X. Alonso 6.5

Á. Di María 6.8

M. Özil 7

Cristiano Ronaldo 6.4

G. Higuaín 6.8

البدلاء :

R. Albiol 5

K. Benzema 6.4

Pedro León 7.1

eurosport

Madridi · #5897 04/11/2010, 04:52 AM

تحديد موعد مباراة ريال مدريد وخيخون

تم تحديد المباراة لتلعب يوم الاحد الـ 14 من نوفمبر في تمام الـ 9 بتوقيت مكة المكرمة .

Real Madrid C.F. - Official Web Site - La Liga, Matchday 11

غدا :

ديلاريد سيكون برفقة خورخي فالدانو في مؤتمر صحفي بقاعة المؤتمرات في البرنابيو .

Real Madrid C.F. - Web Oficial - Jorge Valdano y De la Red comparecer

Madridi · #5898 04/11/2010, 05:03 AM

مقتطفات من حديث مورينيو لوسائل الاعلام التلفزيونية:

Mediaset

مع كاكا سنكون اقوى بكثير ، انه لاعب رائع ، يجيد التحرك العمودي والافقي وبدون
كرة ، سيجعلنا اقوى في صناعة اللعب وفي ادارة المرتدات ، نحن ننتظر عودته فهو
جزأ من فريقنا ولا صحة لما يشاع ، هو فقط يريد العلاج الجيد لعودة منتظرة .

Rai

انها مباراة كبيرة لفريق يملك عددا كبيرا من الشبان كريال مدريد ، هي مباراة تفيد
الشبان وتعلمهم فهو لقاء كلاسيكي بين فريقين تشبعا من الالقاب كعدد ولكن يبحثون
عنها دائما .

اضعنا فوزا سهلا كان في المتناول لاننا ارتخينا قليلا ، وهو امر جيد لنتعلم مستقبلا ،
حتى التعادل جاء بهدف من خطأ فردي واخر من حالة تسلل ولكن لا اريد الحديث عن
الحكام رغم اخطاءهم . الامر الذي اريد الحديث عنه هو انني سعيد جدا لانزاغي فانا
معجب به وبتفانيه .

الجزيرة الرياضية :

بالتأكيد الميلان يجب ان يكون سعيد. كانت تبدو المباراة بعيدة عن متناوله ، ولكن في
نفس الوقت ليس بإمكانهم ان يكونوا سعداء جدا لانهم كانوا قريبين جدا من الفوز ، نحن
كنا اقرب لمضاعفة النتيجة في الشوطين الاول والثاني ولكننا تأخرنا في النتيجة وعدنا ،
الان نملك 10 نقاط في الصدارة ولا اعتقد ان ميلان سيواجه مشاكل في طريق التأهل .

ملك بلا مملكه · #5899 04/11/2010, 05:57 AM

والله قهههههههههر نتعاادل مع ميلان والله مبااراه سهله جدا واخطااء بااايخه من بيبي و كاسياس ولا التسلسل
لكن اكثر شي عجبني ان الريال اليوم مصصصصر انه يجيب التعاادل لو بالمووت

^ABO FaHaD^ · #5900 04/11/2010, 06:27 AM

الحمد الله ع التعادل المتاخر

بس الملكي يستحق الفووز

والتحكيم لاتعليــق .؟

بيدرو لك مستقبل كبير مع الملكــي ,,,
بالتووفيق بوم الاحد امام الاتلتيكوو ..

