المكان: ♥ الحًمد لله,الحًمد لله♥سبحًان الله وبحمدٍه,سبحًان الله العظيــًم●
مشاركات: 1,501
صباح الخير
الف مبروك الفوز .. تستاهلون
تحليل فني بسيط للمباراة
بدأ مورينهو المباراة بتشكيلة مكونه من :
كاسياس
مارسيلهو - بيبي - كارفاليو - اربيلوا
خضيرة - الونسو
خضيرة
كريس - هيجواين - ماريا
ومع ان مورينهو بدأ المباراة بنفس التشكيلة في المباريات السابقة إلا انه غير في التكتيك كثيرا فقد بدأ بألونسو كصانع لعب ثاني وأوعز في بداية المباراة مهام هجومية اكثر لطرفي الهجوم وطرفي الدفاع ليترك خضيرة وحيدا في محور الدفاع .
هذا الاسلوب سبب ضغطا وارباكاً للفريق الخصم , فأن تهاجم بين ارضك وجماهيرك بسبعة لاعبين دفعة واحدة في بداية المباراة كان شيئا مفاجئا من مورينهو ومغامرة صعبة ولكنه نجحت واتت اكلها بعد تحصل الريال على اول الفرص الضائعة في الدقيقة الثالثة مما اعطى دفعة معنوية للفريق لإكمال المستوى وتحقق لهم ذلك . ليستمر الضغط المتواصل ويثمر عن ركلة حرة في قوس منطقة الجزاء سددها كريس بأناقة في شباك الميلان ,, ولم تمضي بعدها سوى 40 ثانية فقط حتى تمكن الريال من تسجيل الهدف الثاني عن طريق اوزيل بعد مجهود كبير من كريس في الاختراق الطرفي ومساعدة من رأسية مدافع الميلان.
اجمالاً .. نجح الريال في مهمته التي كانت صعبة قبل المباراة ولكن يجب التنويه في نقطتين مهمه لا يمكن التغافل عنها ,, الاولى : الاقتناع بأن الفريق الخصم لم يكن في يومه ولم يقدم حتى 40 بالمئة من مستواه وهذا ساعد من مهمة الريال والثانية : ان المغامرة قد تنجح وقد تفشل ومورينهو غامر بشكل جنوني وهذا حقه على ارضه ولكن يجب احترام الخصم ودعم الخطوط الخلفية بـ لاعبين اكثر فالجرة لن تسلم كل مرة .
نقاط من المباراة :
قلت في بداية الموسم وقبل فترة ليست بالبعيدة وأعدتها امس قبل المباراة
إقتباس
الرسالة الأصلية كتبت بواسطة ســـــهم
ودي بمورينهو يبدأ بـ ( دي ماريا - بنزيما - كريس ) في الهجوم ولو لمرة واحدة والله ان يدعي لي بس الاكيد ان هيجواين سيكون الاساسي وبنزيما الاحتياطي.
الغريب ان مورينهو وطوال تاريخه يعطي الاعب الفرصة اكثر من مرة ثم يعطيه حقه بالابعاد او الدكة ولكن مع هيجواين اختلف الامر ولا أدري ما السبب ولكن ما اعرفه ان مورينهو لن يصبر اكثر مما صبر فهو ينتضر ان تنفجر فقاعة صابون اسمها هيجواين .
* الجهة اليسرى كانت قوية ولو كان راموس موجوداً اعتقد ان الجهة اليمنى ستشكل خطرا على الخصم وقد تساهم في زيادة الغلة .
؛ كريس نجم المباراة وبقية لاعبي الريال نجوم ( باستثناء هيجواين ) ولكن يجب التنويه ان اوزيل لم يقدم الكثير مما عنده امس رغم تسجيل الهدف .
* بالنسبة لي اجده فوز عقيم فأن تسنح لك فرص عديدة وبالكوم وتسيطر على المباراة وتنتهي ( 2-0) فـ هي نتيجة جارحة في عرف كرة القدم عطفا على الفرص والمستوى ,, ولنقل ان الميلان فلت من هزيمة كادت ان تكون تاريخية .
