مبروك الفوز والعرض الحلو والممتع جدا بالامس...
للأمانه ماكنت متفائل بالمباراه ولا في مستوى الفريق...ممكن نفوز لكن بالقوه..
فـ لو ننظر للفريق من جميع النواحي ماراح نجد شيء يخلينا متأكدين من الفوز أو تقديم مستوى مبهر..
وبصراحه الى الان أنا متفاجئ من مستوى الامس ومو مصدق ابدا اللي صار..
في مباراة اوساسونا قلت يمكن لأن الخصم ظهر بمستوى ضعيف غير معروف عنه..
لكن معقول نقول اياكس حتى قدم مستوى ضعيف جدا لذلك رأينا الريال كما رأيناه بالامس..؟
عن نفسي ماتوقعت ابدا نصل لمرحلة الون تو والوصول للمرمى بكل سهوله في غضون شهر او أقل..!
توقعت تخبيص موطبيعي من الفريق ومن مورينهو حتى نثبت على تشكيله واسماء معينه
والاعتماد على فرديات رونالدو واهداف هيغواين للفوز من مباراه الى اخرى...
وهذا مو تشائم مني بقدر ما هو توقع مبني على بدايات مورينهو مع الانتر و تشيلسي..
مورينهو وقتها تنقل بين خطط كثيره متعدده حتى استقر على خطه وتكتيك ناجح...
هل نقدر نقول إن مورينهو جت معه من اول محاوله وراح يستقر على هذه الخطه وهذا التكتيك..؟
ممكن...لكن مع الوقت راح يبان كل شيء أكثر وأكثر...
أهم نقطه من بمرااة الامس ومباراة اوساسونا واللي كنا نتأمل إنها تصير في الريال
إنه الوسط اصبح اقوى وقادر على استرجاع الكره والاحتفاظ بها بشكل اكبر من قبل...
من غير ما أتطرق للدفاع وصلابته...لكن اغلبنا كان يطالب بـ لاعب مثل شفانشتايغر عشان يعطي الوسط قوه اكبر
ونستطيع وقتها الاحتفاظ بالكره والتحكم بسير المباراه... الوسط وقوته منع تقدم اياكس كثيرا للامام
وخفف عن الدفاع من ناحية الهجمات من الخصم...مسك الكوره وامتلك الملعب..شيء كنا نطالب فيه
وكنا نعاني منه في الموسم الماضي والحمدلله الان نمتلك وسط قوي جدا لأول مره من فتره طويله وطويله جدا...
"
سأقلق عندما يخلق الفريق فرصتين فقط , أو عندما يكون كاسياس أفضل لاعب في المباراة"
عدنا وزدنا فيها يا مورينهو لكن لا حياة لمن تنادي..
قلنا سابقا أهم شيء الطريق للمرمى يكون واضح..مو مشكله الضييع أمرها هين و حلها بسيط جدا..
لكن التكتيك المتبع للوصول للمرمى هو الاهم, تعرف توصل المرمى حلو..مابقي غير لمسه واحده..
فـ كيف نقول ان ضياع الفرصه مشكله كبيره ومدري كيف وهي في النهايه راس مالها لمسه واحده!
ومانتفائل ونقدر العمل خلال الـ 29 لمسه اللي قبلها..؟ فكروا فيها شويه..
ضياع الهجمات اما يكون بسبب عدم توفيق أو حظ أو ارتباك او خوف أو...أو...أو...
في النهايه لو سجل مثلا رونالدو هدف..خلاص المشكله راح تختفي وتقل بشكل ملحوظ..
فـ هي في النهايه مثل ماقال الرود زي الكاتشب...أو مثالي المفضل "
السبحه"...
انفكت حبه..الباقي وراها على طول..
الدفاع مطمئن جدا..ولو إني مثل ماقلت الوسط ريح الدفاع كثير..لكن في الهجمات القليله اللي شفناها
الدفاع كان يحمي كاسياس بشكل رائع..وماتعرض ايكر الا لـ كوره وحده خطيره وكـ عادته يبدع بطريقته في التصدي لها..
مارسيلو لازم له قبله على مستواه بالامس.. و كان قد رهاني عليه بداية الموسم
هجوميا بصراحه ماقد شفته كذا ابدا..! حتى في عز مستواه الموسم الماضي ماسوى اللي سواه بالامس!
واضح إن تعليمات مورينهو لـ مارسيلو إنه يتقدم ويكسر للعمق..وهو شيء مو متوقع ابدا من ظهير ايسر أو ايمن حتى!
لذلك كنا نشوف دفاع الخصم ينتظر من مارسيلو التقدم على الاطراف او توزيع الكره للعمق... لكن إنه بنفسه
يروح للعمق الله يهديه هالبرازيلي فصل فيوزات مدافعي اياكس...