المتميز 55 · #5901 04/11/2010, 06:41 AM

السلام عليكم ورحمة الله وبركاته
الحمد لله على التعادل
وانشاء الله نشوف الافضل في مباراة اتلتكو مدريد
متى بيرجع كاكا شباب ؟

عاشق الميرنجي · #5902 04/11/2010, 07:44 AM

منذ زمن طويل لم ارى الريال بهذه الشكل بهذه الروح والعزيمه
لا ييأس اطلاقا وينافس حتى الرمق الاخير عكس المواسم الاخيره
طبعا كل هذا جاء من عمل مورينيو

مورينيو زرع في اللاعبين حب الاصرار والعزيمه والقتاليه وعدم
الاستسلام
مباراة اليوم تكاد تكون نكته بصراحه
الميلان لايستحق التعادل ولا يستحق ان يحصل على نقطه وحيده

الشوط الاول حسيت اننا نلعب في البرنابيو

شغل وطقطقه وفرص سهله ضايعه
وخاصة من دي ماريا اللي سوى حفله في الدفاع بس للاسف ضيعها

الفريق بادي يعتمد على اللعب الجماعي والتمريرات القصيره
وفريق الميلان تعب كثير من الجري خلف اللاعبين

مع سبشل ون ننتظر مدريد عظيم وكبير وبطل .

إقتباس


	بيبي : التعادل نتيجة جيدة

اسمحلي بيبي
انت من اهديتهم التعادل والا هم مو كفو الا تسللات

ايه نعم الميلان عجز عن تكوين فرص حقيقيه
وبيبي اهداهم فرصه حقيقيه وكاسياس كمل لهم الفرصه
صديقي البرشلوني دائما يقول لي كاسياس يصد اصعب الكرات
ويدخل مرماه اتفه الكرات وهو صادق

إقتباس

افضل لاعب في المباراه على الاطلاق

اخفى رونالدينيو وقدم مباراه خرافيه وقتاليه

ياليت تستمر يا راموس على المستوى

التحكيم اليوم سيء سيء سيء جدا
اباتي قام بضرب رونالدو ويستحق الطرد
ولقطه اخرى عطل هجمه للدون وكان يستحق كرت اصفر
ثاني وما شفنا شي يعني مرتين كان لازم يطرد

انزاغي قام بضرب الونسو ويستحق الطرد
جاتوزو من بداية المباراه وهو جزار ويستحق الطرد
تسسلل واضح وضوح الشمس وامام حكم الرايه وابو الشباب قاعد
يتفرج ولا كأن فيه حاجه

عالعموم الريال قدم مستوى راقي ومشرف للكره الاسبانيه
ويستحق الفوز من الشوط الاول لكن وش نقول !!

بالتوفيق للملكي

RAAD-12 · #5903 04/11/2010, 08:31 AM

هاردلك التعاد

ل الي مفروض تنتهي المبارة بفوز مدريد...(-:
الحك

م كان اسوء من السيئ تغاضي عن حالات ضرب والهدف التسلسل...(-:
لكن هذا الريال لا يموت

...(-:
اليوم المو

كان داهية الدواهي هذا يتصور المبارة

قبل حدوثها وتقع...(-:
اللاعبين اليوم بعضهم لم يكن بالمستوى

لكن الاهم التأهل

...(-:

هيجوين

وبنزيما

ترانا نعاتبكم لاننا نحبكم
وقدمتوا مبارة راقية

نجم المبارة راموس

أبو ميار · #5904 04/11/2010, 09:38 AM

مبروك التأهل يا شباب ..

ولكن التعادل بالأمس لم يكن عادل من وجهة نظري نهائياً ..

الشوط الأول وتحديداً من الدقيقة العاشرة الى الدقيقة الـ 35 كان من المفترض الخروج على الأقل بهدفين من الهجمات المتتالية ..

بغض النظر عن هذه المباراة ولكن المشكلة الكبرى حالياً هي إضاعة الهجمات أمام المرمى وهو ما شاهدناه في مباريات الدوري ودوري الأبطال ..

يجب على المهاجمين التركيز أكثر والتعامل بجدية أكبر فقد تأتي مباراة لا تحصل فيها سوى فرصة أو فرصتين ..

الريال يسير بالطريق الصحيح وبغض النظر عن أني أشجعه أو متعصب له ولكن هو أفضل من يقدّم كرة قدم حالياً ..

سيطرة وأداء وتكتيك عالي ولاعبين على أفضل مستوى ينقصهم التركيز في الهجمات لا أكثر ولا أقل ..

شكراً ونتمنى الفوز في المباراة القادمة لنحسم أمر الصدارة ..