سؤال :
وين رئيسكم ما اشوفه من مدة عسى المانع خير
سأقتبس ردي هذا في العالمية .. حبيت التواجد عندكم في الرابطة لأثراء النقاش اكثر عن المباراة
الف مبروك
موب عشان الفوز
ولا عشان التصدر اللي في الأبطال والليجا
ولا عشان هزمنا ميلان
الف مبروك
العودة
عودة الهيبة الأوروبية
من سنتين تقريبا والريال لم يفز على فريق كبير
وبالذات خارج اسبانيا
فأما تفوز على وصيفك في اوروبا
مستوى ونتيجة وإقناع
يفرق كثير في نفسية اللاعبين والجهاز الفني والجمهور والإعلام
أهم شيء في فوز امس هو
شخصية مدريد
شخصية البطل اللي فقدناها من زمان
نروح للمباراة
ذكرت قبل المباراة إن اليجري إذا دخل بوسط مكون من
بيرلو وسيدورف وقاتوزو
راح يسلم لنا الوسط والمباراة تماما
ثلاثي وسط وأعمار كبيرة وبدون مساندة من ثلاثي الهجوم
راح يتعب كثير أمام حيوية وسرعة لاعبين الريال
قاتوزو حاول مع زامبروتا يوقفون كريس في الجهة اليمنى
تعبوا خاصة مع مساندة أوزيل وأبو كدش المستمرة لكريس
بيرلو لوحده قدام الونسو وخضيرة ومعاهم أوزيل
وهذا اللي خلى سيدروف في كثير من الأحيان يميل للوسط عشان يوقف الريال من العمق
جهتنا اليمنى واللي كان فيها اربيولا ودي ماريا
لو كانت مشتغلة امس صح
صدقوني كان طلعنا على الأقل ب 4 اهداف في أول مصف ساعة
دي ماريا أمس كان ممتاز في المساندة الدفاعية مع اربيولا والضغط على سيدورف
لكن هجوميا ماقد أي إضافة تذكر غير عرضيته لهيقوين في الشوط الثاني
دور دي ماريا التكتيكي امس كان اكبر بكثير من دوره الهجومي وهذا اللي خلى مورينهو يحتفظ فيه حتى آخر عشر دقائق من المباراة
وجود رونالدينو كصانع العاب للميلان ريحنا كثير
كان فيه تداخل ادوار واضح جدا بينه وبين بيرلو وزاد الطين بله تواجد سيدروف معاهم في بعض الأحيان
وهذا اللي خلى مراقبتهم سهلة من محاورنا
ميلان اعتمد اعتماد كلي على اللعب الإنجليزي
كرات طويلة مرسلة من الوسط ل ابر وباتو
والحلو إن من مورينهو ماعتمد في الناحية الدفاعية على تحديد لاعب معين مع لاعب في التغطية
وكان يمشي بنظام اللي قريب هو اللي يمسك
فأحيانا نلقى ابر ماسكه كارفالهو ومرات بيبي ومرات اربيولا
وكان ضغط الدفاع على الهجوم في كل أجزاء الملعب وماخلوا أحد يتنفس أو ياخذ راحته
غير إن تطبيق خطة التسلل بامتياز خفف كثير هجمات الميلان
ارجعوا للمباراة ولاحظوا خط دفاعنا وتحركه
كأنهم لاعب واحد موب 4 لاعبين
وكأن واحد يحركهم بخيوط
ذكروني كثير بدفاع الانتر مع البارسا في الكامب نو
كبيييييير ياداهيتنا
العتب كان بس في كورة سيدروف اللي انفرد فيها لحاله، وقت ماكان اربيولا تارك مكانه
ميلان تلخصت خطورته في الكورات الثابتة فقط
والحمد لله كانت قليلة مقارنة بمهارة لاعبيه
ومازال فريقنا يستخلص الكورة بدون أخطاء
طبعا حيوية فريقنا وبالذات فورمة الدون وأوزيل فرقت معنا كثير في الشوط الأول
وحلو إن الهدفين جو في أول ربع ساعة عشان تريح الفريق ذهنيا ونفسيا
وتكسبه ثقة اكبر
في الشوط الثاني
الفريق نزل يلعب زي مانزل يلعب الشوط الثاني حق ملقا
يموت اللعب ويلعب بالطريقة اللي يبي
وبدون مايجهد نفسه اكثر
