ماعليه ابو اصيل زرفتك فيها شوي

بدايه سيئه مافيها كلام .. لكن مش معناتها ان الموسم انتهى .. او ان هيغواين و بنزيما و كريس ما ينفعون يلعبون بمدريد .. او ان مورينيو دمر ام الفريق اليوم .. شيء متوقع وانا شخصياً متوقع التعثر قدام مايوركا من ردي امس .. لآنه امر طبيعي فريق بعناصر جديدة ومدرب وفكر جديد يفرض اسلوبه ويحقق الفوز بسهوله قدام فريق قدم موسم خالع العام الماضي وكان الرابع في الليغا والمفروض يشارك في التشامبينز ليغ .

لو بنرجع لسجل موري مثل ما سوُ العيال .. بنشوفه تعادل العام و قبل العام في الجولة الأولى مع الأنتر في الكالتشيو .. لكن المحصله النهائيه وش ؟! .. اسكوديتو في الجيب ومالك كلمة الا انك اخر السنة ترفع الدرع وتفرح به مع الجمهور .. الكلام طبعاً مش قاعدة .. بس شي يدعو لـ التفاؤل لا اكثر .. انا بعد عندي شي يدعو لـ التفاؤل



أول مبارة لـ مدريد في الليغا موسم 2006/2007 .. قدام فياريال على البرنابيو .. المحصلة تعادل 0-0 وخيبة امل كبيرة من الجماهير وسخط على أسطورة التدريب الحيه فابيو كابيلو .. رغم هالبدايه السيئه الي بديتها على ملعبك الا انهم رجعوا وحققوا الليغا في اخر جولة .. وهذا الي مخليني اتفائل فيها شوي .. بدايه كابيلو معنا كانت بتعادل وهو اخر مدرب كبير مسك الفريق قبل مورينيو .. والآن مورينيو يمر بنفس الحالة ويتعادل مع مايوركا .. نقول ان شاء الله انها خيره ونحتفل في نهاية الموسم بـ درع الليغا .



المتش بشكل عام ما كان سيء .. النتيجة السيئه هي الي اثرت علينا عشان نحكم على مستوى الفريق .. بصراحة كنا قادرين اننا نحقق الفوز وبسهوله لو وقف معانا الحظ شويه واستغلوا المهاجمين فرصه وحدة على الأقل .. مايوركا ما كان مقفل الملعب بالعكس كان ملعبه مفتوح ويهاجم وممكن هدد مرمانا بكم كورة لو تصرفوا فيها صح ممكن يسجلوا .. بنفس الوقت قدرنا نخلق فرص بالهبل واكثر من فرصه هدف محقق لكن رعونة هيغواين و رونالدو و بنزيما ضيعت النتيجة مننا .. تتوقعون لو سجلنا هدف واحد بنشوف هالموشحات !!



اليوم تطمنت كثير على مستوى الدكة الي عندنا .. الثلاثه الي دخلوا غيروا شكل الفريق ولو اني ما كنت اتمنى يدخل خضيرة في هالتوقيت لأننا بحاجة لـ دعم هجومي اكبر لكن لخمني بكم كورة ومسانده هجومية مجنونه وكان بيسجل لو توفق في ضربة الرأس .. اوزيل .. مجنوووون هالولد يا عيال .. لمسة بلمسه وتغير مراكز بسلاسه غير الثروات المجنونه .. أعجبتني كثير تحركاته العرضيه بالكورة ومساندته لـ مارسيلو و لاسانا .. المباريات الجايه لازم يكون اساسي بدل كناليس عشان يعطي الفريق اضافة اكثر ويخلصوا المهمه من بدري .. الي من جد استغربته بيدرو ليون ؟! ليه موري ما اعتمد عليه كـ بديل ثالث !! .. لما شفت خضيرة توقعت انه بيسحب اربيلوا من الباك وينزل لاس مكانه لكن الي كان ممكن يحل لنا المشكلة احسن هو بيدرو لما ينزل بدل لاس ويفتح جبهه جديده على اليمين الي تعتبر ميته لما يكون رونالدو على الجناح الثاني .