شكراً

San Madrid · #5905 04/11/2010, 09:47 AM

بسم الله الرحمن الرحيم ..

بعد غيآب طويل جداً عن الرآبطة .. إستمر قرآبة الـ 8 أشهر ..
أعود لكم من جديد .. مع التنويه يوزري السآبق " هلآلي وسيد زمآني "

ع العموم جهد جبآر اللي تسوونه بـ الرآبطة سوآء من ترجمة ..
او من مسآبقآت .. أو كذلك من فقرة التصويت التي رآقت لي بكل صرآحة

كسر القآعدة وسجل أمآم فريق كبيير ..
بسس هذآ ما يعني ان مستوآه كويس السنه هذي !
البنز افضل وهذي وجهة نظر .. فـ البنز يأخذ فرصة قليلة .. ( عشر دقآئق - ربع سآعه )
ويسوي شي بالمتش .. فـ مآ بالكم لو لعب شوط كآمل .. بكل صرآحه مستوآه هـ اليومين ممتآز
وتركيزه العآلي بالملعب ينفعنآ كثيير .. يعني شوفو بسس كيف الثرو اللي جا لـ بيدرو ليون

بغض النضر سوآء غلط ولآ لأ .. بسس كان مقدم متش كويس ..
واهم شي سوآه انه يلعب على امكانيآته .. عآرف حدوده .. عآرف انه اذا تعدا امكانيآته بيغلط ويسجل فينآ ..
بسس بشكل عآم مستوآه كآن كويس .. والتعآدل مكسب قيآساً على ظروف المبآرآة
ولو نروح لـ الأحقية حنآ نستآهل الفوز وهذي مافيهآ أي جدآل أو نقآش !

هذآ البطل

.. بكل صرآحه ما قصر .. ظهير خورآفي !
أخيراً حسيت عندنآ فريق يبرد القلب .. يعيد لنآ هيبتنا .. كبير يـ مورينهو

!
بكل صرآحه مورينهو قدر يوآزن بين تقدم الظهيرين .. في حآلة تقدم رآموس يرجع مآرسيلو
ويغطي خضيرة مكآن رآموس ويكون الونسو لاعب منتصف ميدان !
استقعد لـ رونالدينهو اليوم

!

مآ نبي مآيكون ولآ نبي أحد .. اذآ رتم مآرسيلو بـ يبقى كذآ ما نبي مدافعين بـ الميركآتو

!
إلآ اذآ جآنآ قلب دفآع احتيآطي .. أو يجينآ اسم قوي .. وبيبي يدفي الدكة

!
بكل صرآحة مآرسيلو مستوآه أمس عال العآل .. قدم كل شي .. مهآرآت فنية اوفرآت بالمقآس !
تحرك بدون كورة سليم .. بسس اشوف لو يطور نفسه من الناحية الدفآعية بيكون أفضل بكثيير .. هذآ ما يعني ان مستوآه سيء بالعكس هو احد نجوم المبآرآة

!

عبدالعزيز

أبو ميار · #5906 04/11/2010, 09:51 AM

^^^

أهلاً بعودتك ..

مارسيليو أشوفه من أهم اللاعبين بالفريق ..

رغم التحفّظ من الكثير ولكن أغلب الهجمات الخطرة تبدأ من جهته ولكم الرجوع إلى مشاهدة الهجمات الخطرة من أين تبتدأ وتجدون له مساهمه كبيرة فيها ..

أتفق معك في نقطة الدفاع .. وإن شاء الله يكون الظهير الأيسر العصري للريال لسنوات قادمة .

البلانكو10 · #5907 04/11/2010, 10:37 AM

باك على الصبحيه

! ..

بصراحه كان في راسي كثير ابي انزله بس الوسخ ابو يوسف

مااخلى شيء الا قاله ماشاء الله

! .. وكان ودي ارجع لهيغواين بس رئيس الرابطه المخلوع مستقبلا قفل الدنيا

! ..

