"
"

سلام عليكم ..
هاردلك للجميع الخروج المُر .. وعلى الرغم من مرارته الا اني اعتبره خروج مُشرّف بكُل امانه ..
توّي صاحي باخش خشه بسيطه جداً قبل بداية المباراة ..


اشوف الكل يتكلم عن الاظهره !!
وانه لازم ندعم الانتقالات بلاعبين اظهره !! شيء مُستغرب بكُل امانه .. يعني عندك :



طخيمان طبعاً ماسك اليمين ما فيه كلام ..




كديشان ..
اهم لاعب بالفريق تقريباً هالموسم ، بدور الستطعش اهم من فك العقده ، وبدور نصف النهائي كان له الفضل بطرد كراوتش ونقطة التحول بمباراة الذهاب ، بمباراة الكاس كان له دور كبير خاصةً بالهدف ، بكلاسيكو الدوري كان له دور كبير بالهدف برضه ، بنصف النهائي سجل ..

باختصار ..
لاعب مُهم جداً ، مُميز هجومياً والارقام البسيطه اللي كتبتها تحكم .. ودفاعياً تميّز بشكل كبير وابدع ضد برشلونه وميلان وتوتنهام وانديه كبيره ، مورينهو غيره تغيير جذري من الناحيه الدفاعيه ..
ومن الناحيه الهجوميه .. كان مميّز جداً ، وايضاً مورينهو زاد تميزه ..




خبيثان ..
الرجال ، اخبث واذكى لاعب تقريباً شفته .. مميز جداً دفاعياً ومُمكن افضل من راموس ، لاعب وصخ ويعرف شلون يصير وصخ .. يعني وصخ بذكاء ..

مميز جداً .. العبه اساسي وانا مغمض ..
مبدع جداً دفاعياً ، وهالموسم تميز كثير مع مورينهو .. لاعب يؤدي دوره 100% وهو احتياطي .. ولاعب تستفيد كبير من خُبثه الكروي واجادته للضرب من تحت الحزام ..

حرام نجيب ظهير زياده ..
ونظلم مرسيلو المُبدع جداً واللي اعتبره من افضل اظهرة العالم " اليسار " هذا الموسم ، او نظلم اربيلوا اللي اعتبره افضل ظهير احتياطي في العالم لاعب احتياطي ويقدم دوره الدفاعي على اكمل وجه ، ويقدم مسانده هجوميه لا باس بها ، وفوق هذا خبيث ، وش احسن من كذا ؟

* طبعاً راموس ما راح اجيب طاريه .. لان طرزان لا يُمس ..


اخر شيء ..
ما اتوقع اننا بحاجة اظهره ابداً .. خاصةً الظهير اليسار .. مُمكن نحتاج ظهير يمين ونرجع راموس قلب ونقدم بيبي محور ، هذا شيء آخر !!

وكونوا بخير ..