يشد وقت مايشد اللعب
ويرخي وقت مايبي
لاحظنا تمريرات كثيرة عرضية بين الفريق، وتمريرات قصيرة
والقصد المحافظة على الكورة اكثر وقت ممكن
اليجري بدأ يفكر في الشوط الثاني
ودخل بواتينج وروبينهو
وطلع المنتهي لياقيا قاتوزو
والغائب تماما رونالدينو
وقتها لعب ميلان صار نسبيا أسرع وبدأ يجاري فريقنا في اللعب
بس حاقها في الأخير يوم طلع باتو ودخل انزاجي
رجع رتم البطء في الفريق خاصة مع استمرار سيدورف
مورينهو اما شاف روبينهو بدأ يحرك الفريق
دخل لاس بديل أوزيل عشان يغطي الأظهرة وبالذات الظهير اللي متواجد عنده روبينهو
وبعدها سحب دي ماريا ودخل جرانيرو
عشان يقفل الجهة اليمين تماما
وبعدها قام بتغيير هيقوين ودخل البنز
وفي رأيي التغيير هذا تأخر كثير
هيقوين واضح من بداية المباراة
إنه خارج نطاق الخدمة تماما
البني آدم هذا مادري وش قصته بصراحة
قلنا قبل مايظهر قدام الكبار عشان الفريق يصير كله غايب وصعب نلومه لحاله
طيب امس وش مشكلته؟
فريقك متقدم بهدفين في أول ربع ساعة
فورمة اللاعبين اللي معاك عالية جدا
الميلان بيندفع عشان التعويض وبيصير سهل اختراق دفاعه
بونيرا امس كان عالة على دفاع الميلان
وفوق هذا كله تلعب على أرضك وبين جمهورك
والله ماعندي مشكلة لو تضيع الف كورة
او حتى تتفلسف
لكن تغيب كليا وتماما عن المباراة
هذه غريبة
كم مرة انذكر اسم هيقوين امس في المباراة!!!
المهاجم الصاحي هو اللي يخلق مساحات لزملاءه عشان التمرير
موب يوقف عند بونيرا ونيستا يسولف معاهم
امس كريس وأوزيل توب
استغلهم دام مزاجهم رايق
حتى ضغط على دفاعهم مافي
هيقوين
معليش والله مابيك تسجل
بس حسسني إني عندي مهاجم في المباراة
إذا ماتحركت في المباراة هذه متى تتحرك؟؟؟
اللاعب هذا مشكلته في المباريات الكبيرة
نفسية بحتة
واللاعب الكبير
مايصير كبير
إلا إذا ظهر قدام الكبار
وبالله ياشباب اللي بيناقشني في مستوى هيقوين أمس
يناقشني بعقلانية وبأسباب مقنعة ومنطقية
مانبيها عاطفة الله يرضى عليكم وتقلبون الموضوع مقارنات بينه وبين البنز
انا ماجبت طاري البنز في الكلام اللي فوق كله
وواضح إن مورينهو زعلان عليه شوي بعد تضييعه الغريب قدام ملقا وبردوه اللي بيجيبه ورى
أخيرا
وضح من بعض المباريات السابقة
ومن مباراة امس تحديدا
لمسات مورينهو على الفريق
وبالذات في الجانب الدفاعي
ماقد شفت فريقنا زي كذا في الدفاع
تنظيمه كان رائع
نجومية المباراة طبعا لكريس
وبعده علاطول أبو كدش اللي نجح في أول اختبار حقيقي
غير مساندته الهجومية الممتازة
بعدهم خضيرة وكارفالهو واوزيل وبعدين باقي الفريق
والأسوا للأسف هيقوين
تقريبا تأهلنا للدور الثاني انحسم
مباراتنا مع اوكسير في أرضنا بإذن الله محسومة
باقي اياكس وميلان خارج أرضنا
تعادلنا في الاثنين يأهلنا كمركز أول
وإن كنت اطمح في الفوز
وإن شاء الله موب بعيد عنا
إن شاء الله نروح السان سيرو وحنا مازلنا متصدرين الليجا
مبروك مرة ثانية للجميع
والله يوفق الازرق اليوم
أعصاب امس شيء
وأعصاب اليوم شيء ثاني تمااااااااااما
بنبرش عليكم ولا راح يردني الا المضمار وخل واحد يقولي با ..