لن أتكلم عن انتدابات مورينهو مثل اوزيل وخضيره و دي ماريا...فـ شي متوقع منهم مستواهم الرائع بالامس
لأن مورينهو اختارهم بنفسه..لكن المهم التغيير الحاصل على بقية اللاعبين...
كريس كان رائع بالامس..نعم رائع وستين رائع كمان... مو ذنبه إن مو مكتوب له يسجل امس!
حتى لو كان بينه وبين المرمى خطوتين مثل كرة هيغواين اللي عرضها ! الهدف مو مكتوب له..انتهى..
لكن مايمنع إنه اصر بعض الاحيان الا والا يسجل..بعض التسديدات ماكان لها داعي ابدا
وكان من الافضل التمرير للاعب اخر..
كريس راح يعود...غيرته راح تساعده..ومثل ماقال زاهر بالضبط على اخر خمس دقايق في مباراة الامس
ماراح اضيع وقتي وأكتب 30 سطر في هيغواين وكيف رد على المنتقدين و من هالامور..
لكن مثل ماقلت سابقا..
هيغواين يرد بنفسه..ولا هو محتاجني أنا أو غيري لـ يدافع عنه..
الفريق ماشي على الطريق السليم...مورينهو بدأ بـ الدفاع وتركيزه عليه..
تكتيك الدفاع مهم جدا..تأمين الخلف يساعد على اعطاء لـ بقية الخطوط, عندك جدار متين
ماراح يقلق الوسط ولا الهجوم كثيرا..راح يكونمتمهل وغير مستعجل ابدا في التسجيل
مادام إن وراه خط دفاعي صلب يمنع الاهداف..
مورينهو بدأ بالدفاع من مباريات مثل مبارتنا امام البايرن...اذا خلص من الدفاع..
الوسط والهجوم امرهم سهل ..لكن الاهم إنه يعرف الفريق : كل كيف يدافع ويسترجع كرات..
ولمسة مورينهو واضحه في الفريق وهو اللي مفاجئني جدا...بـ هالسرعه وصلنا لمرحلة امتلاك الوسط
واللمسات والخط الدفاعي القوي...! معقول..؟ شيء الى الان مو داخل مزاجي ابدا...وممكن مباراه قويه
راح تأكد لي صحة هالكلام أو لا...
فكره جاتني بالضبط على نشيد دوري الابطال قبل انطلاق المباراه بدقائق..
وما أدري هل ممكن تكون صحيحه..ولا عقلي بدأ يتخيل لي اشياء...
شوفوا الفكره..
ارضية الملعب السيئه..
اللي نعرفه انها من مباراة اوساسونا....لكن ارضيه مثل هذه وبحالتها هذه اتوقع انها كذا من قبل بداية الدوري حتى
السؤال الاول
هل معقول مدة أكثر من اسبوع غير كافيه لـ تغيير ارضية ملعب...؟
طيب ...متعودين من مواسم كثيره إذا كانت الارضيه تعبانه راح نشوف اللاعبين يشتكوا بشكل مكثف منها...
تصريح من هنا وهناك مطالبين بتغيير الارضيه...وغالبا ماتكون ارضية الملعب حالتها أفضل بكثير من حالتها الان..
السؤال الثاني
فين هالتصاريح ماشفناها حتى الان..؟
ممكن إنكم مو فاهمين ايش بوصل له أنا حتى الان..لكن يجيكم العلم لا تستعجلوا..
معلومه قديمه ما ادري تعرفوها ولا لأ....مورينهو كان على ايامه مع تشيلسي يجعل اللاعبين يلعبون تحت ظروف
متعدده...مره يأمر بـ رش الملعب بالماء قبل المباراه..ومره يصر على الارضيه المتهالكه لـ ملعب الستامفورد..
وكل هذا عشان اللاعبين يتعودوا على اللعب في جميع الظروف...
السؤال الواضح
هل نقدر نقول إن ارضية الملعب السيئه الان هيا من مورينهو..وجعل الارضيه مثل ماهي ولم يغيرها..؟
علما إنه كان ممكن يقدر يغيرها في بداية الموسم لأن أول مباراه كانت خارج الارض... ولديه اسبوع وأكثر على
تغيير الارضيه..
ممكن نقول طريقه يعود فيها اللاعبين على اللعب على اراضي متهالكه نسبة الى ملاعب الليغا اللي ارضيتها خياليه جدا
لأننا لو نشوف على مدار الموسم الماضي واللي قبله ارضيات في ملاعب الفرق المتوسطه والصغيره في الليغا
ارضيات متهالكه...واللاعبين وقتها كانوا يعانوا من ارضيات مثل هذه...
لا أدري صراحه...هيا فكره اتتني وممكن تكونن صحيحه..وممكن تكون فقط كسل من المسؤول في البيرنابو..
لكن تعودنا من مورينهو طرق وأمور غريبه و عجيبه على مدار مسيرته....