انا ابي اتكلم عن هيغواين حاليا ! .. بعد مباره الميلان اقصد خخ < يعني مهو مره في النقاش ! ..

هدف هيغواين مع الروح وقوه الشخصيه الي اظهرها الفريق ! .. اهم شيء خرج فيها الفريق في مباره الامس ! ..

هيغواين بالخصوص ! .. الهدف ذا بيعني له الكثييير وبيشيل منه الكثير ! ..
مشكله الشباب الله يصلحهم يحسبون ااننا ضد هيغواين ! .. ابد نحن مهو ضد هيغواين الا نأمن بأن هيغواين موهبه كبيره ومهاجم من طراز عالي بس انه كانت عنده مشاكل كبيره في الحسم والتسجيل امام الكبار وكان يختفي تماما امامهم غير بعض الفترات الي يألف فيها ويتانن ويفقع قلوب المحبين خخ

! ..
بس ذا كله مايعني اننا ضد الاعب ولا ضد موهبته ! .. واتوقع لو تسأل اي من الناس الي كانوا يطالبوا بمهاجم او ان الطعس ينركن في الدكه وتقوله وش شعورك بعد هدف هيغواين امام الميلان بيقولك دايركت انه فرح فرحتين فرحه بالهدف وفرحه لهيغواين نفسه ! ..

انا من الناس الي فرحت بهدف هيغواين اكثر من هدف بيدرو ليون !! .. لان هدف بيدرو ب نقطه بس هدف هيغواين بأخراج افضل ماعند مهاجمنا الاول ! ..

الهدف ذا بالتحديد اشوف انه بيكون منعطف ايجابي لطعسنا ! .. منعطف يشيل من امامه رهبت المباريات الكبيره ومباريات الحسم وبيعطي هيغواين راحه اكثر وتركيز اكبر وتوتر اقل من ناحيه انه يبي يثبت انه مهو لاعب الفرق الصغيره بس ! ..

وزي ماقلت صافيه لبن ياطعسنا

! .. وسير للأمام يابعدي

< من زمان مااحطيت قلبين لهيغواين خخخ هذا كله بس اثبات انها صافيه خخ ! ..

نرجع للفريق في السان سيرو ! ..
اذا فريقك يلعب على ارض زي ارض السان سيرو ويلعب به بأسلوب وكأنه على ارضه ! ..
يتناقل الكرات ! .. ويضغط ! .. ويحتفظ بالكره ! .. ويستعرض ! .. ويقفل تماما على اهم عناصر فريق الميلان ! .. ويملك قوه دفاعيه ( بغض النظر عن الاخطاء الفرديه القابله للتعديل ! ) .. ويملك قوه هجوميه ( بغض النظر عن الفرص الضائعه القابله للتعديل ! ) .. وذا كله مع عدم ظهور افضل لاعب عندك الي هو رونالدو بأفضل ماعنده ! .. وماننسى انك تملك لاعب خارج دكتك وخارج تشكيلتك حاسم ولسه مالعب زي ريكاردو كاكا

! .. وعندك مدرب مثل الداهيه على الدكه ! ..
فأنت عندك مفاتيح الفوز بالابطال

! .. وبصراحه مااللوم الماركا على غلافها التفائلي ! .. لان بعد مباره الامس اتوقع ان الكل فكر بنفس الفكر لما شاف فريقه يفرض شخصيته واسلوبه في السان سيرو ! ..
حتى الروح ! .. يارجل يكفيك البنز بعد الهدف الثاني وكيف فرح خخ ! .. هذا وهو ميت ونايم خخ

! ..

وزي مااكنت اتمنى اول وقد قلتها ! ..
ابي فريق اذا لعب في الابطال ماايتمنى الحظ يوقف معه ! .. يتمنى بس الحظ ماايكون ضده ! ..
واتوقع ذا الشيء موجود في فريقنا

..

الامور ذي حدثت بشكل سريع بصراحه ! .. وبسرعه ممكن ماايتوقعها حتى مورينهو ! .. ان الفريق يوصل للمستوى ذا بهذي السرعه ! ..