بختصار شديد ,,
مع احترامي لعشاق الريال ,, اذا هذا الفوز تسمونه فوز او انتقام على قولتك ,, فا ما اتوقع منكم الذهاب بعيداً ,,
مباراة الأمس على قولنا بالعامية ( مباراه بايخه ) بكل ماتعنيه الكلمة يعني ميلان كان سيئ وضايع ومدري وش جاي يسوي
في المباراه امس ,, والريال من حضه هدفين جابها بأول ربع ساعه ولا ماكان بيجيب بعد هذا الوقت ,, يعني هدف الحيطه انفتحت
والثاني غير اتجاهها الاعب بالله هذا فوز ,, ادري الفوز فوز والاهداف اخطأ ,, ومبروك لكم وهارلنا ,,, لكن لو جينا على اسماء الريال
واسماء الميلن ,, كان صكينا التلفاز افضل ,, مباراه كل الطرفين لم يقومون ولا بربع مستوياتهم ,, لكن كرستيانو في تصوري اكثر
من كان له الكلمه ,,
بالجانب المدريدي :
كاسيس - ماجاته كور غير الفاول وماقصر ,
مارسيليو - ماخذ الحرية الكاملة لكن ما تقدر تقول انه مأدي لاعب روحته مثل رجعته بلا فائدة ,
بيبي - في نزهه ,
كارفاليو - ايضاً لكن اكثر حركية ,
اربيلوا - على الواقف ,
الونسو - ضايع ماسوى الفارق ,
ابو خضيرة - بذل جهد طيب ,
اوزيل - كثير الحركه والحيوية ومسوي شغل مع رونالدو ,
رونالدو - النجم الوحيد في الليله الممله ,
هقوين - ماكنه موجود ,
دي ماريا - حاول التحرك ولكن بلا فائدة ,
________________________
الجانب الميلاني :
اميليا - هو الفارق في المباراه ولا يتحمل الهدفين بل انقذ هجمتين اهداف ,
انتونيني - اداء الي عليه وبلا نزعه هجوميه ,
بونيرا - الله ياخذك ويفكنا منك لاعب والله حده ولا بلاش بس الي بقوله مايستحق ميلان ,
نيستا - الله يعين لا رحت عن ميلان وش بنسوي ,
زامبو - اداء الي عليه بس مافيه احد يحيه ويسانده في الهجمات ,
بيرلو - كأنه مروحه قعادية ماغير يدور بالملعب ,
جاتوزوة - فاهم الشرح حق اليجري غلط يعني مستلم طيران على الهواء ,
سيدورف - مدري وش يحس فيه يوم يوخر عن الكوره وهو في الحيطه ,
روني - كفاني عذاب الله يجازيك بأفعالك ,, لاعب خلاص لو نموت ويسوي الي يسوي خلاص لاعب انتهى لا ماوالله يرجع لمستواه الي كان في البرسا ,, اتمنى نهاية الموسم يطلع ونستغل عرض جالاكسي ,
ابرا - بكل ماتعنيه الكلمه كأنه يلعب حركه صنم ,, يتحرك 20 ثانية على حد اقصى ويوقف ساعه ,, ادري الوسط ماسانده بس الاعب نفسه كأنه مااااااااال ,
باتو - والله لو تركض الى الاسبوع الجاي مهاجم بلا مسانده مع الوسط ماراح يفلح ,
طبعاً باقي الاحتياط بس والله تعبت احلل واقرق ,,
باالأخير مبروك لريال ,, هارلك ميلان ,,
حبيت اني ارد عليك اخوي
تقول ان الريال من حظه انه جاب هدفين
طيب تراها كانت قابله للزياده لو كانوا اللاعبين مستغلين الفرص المهدره يمكن كانت فضيحه 5 او 6 بس ربك ستر
المهم والله كنت كاتب رد لك وش كثره بس انمسح والله حسافه
نجي للتقيمك للاعبين
تقول ان كاسياس ما جاه شي هذا من قوه وصلابه دفاعنا واسمحلي اقول ان هجومكم فاااااااااااااشل البارح
مارسيلو تقول ان روحته مثل رجعته طيب كيف يقدر يخترق دفاعكم الممتاز
نجي لالونسو تقول انه ما سوى الفرق طيب كيف تبيه يلعب يعني تبيه يروح يجيب قووول..؟؟؟؟!!!
