ياسر 
1- دور ألونسو الخرافي هذا الموسم واللي أشوفه أفضل لاعب أشوف وقليل اللي تكلموا عنه واستغرب من اللي يقولون كارفالهو وهو ما تعرض لضغط كبير !!!
يا صاحبي تبيها على بلاطه
الونسو هو نفس الونسو الموسم الماضي بعد ما كرش بلقريني شرحيلي احتياط و عطاء قاقو الفرصه كان فيه تناغم بالوسط و شغل غير طبيعي و هذا الشي بيستمر باستمرار شرحيلي بالدكه
شرحيلي كان يخلي مساحه ما يعرف فيها الا ربك , تدارك بلقريني الموضوع وخلى مارسيلو محور ثالث يميل للجهه اليسار و شرحيلي باليمين
مارسيلو ____ الونسو____شرحيلي
و اتذكر قد تناقشت انا و سليم عن موضوع في الموسم الماضي و تطرقنا لهاذا الموضوع وقلت له شرحيلي سبب انخفاض مستواء قاقو اولا و الونسو اخيرا لانه بختصار زميلك بالمركز والمفروض تكونون تكملون بعض لكن شرحيلي ما فيه مخ ما يكمل لا الونسو ولا قاقو شرحيلي يبيله محور دفاعي صلب مثل ابو قاسم يعسكر قدام براحته 2- مستوى الريال بشكل عام من مباراة لمباراة ! وأفضل تشكيلة لعب فيها مورينهو .
المستواء للاسف متفاوت مره فوق ومره تحت تبيلهم وقت عشان يفهمون فكر المدرب او يفهم لهم المدرب
اما التشكيله موجوده و ممكن الاغلبيه متفقين عليها بالوقت الحالي
كاسياس - مارسيلو - بيبي - كارفا - راموس - الونسو - سامي - اوزيل - دي ماريا - كريس - ( البنز OR هيقوين )
لكن الشي اللي اشوفه مو نافع ابد انك تخلي كريس جناح , كريس كل ما قرب من المرماء كل ما زادة خطورته
و الصراحه كريس فقد شي من المراوغه اللي كانت عنده و يقدر ينسينا المراوغه بقربه للمرماء
3- كلنا نعرف إن دفاعنا ما واجه أي هجوم قوي حتى الآن تتوقع الدفاع بيصمد قدام هجوم
يتميز بالقوة الجسمانية والمراوغة والسرعة مثل هجوم " الميلان " .
الخطر من الاطراف و الله يستر
4- مارسيلو ومدى اقتناعكم فيه بالظهير الأيسر !
مارسيلو موهبه جباره و اثبت جدارته الموسم الماضي و كان عنده ادوار مزدوجه ( محور ثالث على اليسار + جناح ايسر ) بهدل فرق الليقا
اشوف انه في تحسن مستمر بس يعيبه اشياء دفاعيه و ابرزها تغطيت الاوفرات
هذا هدف اشبيليا الموسم الماضي كان بيخش فينا مثله قدام الدبيور بس فكنا الله
5- قتال اللاعبين على اللعب واللعب بحماس وشكل رجولي أكبر بكثير من الموسم الماضي !
هذا الشي يعتمد على المدرب و طريقة في التعامل مع اللاعبين و شحنهم معنويا قبل المباره و حدت التنافس على المركز الاساسي بالفريق
6- معدل الجري العالي لمحاورنا في المباريات وتغطيتهم لقلوب الدفاع بشكل كبير !
7- تصرف مورينهو مع بيدرو ليون وتصريحه إنه مجرد لاعب بخيتافي وليس زيدان أو ماردونا << موضوع مهم !
ليون على كلام الصحافه و فهمي للموضوع
الشي الاول
ان مورينهو بلغه انه بيلعب مباره اساسي و الرجال راح في التدريب يبشر اخوياه
انتشر الموضوع زعل عليه مورينهو و استبعد هذا من ابسط حقوقه
الشي الثاني
اللي تطرقت له الصحافه انه استشار مدربه القديم
ليه ابي افهم يعني مو مالي عينه مورينهو ؟؟؟؟؟؟
و اللي زاد الموضوع ان اللاعب اسباني ( قامت فيهم الحميه ) و فيه كم صحفي نشبو لـ مورينهو بالمؤتمر كل شوي ليون ليون كان ما جابت الملاعب الا هو طفش مورينهو منهم و قام يزبد
و بالنهايه اللاعب غلطان و مورينهو زبد اكثر من اللازم
8- روزنامة المباريات القادمة للملوك وتوقعكم لهالموسم بعد مشاهدة 13 مباراة مع مورينهو منها 5 وديات .
مدربنا مورينهو = على قولة اخوننا المصريين
حط في بطنك بطيخه صيفي
9- الدوري الاسباني هالموسم وصحوة فالنسيا وفياريال وتشكيلة أتليتكو المرعبة وإزعاج اشبيلية تتوقعون بيستمر وإلا مجرد بداية؟
وسع صدرك هم مالهم بالمنافسه
المنافسه شبه محصوره بين الريال و البرشا
بس هذا الشي ما يمنع انهم يبون يثبتون انفسهم بالدوري و يبغون ياخذون اكبر عدد من النقاط من المرشحين
10- مدى رضاك عن احتياط الفريق وترتيبك لأهمية اللاعبين بالاحتياط
في حال رجعو المصابين بكون اسعد انسان بس حاليا للاسف الحتياط ما يجمل خصوصا في مركز صانع الالعاب و الدفاع
اعذروني على الاطاله و اتمنى ان كل واحد يدلو بدلوه في النقاش هذا لارجاع الرابطه كما كانت وكما نتمنى 
لكم 
أجل من اللي براسه كورة؟
. 
) بيكون هو الخيار الاخير لـ مورينهو 
عيني عينك !
الوضع العادي