بس لو نوقف شوي ونسأل :
هل الفريق وصل لأعلى مستوياته ؟! .. خخخخ طبعا لا خخخ ! ..
يعني مع كل ذا التفائل الفريق لسه عنده اكثر من كذا بكثير ! .. لان الفريق لسه ماااستكمل انسجامه ولسه مااتشبع بفكر مورينهو ! ..

الفريق لسه عنده الافضل ! .. ولسه عنده القوه الاكبر ! .. ولسه عنده عناصر ماااخرجت كل الي عندها ( زي بيدرو ليون والبنز وكناليس ! ) .. وعنده عنصر قادر يقلب موازين فريقك وينقله نقله كبيره في الحلول زي كاكا الي لسه ماارجع

! ..
وكل ذا ومع ان فريقك باقي يحتاج وقت اكبر عشان يوصل لأعلى مستواه ! .. وتكون مرشح كبييير للفوز بالابطال ( يارب ) ! ..

اتوقع لنا الحق اننا نفخر ونهايط هل المره بحق بفريقنا وبمدربنا

! ..

كل التوفيق للريال .. ونتمنى الفريق يواصل ويستمر على النهج ذا وزود الى نهايه الموسم

سليل السيف · #5908 04/11/2010, 11:08 AM

هاردلك مدريديه على التعادل .. !
بناءً على المستوى الريال لعب مباراه جيده جداً وكان افضل من الميلان ماعدا بالشوط الثاني ..
ريال مدريد هالسنه غير .. غير عن كل سنه .. غير عن آخر ست سنين بالأبطال ..
كنت متخوف ببداية السيزون من مورينيو .. عارف انه مدرب كبير ..
بس بالبلوز والانتر كان مدرب دفاعي .. وبلغريني رجّع مدريد للمتعه واللعب السريع والطقطقه..
ببداية السيزون كان عندي شك بأفكار مورينيو ..
ما كانت عندي ثقه في فكره الهجومي اللى كان يحاول يطبقه بالفريق ..
شيء ماهو مألوف من مورينيو انه يهاجم ويسيطر على الملعب ، كـ فكر عام كان الواضح انه ماشي على نهج بلغريني مع تعديلات بسيطه بالتشكيله ..
لكنه جلس يعاني هجومياً ببداية السيزون ولا قدر يقنع الجمهور ..
لكن الأوضاع ضبطت مع مورينيو بعدين ..
فيه امور مهمه تفوق فيها مورينيو على بلغريني وفيه شغلات اتوقع اننا بنعاني بسببها بعدين !
اهم الأمور اللى تفوق فيها مورينيو هو الجانب النفسي ..
اللى شاف مدريد العام الماضي بالأبطال قدام الميلان ويشوفه الآن لازم يلاحظ الفرق ..
ثقة اللاعبين بأنفسهم ، تركيزهم بالمباريات ، الجديه ، الانضباط التكتيكي
وياليت تحطون عشرين خط على نقطة الثقه بالنفس
لأن هالشيء هو اللى فارق للآن مع مدريد بالأبطال ..
مايهم وش اللاعبين اللى عندك اذا هاللاعبين ما يثقون بأنفسهم او عندهم شك ان فريقهم يقدر يتجاوز الصعوبات ..
صحافة اسبانيا صحافة وصخه ، وتضغط اللاعبين بطريقة لا تحتمل
وبالذات بالأبطال و وصلت وصاختهم ان حتى الصحافة اللى محسوبة على النادي
تنشر خبر استقالة مدرب الفريق قدام اهم مباراة له بالأبطال " احد قال كابيلو قدام البايرن "
والنتيجة 6 مرات نطلع ..
ميزة مورينيو انه قادر يشيل الضغط عن لاعبينه ، تعامله مع اللاعبين مثالي ..
تصريحاته عن بنزيما تعطيك فكرة واضحه عن مورينيو
وحتى مطالبته بدور اكبر لزيدان المقصود بها انه يبي زيدان يدعم بنزيما معنوياً
ويحوطه تحت جناحه ويكون مرشده !