مشرف منتدى الجمهور الهلالي ورئيس تحرير مجلة الزعيم
تاريخ التسجيل: 01/11/2006
المكان: الرياض
مشاركات: 5,022
مبروك لمدريد .. مباراة قدم فيها أبناء جوزيه مستوى ونتيجة اقنع فيها المتابعين والجماهير .. فريق يدافع من منتصف الملعب ،،و يخلق العديد من الفرص المحققة وبطرق متنوعة .. سيطرة على كافة أرجاء الملعب ، والتحكم برتم المباراة ،، يمكن أن نقول أن ما يعاب على الريال أمس هو إضاعة الفرص السهلة .. أما الميلان من السهل جداً أن نقول أن الخاسر لم يكن في المستوى وأن الفريق المنتصر استفاد من ذلك .. ولكن ما شاهدناه في مساء البارحة من مستوى للميلان الكبير هو بسبب قوة الريال أمس ..
حقيقة مورينهو يعرف كيف يضبط الدفاع وهذا اللى حببني فيها مدرب له لمسة واضحة في دفاع أي فريق يدربه ،، وإذا أحد يبي يتأكد من ذلك ليعود لطريقة لعب مدافعي تشلسي أيام جوزيه ومدافعي الأنتر الموسم الماضي ومدافعي الريال حتى الآن .. دفاع لا يلعب بالنار .. يلعب بالروح والضغط على حامل الكرة بشكل قوي لا يعطي مجال للمهاجم بأن يفكر كيف يلعب الكرة .. إضافة إلى التمركز داخل المنطقة في حالة الدفاع والتمركز خارج المنطقة في حالة الهجوم ..
طبعاً هنا لا أنسى الدور الذي يقوم به ( الونسو / خضيرة ) من استخلاص للكرة بدون أخطاء محرجه للفريق ، تمركز وتغطية للمنطقة الأخطر في الفريق والتي كنا نعاني منها في المواسم الماضية ،، والأهم أن الثنائي يجيد بناء الهجمة سواءً البينية أو السريعة .
صفقة دي ماريا أعتقد أنها أظهرت نجاحها من بدري ، لاعب أستطاع أن يكسب ثقة جوزيه يجيد مساندة الظهير والضغط على الخصم في ملعب الخصم بشكل جيد ولكن يعاب عليه أنه يكثر من التسديد بشكل غير مجدي .. كما أن طريقة بالتسديد واضحة ولا تحمل أي سمات المفاجأة ...! لكن يظل أنه إضافة للفريق ..وننتظر منه المزيد
كرستيانو يكفي أن نذكر أسمه فقط مع الفريق لاعب مجنون حماسي يستطيع أن يفعل كل شئ في كرة القدم ... كرستيانو لا تعليق ..
كل ما يحدث في الفريق هو عبارة عن جمالية في الأداء وروح وقتالية من اللاعبين ،، ودهاء جوزيه من وراء هذه المقولة عدنا لتحترمنا اوروبا من جديد
نقاط سريعة .. أعتقد بأن جوزيه يجب أن يركز كثيراً على الكرات الثابتة والتي تكون على الأطراف والتي لا يستفيد منها الفريق خاصة وأن الفريق يكسبها بشكل يشكل منها أهمية .. الهجوم في الريال يبدوا أنه الحلقة الأضعف في الفريق ، بعد أن كان الدفاع هو الحلقة الأضعف .. كارفاليو ، خضيرة ، أوزيل .. ثلاثي أعطاء للفريق قوة وثقة وأستطاعوا أن يشكلوا مجموعة مميزة مع باقي نجوم الفريق .. مارسيلو يقدم مستويات مميزة هذا الموسم وبدأت أشعر بالأمان في الجهة اليسرى خاصة يدافع حسب إمكانياته ولا يلعب بالنار ..