بالعموم المستوى ما كان مقنع .. بنفس الوقت ما كان سيء .. علامه جيدة لـ فريق مورينيو كـ اداء ونتيجة سيئه كـ بدايه لـ الدوري .. المباريات كثيرة و الدوري لسى طوييييل واكيد خسارة نقطتين ما تعني نهاية المطاف .. بالتوفيق لـ مدريد بقادم الأيام .. والله يصبرنا على ايام الفيفا الهم هذي .

بداية سيئة جداً لـ مدريد وكعادة الجـار فرحتهم تساوي بطولة ما علينا منهم الحين من جـد الحين حواق مو طبيعي اليوم لو فيه تركيز كان ما شفنا
هالشيء اللي شفناه اليوم من كل اللاعبين احملهم مسؤولية الخسارة , وبالذات هيجوين والدون رونالدو شفنا تضييع ربك يستر من جد يقهر الواحد يرد !
وفيه حاجة اخرى شفنا اليوم تكسير من ذا الفريق الخـصم وحركات استفزاز واضحة يقصدون فيها الدون ورفع ضغطنا حنا الجمهور والمتابعين لمدريد !

بداية صراحة متوقعة جداً لكنها حزينة صراحة وما تمنيتها ابدا لكن الشكوى لله تعادل الـمو مع فريقه السابق بأول جـولة يبعث التفاؤل نقـول يارب
عجبني بالمباراة اخر المباراة كان هناك ضغط وتحسر بالفريق لكن يستاهل صراحة سجل بالبداية وريح وانتـهينا لكن عيالنا اليوم بغوها بـ الختام لكن
ما الله اراد تعادل يخلي اللاعبين يصحون من البرود والشـرود الذهني لكننا نشوف حاجة ثانية ايضاً , تضييع وتضييع للحين ما استفدنا من أمور
من أمور الموسم الماضي من أخطاء لكن بإذن المولى متفائل وبقوة

تمنييت دي ماريا ما يطلع تدرون ليش بوجوده راح نشوف اختراقات وفتـح ثغرات حتى لو شفنا منه أداء سيء لكن الفريق بمجمله كان سيء ولا يلام
اللاعب فيها , وفيه حاجة ثانية بيدرو ليون توقعته اليوم يدخل , لكن المو فاجئنا وأشرك خضيره اللي المفروض يشركه من بداية اللقاء لأن لاعبين
الخصم يبيلهم واحد دفش وبمهارة يعني بدون اخطاء مو مثل لاس اذا عدت الكورة اللاعب ما يتعدى , صار الحكم بكل احتكاك للاس يحسب عليه فاول
صرت اشوف ببعض الأحيان لاس يرتكب اخطاء ما تستحق ابداً لكن الحكم لا يلام , لاس أعطى للحكم تلميح بهالشيء خضيره عكسه تماماً يعرف كيف
يقطع الكورة من الخصم ويعرف كيف يستخدم قوته من دون اخطاء وهذا المطلوب من اللاعب المفترض , لكن عجبني وضع لاس كظهير يقفل لك الخانة
بالكامل وحتى لو ارتكب أخطاء تكون ع الأطراف وماهي خطرة مثلاً لو صارت بالمنتصف لأننا نعاني من الركلات الحرة القريبة من المرمى بصراحة !

وكالعادة .. في كل رد حبينا نعطيكم صورة متحركة جديدة من اخراجي لكن حفظاً للحقوق مصمم الفيديو S G وموجود بالشبكة .. جميع الحقوق محفوظة !

ايه صح نسيت اقولكم .. مبروك عليكم الـ 3000 مشاركة وعقبال الـ 50 الف مشاركة يارب ومبروك عليكم الـ 200 صفحة ايضاً !!
ومبروك مقدماً الـ 300,000 ألف مشاهدة لا توقف عيال !!