// نرجع للمباراه //

الشوط الأول الفريق كان بيرفكت ..
سامي وألونسو جالسين يقدمون مستويات مجنونه بالوسط
استرجاعهم للكورة سريع ونسبة التمريرات الصحيحه عاليه ومساندة هجومية رهيبه
فيه نقطه مهمه غابت على الوسط وهي التمرير الطولي من عمق الوسط للمهاجمين بشكل سريع ويلخم .. كانت نقطة قوة الريال بالمباريات السابقه واليوم ماشفناها ..
اوزيل ادى مستوى جيد إلى حد ما بهالشوط لكنه ما ساند رونالدو بفعاليه وخلاه لوحده كثير ..
كثير من اللقطات رونالدو معزول و ما يلقى حلول بالتمرير إلا انه ينتظر مساندة من مارسيلو
وهالشيء حد من خطورته بشكل كبير ، خطورة الريال كانت بـ دي ماريا اللى من جد يستاهل المدح على انضباطيته الكبيره دفاعياً وهجومياً .. هالبعرصي بثر بشكل ما يطاق

..
الشوط الثاني تراجع الريال كان له اسباب ..
جزء منها ان الفريق كان يبي يهدّي اللعب ..
والشيء الثاني ان رونالدو واوزيل وهيغواين جالسين
يسحبون رجولهم وما عاد يضغطون على محاور الميلان ودفاعهم مثل الشوط الأول ..
اوزيل كان خارج جو اللعب تماماً والمفروض انه يتبدل مع بداية الشوط الثاني
لكن هنا نرجع للغلط اللى سواه مورينيو انه ما جهز بديل لأوزيل من البدايه ..
مافي لاعب بالدكه بنفس مواصفات اوزيل ..
اصلاً بالريال حالياً مافي بديل لأوزيل إلا كاناليس ..
ودامك يا مورينيو عارف ان اوزيل ما يقدر يكمل لك مباراه كامله بنفس الرتم
ليه ما جبت كاناليس معك ؟!
حتى لو سلّمنا انك غلطت وما حسبت هالشيء ..
انت متقدم بنتيجة 1-0 ..
ليه ما نزلت جرانيرو بدل من اوزيل اللى مايقدر يعطيك فايده بالهجوم ؟
منها تغري الميلان انه يتقدم وبالتالي يترك مساحات بالأطراف وخلف المحاور لرونالدو ودي ماريا ؟!
حتى بعد اهداف الميلان اللى كانت بأخطاء بيبي وسوء تقدير كاسياس تعامله مع اللى صار كان اي كلام
والأمور مثل ما قال انها مشت معه وكان محظوظ ..
تغييره لبيبي ما كان له داعي ابداً ولا فائده ..
يعني وش الحكمه من انك تطلع بيبي وتدخل بيدرو ليون ..
وش التغيير التكتيكي الكبير بهالحاله .. تبي تلعب بثلاث مدافعين ..
فيه حل افضل من انك تطلع بيبي وترجع راموس مكانه
وتخلي العالم كلها ما تدري وش مركز ليون ودي ماريا بالضبط !
كان يمديه يعطي اوامره لـ مارسيلو انه يتقدم للجناح
ويصير دفاعك " بيبي / كارفاليو / راموس " فقط
وبهالطريقه تعطي رونالدو الدعم اللى يحتاجه من بدايه المباراه وتشيل اوزيل وتنزل ليون مكانه
وتخلي ليون يتبادل المراكز مع دي ماريا وخلاص ..