جوزيه أحترمك بعد بورتو و أقتنعت فيك مع تشلسي و عشقتك مع الأنتر ويبدو أنك هنا مع الريال سأكون أحد مجانين وعشاق مدرستك التدريبية وفلسفتها ..
أروع عنوان لهـ المبارة صراحة .. زمـان عن مبارة بالهشكل .. زمان عن اداء قدام كبار اوروبا .. زمـان عن جنون برنابيو وقف من اول دقيقة الى اخرها وهو يصفق لـ نجومه .. والله ليلة رجعتنا 7 سنين ورا .. ليلة ذكرتنا بـ الزمن الجميل .. زمن السيـادة الأوروبيه .. زمن هيبة ملعب ’ الداخل مفقود والخارج مولود ‘
أول خطوة في الطريق الصحيح .. هذي الخطوة .. تستعيد ثقة فريق .. تستعيد هيبة ملعب .. تستعيد فوز على كبار اوروبا .. وفوز كان متبوع بسيطرة بالطول والعرض على الملعب .. وهذا الخطأ كنا دايم نطيح فيه .. العام مع بيللغريني وقبله مع شوستر وقبله وقبله .
ميلن سيء ؟! .. محد يختلف على هالكلام .. لكن وش اسباب سوء ميلن !! .. التركيز الكبير الي دخل فيه نجومنا للمتش مع تعليمات مورينيو بعزل لاعبينهم عن بعض وهذا الي سبب لهم مشاكل في خلق الفرص .. وصعوبة في الوصول بالكرة لـ نص ملعب الريال .. التمركز المجنون ونقل الهجمة المرتدة والسرعة مع المهاره كلها عوامل خلت ميلن يطلع سيء بدون شك .
افضل لاعب في المتش .. ممكن كلكم تقولون كريستيانو والله شفت مبـارة مش طبيعية لـ كريستيانو .. لكن بالنسبة لي افضل لاعب في المبارة هو ذا
الخمني يا خضيرة .. يالبى تونس واهلها الي طلعوا لنا لاعب بهالقيمة شي خيـال .. خبال .. جنان .. اكبر شي للخقه الي خقتها معه امس قولها خخخ .. شي مش طبيعي واللهي .. حرث الملعب مع تمركز وتحجير لـ الشغاله و غير ذباته للعيال قدام .. ما اقول الا الحمد لله الحمد لله ان جيرارد جلس في ليفربول .. ودي روسي مدفي الأولمبيكو .. وحنا معنا خضيرة
مبروك الفوز .. اول خطوة سويناها صح .. لو نعدي متش المياتزا بـ نتيجة حلوة بتكون انطلاقة بطولة بحول الله
قفلـة
نبيها سعـوديه
بـ التوفيق لـ الزعيم اليوم .. بحول الله يلزخون الشيعـه ويبردون كبودنا فيهم وبالتوفيق لـ الشباب الحين .. ولو انه مهزوم الحين .. لكن الله يفتح عليهم ويوفقهم
رونالدو يتخطى المعدل التهديفي لـ دي ستيفانو وراؤول وهوغو
كريستيانو رونالدو يسجل إسمة في تاريخ ريال مدريد كأفضل الهدافين , وتمكن رونالدو من تسجيل 40 هدافاً من 45 مباراة أي بمعدل 0،88 هدفاً في المبارة , متخطياً بذلك كُلاً من الأسطورة دي ستيفانو وراؤول وهوغو سانشيز .
وتمكن رونالدو هذا الموسم بالقميص رقم 7 من تسجيل سبعة أهداف , ستة في الدوري الأسباني و هدفاً في دوري أبطال أوربا , بالإضافة إلى 26 هدفاً في الموسم الماضي على مستوى الدوري (من 29 مباراة شارك فيها) ,وسبعة أهداف في دوري أبطال أوربا , بهذه الأرقام التي حققها رونالدو تخطى المعدل التهديفي لـ كلاً من دي ستيفانو (307 هدف في 403 مباراة رسمية ، بمعدل 0.76) و هوغو سانشيز ( 207 هدف في 283مباراة , بمعدل 0،73) وراؤول (326 هدف في 740 مباريات , بمعدل 0.44) .
ولم يتمكن رونالدو من التسجيل في بداية الموسم , إلا أنه في شهر أكتوبر تمكن من تسجيل هدفين أمام ديبورتيفو , و هدفان مع المنتخب البرتغالي , وهدف أمام ملقا , وهدف أمام الميلان , وبجموع 7 أهداف هذا الموسم و 40 هدفاً من خلال 45 مباراة بقميص ريال مدريد يصبح .
كان المدرب البرتغالي مورينيو مُحقاً عندما قال أن رونالدو , لايمس , بعد التعادل السلبي مع ليفانتي في الدوري المحلي , ولم يكن مورينيو يشك في أداء رونالدو , وهاهي الأرقام تثبت أن رونالدو بالمعدل التهديفي بات أفضل هداف في ريال مدريد .
الريال تقريباً ضمن التأهل فوز وحيد من الثلاث مباريات القادمه
كفيل أنه يأهلنا
بالنسبة لي المجموعه أصبحت مملة بما أن التأهل مضمون
الي أبيه أننا نواصل ع نفس المستوى و نجيب الـ 18 نقطه
وبـ " كلين شيت" وقتها أقدر أقول الريال سوا شىء
>> يحق لي مدريدي
تحجير
الي سواه سامي أمس يُدرس محور أصلي
لياقة / قوة بدنية / تمركز / تغطية دفاعية / مساندة هجومية
وش بقيت لغيرك
مستوعبين أنه مجلس الديارتين برى
كيف شفت البرنابيو يا كوتش !!!
// حلاقنا لعب بهم , وحلاقهم لعب بوجه رونالدينهو //
فوز معنوي كبير جداً و مفيد من نواحي عدة أهمها إعطاء ثقة للاعبين و للجماهير و إستعادة الهيبة أمام الفرق الكبير على البرنابيو...
الريال دخل المباراة متخلص من الضغط و بأريحية كبيرة و بتركيز عالي...
الهدفين المبكرين أزاحوا ما تبقى من ضغط على اللاعبين و أخرجوا الميلان من جو المباراة و ساهموا بدخول الريال في جو المباراة بشكل أسرع...
اللاعبين قدموا أداء ممتاز من أولهم لآخرهم لكن بإعتقادي أفضل لاعب بعد كرستيانو كان ألونسو ألونسو كان بلمسة وحدة يغير رتم المباراة و يغير إتجاه الكرة و يتلاعب بوسط الميلان ككل و لم يستطع لاعب من وسط الميلان التنبؤ بالمكان الذي ينوي ألونسو التمرير له...
أنبه على نقطة أنه يبقى مجرد فوز و 3 نقاط أمام فريق متهالك ما زال هناك عمل كبير على اللاعبين و المو و أهمها العمل على تقوية الدفاع أكثر و إستغلال الفرص بشكل أكبر و يجب أن لا يعمي هذا الفوز أعيننا على الأخطاء و العمل الذي مازال علينا القيام به...
"مسـاء المرينغـــــي والانتصار" * ان حـكـى غصـب عليـهم يسكـــتـون *
ابدأ كلامـــــي بجمله اللي كـان يرددهـا على سعيد الكعبي
الدون اه يالدون ابداع x ابداع ياشباب رونالدو امس عمل كل شي
شفناه بكل مكان وتحركاته كانت كثير ويسجل ويصنع وبعد يضيع
كريس امس يوجه رساله قوية اللهجه لكل منتقديه ولكل من شكك بقدرات ونجومية هاللاعب ( فديته )
بصــــراحه من زمان ماشفنا الملكي بأداء رجولي في اختبار حقيقي امس الكل كان يستحق الثناء من
القائد ايكر الى هيغوين ومابي احد يقول البيبيتا امس مالعب بالعكس شفناه يحاول بس مانجح
شفنا الكل قايم بدوره سواء هجوم –دفاع –وسط حتى ايكر اخرج كوره من بيرلو كان من الممكن تكون جول
ياشبااااااااب الملكــــــــــــي بخير طول ما لسبيشل ون موجود واتمنى الاستمرايه في الاداء المقنع والممتع
* شبااااب شفتوا لقطـــــــة اوزيل مع الحكم والله اني خفت من الحكم لا يطرد اوزيل بس الحمدلله عدت على خير *
سيكون الاساسي وبنزيما الاحتياطي. 
الوضع العادي