FLORINTINO · #5909 04/11/2010, 11:15 AM

بغض النظر عن الأخطاء التحكيمية .. شوفوا المبـارة بنظرة ثانية .. وركزوا على النظرة الفنية للفريق بشكل عام خلال 90 دقيقة .. شخصياً مبسوط جداً من مستوى الفريق
في هالمبارة والي عوضني بنسبة كبيرة على النتيجة .. ريال متسيد وريال فرض شخصيته على ميلن الكبير في السان سيرو .. ولولا لطف الله بهم كان صارت حفله اهـداف
وهذا بالنسبة لي شي مهم جداً .. السؤال هنا ! .. من كان يتوقع الفريق يوصل لـ هالمرحلة من الأنسجام والأداء في هالفترة ؟؟ .. لما نرجع لوقت القرعة الغالبية ما تمنت
ان الفريق يكون في مجموعه قوية لـ أسباب منطقيه في وقتها ابرزها ان الفريق راح يكون عظمه طري ومابيظهر كل الي عنده وليش لا ممكن يودع بدري .. الي صار
حتى الآن ان الفريق متصدر مجموعته بدون اي هزيمة ومتأهل لـ الدور الثاني ولو انه مو طموح بس لمجرد اننا نشوف النقله النوعية الي صارت للفريق في هالفترة
الزمنية القصيرة .

مبروك لنا المستوى الممتع ، ولاتعليق على النتيجة !!

احلى خبرين في هالمبـارة .. راموس - هيغوايين .. رجعت هالأثنين بمستواهم المعهود بينذر بمباريات مجنونه جاية منهم .. بأتكلم عن هيغوا اولاً .. ويعذرني سليم فيهـا
لكن التطرق راح يكون مقارنة بسيطة جداً بعيداً عن التسجيل على الفرق الكبيرة ولا الصغيرة .. الكلام على المستوى !! .. هيغواين لعب احلى مباره له هالموسم امس ، كلنا
شفنا هيغواين يتحرك ويمرر ويظهر ويسدد .. لما ترجع لـ سجل هيغواين في المباريات الكبيرة غالباً ما يكون مختفي .. لكن أمس !! .. هيغواين هذا الي نقول عليه الي
يظهر في كل المبـاريات لأن الأمكانيات عنده وكل المقومات الي يتطلبها بروز اللاعب موجوده من مدرب لـ فريق مساعد لكل شي .. متفائل جداً بـ هيغواين في المستقبل
وان شاء الله تكـون بداية الأنطلاقة لـ الأفضل يا بيبيتـا .

راموس !! .. هنا تظهر قيمة راموس افضل ظهير ايمن في كأس العالم .. بصراحة ما توقعت 1% ان راموس بيكون في هالفورمة .. بالعكس كنت متخوف منه وتمنيـت
مورينيو يبدأ بـ اربيلوا الأجهز قبل المتش .. لكن راموس و بهـ المستوى .. كسبنا رجعه ظهير ايمن .. وبكذا بتكون عندنا جبهتين مجنونه مع مارسيلو على اليسار .

==

نهـاية الأمر .. قبل المتش أكيد تمنيت الفوز .. لكن توقعت التعـادل .. وهالكلام كان بيني وبين ثامر امس قبل المتش .. فـ التوقع الأمثل اننا نطلع بتعادل وهذا مكسب
بالنسبة لنا بغض النظر عن المستوى .. حكاية لعنة السان سيرو وهالحكي الفاضي .. ما يهمني ابداً دامني طلعت بنتيجة ايجابية والأهم ما طلعت مهزوم .. كلامي على
النتيجة المسجلة في نهاية الأمر بالنسبة للشخص الي ما شاف المتش .

==

رؤوف خليف !! ..
كسبت كره المدريديستا العرب .. تحيز بشكل مش طبيعي لدرجة اني لأول مرة اغير المعلق
لـ الأنجليزي ورؤوف هو الموجود على التعليق العربي .. شكراً لـ الجزيرة على هذا التحيز

==

سرقة للوقت عشان ارد خخ .. اخر اكزام قبل الأجازة عندي السبت .. دعواتكم

لين شيخه الزين · #5910 04/11/2010, 11:33 AM

مجرم ذا

بس داهية بـ ما تعنية من كلمة غير الريال تغيير بـ شكل كبير خلا المجموعه متفاهمة بوقت قصير و وضحة طريقتهـ وعمله بزمن قياسي

نبي نستمتع بـ الكلاسكو إن شاء الله